ಫಿಲಿಪ್ಪಿ 4:8 - ದೇವ್ನಿ ಖ್ಹಾಚಿ ವಚನ್

⁸ ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

ಫಿಲಿಪ್ಪಿ 4:8 Iomraidhean Croise

ಮತ್ತಾಯ 22:16

ಪರಿಸಾಯರ್‌ನು ಶಿಷ್ಯರ್‌ಮ ಥೋಡಾನ ಅಜು಼ ಹೆರೋದ ಭಣಿವಾಳ ಥೋಡು ಅದ್ಮಿನ ಮೋಕ್‍ಲ್ಯು. ಇವ್ಣೆ ಐನ್, “ಗುರು, ತೂ ಖ್ಹಾಚಿಸ್ ಬೋಲಾಸ್ ಕರಿ ಹಮೂನ ಮಾಲುಮ್. ತೂ ಅದ್ಮಿನಖ್ಹಾಜೆ ಛಾ಼ತೆ ದೇವ್ನಿ ಮರ್ಜಿನಿ ಬಾರೇಮ ಖ್ಹಾಚಿಸ್ ಬೋಲಿವತಾಳಸ್, ಎತ್ರೇಸ್ ಕಾಹೆತೆ ಅದ್ಮಿಖ್ಹಾರು ಶಾತ್‌ ಸೋಚ್‌ಶೆ ಕರಿ ಬೋಲಾನಿ ಬಾರೇಮ ತುನ ಫಿಕರ್ ಕೊಯ್ನಿ, ಶನಕತೊ, ತು ಕಿನಾಬಿ ಮ್ಹೋಡು ದೇಖಿನ್, ವಾತೆ ಬೋಲಾಕೊಯ್ನಿ.

ಮಾರ್ಕ 6:20

ಹೆರೋದನ ಯೋಹಾನಕತೊ ಡರ್‌ ಥೊ ಶನಕತೊ, ಯೋಹಾನ ನೀತಿವಾಳೊಕರೀಬಿ ಅಜು಼ ಪವಿತ್ರ್‌ ಅದ್ಮಿಕರಿ ಇನ ಮಾಲುಮ್‌ ಥು, ಇನಾಖ್ಹಾಜೆ ಇನ ಜ಼ತನ್‌ಥಿ ರಾಖಿರಾಖ್ಯೋಥೊ. ಅಜು಼ ಯೋಹಾನ ಬೋಲಾತೆ ವಾತ್ನ ಖ್ಹಮ್‌ಜೊತೊ, ಇನ ದಿಲ್ಮ ಕಲಾವ್ಣಿ ಹುಯುತೋಬಿ, ಇನಿ ವಾತೆನ ಖ್ಹುಶಿಥಿ ಖ್ಹಮಜ಼್‌ತೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:15

ತದೆ ಯೇಸುನೆ ಇವ್ಣುನ, “ಅದ್ಮಿನ ಖ್ಹಾಮ್ಣೆ, ತುಮೆ ಬರೊಬರ್‌ ಕರಿ ವತಾಳಿಲೇಸ್; ಕತೋಬಿ ದೇವ್ನೆ ತುಮಾರು ದಿಲ್‌ ಕಿಮ್ನು ಕರಿ ಮಾಲುಮ್‌ ಕರಿರಾಖ್ಯೋಸ್. ಅದ್ಮಿನ ಡೋಳಾಮ ಘಣ ಮೋಟಾ ಕರಿ ಬೋಲೈಲೇಸ್ತೆ ಇವ್ಣೆ, ದೇವ್ನ ಡೋಳಾಮ ಗಲೀಜ಼್ ಹುಯಿರ‍್ಹೂಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:25

ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:50

ಯುದಾಯ ತಬರ್‌ಖಾನು, ಅರಿಮಥಾಯ ಕರಿ ಗಾಮ್ಮ ಯೋಸೇಫ ಕರಿ ಏಕ್ಜ಼ಣೊ ಥೊ. ಯೋ ಏಕ್‌ ಅಛ್ಛು಼ ಅಜು಼ ನೀತಿವಾಳೊ ಅದ್ಮಿ ಹುಯಿರ‍್ಹುಥೊ, ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಬೋಲಿನ್ ಟಿವವ್‍ಕರ್ತೊಥೊ. ಶಾಣಾವ್‍ನಿ ಸಭೆಮಾನು ಅದ್ಮಿಮ ಆಬಿ ಏಕ್‌ ಜ಼ಣೊ ಹುಯಿರ‍್ಹೋಥೊ, ಕತೋಬಿ ಯೆಹೂದ್ಯರ್‌ನು ಶಾಣುಖ್ಹಾರು ಯೇಸುನ ಮಾರ‍್ನು ಕರಿ ಕರ‍್ಯುತೆ ಇನ, ಅನೆ ಮಾನ್ಯೊಥೊ ಕೊಯ್ನಿ.

ಯೋಹಾನ 7:18

ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:22

ತದೆ ಇವ್ಣೆ, “ಕೊರ್ನೆಲ್ಯಕರಿ ಖ್ಹೋಶಿಪಾಯಿನೊ ಮೋಟೊ ಛಾ಼. ಯೋ ನೀತಿಮ ಚಾ಼ಲವಾಳೊ; ದೇವ್‍ಥಿ ಡರಾವಾಳೊ ಅಜು಼ ಯೆಹೂದ್ಯರ‍್ನು ಅದ್ಮಿ ಖ್ಹಾರು ಇನ ಮರ್ಯಾದಿ ದೇಸ್. ತುನ ಇನ ಘರೆ ಬುಲೈನ್ ತೂ ಬೋಲಾನಿ ವಾತೇನ ಖ್ಹಮಜ಼್‌ಣುಕರಿ ದೇವ್‌ನೊ ದೂತಥಿ ಕೊರ್ನೆಲ್ಯನ ಬೋಲಿರಾಖ್ಯೊಸ್” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:12

ಹಿಜ್ಜಾ಼ ಧರ್ಮಶಾಸ್ತ್ರನಿ ಬಾರೇಮ ಬರೋಬರ್ ಚಾ಼ಲಿಲ್ಯವಾಳೊ ದೇವ್‌ನೊ ಭಕ್ತಾಬಿ ಯೋ ಝ಼ಗೋನು ಯೆಹೂದ್ಯರ್ ಖ್ಹಾರಾಥಿ ಅಛ್ಛೊ಼ಕರಿ ನಾಮ್ ಕಮಾಯೊಹುಯೊ ಅನನೀಯಕರಿ ಏಕ್‍ಜ಼ಣೊ ಮಾರಕನ ಆಯಿ ಭೀರಿನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:3

ಇನಖ್ಹಾಜೆ ಭೈಯೇವೊ ತುಮಾರಮ ಸಾಕ್ಷಿಥಿ ಜಿವವಾಳ ಖ್ಹಾತ್ ಜ಼ಣಾನ ಚೂ಼ಣಿಲೇವೊ. ಇವ್ಣೆ ಅದ್ಮಿಮ ಪವಿತ್ರಾತ್ಮಥಿ ಭರೈರ‍್ಹವಾಳ ಹುಯಿರ‍್ಹೇಣು ಅಜು಼ ಅಕ್ಲಿ ಹುಯಿರ‍್ಹೇಣು,ಇವ್ಣುನ ಹಮೆ ಆ ಕಾಮ್ ದಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:13

ಫಾಯಿದೊಕೊಂತೆ ಮಿಝ಼್‌ವಾನ್, ಪೀನ್ ನಿಶಾಚ಼ಡೈಲ್ಯವಾನು ಅಪ್ಣ ಶರೀರ್ ಸಂಬದ್‌ಥಿ ಕರಾನು ಪಾಪ್, ಲಡೈಝ಼ಗ್‍ಡೊ, ಪೇಟ್ನೊ ಬಳಾಪೊ ಆ ಖ್ಹಾರೇಥಿ ದೂರ್‌ಹುಯಿನ್ ಉಜಾ಼ಳಮ ರ‍್ಹಾವಾಳನಿತರ ಚಾ಼ಲಿಲಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:3

