ಫಿಲಿಪ್ಪಿ 2:3 - ದೇವ್ನಿ ಖ್ಹಾಚಿ ವಚನ್

³ ಇನುಯೋ ಭಡಾನಖ್ಹಾಜೆ ರ‍್ಹವೊ, ಶಿಕ್ಕೊ ಲ್ಯವಾನಖ್ಹಾಜೆ ಶಾತ್ಬಿ ನಾಕರ‍್ನುತೆ, ಹರೇಕ್ ಜ಼ಣುಬಿ ಹೇಟು ಹುವಾಳಹುಯಿನ್ ಬಿಜೇಕ್ ಜ಼ಣಾನ ಇನೇಥಿಬಿ ಊಚೊ಼ಕರಿ ದೇಖಾದೆ.

ಫಿಲಿಪ್ಪಿ 2:3 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:14

ಮೇ ತುಮೂನ ಬೋಲುಸ್ಕಿ, ಆ ಶುಂಕ ವಶೂಲ್ ಕರಾವಾಳುಸ್ ದೇವ್ನ ಡೋಳಾಮ ಬರೊಬರ್‌ ಕರಿ ಬೋಲೈಲಿನ್, ಘರೆ ಗಯೊ. ಕತೋಬಿ ಯೋ ಪರಿಸಾಯವಾಳೊ ಇಮ್‌ ಕೊಗಯೋನಿ. ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹರೇಕ್‌ಜ಼ಣೊ ಹೇಟು ಹುಯಿಜಾ಼ಶೆ, ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ ಕರಿಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:10

ವಿಶ್ವಾಸಿ ಭೇನ್ ಭೈಯೇನ ಏಕ್‌ಥಿಏಕ್ ಪ್ಯಾರ್ ಕರೊ, ಮರ್ಯಾದಿ ದ್ಯವಾಮ, ಏಕ್‌ಥಿಏಕ್‌ ಖ್ಹಾಮೆರ‍್ಹೇವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:13

ಫಾಯಿದೊಕೊಂತೆ ಮಿಝ಼್‌ವಾನ್, ಪೀನ್ ನಿಶಾಚ಼ಡೈಲ್ಯವಾನು ಅಪ್ಣ ಶರೀರ್ ಸಂಬದ್‌ಥಿ ಕರಾನು ಪಾಪ್, ಲಡೈಝ಼ಗ್‍ಡೊ, ಪೇಟ್ನೊ ಬಳಾಪೊ ಆ ಖ್ಹಾರೇಥಿ ದೂರ್‌ಹುಯಿನ್ ಉಜಾ಼ಳಮ ರ‍್ಹಾವಾಳನಿತರ ಚಾ಼ಲಿಲಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:8

ಕತೋಬಿ ಉಭ್‌ರ‍್ಯುತೆ ಅದ್ಮಿಖ್ಹಾರು ಶೊಂತ್‍ ಅಖ್ಹ್‌ಕರವಾಳು ಖ್ಹಾಚ಼ನಲೀನ್ ಚಾ಼ಲಾನು ಮ್ಹೇಲಿನ್ ಠಗಾವ್ಣಿನ ಲೀನ್ ಚಾ಼ಲಸ್ಕಿ ಇವ್ಣಪರ್ ದೇವ್‌ನೊ ಇರಾದೋಬಿ ಚ಼ಂಢಾಳ್‍ಬಿ ರಂಚ಼್‌ಶೆ.

1 ಕೊರಿಂಥ 15:9

ಮೇತೊ ಅಪೊಸ್ತಲರ್‌ಮ ನ್ಹಾನೊ, ಅಪೊಸ್ತಲಕರಿ ಬೋಲೈಲ್ಯವಾನ ಮೇ ಯೋಗ್ಯಕಾಹೆ. ಶನಕತೊ ಮೇ ದೇವ್ನಿ ಸಬೇನಾಸ್ ಖ್ಹತಾಯೊ.

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

ಗಲಾತ್ಯ 5:15

ಕತೋಬಿ ತುಮೆ ಏಕ್‌ ಥಿ ಏಕ್‌ ಜ಼ಂಗ್‌ಳಿ ಜಾನ್ವರ್‌ನಿ ಘೋಣಿ ಕಲ್ಡ್‌ತಾಹುಯಿನ್, ಫಾಡಿತೋಡಿ ಖಾವವಾಳ ಹುಯಿರ‍್ಹಾತೊ ಏಕ್‌ ಥಿ ಏಕ್‌ ಜ಼ಣು ನಾಶ್ ಹುಯಿಜಾ಼ಶು, ಹೊಷಾರ್.

ಗಲಾತ್ಯ 5:26

ಹಂಕಾರಿ, ಏಕ್‌ನಏಕ್ ನಾ ಛೇಡಾವ್ಣುನಾತೆ, ಏಕ್‌ ಜ಼ಣಾನ ಉಪ್ಪರ್ ಬಿಜೇಕ್ ಜ಼ಣು ಬಳಾಪೊ ನಾಕರ‍್ನುತೆ ತಿಮ್ ರ‍್ಹಿಯೆ.

