ಪ್ರಕಾಶಿತ್ 13:2 - ದೇವ್ನಿ ಖ್ಹಾಚಿ ವಚನ್

² ಮೇ ದೇಖ್ಯೋತೆ ಜಾನ್ವರ್‌ ಅದೋಗಾನಿತರಾಬಿ ಇನ ಗೋಡ ರೀಚ಼್‌ನ ಗೋಡಾನಿಘೋಣಿಬಿ ಥು. ಇನು ಬಾಕು ಶುಂಭಾನ ಡಾಚ಼ನಿತರಾಬಿ ಥು. ಅರ್ಝ಼ನ ಇನ ಶಕತ್‌ಬಿ, ಸಿಂಹಾಸನ್‌ಬಿ, ಮೋಟಿ ಅದಿಕಾರ್‌ನ ದಿದು.

ಪ್ರಕಾಶಿತ್ 13:2 Iomraidhean Croise

2 ತಿಮೊ 4:17

ಕತೋಬಿ ಪ್ರಭುನೆ ಮಾರ ಜೋ಼ಡೆಸ್ ರ‍್ಹೀನ್, ಮನ ಭಾಲಿದಿದೊ. ಅಜು಼ ಮೇ ಪರೈಜಾ಼ತ್‌ವಾಳು ಖ್ಹಾರು ಪೂರಿ ತರಿಕಾಥಿ ಖ್ಹಮ್‌ಜಾ಼ನಿಮತ್ ದೇವ್ನಿ ಸುವಾರ್ತೆನ ಬೋಲಾನಿಘೋಣಿ ಕರ‍್ಯೊ. ಎತ್ರೇಸ್ ಕಾಹೆತೆ ಇನೆ ಮನ ಶುಂಭಾನ ಮ್ಹೋಡಮಾಥು ಛೋ಼ಡಾಯೊ.

1 ಪೇತ್ರ 5:8

ಅಛ್ಛಿಖ್ಹೂಜ಼್‌ವಾಳನ ಹುಯಿ‍ರ‍್ಹೆವೊ ಅಜು಼ ಜ಼ತನ್‌ಥಿ ರ‍್ಹವೊ. ತುಮಾರೊ ವಿರೋದಿ ಹುಯಿರ‍್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.

ಪ್ರಕಾಶಿತ್ 12:13

ಅರ್ಝ಼ ಇನುಯೋ ಜ಼ಮೀನ್‌ಪರ್ ಧಕೈಲೈನ್‌ ಪಡಿರ‍್ಹಾವನು ಪರ್ಖಿಲಿನ್, ಪರ್ಖ್ಹೊ ಲಡ್ಕು ಜ಼ಣೀತೆ ತಯೇಡನ ಖ್ಹತಾವನಖ್ಹಾಜೆ ರಪೇಟಿನ್‌ ಗಯು.

ಪ್ರಕಾಶಿತ್ 12:15

ಅರ್ಝ಼ ಯೊ ತಯೇಡಾನ ವ್ಹವಾಡಿಲಿನ್ ಜಾ಼ವ್ಣುಕರಿ ಇನ ಪೀಠೆ ನದ್ದಿನಿತರ ಬಾಕಾಮಾಥು ಪಾಣಿನ ಉಡಾಯು.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:12

ಆ ಜಾನ್ವರ್‌ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಇನಿ ಅಖ್ಖೀಸ್ ಅದಿಕಾರ್‌ನ ಚ಼ಲೈನ್, ಮರಣ್ಣೊಘಾವ್ ಗುಣ್‌ಹುಯುತೆ ಪಹಿಲ ಜಾನ್ವರ್‌ನ ಜ಼ಮೀನ್‌ಪರ್ ರ‍್ಹವಾಳು ಇನ ಆರಾದನೆ ಕರಾನಿಘೋಣಿ ಕರ‍್ಯು.

