ಪ್ರಕಾಶಿತ್ 1:7 - ದೇವ್ನಿ ಖ್ಹಾಚಿ ವಚನ್

⁷ “ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.

ಪ್ರಕಾಶಿತ್ 1:7 Iomraidhean Croise

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 16:28

ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.

ಮತ್ತಾಯ 24:30

ತದೆ ಅದ್ಮಿನೊ ಛಿಯ್ಯಾನ ವತಾಳವಾಳಿ ಖ್ಹಣೇದ್ ಆಬ್‍ಮ ದೆಖಾವ್‌ಶೆ. ತದೆ ಧರ್ತಿಪರ್ ಛಾ಼ತೆ ತಮಾಮ್‌ ಖೂಮ್‍ವಾಳು ಛಾ಼ತಿಪರ್ ಮಾರಿಲಿಶೆ ಅಜು಼ ಅದ್ಮಿನೊ ಛಿಯ್ಯೊ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ ಆಬ್‍ನ ವಾದ್ಳಪರ್ ಆವ್‌ಶೇತೆ ಇನ ದೇಕ್‌ಶೆ.

ಮತ್ತಾಯ 25:31

ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ.

ಮತ್ತಾಯ 26:64

ಯೇಸುನೆ ಇನ, “ತುನೇಸ್ ಬೋಲ್ಯೋನಿ; ಅತ್ರೇಸ್ ಕಾಹೆತೆ ಮೇ ತುಮೂನ ಬೋಲುಸ್ಕಿ, ಹಂಕೇಥು ಅದ್ಮಿನೊ ಛಿಯ್ಯೊ ಮಹಾನ್ ಶಕತ್‌ವಾಳಾನಿ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆ ದೇಕ್‌ಶು!” ಕರಿ ಬೋಲ್ಯೊ.

ಮಾರ್ಕ 13:26

ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಉಜಾ಼ಖ್ಹ್‌ಥಿ ಘೈಗ್‌ತೊಹುಯಿನ್‌, ವಾದ್ಳಮಕರಿ ಆವಾನು ಅದ್ಮಿಖ್ಹಾರು ದೇಕ್‌ಶೆ.

ಮಾರ್ಕ 14:62

ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:27

ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ, ವಾದ್ಳಪರ್ ಆವ್‌ಶೇತೆ ಇವ್ಣೆ ದೇಕ್‌ಶೆ.

ಯೋಹಾನ 19:34

ತೋಬಿ ಶಿಪಾಯಿಮ ಏಕ್‌ಜ಼ಣಾನೆ ಇನು ಭಾಲೇಥಿ ಯೇಸುನಿ ಪಾಖ್ಹ್‌ಳಿಮ ಭೋಕ್ಯೊ, ಭೋಕ್‌ತಾಸ್‌ನ ಲ್ಹೋಯಿಬಿ, ಪಾಣಿ ಬಹರ್ ರಂಚಾ಼ಯು.

ಯೋಹಾನ 19:37

ಬಿಜ್ಜೇಕ್‌ ವಚನ್‌ಮ, “ಅದ್ಮಿಖ್ಹಾರು ಇವ್ಣೆ ಭಾಲೇಥಿ ಭೋಕ್ಯುತೆ ಇನ ಠರ್‌ಖೈನ್‌ ದೇಕ್‌ಶೆ” ಕರೀಬಿ ಲಿಖೈರ‍್ಹುಸ್.

1 ಥೆಸ 1:10

ದೇವ್ನೆ ಮರ‍್ಯಾಹುಯಾಮಾಥು ಉಠಾಡ್ಯೋತೆ ಅಜು಼ ಸೊರ್ಗಮಾಥೊ ಆವ್‌ಶೇತೆ ಇನ ಛಿಯ್ಯಾನಖ್ಹಾಜೆ ತುಮೆ ಟಿವವ್‍ಕರಸ್ ಕರೀಬಿ ಆ ಅದ್ಮಿಸ್ ಬೋಲಾಸ್. ಆ ಯೇಸು ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದಾಥಿ ಅಪ್ಣುನ ಬಚಾ಼ಡವಾಳೊ ಹುಯಿರೋಸ್.

