ಪ್ರಕಾಶಿತ್ 1:11 - ದೇವ್ನಿ ಖ್ಹಾಚಿ ವಚನ್

¹¹ ಯೋ ಅವಾಜ಼್‌ನೆ, ತೂ ದೇಖಾನು ಏಕ್‌ ಪುಸ್ತಕ್‌ಮ ಲೀಖಿನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲಿಡೇಲ್ಫಯ, ಲವೊದಿಕೀಯ, ಕರಿ ಖ್ಹಾತ್ ಸಬೆವ್‍ನ ಮೋಕಲ್ನುಕರಿ ಬೋಲ್ಯು.

ಪ್ರಕಾಶಿತ್ 1:11 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:14

ಹಮಾರಿ ಬೋಧನೆ ಖ್ಹಮ್‍ಜ್ಯುತೆ ತಯೇಡಾವ್ಮ ಲಿಡಿಯಾಬಿ ಏಕ್‍ಜ಼ಣಿ. ಆ ಹೈರಿತೆ ಥುವತೈರ ಖ್ಹಯೇರ್‌ವಾಳಿ; ಹೈರಿತೆ ರಾಯಿಜಾ಼ಮಣ್ಣ ರಂಗ್ನು ಲುಂಗ್ಡು ವೇಚಿನ್ ಧಂದೊ ಕರಾವಾಳಿ ಹುಯಿರ‍್ಹೀಥಿ. ಆ ಖ್ಹಾಚ ದೇವ್ನ ಆರಾದನೆ ಕರ್ತೀಥಿ. ಪೌಲನ ಬೋಧನೆನ ಕಾನ್‍ಜೋ಼ಡಿ ಖ್ಹಮ್‍ಜಾ಼ನಿತರ ಪ್ರಭುನೆ ಇನ ದಿಲ್ನ ಛೋ಼ಡಾಯೊ. ಪೌಲನೆ ಬೋಲ್ಯೊತೆ ಖ್ಹಾರು ಇನೆ ವಿಶ್ವಾಸ್‌ಕರಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:24

ಎತ್ರಾಮ ಅಲೆಕ್ಸಾಂಡ್ರಿಯಮ ಪೈದಹುಯೊತೆ ಅಪೊಲ್ಲೋಸ ಕರಿ ಯೆಹೂದ್ಯ ಏಕ್‍ಜ಼ಣೊ ಎಫೆಸಮ ಆಯೊ. ಯೋ ವಾತ್ಮ ಪುರ್‌ಗುಲ್‍ಬಿ ಅಜು಼ ಧರ್ಮಶಾಸ್ತ್ರನ ಅಛ್ಛಿನಿತರ ಮಾಲುಮ್ ಕರಿರಾಖ್ಯೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:17

ಪೌಲನೆ ಮಿಲೇತಥೊ ಎಫೆಸ ಖ್ಹಯೇರ‍್ನ ಸಬೆನ ಗಲ್‌ಢವ್‍ಖ್ಹಾರಾನ ಏಕ್‌ ಸಂದೇಶ್ ಬೋಲಿಮೋಕ್ಲಿನ್ ಇವ್ಣುನ ಬುಲೈಮಂಗಾಯೊ.

1 ಕೊರಿಂಥ 15:32

ಮೇ ಅದ್ಮಿವೋನಖ್ಹಾಜೆ ಎಫೆಸಮ ಜಾನ್ವರ್‌ನ ಜೋ಼ಡ್ಮ ಜಂಗ್ ಭೀಡ್ಯೊತೊ, ಮನ ನಫ್ಫೊತೋಬಿ ಶಾತ್‌? ಮರಿಜಾ಼ವಳು ಉಠಿಆವಾನು ನಾರ‍್ಹಯುತೊ, ‘ಖೈನ್ ಪೀನ್ ಮರಿಜೈ಼ಯೆ?

1 ಕೊರಿಂಥ 16:8

ಕತೋಬಿ ಯೆಹೂದ್ಯರ್‌ನಿ ಅಡೈವಿಖ್ಹ್‌ದನ್ನಿ ಪಂಚಶತ್ತಮ ಪೂಜ಼ನ ದನ್‌ಲಗು ಎಫೆಸಮ ರ‍್ಹೆವುಸ್.

