ಪ್ರಕಾಶಿತ್ 11:1 - ದೇವ್ನಿ ಖ್ಹಾಚಿ ವಚನ್

¹ ಇನಪಾರ್ ಆಳ್ತಿ ಕರಾನಿಘೋಣಿನೊ ಏಕ್‌ ಲಠ್ಠಾನ ದೀನ್ ಅಮ್ ಖ್ಹಮ್‌ಜಾ಼ಡ್ಯು, “ತೂ ಉಠೀನ್ ದೇವ್ನ ಮಂದಿರ್‌ನಾಬಿ ಚಾ಼ಚ಼ರ್‌ನ ಆಳ್ತಿ ಕರ್‌ ಅಜು಼ ಹಿಜ಼್ಜಾ ಆರಾದನೆ ಕರಾವಾಳಾನಾಬಿ ಗಣ್ತಿಕರ್.

ಪ್ರಕಾಶಿತ್ 11:1 Iomraidhean Croise

2 ಕೊರಿಂಥ 6:16

ದೇವ್ನ ಮಂದಿರ್‌ನಾಬಿ ಮೂರತ್‌ನಾಬಿ ಏಕ್‍ಕರಾನ ಉಶೇಕಿ ಶು? ಅಪ್ಣೆ ದೇವಸ್ ಬೋಲಿರಾಖ್ಯುತೆ ತಿಮ್ ಜಿವ್ತಜಾನ್ನೊ ಮಂದಿರ್‌ ಹುಯಿರಾಸ್ನಿ. ಮಾರ ಅದ್ಮಿವೋಮ ಮೇಸ್ ಘರ್ ಕರೀಶ್, ಇವ್ಣಾಮ ಮೇಸ್ ಜಿವ್ಣು ಕರ್ತೊಹುಯಿನ್ ಇವ್ಣಿಜೋ಼ಡೆ ಫರ್ತೊರ‍್ಹಿಶ್, ಮೇಸ್ ಇವ್ಣೊ ದೇವ್ ಹುಯಿರ‍್ಹಿಶ್. ಇವ್ಣೆ ಮನ ಪ್ರಜೆಹುಯಿರ‍್ಹಿಶೆ ಕರಿ ಬೋಲ್ಯೊ.

1 ಪೇತ್ರ 2:5

ತುಮೆ ಜಿವ್ತುಜಾನ್‍ವಾಳೊ ಬಂಡೊಹುಯಿನ್ ಆತ್ಮನು ಸಂಬಂದ್‍ವಾಳು ಮಂದಿರ್‌ ಹುವಾನಖ್ಹಾಜೆ ಬಣಾವಟ್ ಹುವ್‍ಕರಸ್, ಯೇಸು ಕ್ರಿಸ್ತಥಿ ದೇವ್ನ ಸ್ವೀಕಾರ್ ಹುವಾನಿತರಾನು ಆತ್ಮೀಕ್ ಬಲಿನ ದ್ಯವಾನ ಪರಿಶುದ್ ಯಾಜಕ್‌ನ ಖೂಮ್‌ವಾಳ ಹುಯಿರ‍್ಹಾಸ್.

1 ಪೇತ್ರ 2:9

ಕತೋಬಿ ಅಂಧಾರಮ ಛಾ಼ತೆ ತುಮುನ ಬುಲೈನ್ ಇನ ಆಶ್ಚರ್ಯನ ಉಜಾ಼ಳಮ ಮಳೈಲಿದ ಹುಯಾನ ಅದ್ಭುತ್ ಕಾಮ್ನ ಕರಾವಳ ಹೋಣುಕರಿ ತುಮೆ ಚೂ಼ಣೈಗಯುಹುಯು ಜ಼ಗ್‌ಜಾ಼ತ್‌ಬಿ, ರಾಜಾ಼ನ ಖಾನ್‌ದಾನ್ನ ಯಾಜಕ್‍ಬಿ, ಪರಿಶುಧ್ ಅದ್ಮಿಬಿ, ದೇವ್ನ ಶೊಂತ್‌ ಅದ್ಮಿಬಿ ಹುಯಿರ‍್ಹಾಸ್.

ಪ್ರಕಾಶಿತ್ 10:11

ಇನಪಾರ್ ಯೊ ದೂತನೆ ಮನ, “ತೂ ಬಿಜೂ಼ಬಿ ಕೈಯೆಕ್‌ ಅದ್ಮಿವೋನ, ಬೋಲಿನ ಅಜು಼ ಖಾನ್‌ದಾನ್‌ ರಾಜಾ಼ವ್‌ನಿ ಬಾರೇಮ ಪ್ರವಾದ್‌ನೆ ಬೋಲ್‌ನು” ಕರಿ ಹುಕುಮ್‌ ಕರ‍್ಯೊ.

ಪ್ರಕಾಶಿತ್ 21:15

ಮಾರೇಥಿ ವಾತೆ ಬೋಲು ಕರ್ತೊಥೋತೆ ದೂತನೆ ಯೊ ಖ್ಹಯೇರ್‌ನಾಬಿ ಇನ ಬಾಕಲ್ನಾಬಿ ಅಜು಼ ಇನು ಭೀತ್‌ನ ಆಳ್ತಿಕರಾನಖ್ಹಾಜೆ ಇನ ಹಾತ್ಮ ಖ್ಹೊನ್ನಾನೊ ಆಳ್ತಿನೊಲಠ್ಠೊ ಧರಿರಾಖ್ಯೋಥೊ.