ಪ್ರಕಾಶಿತ್ 1:9 - ದೇವ್ನಿ ಖ್ಹಾಚಿ ವಚನ್

⁹ ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 1:9 Iomraidhean Croise

ಮತ್ತಾಯ 20:23

ತದೆ ಯೇಸುನೆ ಇವ್ಣುನ, “ಮೇ ಪೀಣುತೆ ರಾಛ಼ಮ ತುಮೇಬಿ ಪೀಶು. ಕತೋಬಿ ಮಾರಿ ಖಾವಿ ಬಾಜೂ಼ಮ ಅಜು಼ ಡಾವಿ ಬಾಜೂ಼ಮ ಕೋಣ್ ಬೇಖ್ಹ್‌ಶೆ ಕರಿ ಚೂ಼ಣವಾಳೊ ಮೇ ಕಾಹೆ. ಮಾರೊ ಬಾ ಯೋ ಝ಼ಗೋನ ಕಿನ ಕರಿ ಮ್ಹೇಲಿರಾಖ್ಯೋಸ್ಕಿ ಇವ್ಣುನಾಸ್ ಯೋ ಮಳ್‌ಶೆ” ಕರಿ ಬೋಲ್ಯೊ.

ಮಾರ್ಕ 10:39

ಇವ್ಣೆ, “ಹಮಾರೇಥಿ ಹುವಾಸ್” ಕರಿ ಬೋಲ್ಯ. ತದೆ ಯೇಸುನೆ ಇವ್ಣುನ, “ಮೇ ಪೀಣುತೆ ರಾಛ಼ಮ ತುಮೇಬಿ ಪೀಶು, ಮನ ಉಷೇತೆ ಬ್ಯಾಪ್ತಿಸ್ಮ ತುಮುನಾಬಿ ಉಶೆತೆ ಖ್ಹಾಚಸ್.

ಯೋಹಾನ 16:33

ತುಮೆ ಮಾರಾಮ ರ‍್ಹೀನ್, ತುಮೂನ ಶಾಂತಿ ಮಳ್‌ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್‌ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ‍್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್‌” ಕರಿಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15

ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್:

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:17

ಹಮ್ಕೆ ಅಪ್ಣೆ ಲಡ್ಕಾ ಹುಯಿರ‍್ಹಾತೊ, ಹಕ್‍ದಾರ್ ಹುಯಿರ‍್ಹಯೇಸ್; ದೇವ್ನ ಹಕ್‍ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್‍ದಾರ್ ಹುಯಿರ‍್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್‍ಲ್ಯಾವವಾಳ ರ‍್ಹಯಾತೊ, ಇನಿ ಮಹಿಮೆಮಾಬಿ ಭಾಗ್‌ಲ್ಯವಾಳ ಹುಯಿರ‍್ಹಿಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:25

ಕತೋಬಿ ಅಪ್ಣೆ ಬಿಜೂ಼ಬಿ ದೆಖವ್‍ಕರಾಕೊಂತೆ ಇನಖ್ಹಾಜೆ ಭರೋಖ್ಹೊ ರ‍್ಹವಾನು ರ‍್ಹಯೂತೊ ಅಪ್ಣೆ ಇನಖ್ಹಾಜೆ ಖ್ಹಮಾಳಿನ್ ಟಿವೈರ‍್ಹಿಶು.

2 ಕೊರಿಂಥ 1:7

ತುಮಾರಿ ಬಾರೇಮ ಹಮೂನ ಛಾ಼ತೆ ಭರೋಖ್ಹೊ ಘಟ್‍ಛಾ಼ ಶನಕತೊ ತುಮೆ ಹಮಾರಿ ಭಾಲಿಮಾಬಿ ಭಾಗ್‌ಲ್ಯವಾಳ ಹುಯಿರಾಸ್ತೆ ತಿಮ್ಮಸ್ ಮದತ್‌ಲ್ಯಾವಮಾಬಿ ಭಾಗ್‌ಲ್ಯವಾಳ ಹುಯಿರಾಸ್‍ಕರಿ ಹಮೂನ ಖ್ಹಮಜ಼್‌ಮ ಆಯಿರ‍್ಹುಸ್.

ಫಿಲಿಪ್ಪಿ 1:7

ತುಮಾರಿ ಬಾರೇಮ ಮನ ಅಮ್ ಬೋಲಾವಸ್ತೆ ಖ್ಹಾಚು಼ಸ್. ಶನಕತೊ ಮೆ ಬಂದಿ ಹುಯಿರ‍್ಹವಾನಿ ವಖ್ಹ್‌ತೆಬಿ, ಸುವಾರ್ತೆನಿ ಬಾರೇನು ಆಡ್‌ಫೇಡ್‌ಮಾಬಿ ತುಮೆಖ್ಹಾರು ಮಾರಜೋ಼ಡೆ ದೇವ್ನಿ ವಾರ್‌ಖ್ಹಾಮ ಭಾಗ್‌ವಾಳ ಹುಯಿರ‍್ಹಾಸ್ ಕರಿ ತುಮುನ ಮಾರ ದಿಲ್ಮ ರಾಖಿಮ್ಹೇಲ್ಯೋಸ್.

