ಫಿಲಿಪ್ಪಿ 4:12 - ದೇವ್ನಿ ಖ್ಹಾಚಿ ವಚನ್

¹² ಗರೀಬ್ ಹುಯಿರ‍್ಹವಾನಬಿ ಮಾಲುಮ್ ಚೆಹಳ್‌ಥಿರ‍್ಹವಾನು ಮಾಲುಮ್. ಮೆ ಹಕ್ಲಾಲ್‌ಥಿ ರ‍್ಹಯೊತೋಬಿ, ಭುಕ್ಯೊ ರ‍್ಹಯೊತೋಬಿ, ಬರ್ಗತ್‌ವಾಳೊ ಹುಯುತೋಬಿ, ಕಾಯಸ್‌ಕೊಂತೆ ಹುಯೋತೊಬಿ, ಖಿವಿ ರ‍್ಹಾಮರ‍್ಹವಾಳೊ ರ‍್ಹಿಯೊತೋಬಿ ಇನು ಗಪ್ಲತ್ ಮನ ಮಾಲುಮ್.

ಫಿಲಿಪ್ಪಿ 4:12 Iomraidhean Croise

ಮತ್ತಾಯ 11:29

ಮೇ ಹಂಕಾರ್‌ಭರ‍್ಯೊ ಕಾಹೆ ಅಜು಼ ಕೌಳೊ ದಿಲ್‌ವಾಳೊ ಹುಯಿರ‍್ಹೋತೆ ಇನಖ್ಹಾಜೆ, ಮಾರು ನೊಗಾನ ತುಮಾರಪರ್ ಪಾಡಿಲೀನ್ ಮಾರೇಥಿ ಶಿಕಿಲೇವೊ. ತದೆ ತುಮಾರು ಆತ್ಮಾನ ಅರಾಮ್‌ ಮಳ್‌ಶೆ.

ಮತ್ತಾಯ 13:52

ತದೆ ಯೇಸುನೆ ಇನ ಶಿಷ್ಯರ್‌ನ, “ಅಮ್‌ಕತೊ, ಸೊರ್ಗ ರಾಜ್ಯನು ಶಿಷ್ಯರ್‌ ಬಣ್ಯೂತೆ ಹರೇಕ್ ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಯೆ, ಘರ್‌ನೊ ಯಜಮಾನ್ನಿಘೋಣಿ ಹುಯಿರ‍್ಹೂಸ್, ಯೋ ಯಜಮಾನ್ ಇನ ಘರ್‌ನಿ ಕಣ್ಗಿಮ ಜ಼ಮ ಕರಿರಾಖ್ಯೋತೆ ನವು ಅಜು಼ ಜೂ಼ನ ರಾಛಾ಼ನಖ್ಹಾರು ಭಾರ್‌ ಕಾಡಸ್‌” ಕರಿ ಬೋಲ್ಯೊ.

2 ಕೊರಿಂಥ 10:1

ಪೌಲ ಅಪ್ಣಕನ ರ‍್ಹಾವಾನಿ ವಖ್ಹತ್‌ಮ ಶೇದೆವ್‌ನಿತರ ಚಾ಼ಲಿಲ್ಯವಾಳೊಬಿ, ತುಮಾರೇಥಿ ದೂರ್‌ರ‍್ಹಾವಾನಿ ವಖ್ಹತ್‌ಮ ಕಠಣ್‌ಥಿಬಿ ಚಾ಼ಲಿಲ್ಯವಾಳೊ ಹುಯಿರ್‍ಹೊಸ್ ಕರಿ ಬೋಲೈಲ್ಯಾವಳೊ ಯೋ ಪೌಲ ಕರಿ ಮೇ ಕ್ರಿಸ್ತನಿ ಶಾಂತಿನದಿಲ್‍ನಾಬಿ ಗೋರ್‌ನಾಬಿ ಯಾದ್‍ಕರ‍್ಲಿನ್,

2 ಕೊರಿಂಥ 10:10

“ಇನೇಥಿ ಆಯುತೆ ಚಿಟ್ಟಿ ಖ್ಹಾರು ಕಠಣ್‍ನುಬಿ ತಾಖತ್‍ವಾಳುಬಿ ಹುಯಿರ‍್ಹೂಸ್. ಕತೋಬಿ ಶರೀರ್‌ಥಿ ಯೊ ಕಮ್‌ಜೋ಼ರಿಹುಯಿನ್ ಇನಿ ವಾತೆ ಖ್ಹಾರಿ ಕಾಮ್ನಕೊಯ್ನಿತೇಬಿ ಹುಯಿರ‍್ಹಿಶೆ” ಕರಿ ಥೋಡು ಜ಼ಣು ಬೋಲಸ್.

2 ಕೊರಿಂಥ 11:27

ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್‌ಕೋಲಿದೋನಿ. ಭುಕ್ ಠೋಖ್ಹ್‌ ಶಾತ್‌ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ‍್ಹಯೊ. ಬರೋಬರ್‌ನು ಲುಂಗ್ಡುಕೊಂತೆ ಠಣ್‍ಮ ಕಾಪ್ತೊ ರ‍್ಹಿಯೊ.

2 ಕೊರಿಂಥ 11:7

ತುಮುನ ಊಚ಼ ಪಡಾವ್ಣು ಕರಿ ಮಾರು ಮೇ ಹೇಟುಕರಿಲೀನ್ ದೇವ್ನಿ ಸುವಾರ್ತೆನ ಮೇ ಫುಗಟ್ ಬೋಲ್ಯೋತೆ ಮಾರಿ ಪಾಪ್‍ಕಿಶು?

2 ಕೊರಿಂಥ 11:9

ಮೇ ತುಮಾರಕನ ರ‍್ಹಾವಾನಿ ವಖ್ಹತ್‌ಮ ಮಾರಿ ಖೆವಿ ಜ಼ರೂರತ್‍ನಾಬಿ,ಮೇ ಖಿವಿ ಪರಕ್ಮ ತುಮಾರಾಪರ್ ವಜ಼ನ್ ಹುಯಿರ‍್ಹೊ ಕೊಯ್ನಿಕಿ ಖ್ಹಾಮ್ಣೆ ಮೆ ಭೋಜ಼್‌ ಕೊಹುಯಿಶ್ನಿ. ಶನಕತೊ ಮೆಕೆದೋನ್ಯಥಿ ಆಯಾತೆ ಭೇನೆ ಭೈಯೇನೆ ಮಾರಿ ಜ಼ರೂರತ್ ಪೂರಕರ‍್ಯಾ.