ಶನಕತೊ ಖರಾಬ್‌ನ ಕರಾವಾಳನ ಅದಿಕಾರಿಯೇವ್‍ನು ಡರ್‌ರ‍್ಹೇಸ್ ಪಣ್ಕಿ, ಅಛ಼್ಛು ಕರವಾಳನ ಕಾಹೆ. ಅದಿಕಾರಿಯೇಥಿ ತೂ ಡರ್‌ಕೊಂತೆ ರ‍್ಹವಾನು ಆಖ್ಹ್‌ಕರಸ್‍ಕಿ ಶು? ಅಛ಼್ಛನಕರ್. ತದೆ ಇವ್ಣೇಥಿ ತುನ ಖ್ಹರಾವ್ಣಿ ಮಳ್‍ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:18

ಶನಕತೊ ಅಮ್ನಿ ಪರಕ್ಮ ಕ್ರಿಸ್ತನ ಸೇವೆಕರವಾಳೊ ದೇವ್‍ಥಿ ಪಸಂದ್‌ ಕರೈಲ್ಯವಾಳೋಬಿ, ಅದ್ಮೆವ್‍ನ ಅಛ್ಛು಼ ಕರವಾಳೊಬಿ ಹುಯಿರ‍್ಹವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:29

ಕತೋಬಿ ದಿಲ್ನಮಹಿ ಯೆಹೂದ್ಯ ಹುಯಿರ‍್ಹಾವಾಳೋಸ್ ಖ್ಹಾಚೊ಼ ಯೆಹೂದ್ಯ; ಇಮ್ಮಸ್ ದೇವ್ನಆತ್ಮನ ಕಾಮ್‍ಥಿಹುವಾನು ಖ್ಹತ್ನ ದಿಲ್ಮ ಹುವಾಸ್. ಯೋ ಖಲಿ ನಿಯಮ್‌ನಿ ಲೀಖಾಪಟ್ ಹುಯಿರ‍್ಹುಕೊಯ್ನಿ. ದೇವ್‍ಥೀಸ್‍ ಆವಾನು ಹುಯಿರ‍್ಹುಸ್ ಪಣ್ಕಿ ಎಥ್ರಾನವಾಳನ ಖ್ಹರಾವ್ಣಿ, ಅದ್ಮಿಥಿ ಆವಾನು ಕಾಹೆ.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 13:7

ತುಮೆ ಖಿವೂಬಿ ಖರಾಬ್ ನಾಕರ‍್ನು ಕರಿ ಹಮೆ ದೇವ್ನ ಪ್ರಾರ್ಥನೆ ಕರಿಯೇಸ್. ಅನಾಮ ಹಮೇಸ್ ಯೋಗ್ಯ ಕರಿ ದೆಖಾವ್ಣು ಕರಿ ಹಮಾರಿ ಖ್ಹಯಾಲ್ ಕಾಹೆ. ಹಮೆ ನಾಲಾಯಕ್‌ ಹುಯಿನ್ ದೆಖಾಯಾತೋಬಿ ತುಮೆ ಅಛ್ಛು಼ಸ್ ಕರ್ನುಕರಿ ಹಮಾರಿ ಖ್ಹಯಾಲ್.

2 ಕೊರಿಂಥ 6:8

ಥೋಡು ಜ಼ಣು ಹಮೂನ ಸನ್ಮಾನ್‍ಕರಸ್, ಬಿಜು಼ ಥೋಡು ಜ಼ಣು ಹಮೂನ ಖ್ಹರಮ್‍ಕಾಡಸ್, ಥೋಡುಜ಼ಣು ಖ್ಹರಾವ್ಣಿಕಾಡಸ್ ಬಿಜು಼ಥೋಡು ಜ಼ಣು ಹಮಾರಿ ಬಾರೇಮ ಖರಾಬ್ ವಾತೆ ಬೋಲಾಸ್, ಥೋಡುಜ಼ಣು ಹಮೂನ ಝೂ಼ಟ ಕರಿ ಬೋಲಸ್, ಕತೋಬಿ ಹಮೆ ಖ್ಹಾಚಿಸ್ ಬೊಲಿಯೇಸ್.