ಎಫೆಸ 1:1

ದೇವ್ನಿ ಗಳ್‌ಜೋ಼ಡ್ಮ ಕ್ರಿಸ್ತ ಯೇಸುಮ ಅಪೊಸ್ತಲ ಹುಯಿರ‍್ಹೋಸ್ತೆ ಪೌಲ, ಎಫೆಸಮ ಛೇತೆ ದೇವ್ನ ಅದ್ಮಿನಾಬಿ, ವಿಶ್ವಾಸ್‌ವಾಳನಾಬಿ ಲಿಖಾನು ಶಾತ್‍ಕತೊ,

ಕೊಲೊಸ್ಸೆ 2:1

ತುಮಾರ ಖ್ಹಾಜೇಬಿ, ಲವೊದಿಕೀಯವಾಳನ ಖ್ಹಾಜೇಬಿ ಶೊಂತ್‍ಥೀಬಿ ಮಳಾಕೊಂತೆ ಇವ್ಣಖ್ಹಾಜೆಥೀಬಿ ಮೇ ಕೆತ್ರೆ ಲಡುಕರೂಸ್ ಕರಿ ಬೋಲಾನು ತುಮೆ ಮಾಲುಮ್ ಕರಿರಾಕ್ಣು ಕರಿ ಮೇ ಆಖ್ಹ್‌ಕರುಸ್.

1 ತಿಮೊ 1:3

ಮೇ ಮೆಕೆದೋನ್ಯನ ಜಾ಼ವಾನಿ ವಖ್ಹತ್‌ಮ, ತೂ ಎಫೆಸಮಸ್ ರ‍್ಹೆಕರಿ ಗಿಂಗೈಲಿದೊ, ಹಿಜ಼್ಜಾ ಥೋಡು ಜ಼ಣು ಝೂ಼ಟಿ ಭೋತಿ ಬೋಲಿದೆವ್‌ಕರ್ತುಥೂತೆ ಇವ್ಣುನ ಹುಕುಮ್‌ ದೀನ್ ಭೀರಾಕ್‌ಣು ಕರೀಬಿ,

ಪ್ರಕಾಶಿತ್ 1:17

ಮೇ ಇನ ದೇಖಾನಿವಖ್ಹ್‌ತೆ ಮರ‍್ಯಹುಯಾನಿಘೋಣಿ ಇನ ಗೋಡಾನ ಖ್ಹಾಮ್ಣೆ ಪಡ್ಯೊ.ಯೋ ಇನ ಖಾವಹಾತ್ನ ಮಾರಪರ್ ಮ್ಹೇಲಿನ್, ಡರ್‌ನಕೊ ಮೇಸ್ ಪಹಿಲೆನೊ ಖ್ಹರ್ತಿನೊಬಿ.

ಪ್ರಕಾಶಿತ್ 1:19

ಇನಖ್ಹಾಜೆ ತೂ ದೆಖಾವನು ಖ್ಹಾರುಸ್,ಹಮ್ಕೆ ಚಾ಼ಲುಕರಾತೆ ಖ್ಹಾರುಸ್ ಅಗ್ಗಳ್ ಚಾ಼ಲಾನು ಅಖ್ಖಾಸ್ನ ಲೀಖ್.

ಪ್ರಕಾಶಿತ್ 1:2

ಯೋಹಾನನೆ ದೇವ್ನಿ ವಚನ್ನಿ ಬಾರೆಮಾಬಿ, ಯೇಸು ಕ್ರಿಸ್ತನೆ ಬೋಲ್ಯೊತೆ ಸಾಕ್ಷಿನಿ ಬಾರೆಮಾಬಿ,ಇನೆ ದೇಖ್ಯೋತೆ ಖ್ಹಾರು ಖ್ಹಮ್‌ಜಾಡವಾಳೊಹುಯಿನ್‌ ಸಾಕ್ಷಿ ಬೋಲ್ಯೊ.

