ಪ್ರಕಾಶಿತ್ 13:3 - ದೇವ್ನಿ ಖ್ಹಾಚಿ ವಚನ್

³ ಜಾನ್ವರ್‌ನ ಏಕ್‌ ಮುಡ್‌ಕ್ಯು ಘಾವ್‌ಹುಯಿನ್ ಮರ‍್ವನಿತರ ದೆಖವ್‌ಕರ್ತುಥು. ಯೊ ಮರಣ್ಣೊ ಘಾವ್ ಅಛ್ಛು಼ ಹುಯಿಗು, ಧರ್ತಿನ ಜಗತ್‌ನು ಅದ್ಮಿಖ್ಹಾರು ಯೊ ಜಾನ್ವರ್‌ನ ದೇಖಿನ್ ಆಶ್ಚರ್ಯ ಕರ‍್ಯು.

ಪ್ರಕಾಶಿತ್ 13:3 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:1

ಯೋ ದನೂಮ ಕೈಸರ್ ಅಗಸ್ಟಸ್‌ನೆ ರೋಮ್‍ನು ರಾಜ಼್‌ಭಾರ್‌ ಚಾ಼ಲುಕರಾಸ್ತೆ ಖ್ಹಾರಾಸ್ ದೇಖ್ಹ್‌ಮ ಅದ್ಮಿಖ್ಹಾರಾನಿ ಗಣ್ತಿ ಹೋಣುಕರಿ ಹುಕುಮ್ ದಿದೊ.

ಯೋಹಾನ 12:19

ತದೆ ಫರಿಸಾಯರ್‌ವಾಳು ಏಕ್‌ಥಿ-ಏಕ್‌, “ಹಂದೇಖೊ, ಅಪ್ಣೊ ಹಾತ್‌ ಶಾತ್ಬಿ ಕರಾನ ಕೋ ಹೂಕರಾನಿ! ಆ ಜಗತ್‌ನು ಖ್ಹಾರು ಅದ್ಮಿ ಇನ ಪೀಠೆ ಒಳ್ಯುಜಾ಼ಸ್!” ಕರಿ ಬೋಲಿಲಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:13

ತದೆ ಸೀಮೋನ್ನೇಬಿ ವಿಶ್ವಾಸ್‍ಕರಿನ್ ಬ್ಯಾಪ್ತಿಸ್ಮ ಕರೈಲೀನ್ ಅಜು಼ ಫಿಲಿಪ್ಫನಿ ಜೋ಼ಡ್ಮ ಕದೇಬಿ ರ‍್ಹೀನ್ ಯೋ ಕರಾತೆ ಅದ್ಭುತ್‌ ಕಾಮ್ನ ಅಜು಼ ಖ್ಹಣೇದ್ನ ಕಾಮ್ನ ದೇಖಿನ್ ಆಶ್ಚರ್ಯ ಹೋತೊಥೊ.

ಪ್ರಕಾಶಿತ್ 13:12

ಆ ಜಾನ್ವರ್‌ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಇನಿ ಅಖ್ಖೀಸ್ ಅದಿಕಾರ್‌ನ ಚ಼ಲೈನ್, ಮರಣ್ಣೊಘಾವ್ ಗುಣ್‌ಹುಯುತೆ ಪಹಿಲ ಜಾನ್ವರ್‌ನ ಜ಼ಮೀನ್‌ಪರ್ ರ‍್ಹವಾಳು ಇನ ಆರಾದನೆ ಕರಾನಿಘೋಣಿ ಕರ‍್ಯು.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 17:10

ಅತ್ರೇಸ್ ಕಾಹೆತೆ ಇವ್ಣಾಮ ಪಾಚ಼್ ರಾಜ಼ ಪಡಿಗಯ. ಏಕ್‌ ರಾಜ಼ ಹಮ್ಕೆ ಚ಼ಲವ್‍ಕರಸ್. ಅಜೇಕ್‌ಜ಼ಣೊ ಬಿಜೂ಼ಬಿ ಆಯೊಕೊಯ್ನಿ. ಯೊ ಆಯೋತೊ ಥೋಡ ಹಗಾಮ್ ಖಲಿ ರಾಜ಼್ ಚ಼ಲಾವ್‌ಷೆ.

ಪ್ರಕಾಶಿತ್ 17:11

ಆನಾಹುಯಿನ್ ಪಹಿಲೆ ರ‍್ಹೀನ್ ಹಮ್ಕೆ ಕೊಂತೆ ಯೊ ಜಾನ್ವರ್‌ ಯೋಸ್ ಆಟ್ನೊ ರಾಜ಼. ಕತೋಬಿ ಯೊ ಹುಯಿರ‍್ಹೋತೆ ಯೋ ಖ್ಹಾತ್ ರಾಜಾ಼ವ್ಮ ಏಕ್ಜ಼ಣೊ ಹುಯಿರ‍್ಹೋಸ್, ಯೊ ನಾಶ್‌ಭಣಿ ಜಾ಼ಶೆ.

ಪ್ರಕಾಶಿತ್ 17:13

ಇವ್ಣೆ ಎಕ್ಕಸ್ ದಿಲ್‌ವಾಳ ಹುಯಿನ್ ಇವ್ಣಿ ತಾಖತ್ನಾಬಿ ಅದಿಕಾರ್‌ನ ಜಾನ್ವರ್‌ನ ದಿಶೆ.

ಪ್ರಕಾಶಿತ್ 17:17

ಶನಕತೊ ದೇವ್ನೆ ಇನಿ ವಚನ್ನ ಚ಼ಲಾವ್ಣು ಕರೀಬಿ, ಇನಿ ಮರ್ಜಿನ ಇವ್ಣೆ ಚ಼ಲಾವನಿ ಘೋಣಿಬಿ ಎಕ್ಕಸ್ ದಿಲ್‌ವಾಳಹುಯಿನ್ ಇವ್ಣಿ ಅದಿಕಾರ್‌ನ ಜಾನ್ವರ್‌ನ ದ್ಯವಾನಾಬಿ ಯೋ ಅಖ್ಖಾನ ಮನ್‌ಮ ಮಿಛಾ಼ಣ್ಯೊಥೊ.

ಪ್ರಕಾಶಿತ್ 17:6

ಯೋ ತಯೇಡ ನೀತಿವಾಳನ ಲ್ಹೋಯಿನ ಅಜು಼ ಯೇಸುನ ಖ್ಹಾಜೆ ಸಾಕ್ಷಿದೀನ್ ಮರ‍್ಯಹುಯಾನ ಲ್ಹೋಯಿನ ಪೀನ್ ಕಯೇಪ್ ಹುಯಿರ‍್ಹವಾಳಿನ ದೇಖ್ಯೊ. ಮೇ ಇನ ದೇಖಿನ್ ಘಣು ಆಶ್ಚರ್ಯ ಹುಯೊ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.