ಪ್ರಕಾಶಿತ್ 1:8 - ದೇವ್ನಿ ಖ್ಹಾಚಿ ವಚನ್

⁸ “ಮೇಸ್ ಪಹಿಲೋಬಿ, ಖ್ಹರ್ತಿಬಿ” ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ ಖ್ಹಾಮ್ಣೆ ಆವವಾಳೊ, ಮಹಾನ್ ಶಕತ್‌ವಾಳೊ ಕರಿ ದೇವ್ ಹುಯಿರ‍್ಹೋತೆ ಪ್ರಭು ಬೋಲಾಸ್.

ಪ್ರಕಾಶಿತ್ 1:8 Iomraidhean Croise

2 ಕೊರಿಂಥ 6:18

ಮೇ ತುಮಾರೊ ಬಾ ಹುಯಿರೊಸ್; ಅಜು಼ ತುಮೆ ಮಾರ ಛಿಯ್ಯಾ, ಛೋ಼ರಿಯೇ ಹುಯಿರಾಸ್ ಕರಿ ಬೋಲಸ್ ಸರ್ವಶಕತ್‍ವಾಳೊ ಹುಯಿರೋತೆ ಪ್ರಭು.”

ಪ್ರಕಾಶಿತ್ 1:11

ಯೋ ಅವಾಜ಼್‌ನೆ, ತೂ ದೇಖಾನು ಏಕ್‌ ಪುಸ್ತಕ್‌ಮ ಲೀಖಿನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲಿಡೇಲ್ಫಯ, ಲವೊದಿಕೀಯ, ಕರಿ ಖ್ಹಾತ್ ಸಬೆವ್‍ನ ಮೋಕಲ್ನುಕರಿ ಬೋಲ್ಯು.

ಪ್ರಕಾಶಿತ್ 1:17

ಮೇ ಇನ ದೇಖಾನಿವಖ್ಹ್‌ತೆ ಮರ‍್ಯಹುಯಾನಿಘೋಣಿ ಇನ ಗೋಡಾನ ಖ್ಹಾಮ್ಣೆ ಪಡ್ಯೊ.ಯೋ ಇನ ಖಾವಹಾತ್ನ ಮಾರಪರ್ ಮ್ಹೇಲಿನ್, ಡರ್‌ನಕೊ ಮೇಸ್ ಪಹಿಲೆನೊ ಖ್ಹರ್ತಿನೊಬಿ.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.

ಪ್ರಕಾಶಿತ್ 11:17

“ಪ್ರಭು, ಸರ್ವಶಕ್ತನೊ ದೇವ್, ರ‍್ಹವಾಳೊ ತೂ ತಾರಿ ಮೋಟಿ ಅದಿಕಾರ್‌ನ ಲೀಲಿನ್‌ ಚ಼ಲಾಯೊತೆ ಇನಖ್ಹಾಜೆ ತುನ ಧನ್ಯವಾದ್ ಕರ್ಯೆಸ್.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.

ಪ್ರಕಾಶಿತ್ 16:14

ಆ ಖ್ಹಣೇದ್‌ನುಕಾಮ್‌ ಕರವಾಳು ಭೂತ್‌ನು ಆತ್ಮ ಹುಯಿರ‍್ಹಿನ್ ಧರ್ತಿಪರ್‌ಲ್ಯ ಅಖ್ಖಾಸ್ ರಾಜ಼ವ್‌ಕನ ಜೈ಼ನ್ ಸರ್ವಶಕತ್‌ನೊ ದೇವ್ನ ಮಹಿಮೆನ ದನ್ನ ಜಂಗ್‌ನಖ್ಹಾಜೆ ಇವ್ಣುನ ಎಕ್ಟು ಕರುಕರ್ತುಥು.

ಪ್ರಕಾಶಿತ್ 16:7

ಅನಪಾರ್‌ ಚಾ಼ಚ಼ರ್‌ಥಿ ಆವಾತ್ ಖ್ಹಮಜ್‍ಪಡ್ಯು, ‘ದೇವ್ ಹುಯಿರ‍್ಹೋತೆ ಪ್ರಭು ತು ಸರ್ವಶಕತ್‌ನೊ, ತಾರು ನ್ಯಾವ್‌ನು ತೀರ್ಪ್ ಅಖ್ಖು ಖ್ಹಾಚೂ಼ಬಿ ನ್ಯಾವ್‍ನೂಬಿ ಹುಯಿರ‍್ಹುಸ್’ ಕರಿ ಬೋಲ್ಯು.