ಪ್ರಕಾಶಿತ್ 1:20

ಮಾರ ಖಾವಹಾತ್ಮ ತುನೆ ದೇಖ್ಯೊತೆ ಖ್ಹಾತ್ ತಾರವ್ನ ಅಜು಼ ಖ್ಹಾತ್ ಖ್ಹೊನ್ನಾನು ದಿವಳ್ಗಿನು ಖಂಬಾನು ಮತ್ಲಬ್ ಬೋಲಿವತಾಳುಸ್, ಯೋ ಖ್ಹಾತ್ ತಾರೊ ಕತೊ ಖ್ಹಾತ್ ಸಬೇನು ದೂತರ್, ಯೋ ಖ್ಹಾತ್ ದಿವಳ್ಗಿನು ಖಂಬಖ್ಹಾರು ಕತೊ ಯೋ ಖ್ಹಾತ್ ಸಬೆಖ್ಹಾರಿ ಹುಯಿರ‍್ಹೀಸ್.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.

ಪ್ರಕಾಶಿತ್ 1:8

“ಮೇಸ್ ಪಹಿಲೋಬಿ, ಖ್ಹರ್ತಿಬಿ” ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ ಖ್ಹಾಮ್ಣೆ ಆವವಾಳೊ, ಮಹಾನ್ ಶಕತ್‌ವಾಳೊ ಕರಿ ದೇವ್ ಹುಯಿರ‍್ಹೋತೆ ಪ್ರಭು ಬೋಲಾಸ್.

ಪ್ರಕಾಶಿತ್ 10:4

ಯೋ ಘಲಾರ್‌ಖ್ಹಾರು ಬೋಲಾನು ಮೆ ಲೀಖ್ಣುಕರಿ ಥೊ. ಕತೋಬಿ, “ಯೋ ಖ್ಹಾತ್ ಘಲಾರ್‌ಖ್ಹಾರು ಬೋಲ್ಯುತೆಯಿನ ತೂ ನಾಲೀಖ್ಣುತೆ ಗಪ್ಲತ್‌ ರಾಕ್‌ಕರಿ ಬೋಲಾನು ಸೊರ್ಗಾನ ಟಹು಼ಕಾನ ಖ್ಹಮ್‌ಜೊ”.

ಪ್ರಕಾಶಿತ್ 14:13

ಪರಲೋಕ್‌ಥು ಏಕ್‌ ಅವಾಜ಼್ ಮನ ಖ್ಹಮಜ್‍ಪಡ್ಯು. ಇನೆ ಹಂಕೇಥು ಪ್ರಭುನ ಭಕ್ತರ್‌ಹುಯಿನ್ ಮರಾವಳು ಧನ್ಯಕರಿ ಲೀಖ್‌ಕರಿ ಮನ ಬೋಲ್ಯು. ಇನ ಆತ್ಮನೆ, ಒಹೊ ಇವ್ಣೆ ಧನ್ಯರಸ್. ಇವ್ಣೆ ಇವ್ಣ ಮ್ಹಿನತ್‌ನ ಖತಮ್‌ಕರಿನ್ ಅರಾಮ್ ಕರ್ಶೆ ಅಜು಼ ಇವ್ಣು ಅಛ್ಛು಼ ಕಾಮ್‌ಖ್ಹಾರು ಇವ್ಣ ಜೋ಼ಡ್ಮ ಚಾ಼ಲ್‌ಷೆ ಕರಿ ಬೋಲ್ಯೊ.

ಪ್ರಕಾಶಿತ್ 19:9

ಅತ್ರೇಸ್ ಕಾಹೆತೆ ಇನೆ ಮಾರೇಥಿ ವಾತೆ ಬೋಲ್ತೊಹುಯಿನ್ ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ವ್ಯಹಾನ ಮಿಝ಼್‌ವಾನ್‌ಮ ಬುಲೈರ‍್ಹಾವಳು ಧನ್ಯರ್ ಕರಿ ಬೋಲಾನು ಲೀಖ್‌ಕರಿ ಬೋಲಿನ್, “ಆ ಖ್ಹಾರಿವಾತೆ ದೇವ್ನು ಖ್ಹಾಚು಼ ವಚನ್ ಹುಯಿರುಸ್.” ಕರಿ ಬೋಲ್ಯೊ.

