ಫಿಲಿಪ್ಪಿ 4:1 - ದೇವ್ನಿ ಖ್ಹಾಚಿ ವಚನ್

¹ ಅಮ್‌ರ‍್ಹವಾಪರ್, ಮಾರ ಪ್ಯಾರ್‌ನ ಭೇನೆ ಭೈಯೇವೊ ಅಜು಼ ಸಾಥಿವೊ, ಮನ ಶಂತೋಖ್ಹ್‌ಬಿ ಕಿರೀಟ್‌ಬಿ ಹುಯಿರ‍್ಹವವಾಳವೊ, ಮೇ ಬೋಲಾನಿತರ ಪ್ರಭುಮ ಘಟ್‍ಥಿ ಭೀರ‍್ಹೆವೊ.

ಫಿಲಿಪ್ಪಿ 4:1 Iomraidhean Croise

ಮತ್ತಾಯ 10:22

ಮಾರ ಕಾಮ್ನಖ್ಹಾಜೆ ಹರೇಕ್ ಜ಼ಣು ತುಮೂನ ವಹೇರ್‌ ಕರ್ಶೆ. ಕತೋಬಿ ಖ್ಹರ್ತಿಲಗು ಖ್ಹಮಾಳಿಲ್ಯವಾಳು ರಕ್ಷಣೆ ಲಿಶೆ.

ಯೋಹಾನ 8:31

ತದೆ ಯೇಸುನೆ ಇನಾಪರ್ ವಿಶ್ವಾಸ್‌ ಕರ‍್ಯೋತೊ ಯೆಹೂದ್ಯರ್‌ನ, “ತುಮೆ ಮಾರಿ ವಾತೇನಿತರ ಚಾ಼ಲ್ಯಾತೊ,ತುಮೆ ಖ್ಹಾಚ಼ಮಾಬಿ ಮಾರ ಶಿಷ್ಯ ಹುಯಿರ‍್ಹಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:23

ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:42

ಯೊ ಅದ್ಮಿಖ್ಹಾರು ಅಪೊಸ್ತಲರ‍್ನಿ ಉಪದೇಶ್‍ನ ಖ್ಹಮ್‍ಜಾ಼ಮಾಬಿ, ಭೈಯೇ಼ಮ ಮಳಿನ್ ರ‍್ಹವಾಮಾಬಿ, ಖಾಣು ಖಾವಮಾಬಿ, ಪ್ರಾರ್ಥನೆ ಕರಾಮಾಬಿ ಜೋ಼ಡ್ಮ ಅವ್ಣೆ ಮಳಿನ್ ಕರ್ತುಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

1 ಕೊರಿಂಥ 16:13

ಜ಼ತನ್‍ರ‍್ಹೇವೊ, ವಿಶ್ವಾಸ್‌ಮ ಘಟ್‍ಭೀರ‍್ಹೆವೊ ದಿಲ್‍ಪಥಿ ರ‍್ಹವೊ, ಅಜು಼ ತಾಖತ್‍ವಾಳ ಹುವೊ.

2 ಕೊರಿಂಥ 1:14

ತುಮೆ ಪಹಿಲೇಸ್ ಹಮೂನ ಮಾಲುಮ್ ಕರಿರಾಖ್ಯಸ್. ಹಮೆ ಪ್ರಭು ಯೇಸುಮ ಕಂಡಿಚ಼ಡೈಲ್ಯವಾನ ಕಾರಣ್ ಹುಯಿರ‍್ಹಿಯೇಸ್. ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತ ಪಾಛೊ಼ ಆವಾನ ದನ್ಮ ತುಮೆ ಹಮಾರಿ ಭರೋಖ್ಹಾಮ ಛಾ಼ತೆ ತಿಮ್ ಹಮೆ ತುಮಾರಿ ಭರೋಖ್ಹಾಮ ರ‍್ಹಿಶುಕರಿ ತುಮೆ ಮಾನಿಲೇವೊಸ್.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

ಫಿಲಿಪ್ಪಿ 1:27

ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುನ ಛಾ಼ತೆ ಗೋರ್‌ಥೀಸ್ ತುಮಾರ ಹರೇಕ್ನ ಖ್ಹಾಜೆ ಕೆತ್ರೇಕ್ಕಿ ತರ್ಖ್ಹುಕರುಸ್. ಅನ ದೇವಸ್ ಸಾಕ್ಷಿ.