ಪ್ರಕಾಶಿತ್ 19:15

ಜ಼ಗ್‌ಜಾ಼ತ್ನ ಕತ್ರಾನಖ್ಹಾಜೆ ಇನ ಮ್ಹೋಡೇಖ್ಹು ಚಾ಼ಲ್ತಿ ತಲ್ವಾರ್‌ ನಿಕ್ಳಿಆವಾಸ್. ಯೊ ಇವ್ಣುನ ಲ್ಹೋಡಾನ ಡಂಡೇಥಿ ಆಳ್‌ಷೆ. ಸರ್ವಶಕತ್‌ನೊ ಹುಯಿರೋತೆ ದೇವ್ನಿ ಘಣಿ ಮೋಟಿ ಖೀಜ಼್‌ಕರಿ ಬೋಲಾನ ದ್ರಾಕ್ಷಿನ ಬಾನೇಮ ರ‍್ಹವಾಳನ ಖುಂದ್ಲಿನಾಕ್ಷೆ.

ಪ್ರಕಾಶಿತ್ 19:6

ಇನಾವಾರ್‌ ಮನ ಬಿಜೇಕ್ ಅವಾಜ಼್ ಖ್ಹಮಜ್‍ಪಡ್ಯು ಯೋ ಘಣುಮೋಟು ಅದ್ಮಿನ ಭೀಡ್‌ಣು ಅವಾಜ಼್ ಮೋಟ ಪಾಣಿನು ಕಹಾರ್‌ನಿ ತರಾಬಿ ಜಾ಼ಖ್ಹತ್ ಘಲಾರನ ಅವಾಜ಼್‌ನಿತರ ಥೂತೆ ಏಕ್‍ ಅವಾಜ಼್‌ನ ಖ್ಹಮ್‌ಜೊ ಯೋ, ಹಲ್ಲೆಲೂಯ, ಮಹಾನ್ ಶಕತ್‌ವಾಳೊ ದೇವ್ ಹುಯಿರೋತೆ ಅಪ್ಣೊ ಪ್ರಭು ಆಳ್‌ಷೆ.

ಪ್ರಕಾಶಿತ್ 2:8

ಸ್ಮುರ್ನಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಶುರುವಾತ್‍ಬಿ ಖ್ಹರ್ತಿಬಿ ಹುಯಿರ‍್ಹಾವಳೊ, ಮರಿಜೈನ್ ಪಾಛೊ಼ ಜಿವ್ತೊ ಉಠೀನ್ ಆಯೊಹುಯೊ ಬೋಲಾಸ್ ಶಾತ್‌ಕತೊ

ಪ್ರಕಾಶಿತ್ 21:22

ಮೆ ಖ್ಹಯೇರ್‌ಮ ಮಂದಿರ್‌ಬಿ ದೇಖ್ಯೊ ಕೊಯ್ನಿ. ಶನಕತೊ ಸರ್ವಶಕತ್‌ನೊ ದೇವ್‌ಹುಯಿರ‍್ಹೋತೆ ಪ್ರಭು ಅಜು಼ ಮೇಂಢಾನು ಚೆಲ್ಕುಹುಯಿರ‍್ಹವಾಳೊ ಯೊ ಇನು ಮಂದಿರ್‌ ಹುಯಿರ‍್ಹೂಸ್.

ಪ್ರಕಾಶಿತ್ 21:6

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ಅಖ್ಖೂಸ್ ಕರಿಹುಯ್ಗು; ಮೇಸ್ ಪಹಿಲೋಬಿ, ಖ್ಹರ್ತಿಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೋಸ್. ತರ್ಖ್ಹವಾಳನ ಜಾನ್ನು ಪಾಣಿನೊ ಚೇಜ಼್‌ಭಾರನ ಮೋಲ್‌ಕೊಂತೆ ಫುಗಟ್‍ಥಿ ಪಿಯಾನ ದಿಶ್.

ಪ್ರಕಾಶಿತ್ 22:13

ಮೇಸ್ ಪಹಿಲೋಬಿ ಖ್ಹರ್ತಿಬಿ, ಪಹಿಲೋಬಿ ಕಡ್‌ಶಿನೋಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೊಸ್.

ಪ್ರಕಾಶಿತ್ 4:8

ಯೋ ಚಾರ್ ಜೀವಿ ಎಕೇಕೆನ ಛೊ಼ಛೋ಼ ಫಾಕ್ಡಿ ಥು. ಅಶ್‌ಪಿಶ್‌ಬಿ ಮಹಿಬಿ ಘಣು ಡೋಳಖ್ಹಾರುಥು, ಆ ಜಿನಾವರ್‌ ಖ್ಹಾರು ರಾತ್‌ದನ್ ಆರಾಮ್‌ಕೊಂತೆ ದೇವ್ ಹುಯಿರ‍್ಹಾವಳೊ ಪ್ರಭು ಪರಿಶುದ್ಧ್, ಪರಿಶುದ್ಧ್, ಪರಿಶುದ್ಧ್, ಯೋ ಸರ್ವಶಕತ್‌ನೊ ಅಗ್ಗಳ್ ಥೋತೆ, ಹಮ್ಕೆ ಛಾ಼ತೆ, ಆವಾಳೊಛಾ಼ತೆ ಕರಿ ಬೋಲುಕರ್ತುಥು.