ಪ್ರಕಾಶಿತ್ 2:1

ಎಫೆಸಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಖ್ಹಾತ್ ತಾರವ್ನ ಇನ ಖಾವಹಾತ್ಮ ಧರಿಲೀನ್ ಖ್ಹಾತ್ ಖ್ಹೊನ್ನಾನು ದಿವಳ್ಗಿನ ಖಂಬಾನ ಇಚ಼್‌ಮ ಚಾ಼ಲುಕರಾವಾಳೊ ಶಾತ್ ಬೋಲುಕರಾಸ್‌ ಕತೊ,

ಪ್ರಕಾಶಿತ್ 2:12

ಪೆರ್ಗಮಾನು ಸಬೆನ ದೂತನ ಅಮ್‍ಲೀಕ್; ಬೇ ಮ್ಹೋಡಾನು ಚಾ಼ಲ್ತಿ ತಲ್ವಾರ್‌ನ ಧರಿರಾಖವಾಳೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:18

ಥುವತೈರಾಮ ಛಾ಼ತೆ ಸಬೇನು ದೂತಾನ ಅಮ್‍ಲೀಕ್, ಆಗ್‍ನಿ ಝ಼ಲ್‌ಪಟ್‌ನಿತರನ ಡೋಳಾ, ಝ಼ಮ್ಕಾಸ್‌ತೆ ತಾಂಬಾನಿತರನೊ ಪಂಜ಼ ರ‍್ಹವಾಳೊ ದೇವ್‌ನೊ ಛಿಯ್ಯೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:24

ಕತೋಬಿ ಥುವತೈರಾಮ ರ‍್ಹವಾಳ, ಬಿಜ಼ಖ್ಹಾರನ ಮೇ ಬೋಲಾನು ಶಾತ್‍ಕತೊ, ತುಮೆ ಇನು ಶಿಕಾಡನಿತರ ಚಾ಼ಲ್ಯಕೊಯ್ನಿ ಶೈತಾನ್ನು ಖ್ಹರ್ತಿನು ಗಪ್ಲತ್‍ಖ್ಹಾರು ಕೋಣ್ ಕೋಣ್ ಮಾಲುಮ್‌ ಕೋಕರ‍್ಯಾನಿತೆ ರ‍್ಹೇಸ್ಕಿ ಇವ್ಣುನ ಬೋಲಾನು ಶಾತ್‍ಕತೊ ಮೇ ಬಿಜೇಕ್ ವಜ಼ನ್ ತುಮಾರಪರ್ ಕೋನಾಖಿಷ್‌ನಿ.

ಪ್ರಕಾಶಿತ್ 2:8

ಸ್ಮುರ್ನಮ ಛಾ಼ತೆ ಸಬೆನ ದೂತಾನ ಅಮ್‍ಲೀಕ್, ಶುರುವಾತ್‍ಬಿ ಖ್ಹರ್ತಿಬಿ ಹುಯಿರ‍್ಹಾವಳೊ, ಮರಿಜೈನ್ ಪಾಛೊ಼ ಜಿವ್ತೊ ಉಠೀನ್ ಆಯೊಹುಯೊ ಬೋಲಾಸ್ ಶಾತ್‌ಕತೊ

ಪ್ರಕಾಶಿತ್ 21:5

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ದೇಖ್ ಮೇ ಖ್ಹಾರುಸ್ ನವೇಥಿ ಉಬ್‌ಜಾ಼ವುಸ್‌” ಕರಿ ಬೋಲ್ಯೊ. ಅಜು಼ ಏಕ್‌ ಜ಼ಣಾನೆ ಮನ, ತೂ ಅನ ಲೀಕ್. ಶನಕತೊ ಆ ವಚನ್‌ಖ್ಹಾರು ಖ್ಹಾಚು಼ಬಿ ವಿಶ್ವಾಸ್‌ ಕರಖ್ಹರ್ಕೂಬಿ ಹುಯಿರ‍್ಹುಸ್” ಕರಿ ಬೋಲ್ಯೊ.