2 ಕೊರಿಂಥ 8:18

ಅಖ್ಖೀಸ್ ಸಬೆವಾಳು ಖ್ಹರಾವಸ್‍ತೆ ಏಕ್‌ ಭೈನ ತೀತನಿ ಜೋ಼ಡ್ಮ ಹಮೆ ಮೋಕ್ಲು ಕರಿಯೇಸ್; ಆ ಭೈ ಸುವಾರ್ತೆನಿ ಬಾರೇಮ ಕೀರ್ತಿ ಲೀರಾಖ್ಯೋಸ್.

2 ಕೊರಿಂಥ 8:21

ಶನಕತೊ ಪ್ರಭುನಿ ನಜ಼ರ‍್ಮ ಖಲಿಖಾಯೆತೆ ಅದ್ಮಿನ ಖ್ಹಾರನಿ ನಜ಼ರ್‌ಮಾಬಿ ಮರ್ಯಾದೆ ರ‍್ಹವಾನು ಖಿವು ಬರೋಬರ್ ಕರಿ ಸ್ವಿಕಾರ್‌ಕರ‍ಸ್‍ಕಿ ಅಜು಼ ಅದ್ಮಿನಿ ಬಾರೇಮಾಬಿ ದೇವ್ನಿ ಬಾರೇಮಾಬಿ ಕೆಹು ಬರೋಬರ್ ಕರಿ ಖ್ಹಯಾಲ್ ಕರಸ್ಕಿ ಯೋಸ್ ಖ್ಹಾರಾನ ಹಮೆ ಕೋಶಿಶ್ ಕರುಕರಿಯೇಸ್.

ಗಲಾತ್ಯ 5:22

ಕತೋಬಿ ದೇವ್ನ ಆತ್ಮಾಥಿ ಉಬ್‌ಜಾ಼ನು ಫಲ್ ಶಾತ್‌ಕತೊ, ಪ್ಯಾರ್, ಶಂತೋಖ್ಹ್‌, ಸಮಾಧಾನ್, ಖ್ಹಮಾಳಿ ರ‍್ಹವಾನು, ದಯಾ, ಬಿಜೇಕ್ನ ಮದತ್‌ಕರಾನು, ವಿಶ್ವಾಸ್, ಆಸ್‌ಹುಯಿರ‍್ಹುಸ್.

ಎಫೆಸ 4:25

ಇನಾಖ್ಹಾಜೆ ಝೂ಼ಟಿ ಬೋಲಾನು ಮ್ಹೇಲಿನ್ ಹರೇಕ್ ಜ಼ಣು ಇನ ಭೀಡೆವಾಳನ ಜೋ಼ಡೆ ಖ್ಹಾಚಿಸ್ ಬೋಲೊ. ಶನಕತೊ ಅಪ್ಣೆಖ್ಹಾರು ಎಕ್ಕಸ್ ಶರೀರ‍್ನು ಭಾಗ್‌ ಹುಯಿರ‍್ಹಾಸ್ನಿ.

ಎಫೆಸ 5:9

ಉಜಾ಼ಳನು ಫಲ್ ಅಛ್ಛಾ಼ಮಾಬಿ ನೀತಿಮಾಬಿ ಅಜು಼ ಖ್ಹಾಚಿಮ ದೆಖಾವಸ್.

ಎಫೆಸ 6:14

ಇನಖ್ಹಾಜೆ ಖ್ಹಾಚಿನಸ್ ಕಂಬರ್‌ನು ಕಷ್‌ಬಂದ್‌ ಕರಿ ಭಾಂದಿಲೀನ್, ನೀತಿನಸ್ ಛಾ಼ತಿನ ಕವಚ್ ಕರಿ ಫೆರೀನ್,

ಫಿಲಿಪ್ಪಿ 3:1

ಖ್ಹರ್ತಿಮ ಮಾರ ಭೇನೆ ಭೈಯೇವೊ, ಪ್ರಭುಮ ಖುಷಿಕರೊ. ಪಹಿಲೆ ಖ್ಹಮ್‌ಜಾ಼ಡ್ಯೊಥೋತೆ ಯೋಸ್ ವಾತೇವ್ನ ಪಾಛು಼ ತುಮುನ ಲೀಖಾನ ಮನ ಶಾತ್ಬಿ ಬೇಜಾರ್‌ಕೊಯ್ನಿ. ಆ ತುಮುನ ಘಟ್‌ಕರಸ್.