ಫಿಲಿಪ್ಪಿ 4:14

ಅಮ್ ರ‍್ಹಯುತೋಬಿ ತುಮೆ ಮಾರಿ ಖ್ಹತಾಪ್ಣಿ ಖ್ಹಂಗ್‌ಮಥಾತೆ ಅಛ಼್ಛುಹುಯು.

2 ಥೆಸ 3:5

ತುಮೆ ದೇವ್ನಿ ಲಾಡ್‌ಮಾಬಿ ಕ್ರಿಸ್ತನು ಖ್ಹಮಾಳಿಲ್ಯಾವಾಮಾಬಿ ಮಳಾನಿಘೊಣಿ ಪ್ರಭುಸ್ ತುಮೂನ ಚಲಾವದೆ.

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

ಇಬ್ರಿ 10:36

ತುಮೆ ದೇವ್ನಿ ಮರ್ಜಿನ ಚ಼ಲೈಹುಯಿಗುತೆ ತದೆ ವಾಗ್ದಾನ್ನ ಲೀಲೇವ್ಣುಕತೊ ತುಮೆ ಖ್ಹಮಾಳಿನ್ ರ‍್ಹೇವ್ಣು.

1 ಪೇತ್ರ 5:1

ಸಭೆನ ಶಾಣವೊ, ಜೋಡ್ಮಶಾಣೊ ಹುಯಿರ‍್ಹೋತೆ ಮೇ ಕ್ರಿಸ್ತನು ಖ್ಹತಾಪ್ಣಿ ಡೋಳೇಥಿ ದೇಖೆಹುಯೊ. ಅಜು಼ ಆವ್‌ಶೇತೆ ಮಹಿಮೆಮ ಭಾಗ್‌ವಾಳೊ ಹುಯಿನ್ ತುಮುನ ಹುಮ್ಮಖ್ಹ್‌ದೀನ್ ಶಾತ್‌ ಬೋಲಿಲೆವುಸ್‌ಕತೊ,

ಪ್ರಕಾಶಿತ್ 1:1

ಯೇಸು ಕ್ರಿಸ್ತನಿ ಪ್ರಕಾಶಿತ್ ವಚನ್ ಒಗ್ಗಿಸ್‌ಮ ಚಾ಼ಲ್ನುತೆ ಬಾರೇಮ ಯೋ ಇನ ದಾಸಖ್ಹಾರನ ವತಾಳನಖ್ಹಾಜೆ ಆ ಖ್ಹಾರು ದೇವ್‍ಥಿ ದೆವಾಯುತೆ. ಯೇಸು ಇನ ದೂತನ ಮೋಕ್ಲಿನ್ ಇನೇಥಿ ಆ ಖ್ಹಾರಿವಾತ್ನ ಯೋಹಾನ ಮಾಲುಮ್‌ ಕರಾಯೊ.

ಪ್ರಕಾಶಿತ್ 1:2

ಯೋಹಾನನೆ ದೇವ್ನಿ ವಚನ್ನಿ ಬಾರೆಮಾಬಿ, ಯೇಸು ಕ್ರಿಸ್ತನೆ ಬೋಲ್ಯೊತೆ ಸಾಕ್ಷಿನಿ ಬಾರೆಮಾಬಿ,ಇನೆ ದೇಖ್ಯೋತೆ ಖ್ಹಾರು ಖ್ಹಮ್‌ಜಾಡವಾಳೊಹುಯಿನ್‌ ಸಾಕ್ಷಿ ಬೋಲ್ಯೊ.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.

ಪ್ರಕಾಶಿತ್ 1:6

ಅಪ್ಣೆ ದೇವ್ನ ರಾಜ್ಯವಾಳಹುಯಿನ್‌ ಇನೊ ಬಾ ಹುಯಿರ‍್ಹೋತೆ, ದೇವ್ನಖ್ಹಾಜೆ ಯಾಜಕರ್‌ ಬಣಾಯೊತೆಯಿನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಶಕತ್ ರ‍್ಹವಾದೆ ಆಮೆನ್.

ಪ್ರಕಾಶಿತ್ 11:7

ಕತೋಬಿ ಆ ಬೇಜ಼ಣ ಇವ್ಣಿ ಸಾಕ್ಷಿಯೆವ್‌ನ ಬೋಲಿ ಖತಮ್ ಕರಾದಿನ್,ಪಾತಾಳ್‌ಥೊ ಆವ್‌ಶೇತೆ ಜಾನ್ವರ್‌ ಅವ್ಣುನ ಜಂಗ್‌ಮ ಹರೈನ್ ಮಾರಿನಾಕ್‌ಶೆ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 13:10

ಕೋಂಡಿಘಾಲವಳೊ, ಇನುಯೋಸ್ ಜೇಲ್‌ಮ ಜಾ಼ಶೆ, ತಲ್ವಾರ್‌ಥಿ ಮಾರವಳು ತಲ್ವಾರ್‌ಥೀಸ್ ಮರ್ಶೆ. ಅನಾಮ ದೇವ್ನು ಅದ್ಮಿಖ್ಹಾರು ಖ್ಹಮಾಳಿನ್ ವಿಶ್ವಾಸ್‌ಥಿ ರ‍್ಹೇವ್ಣು.