ಪ್ರಕಾಶಿತ್ 13:4

ಅರ್ಝ಼ನ ಯೊ ಜಾನ್ವರ್‌ನ ಅದಿಕಾರ್ ದಿರಾಖ್ಯೊತೆಖ್ಹಾಜೆ ಇವ್ಣೆ ಯೊ ಅರ್ಝ಼ನ ಆರಾದನೆಕರ‍್ಯು. ಅಜು಼ ಇವ್ಣೆ “ಯೋ ಜಾನ್ವರ್‌ನಾಬಿ ಅರಾದನೆ ಕರೀನ್, ಆ ಜಾನ್ವರ್‌ನ ಬರೋಬರಿ ಕೋಣ್ ಛಾ಼? ಅನ ವಿರೋದ್ ಜಂಗ್ ಭಿಡಾನ ಕೋಣ್ ಶಕತ್‌ವಾಳು? ಕರಿ ಬೋಲ್ಯು.

ಪ್ರಕಾಶಿತ್ 16:10

ಪಾಚ಼್ನೊ ದೇವ್ನ ದೂತಾನೆ ಇನ ಕಟೋರಮ ಥೂತೆಯಿನ ಜಾನ್ವರ್‌ನಿ ಸಿಂಹಾಸನ್‌ಪರ್ ರಂಚಾ಼ಖ್ಹತರ್ ಇನು ರಾಜ್ಯ ಅಖ್ಖು ಅಂಧಾರುಹುಯು. ಅದ್ಮಿಖ್ಹಾರು ಅಜಾ಼ಥಿ ದಾತ್ಮ ಜೀಬ್ ಧರಿಲೀನ್,

ಪ್ರಕಾಶಿತ್ 17:12

ತುಮೆ ದೇಖ್ಯಾತೆ ಯೋ ದಖ್ಹ್‌ ಶಿಂಗ್ಡಾಖ್ಹಾರು ಬಿಜೂ಼ಬಿ ರಾಜ಼್ ಲೀರಾಖ್ಯುಕೊಂತೆ ದಖ್ಹ್‌ ರಾಜ಼ವ್‌ಖ್ಹಾರು ಹುಯಿರಾಸ್. ಕತೋಬಿ ಯೋ ಖ್ಹಾರು ಜಾನ್ವರ್‌ನಿ ಜೋ಼ಡ್ಮ ಏಕ್‌ ಘಂಟಾಲಗು ರಾಜ್ಯ ಚ಼ಲಾವನ ಇವ್ಣೆ ಅದಿಕಾರ್ ಲಿಶೆ.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.

ಪ್ರಕಾಶಿತ್ 2:13

ತೂ ಜಿವ್ಣುಕರುಕರಾತೆ ಝ಼ಗೊ ಮಾಲುಮ್ ಕರಿರಾಖ್ಯೊಸ್, ಯೋ ಶೈತಾನ್ನು ಸಿಂಹಾಸನ್ನು ಝ಼ಗೊ ಹುಯಿರ‍್ಹುಸ್. ತೂ ಮಾರ ನಾಮ್ನ ಘಟ್‍ಥಿ ಧರಿರಾಖ್ಯೊಸ್. ಶೈತಾನ್ನು ಘರ್ ಹುಯಿರ‍್ಹೂತೆ ತಾರ ಖ್ಹಯೇರ್‌ಮ ಮನ ವಿಶ್ವಾಸ್‌ವಾಳೊ ಸಾಕ್ಷಿ ಹುಯಿರೊಥೋತೆ ಅಂತಿಪ ಮರೈಜಾ಼ವನಿ ವಖ್ಹ್‌ತೆಬಿ ಮಾರಾಮ ಮಿಛಾ಼ಣ್ಯೊಥೊತೆ ವಿಶ್ವಾಸ್ ಧಖೆಲ್ಯೊಕೊಯ್ನಿ.

ಪ್ರಕಾಶಿತ್ 20:2

ಯೋ ದೇವ್ನ ದೂತಾನೆ ಕುಟ್‌ಣ್ಯೊಬಿ ಶೈತಾನ್‍ಬಿ, ಹುಯಿರೋತೆ ಜೂ಼ನೊ ಖ್ಹಾಪ್ ಕತೊ ಅರ್ಝ಼ನ ಧರೀನ್ ಹಜಾ಼ರ್ ವರಖ್ಹ್‌ಲಗು ಕೋಂಡಿರಾಖ್ಯೋಥೊ.