ಕೊಲೊಸ್ಸೆ 4:5

ತುಮುನ ಮಳಾನಿ ಮೋಕಾನ ಬರೋಬರ್‌ಥಿ ಉಪಯೋಗ್ ಕರಿಲಿನ್, ವಿಶ್ವಾಸ್ಮ ನಾರ‍್ಹವಾಳನಿ ಜೋ಼ಡ್ಮ ಅಕ್ಲಿನಿತರ ಚಾ಼ಲಿಲೇವೊ.

1 ಥೆಸ 4:12

ಅಮ್ ಕರ‍್ಯಾತೊ ತುಮೂನ ವಿಶ್ವಾಸ್‌ಮಕೊಂತೆ ಅದ್ಮಿಥಿ ಮರ್ಯಾದಿ ಮಳ್‌ಶೆ ಕಾಹೆತೆ ತುಮೆ ಕಿನಾಪರ್‌ಬಿ ವಜ಼ನ್ ಕೊ ರ‍್ಹಿಶುನಿ.

1 ತಿಮೊ 2:2

ರಾಜಾ಼ವ್‌ನಟೇಕೆ, ಖ್ಹಾರ ಅದಿಕಾರಿನಟೇಕೆ ಧನ್ಯವಾದ್. ಅನೇಥಿ ಅಪ್ಣೆ ಸಮಾಧಾನ್ ಶಾಂತಿನ ದೇವ್ನ ಭರ್‌ಪೂರ್‌ ಮರ್ಯಾದಿ ದೇತಹುಯಿನ್ ಅಛ್ಛಿಜೀವನ್ ಚ಼ಲಾವನಖ್ಹಾಜೆ,

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

1 ತಿಮೊ 3:4

ಯೋ ಇನ ಘರ್‌ವಾಳಾನ ಬರೊಬರ್‌ಥಿ ಚ಼ಲಾವವಾಳೊ ಅಜು಼ ಇನ ಲಡ್ಕಾ ಇನಿ ವಾತೇನ ಖ್ಹಮ್‌ಜಿನ್‌, ಮರ್ಯಾದಿ ದ್ಯವಾನಿಘೊಣಿ ದೇಖಿಲೆವ್ಣು.

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

1 ತಿಮೊ 5:10

ಅಜು಼ ಇನು ಗುಣ್ ಅಛ್ಛು಼ ಕಾಮ್ ಕರಾಮಸ್ ರ‍್ಹೇಣು. ಅಜು಼ ಇನ ಲಡ್ಕಾವ್ನ ಅಛ್ಛಿನಿತರ ಪಾಳಿರಾಕ್ಣು, ಘರ್‌ಕನ ಆವವಾಳಾನ ಸ್ವಾಗತ್ ಕರಾವಾಳಿ ಹುಯಿರ‍್ಹೇಣು. ಬಿಜು಼ ರ‍್ಹೇಸ್ತೆ ವಿಶ್ವಾಸಿನಿ ಜೋ಼ಡ್ಮ ಧೋಬೆಡಿನಿತ್ರ ಚಾ಼ಲಿಲೇವ್ಣು. ಖ್ಹತಾಪ್ಣಿಮ ರ‍್ಹೇಸ್ತೆ ಅದ್ಮಿವ್‌ನ ಮದತ್ ಕರಾವಾಳಿ ಹುಯಿರ‍್ಹೇಣು. ಅಜು಼ ಅಛ್ಛು಼ಕಾಮ್ನ ಸಮರ್ಪಣ್‌ ಕರಿರಾಖವಾಳಿ ಹುಯಿರ‍್ಹೇಣು.