ಪ್ರಕಾಶಿತ್ 14:12

ಅನಾಮ ದೇವ್ನಿ ಹುಕುಮ್‌ನಾಬಿ, ಯೇಸುನಿ ಬಾರೇನಿ ವಿಶ್ವಾಸ್‌ನ ಪಾಡಿನ್ ಚಾ಼ಲುಕರಾವಳ ದೇವ್ನ ಅದ್ಮಿಖ್ಹಾರನ ಖ್ಹಮಾಳಿರ‍್ಹವಾನು ಹಜ್ಜಾ಼ ವತಾಳ್ಣು ಪಡಾಸ್‌.

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 20:4

ಇನಪಾರ್ ಸಿಂಹಾಸನ್‌ಖ್ಹಾರು ದೇಖ್ಯೊ. ಯೋ ಖ್ಹಾರಪರ್ ಬೆಠೊರ‍್ಹವಾಳಾನ ತೀರ್ಪ್‌ಕರಾನಿ ಅದಿಕಾರ್ ದೆವಾಯು. ಅತ್ರೇಸ್ ಕಾಹೆತೆ ಯೇಸುನಿ ಸಾಕ್ಷಿನ ಖ್ಹಾಜೇಥಿಬಿ,ದೇವ್ನ ವಚನ್ನಖ್ಹಾಜೇಥಿಬಿ ಮುಂಡ್ ರ‍್ಹೇಖ್ಹಾವವಳಾನು ಆತ್ಮವ್‌ನಾಬಿ, ಜಾನ್ವರ್‌ಬಿ, ಇನ ಮೂರತ್ನ ಆರಾದನೆ ಕೋಕರ‍್ಯುಂತೆ ಇವ್ಣ ತಾಳ್ವಪರ್ ಅಜು಼ ಹಾತ್‌ಪರ್ ಇನು ಖ್ಹಣೇದ್ ನಖಾಯುಕೊಂತೆ ಇವ್ಣುನ ದೇಖ್ಯೊ.ಇವ್ಣೆ ಪಾಛು಼ ಜಿವ್ತು ಉಠೀನ್ ಹಜಾ಼ರ್ ವರಖ್ಹ್ ಕ್ರಿಸ್ತನ ಜೋ಼ಡ್ಮ ಆಳ್‌ಷೆ.

ಪ್ರಕಾಶಿತ್ 3:10

ಮಾರಿ ವಚನ್ನ ತುನೆ ಚ಼ಲಾಯೊತೆ ಇನಖ್ಹಾಜೆ ಧರ್ತಿಮ ಜಿವ್ಣುಕರವಾಳ ಖ್ಹಾರಸ್ನ ತರೀಪ್ಷ ಕರಾನಖ್ಹಾಜೆ ಅಖ್ಖಾ ಜಗತ್ನಪರ್ ಆವಾನಯುತೆ ಕಠಣ್ ಶೋದನೆನ ದನ್ಮ ಮೇ ತುನ ಆಖ್ಹ್‌ರೊ ಕರಾವಾಳೊ ಹುಯಿನ್ ಬಚಾ಼ಡಿಶ್.

ಪ್ರಕಾಶಿತ್ 6:9

ಇನೆ ಪಾಚ಼್‌ನ ಮುದ್ರಾನ ಫೋಡಾನಿವಖ್ಹ್‌ತೆ; ದೇವ್ನ ವಚನ್ನಖ್ಹಾಜೇಥಿಬಿ, ಇವ್ಣುನ ರ‍್ಹವಾನು ಬರೋಬರ್‌ನಿ ಸಾಕ್ಷಿನ ಖ್ಹಾಜೇಥಿಬಿ, ಮರಾವಳನು ಆತ್ಮಖ್ಹಾರು, ಬಲಿಪೀಠ್‌ನ ಹೇಟ್ ರ‍್ಹವಾನು ದೇಖ್ಯೊ.

ಪ್ರಕಾಶಿತ್ 7:14

ತದೆ ಏಕ್‌ ಪ್ರಭುನೆ, “ಆ ಅದ್ಮಿಖ್ಹಾರು ಘಣು ಮೋಟಿ ಖ್ಹತಾಪ್ಣಿ ಲೀನ್ ಆಯುಹುಯು.ಇವ್ಣೆ ಮೇಂಢಾನ ಚೆಲ್ಕಾನ ಲ್ಹೋಯಿಥಿ, ಇವ್ಣ ಝ಼ಗ್ಗಾನ ಧೊಯಿನ್ ಕೋರು ಹುಯಿರುಸ್.