1 ಥೆಸ 4:17

ಅನ ಬಾದ್‌ಮ ಜಿವ್ತಾ ಛಿಯೇತೆ ಅಪ್ಣೆ ಪ್ರಭುನ ವಾದ್‍ಳಾನ ವಹಿರಾಮ ಮಳಾನಖ್ಹಾಜೆ ಇವ್ಣಿ ಜೋ಼ಡೆಸ್ ಏಕ್‌ದಮ್ ವಾದ್‍ಳಾಮ ಪಡೈಜಾ಼ಶು. ಅಮ್ ಹುಯಿನ್ ಅಪ್ಣೆ ಹಮೇಶಾನಖ್ಹಾಜೆ ಪ್ರಭುನ ಜೋ಼ಡೆ ರ‍್ಹಿಶು.

ಇಬ್ರಿ 10:29

ಅಮ್‍ರ‍್ಹವಾಪರ್ ದೇವ್ನ ಛಿಯ್ಯಾನ ಖುಂದ್ಲೀನ್, ಇನ ಪಾಕ್‌ಕರಿಲಿದೂತೆ ಒಪ್ಪಂದಾನು ಲ್ಹೋಯಿನ ಅಶುದ್ದಕರಿ ಜಾ಼ಣಿಲೀನ್ ದೇವ್ನಿ ವಾರ್‌ಖ್ಹಾನಿ ವರಾನ ಆತ್ಮಾನ ಝಿಟ್ಕಾರವಾಳೊ ಉಶೆ, ಬಿಜು಼ ಕೆಥ್ರಾನು ಕಠೋರ್ ನಿಶತ್ನ ಯೋ ಖ್ಹಣೇದ್ ಹುಯೆಜಾ಼ಯ್‍ಕರಿ ತುಮೇಸ್ ಸೋಚಿದೇಖೊ.

ಇಬ್ರಿ 6:6

ಅಜು಼ ಇವ್ಣೆ ಇವ್ಣ ವಿಶ್ವಾಸ್ಮ ರಡ್ಕಿ ಜಾ಼ವಾಳ ರ‍್ಹಯಾತೊ ಇವ್ಣುನ ಪಾಛು಼ ಮನ್ ಫರಾವ್ಣುಕತೊ ಇವ್ಣೆ ಇವ್ಣ ನಫ್ಫೊಕೊಂತೆ ಖ್ಹಾಜೆ ದೇವ್ನ ಛಿಯ್ಯಾನ ಪಾಛು಼ ಶಿಲ್‌ಬೆಪರ್ ನಾಕ್‌ಶೆ.ಅಜು಼ ಇವ್ಣೆ ಅಖ್ಖಾನ ಖ್ಹಾಮ್ಣೆ ಇನ ಖ್ಹರಮ್‌ ಕಾಡ್‌ಶೆ.

1 ಯೋಹಾನ 3:2

ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.

ಯೂದನೆ ಲೀಖ್ಯೋತೆ ಚಿಟ್ಟಿ 1:14

ಆದಾಮನೊ ಖ್ಹಾತ್‍ನಿ ಫಿಡಿವಾಳೊ ಹುಯಿರ‍್ಹೋತೆ ಹನೋಕ ಆ ಅದ್ಮಿವ್‌ನ ಬಾರೇಮ ಪ್ರವಾದ್‌ನೆ ಕರೀನ್ ಅಮ್ ಬೋಲಿರಾಖ್ಯೊಸ್, “ಹಂದೇಖೊ, ಪ್ರಭು ಇನು ಹಜಾ಼ರೊ ಪರಿಶುದ್ ದೂತರ್‌ನಿ ಜೋ಼ಡ್ಮ ವಳ್ಯಾವಸ್”.

ಪ್ರಕಾಶಿತ್ 22:20

ಆ ಬಾರೇಮ ಸಾಕ್ಷಿ ಬೋಲವಾಳೊ, “ಒಹೊ, ಮೇ ಖ್ಹಾಚಮಾಸ್ ವಗ್ಗಿಸ್ ಆವುಸ್” ಕರಿ ಬೋಲಾಸ್. ಆಮೆನ್. ಪ್ರಭು ಹುಯಿರ‍್ಹೋತೆ ಯೇಸು, ಆವ್.

ಪ್ರಕಾಶಿತ್ 22:4

ಇವ್ಣೆ ಇನು ಮ್ಹೋಡು ದೇಕ್‌ಶೆ ಇವ್ಣ ಮುಡ್‌ಕ್ಯಪರ್ ಇನು ನಾಮ್ ಲೀಖೈರ‍್ಹಿಶೆ.