ಪ್ರಕಾಶಿತ್ 11:9 - ದೇವ್ನಿ ಖ್ಹಾಚಿ ವಚನ್

⁹ ಅಖ್ಖೂಸ್ ಅದ್ಮಿ, ಖೂಮ್‌, ಬೋಲಿ, ಜ಼ಗ್‌ಜಾತ್‌ಮ ಮಳಿಹುಯು ಆ ಭೇಜ಼ಣ ಸಾಕ್ಷಿನ ಮುರ್ದಾವ್ನ ಖ್ಹಡ್‌ತೀನ್ ದನ್‍ಲಗೂಬಿ ದೇಕ್‍ಷೆ ಅಜು಼ ಇವ್ಣ ಮುರ್ದಾವ್ನ ಮಖ್ಹಾಣ್ಯು ಕರಾನ ಕೊ ಮ್ಹೇಲ್‌ಶೇನಿ.

ಪ್ರಕಾಶಿತ್ 11:9 Iomraidhean Croise

ಮತ್ತಾಯ 7:2

ತುಮೆ ಬಿಜಾ಼ನ ಕಿಮ್ ತೀರ್ಪ್‌ ಕರಾಸ್ಕಿ, ಇಮ್ಮಸ್ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ, ಅಜು಼ ತುಮೆ ಬಿಜಾ಼ನ ಕಿಮ್ ಮಾಪಿನ್‌ ದೇಸ್ಕಿ, ಇಮ್ಮಸ್ ದೇವ್‌ಬಿ ತುಮೂನ ಮಾಪಿನ್‌ ದಿಶೆ.

ಪ್ರಕಾಶಿತ್ 10:11

ಇನಪಾರ್ ಯೊ ದೂತನೆ ಮನ, “ತೂ ಬಿಜೂ಼ಬಿ ಕೈಯೆಕ್‌ ಅದ್ಮಿವೋನ, ಬೋಲಿನ ಅಜು಼ ಖಾನ್‌ದಾನ್‌ ರಾಜಾ಼ವ್‌ನಿ ಬಾರೇಮ ಪ್ರವಾದ್‌ನೆ ಬೋಲ್‌ನು” ಕರಿ ಹುಕುಮ್‌ ಕರ‍್ಯೊ.

ಪ್ರಕಾಶಿತ್ 11:11

ಕತೋಬಿ ಖ್ಹಡ್‌ತೀನ್ ದನ್ನಪಾರ್ ದೇವ್‍ಥಿ ಜಾನ್ನೊ ವಹಿರೊ ಯೊ ಮುರ್ದಾಮ ಪೇಶ್ಯೂತೊ, ಇವ್ಣೆ ಗೋಡಟೇಕಿ ಭೀರಿಜಾಶೆ. ಇವ್ಣುನ ದೇಖ್ಯುಹುಯು ಖ್ಹಾರು ಡರ್‌ಥಿ ಕಾಪ್‌ಶೆ.

ಪ್ರಕಾಶಿತ್ 13:7

ಆ ನಾಹುಯಿನ್ ದೇವ್ನ ಪರಿಶುದ್ಧ ಅದ್ಮಿವ್‌ಪರ್ ಜಂಗ್ ಭೀಡಿನ್ ಇವ್ಣುನ ಹರಾವನಿ ಅದಿಕಾರ್ ದೆವಾಯು ಅಜು಼ ಅಖ್ಖೀಸ್ ಖೂಮ್‌, ಬೋಲಿ, ಲೋಗ್, ಜ಼ಗ್‌ಜಾ಼ತ್‌ಪರ್ ಇನ ಅದಿಕಾರ್ ದೆವಾಯು.

ಪ್ರಕಾಶಿತ್ 17:15

ಬಿಜೂ಼ಬಿ ಯೊ ದೇವ್ನದೂತನೆ ಮನ ಶಾತ್ ಬೋಲ್ಯೊಕತೊ,ಯೋ ವ್ಯಬಿಚಾರಿಣಿ ಬೆಠಿಥೀತೆ ಪಾಣಿನ ತುನೆ ದೆಖ್ಯೋನಿ, ಯೊ ಅಖ್ಖು ಜ಼ಗ್‌ಜಾ಼ತ್ನ, ಅದ್ಮಿವ್‌ನ ಟೋಳ್ನ, ದೇಖ್ಹ್‌ನ, ಬೋಲಿಯೇವ್ನ ವತಾಳಸ್‍.

ಪ್ರಕಾಶಿತ್ 5:8

ಪುಂಗ್‌ಳಿನ ಮಾಂಗಿಲ್ಯವಾನಿ ವಖ್ಹ್‌ತೆ ಯೋ ಚಾರ್ ಜೀವಿ 24 ಜ಼ಣು ಶಾಣುಖ್ಹಾರು ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಪಗ್‍ಪರ್ ಆಡ್‌ಪಡ್ಯು. ಹರೇಕ್‌ಜ಼ಣಕನ ಹಾತ್ಮ ಖ್ಹಾರಂಗೊಬಿ ಖ್ಹಾಲರ‍್ಯಾನು ಢಪ್ಕಾರ್‌ಥಿ ಭರೈರ‍್ಹುಥೂತೆ ಖ್ಹೊನ್ನಾನಿ ಢಾಕ್ಣಿಬಿ ಥು. ಯೊ ದೇವ್ನು ಅದ್ಮಿನು ಪ್ರಾರ್ಥನೆ ಹುಯಿರ‍್ಹುಥು

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.