ಫಿಲಿಪ್ಪಿ 2:16

ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

ಫಿಲಿಪ್ಪಿ 2:26

ಇನೆ ತುಮಾರಿ ಬಾರೇಮ ತರ್ಖ್ಹುಕರ್ತೊಥೊ ಅಜು಼ ಯೊ ಜಾನ್ನ ಅಛ್ಛು಼ಕೊಂತೆ ಖಬರ್‌ನ ತುಮೆ ಖ್ಹಮ್‍ಜ್ಯಾತೆ ಇನಖ್ಹಾಜೆ ಯೊ ದುಖ್ ಕರಿಲಿದೊ.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

1 ಥೆಸ 3:13

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಇನು ಪರಿಶುದ್ದ ಪರಿವಾರ್‌ನಿ ಖ್ಹಮೇದ್ ಆವಾನಿ ವಖ್ಹತ್‌ಮ, ಬಾ ದೇವ್ನ ಖ್ಹಾಮ್ಣೆ ತುಮೆ ಪವಿತ್ರಥಿ ಅಜು಼ ಗಲ್ತಿಕೊಂತೆ ಇಮ್‌ ರ‍್ಹವಾನಿಮತ್ ತುಮಾರ ದಿಲ್ನ ಖ್ಹಾರು ಘಟ್ ಕರಾದೆ.

2 ಥೆಸ 2:15

ಇನಖ್ಹಾಜೇಸ್ ಹಮಾರ ಭೈಯೆ-ಭೇನೆವೊ, ಘಟ್ ಭೀರ‍್ಹೆವೊ, ಹಮೆ ವಾತೇಥಿರ‍್ಹವೊ ಅಜು಼ ಹಮೆ ಲೀಖ್ಯಾತೆ ಕಾಗತ್‌ಥ್ಥಿರ‍್ಹವೊ ತುಮೂನ ಮಾಲುಮ್ ಕರಾಯಾತೆ ಪದತ್ತಿನ ತುಮೆ ಘಟ್ ಧರಿಲೆವೊ.

2 ತಿಮೊ 2:1

ತಾರಿ ಬಾರೇಮ ಬೋಲ್ನುಕತೊ; ಮಾರ ಛಿಯ್ಯಾ, ತೂ ಅಪ್ಣ ಕ್ರಿಸ್ತ ಯೇಸುಮ ಛಾ಼ತೆ ಹಮಾರ ಖ್ಹಂಗ್‌ಮ ಮಳಾನಿ ವಾರ್‌ಖ್ಹೇಥಿ ಘಟ್ ಹೂ.

ಇಬ್ರಿ 10:23

ದಿದೋತೆ ವಾಗ್ದಾನ್ನ ಚ಼ಲಾವವಾಳೊ ದೇವ್. ಇನಖ್ಹಾಜೆ ಅಪ್ಣೆ ವಿಶ್ವಾಸ್‌ನಿ ಬಾರೇಮ ಘಟ್‍ಥಿ ಧರಿರಾಖೆ.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

ಇಬ್ರಿ 4:14

ಆಬ್‌ಮಾಕರಿ ಗಯೋತೆ ದೇವ್‌ನೊ ಛಿಯ್ಯೊಹುಯಿರೊತೆ ಯೇಸುಸ್ ಅಪ್ಣುನ ಏಕ್‌ ಮಹಾಯಾಜಕ್ ಹುಯಿರ‍್ಹೊಸ್. ಇನಖ್ಹಾಜೆ ಅಪ್ಣೆ ಛಾ಼ತೆ ವಿಶ್ವಾಸ್ ಘಟ್ ಧರಿಲಿಯೆ.

2 ಪೇತ್ರ 3:17

ಇನಖ್ಹಾಜೇಸ್ ಪ್ಯಾರ್‌ನ ದೋಸ್ತಿವೊ, ಆ ಖ್ಹಾರಿ ವಾತೆನ ಪಹಿಲೆಸ್ ಮಾಲುಮ್‌ಕರ್‌ಲಿದತೆ ಇನಾಖ್ಹಾಜೆ ತುಮೆ ಜ಼ತನ್‌ಥಿ ರ‍್ಹವೊ. ಖರಾಬ್ ಅದ್ಮಿನಿ ಖರಾಬ್ ಬೋದನೆಮ ಮಂಕ್‍ನಕೊ ಹುಯಿಜಾ಼ವೊ. ತುಮಾರಿ ಘಟ್ ವಿಶ್ವಾಸ್‌ಮಾಥು ಪಡ್ಣುನಾತೆ ಹೊಷಾರ್‌ರ‍್ಹವೊ.