1 ತಿಮೊ 5:2

ಬುಢಿಯಾ ಬಾಯ್ಕಾವ್‌ನ ಆಯಾನಿಮತ್ ಅಜು಼ ಜಾ಼ನ್ಜ಼ಮಾನ್ ತಯೇಡಾವ್‌ನ ಪಾಕ್‌ಮನ್‌ಥಿ ನ್ಹಾನಿ ಭೇನ್ ಮೋಟಿಭೇನೆವ್ನಿ ಮತ್ ದೇಕ್ಣು, ಇವ್ಣ ಜೋ಼ಡೆ ಪಾಕ್‌ಮನ್‌ಥಿ ಚಾ಼ಲಿಲೇವ್ಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:8

ಯೋ ಘರ್‌ಮ ವಿಶ್ವಾಸ್‌ವಾಳನ ಬುಲೈನ್ ಸ್ವಾಗತ್ ಕರವಾಳೊ ಹುಯಿರ‍್ಹೇಣು, ಅಛ್ಛಾ಼ನಪ್ಯಾರ್ ಕರವಾಳೊಬಿ, ಅಕ್ಲೀಬಿ, ನೀತಿಥಿರ‍್ಹವಾಳೊಬಿ, ಪರಿಶುದ್ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:2

ಬುಢಾಖ್ಹಾರು ಪಿಯಾವಾಳು ನಾ ರ‍್ಹೇವ್ಣುತೇಬಿ, ಮರ್ಯಾದಿಥಿ ರ‍್ಹಹವಾಳೂಬಿ, ಇವ್ಣು ಇವ್ಣೆಸ್ ದಾಬುಕ್ಮ ರ‍್ಹವಾಳುಬಿ ಹುಯಿರ‍್ಹೇಣು, ಪ್ಯಾರ್, ಖ್ಹಮಾಳಿಲ್ಯವಾನು, ಅಜು಼ ವಿಶ್ವಾಸ್‌ಮ ರ‍್ಹವಾಳು ಹುಯಿರ‍್ಹೇಣು ಕರಿ ಶಿಕಾಡ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:7

ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ‍್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್‌ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್‌ದಾರ್ ಅಜು಼ ಗ್ರಿಸ್ತಿಥಿ ರ‍್ಹೇ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:14

ಅಪ್ಣು ಅದ್ಮಿಖ್ಹಾರು ಚು಼ಪ್‌ಕೆಸ್ ನಾರ‍್ಹೇವ್ಣುತೆ, ಅಛ್ಛು಼ ಕಾಮ್ ಕರಾನ ಶಿಕಿನ್, ಇವ್ಣ ಜ಼ರೂರತ್‌ನ ಪರ್ಖಿನ್ ದ್ಯವವಾಳು ಹುಯಿರ‍್ಹಾವದೆ.

ಇಬ್ರಿ 11:2

ಅಪ್ಣ ಗಲ್‌ಢಖ್ಹಾರು ಇವ್ಣಿ ವಿಶ್ವಾಸ್‌ಥೀಸ್ ದೇವ್ನಿ ಒಪ್ಪಿಕೆ ಲೀಲಿದು.

ಇಬ್ರಿ 13:18

ಹಮಾರ ಖ್ಹಾಜೆ ಪ್ರಾರ್ಥನೆ ಕರೊ. ಅಪ್ಣೆ ಹರೇಕ್ ವಿಚಾರ್‌ಮ ಅಛ಼್ಛ ಹುಯಿನ್ ಚಾ಼ಲಿಲೇವ್ಣುಕರಿ ಸೋಚಿಯೆ. ಶನಕತೊ ಹಮೆ ಅಖ್ಖಿವೇಳ್ಮ ದಿಲ್ನಿಸಾಕ್ಷಿನ ಲೀರಾಖ್ಯಸ್‌ಕರಿ ಮಾನಿರಾಖ್ಯಸ್.

ಯಾಕೋಬ 1:27

ವದೇಖ್ಹ್‌ಮ ಪಡ್ಯುರ‍್ಹಿನ್ ದಿಕ್‍ಕೊಂತೆ ಇವ್ಣುನಾಬಿ ಮುಂಡಚ್ಚಿಯೇನಾಬಿ ಬಚಾ಼ಡಿನ್ ಇನ ಜಗತ್‌ನು ದೋಷ್‍ ನಾಲಗ್ನುತೆ ಇನುಯೋಸ್ ಬಚಾ಼ಡಿಲ್ಯಾವನುಸ್ ಬಾ ಹುಯಿರೋತೆ ದೇವ್‌ಕನ ಶುದ್ಧಬಿ ಪಾಕ್‍ಬಿ ಹುಯಿರ‍್ಹವಾನಿ ಭಕ್ತಿ.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.