ಪ್ರಕಾಶಿತ್ 22:10

ಆನಾಹುಯಿನ್ ದೇವ್ನದೂತನೆ ಮನ, “ಆ ಪುಸ್ತಕ್‌ಮ ಛಾ಼ತೆ ದೇವ್‍ಥಿ ಆವಾನು ವಚನ್ ಅಖ್ಖಾನ ಗಪ್ಲತ್ ನಕೊಕರ್. ಶನಕತೊ ಆ ಅಖ್ಖು ಚಾ಼ಲಾನ ದನ್ ಖನ್ನೆ ಐಗು.

ಪ್ರಕಾಶಿತ್ 22:16

“ಯೇಸು ಕರಿ ಮೇಸ್ ಮಾರು ಖ್ಹಾರ ಸಬೇವ್ನಿ ಬಾರೇಮ ತುಮುನ ಸಾಕ್ಷಿ ಬೋಲಾನಖ್ಹಾಜೆ ಮಾರ ದೂತನ ಮೋಕ್ಲಿರಾಖ್ಯೊಸ್. ಮೇ ದಾವೀದನು ಖೂಮ್‌ ಕರಿ ಬೋಲಾನು ಬಡ್ಡೇಥು ನಿಕ್‌ಳ್ಯುತೆ ಚಿಗುರ್‌ಬಿ, ಇನಿ ಸಂತಾನ್‌ಬಿ ಉಜಾ಼ಖ್ಹ್‌ಥಿ ನಿಕ್ಳಾನೊ ಶುಕ್ಕರ್‌ಬಿ ಹುಯಿರೊಸ್.

ಪ್ರಕಾಶಿತ್ 3:1

ಸಾರ್ದಿಸ್‌ಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ದೇವ್ನು ಖ್ಹಾತ್ ಆತ್ಮಾನ ಅಜು಼ ಖ್ಹಾತ್ ಶುಕ್ಕರ್‌ನ ಲೀರಾಖವಾಳು ಯೋ ಬೋಲಸ್ ಶಾತ್‌ಕತೊ, ತಾರು ಕಾಮ್‌ಖ್ಹಾರು ಮನ ಮಾಲುಮ್ ಛಾ಼. ಜಿವ್ತೊಕರಿ ನಾಮ್ ತುನ ರ‍್ಹಯುತೋಬಿ, ತೂ ಮರ‍್ಯೊಹುಯೊ ಹುಯಿರೊಸ್.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,

ಪ್ರಕಾಶಿತ್ 3:4

“ತುಮಾರು ಸಬೆನ ಮಳಿರ‍್ಹುಸ್ತೆ ಥೋಡ ಜ಼ಣ ಸಾರ್ದಿಸ್‍ನು ಬೀಜೂಬಿ ಪವಿತ್ರ ಛಾ಼. ಅವ್ಣೆ ಇವ್ಣ ಲುಂಗ್ಡಾನ ಗಂಧು ಕೋಕರಿರಾಖ್ಯುನಿ. ಅವ್ಣೆ ಯೋಗ್ಯರ್ ಹುಯಿರ‍್ಹಿಷೇತೆ ಇನಖ್ಹಾಜೆ ಧೋಳು ಲುಂಗ್ಡಾನ ಫೇರಿನ್ ಮಾರ ಜೋ಼ಡ್ಮ ಚಾ಼ಲ್‍ಷೆ.

ಪ್ರಕಾಶಿತ್ 3:7

ಫಿಲಿಡೇಲ್ಫಿಯಾಮ ಛಾ಼ತೆ ಸಬೆನ ದೂತನ ಅಮ್‍ಲೀಕ್: ಪರಿಶುದ್ಧಬಿ, ಖ್ಹಾಚೊ಼ಹುಯಿರ‍್ಯವಾಳೊಬಿ, ದಾವೀದನು ಬೀಗಾನು ಕೀಲಿ ಲೀರಾಖವಾಳೋಬಿ, ಕಿನೇಥೀಬಿ ನಾ ಮೂಚ಼ನಹೋಣುತೆ ಇಮ್‌ ಕಾಡವಾಳೊ, ಖೆವಾಥೀಬಿ ಉಖ್ಡಾನ ನಾ ಹೋಣುತೆ ಇಮ್‌ ಮೂಚಾ಼ವಾಳೊ ಹುಯಿರೋತೆ ಶಾತ್‌ ಬೋಲಾಸ್‍ಕತೊ,