ಎಫೆಸ 4:2

ತುಮೆ ದೇವ್‌ಮ ಬುಲಾಯತೆ ಇನಖ್ಹಾಜೆ ಹೇಟು ಹುಯಿರ‍್ಹವಾನು, ಶೇದೇವ್‌ಥಿ ರ‍್ಹವಾನು, ಖ್ಹಮಾಳಿರ‍್ಹವಾಳ ಹುಯಿನ್ ಪ್ಯಾರ್‌ಥಿ ಏಕ್‌ಥಿ ಏಕ್ ಖ್ಹಮಾಳಿರ‍್ಹವೊ.

ಎಫೆಸ 5:21

ಕ್ರಿಸ್ತನ ಡರ್‌ಭಕ್ತಿವಾಳ ಹುಯಿರ‍್ಹಿನ್, ಏಕ್‌ಥಿಏಕ್ ಸಮರ್ಪಣ್‌ಥಿ ಚಾ಼ಲಿಲೆವೊ.

ಫಿಲಿಪ್ಪಿ 2:14

ಭಣಕ್ಣುನಾತೇಬಿ, ಆಡಫೇಡ್ ನಾ ಬೋಲ್ನುತೆ ಖ್ಹಾರು ಕರೊ.

ಕೊಲೊಸ್ಸೆ 3:12

ಇನಖ್ಹಾಜೆ ದೇವ್‍ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್‌ಬಿ ಪ್ಯಾರ್‌ನ ಹುಯಿರ‍್ಹಾತೆ ತುಮೆ ಗೋರ್‌, ದಯಾ, ಹೇಟು ಹುವಾನು, ಶೇದೇವ್‌ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್‍ನ ಭರ‍್ಹಿಲೆವೊ.

ಕೊಲೊಸ್ಸೆ 3:8

ಹಮ್ಕೆತೋಬಿ ಇರಾದೊ, ದಾವೊ, ಬಳಾಪೊ, ಚಾ಼ವ್‌ಣ್ಯ, ತುಮಾರ ಮ್ಹೋಡೆಥಿ ನಿಕ್ಳಾತೆ ಖರಾಬ್‌ವಾತೆ ಯೋಅಖ್ಖಾನ ಮ್ಹೇಲಿದೆವೊ.

1 ತಿಮೊ 6:4

ಯೋ ಹಂಕಾರ್‌ಥಿ ಭರೈರ‍್ಹಾವಾಳೊ ಹುಯಿರೋಸ್. ಅಜು಼ ಇನ ಶಾತ್ಬಿ ಮಾಲುಮ್‌ ಕೊ ರ‍್ಹೇಯ್ನಿ. ಇನುಕೊಂತೆ ಆಖ್ಹ್‌ನಿ ಕಾರಣ್‍ಥಿ, ಅಬ್ಬಾಜ಼ಬ್ಬಿ ಕರಾಸ್ ಅಜು಼ ಇನಿ ಖರಾಬ್ ವಾತೆಥಿ ಲಡೈಕರಸ್ ಅನೇಥಿ ಬಳಾಪೊ ಅಲಕ್ ಅಲಕ್‌ಹುಯಿನ್ ಲಡೈ-ಝ಼ಗ್‍ಡೊ, ಚಾ಼ವ್‌ಣ್ಯ ಅಜು಼ ಖರಾಬ್ ಗಾಳೆ ಶುರುಕರಿಲೇಸ್.

1 ಪೇತ್ರ 3:8

ಇನಖ್ಹಾಜೆ ತುಮೆಖ್ಹಾರು ಏಕ್‌ ದಿಲ್‌ವಾಳ ಹುಯಿರ‍್ಹಿನ್ ಆರ್‌ಗೋರ್‌ ಕರಾವಾಳ ಹುಯಿನ್ ಜಿವೊ; ಏಕ್‌ಥಿ ಏಕ್‌ ಮಾಲುಮ್ ಕರಿಲ್ಯಾವಾನ ಕೊಶೀಷ್ ಕರೊ. ಏಕ್‌ಥಿ ಏಕ್‌ ಭೈಯೆ ಭೇನೆನಿತರ ಪ್ಯಾರ್‌ಕರೊ. ಅಜು಼ ಗೋರ್‌ ಕರವಾಳು ಶೇದೇವ್‍ಬಿ ಹುಯಿರ‍್ಹೇವೊ.

1 ಪೇತ್ರ 5:5

ಇಮ್ಮಸ್ ಜಾ಼ನ್ಜ಼ಮಾನ್ ಅದ್ಮಿವೊ, ತುಮೆ ಶಾಣಾಥಿ ಹೇಟುಹುಯಿನ್ ಚಾ಼ಲಿಲೆವೊ ತುಮೆ ಅಖ್ಖೂಬಿ ಶೇದೇವ್ ದಿಲ್ನ ಲೀಲ್ಯಾವಾಳ ಹುಯಿನ್ ಏಕ್‌ಥಿಏಕ್ ಚಾ಼ಕ್ರಿಕರೊ. ಶನಕತೊ ದೇವ್ “ಹಂಕಾರಿನ ವಿರೋದ್‌ಕರಾಸ್. ಗೋರ್‌ ಗರಿಬ್‍ನತೋಬಿ ವಾರ್‌ಖ್ಹೊ ದ್ಯವಾಳೊ ಹುಯಿರ‍್ಹೊಸ್”.