1 ಪೇತ್ರ 2:12

ತುಮಾರಿ ಚಾ಼ಲ್‍ಚ಼ಲಣ್‍ ಅಲ್ಹಾವ್‌ ಅದ್ಮಿವ್‌ನ ಇಚ಼್‌ಮ ಯೋಗ್ಯಹುಯಿರ‍್ಹವಾದೆ, ತದೆ ಇವ್ಣೆ ಖೆವಿಸ್ ವಾತ್ನಿ ಬಾರೇಮ ತುಮುನ ಖರಾಬ್‍ಕರಿ ಚಾ಼ವ್‌ಣ್ಯ ಕರಾಸ್ಕಿ ಯೋಸ್ ತುಮಾರಿ ವಾತೆಮ ತುಮಾರಿ ಅಛ್ಛಿ ಚಾ಼ಲ್‍ಚ಼ಲಣ್ಣಾ ಡೋಳೆಖ್ಹು ದೇಖಿನ್, ದೇವ್ ಆವನ ದನೂಮ ಅಪ್ಣುನ ಇವ್ಣೆ ಖ್ಹರಾವ್‌ಶೆ.

1 ಪೇತ್ರ 4:8

ಖ್ಹಾರೇಥಿ ಪಹಿಲೆ ತುಮಾರ ತುಮಾರಮ ಖ್ಹಾಚಿನಿತರಾನಿ ಪ್ಯಾರ್‌ರ‍್ಹವಾದೆ. ಪ್ಯಾರ್ ಘಣು ಪಾಪ್‌ಖ್ಹಾರು ಮೂಚಾ಼ಸ್.

2 ಪೇತ್ರ 3:1

ಮಾರ ಪ್ಯಾರ್‌ನ ದೋಸ್ತಿವೊ, ಮೇ ಹಮ್ಕೆ ತುಮೂನ ಲೀಖುಕರುಸ್ತೆ ಬೇನಿ ಚಿಟ್ಟಿ. ಆ ಬೇ ಚಿಟ್ಟಿಮಾಬಿ ಆ ಅಖ್ಖಿಬಾರೇಮ ತುಮುನ ಖ್ಹಯಾಲ್ ಲ್ಯಾವಾನ ತುಮಾರ ದಿಲ್ಮ ಪರಿಶುದ್ದ ಸೋಚ್ ಆವಾನಿತರ ಕರಾವನ ಕೋಶಿಶ್ ಕರಿರಾಖ್ಯೊಸ್.

1 ಯೋಹಾನ 3:18

ಮಾರ ಲಾಡ್ನ ಲಡ್ಕಾವೊ, ತುಮೆಖಾಲಿ ವಾತೆಥೀಬಿ ರ‍್ಹವೊ, ಅಛ್ಛಿವಾತ್‍ ಬೋಲಾಥೀಬಿ ಪ್ಯಾರ್‌ಕರವಾಳ ನಾಹುಯಿರೇವ್ಣುತೆ ಕರ್ನಿಥಿಬಿ ಅಜು಼ ಖ್ಹಾಚಿ ಮೊಹೊಬಥ್ಥಿ ಪ್ಯಾರ್ ಕರಾವಾಳ ಹುಯಿರ‍್ಹೇಣು.

1 ಯೋಹಾನ 3:3

ಕ್ರಿಸ್ತಯೇಸುಪರ್ ರಾಖಿಮ್ಹೆಲ್ಯಾತೆ ಆ ಭರೋಖ್ಹಾನ ಹರೇಕ್ ಜ಼ಣುಬಿ ಯೋ ಪವಿತ್ರ ಹುಯಿರಾವಾನಿ ಘೋಣಿಸ್ ಇನು ಯೋಸ್‍ ಪರಿಶುದ್ ಕರಿಲೇಸ್.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.