ಪ್ರಕಾಶಿತ್ 11:6 - ದೇವ್ನಿ ಖ್ಹಾಚಿ ವಚನ್

⁶ ಇವ್ಣೆ ಪ್ರವಾದನೆ ಕರಾನ ದನ್ಮ ವರ್ಖ್ಹಾತ್‌ ನಾಪಡ್ನುತೆ ಆಬ್‌ನ ಮೂಚಾ಼ನಿ ಅದಿಕಾರ್ ಇವ್ಣುನ ಥು. ಅಜು಼ ಪಾಣಿನ ಲ್ಹೋಯಿ ಕರಾನಿತರಾಬಿ,ಖ್ಹಾರಿ ಥರಾನು ಖ್ಹತಾಪ್ಣಿಥಿ ಜ಼ಮೀನ್ನ ಖ್ಹತಾವನ ಅದಿಕಾರ್‌ಛಾ಼.

ಪ್ರಕಾಶಿತ್ 11:6 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:25

ಮಾರಿ ವಾತೇನ ಖ್ಹಮ್‌ಜೊ಼: ಎಲೀಯನ ಹಗಾಮ್ಮ ತೀನ್ ವರಖ್ಹ್‌ ಛೊ಼ ಮಹಿನ ಆಬ್‍ಥು ಪಾಣಿ ಕೋ ವರ್‌ಶ್ಯೋನಿ, ತದೆ ದೇಖ್ಹ್‌ನಿ ಖ್ಹಾರಿಸ್ ಬಾಜು಼ಮ ಕಾಳ್ದುಕಾಳ್ ಹುಯು, ಅಜು಼ ಯೋ ವಖ್ಹತ್‌ಮ ಇಸ್ರಾಯೇಲ್‌ ದೇಖ್ಹ್‌ಮ ಕೆತ್ರಿಸ್ಕಿ ಮುಂಡಚ್ಚಿ ತಯೇಡ ಥೀತೆ ಖ್ಹಾಚಸ್.

ಪ್ರಕಾಶಿತ್ 11:3

ಅತ್ರೇಸ್ ಕಾಹೆತೆ ಮಾರ ಬೇ ಸಾಕ್ಷಿವಾಳ ಛೈ಼ನಕೋಥ್‌ಳಾನ ಹೋಡಿಲಿನ್ ಏಕ್‌ ಹಜಾ಼ರ್ ಬೇಖ್ಹೊ ತೀನಿಖ್ಹ್‌ ದನ್‌ಲಗು ಪ್ರವಾದ್‌ನೆ ಕರಾನಿತರ ಇವ್ಣುನ ಅದಿಕಾರ್ ದಿಶ್.

ಪ್ರಕಾಶಿತ್ 16:3

ಬೇನೊ ದೇವ್ನದೂತನೆ ಇನ ಕಟೋರಮ ಥೂತೆ ಇನ ದರ‍್ಯಾವ್‌ಪರ್ ರಂಚ್ಯೊ. ತದೆ ದರ‍್ಯಾವ್ನು ಪಾಣಿ ಮರ‍್ಯಹುಯಾನ ಲ್ಹೋಯಿನಿತರ ಹುಯಿಗು. ಅಜು಼ ದರ‍್ಯಾವ್‌ಮಾನು ಹರೇಕ್ ಜಿವ್ತು ಜೀವಿಬಿ ಮರಿಗು.

ಪ್ರಕಾಶಿತ್ 16:4

ತೀನ್ನ ದೇವ್ನದೂತಾನೆ ಇನ ಕಟೋರಮ ಥೂತೆ ಇನ ನದ್ದೀವ್‌ಪರ್‌ಬಿ ಪಾಣಿನ ಚೆಜ಼್‌ಭಾರ ಪರ್ಬಿ ರಂಚ್ಯೊ. ತದೆ ಯೊ ಅಖ್ಖು ಪಾಣಿ ಲ್ಹೋಯಿ ಹುಯಿಗು.

ಪ್ರಕಾಶಿತ್ 8:8

ಬೇನೊ ದೇವ್ನದೂತನೆ ಇನು ತುತ್ತೂರಿನ ಫೂಕ್ಯೊ. ತದೆ ಆಗ್‌ಥಿಲಾಗುಕರಾತೆ ಮೋಟೊ ಪಹಾಡ್‌ನಿತರನು ಏಕ್‌ ರಾಛು಼ ದರ‍್ಯಾವ್‌ಮ ಫೇಕೈಗಯು.ತದೆ ದರ‍್ಯಾವ್‌ಮ ತೀನ್‌ಮಾನು ಏಕ್‌ಭಾಗ್ ಲ್ಹೋಯಿ ಹುಯಿಗು.