ಫಿಲಿಪ್ಪಿ 1:7 - ದೇವ್ನಿ ಖ್ಹಾಚಿ ವಚನ್

⁷ ತುಮಾರಿ ಬಾರೇಮ ಮನ ಅಮ್ ಬೋಲಾವಸ್ತೆ ಖ್ಹಾಚು಼ಸ್. ಶನಕತೊ ಮೆ ಬಂದಿ ಹುಯಿರ‍್ಹವಾನಿ ವಖ್ಹ್‌ತೆಬಿ, ಸುವಾರ್ತೆನಿ ಬಾರೇನು ಆಡ್‌ಫೇಡ್‌ಮಾಬಿ ತುಮೆಖ್ಹಾರು ಮಾರಜೋ಼ಡೆ ದೇವ್ನಿ ವಾರ್‌ಖ್ಹಾಮ ಭಾಗ್‌ವಾಳ ಹುಯಿರ‍್ಹಾಸ್ ಕರಿ ತುಮುನ ಮಾರ ದಿಲ್ಮ ರಾಖಿಮ್ಹೇಲ್ಯೋಸ್.

ಫಿಲಿಪ್ಪಿ 1:7 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:23

ತುನ ಬೇಡಿಬಿ ಖ್ಹತಾಪ್ಣಿಖ್ಹಾರು ಮಾರಖ್ಹಾಜೆ ಟಿವೈರ‍್ಹೂಸ್‍ಕರಿ ಪವಿತ್ರಾತ್ಮನೆ ಝೇತೈನ್‌ ಹರೇಕ್ ಖ್ಹಯೇರ್‌ಮಾಬಿ ಮನ ಬೋಲುಕರಸ್ತೆ, ಮಾಲುಮ್ ಪಡುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:33

ಶಿಪಾಯಿನೊ ಮೋಟೊ ಖನ್ನೆ ಐನ್ ಇನ ಧರೀನ್ ಬೇ ಖ್ಹಂಕ್‌ಳಿಥಿ ಭಾಂದ್‌ಣುಕರಿ ಹುಕುಮ್‌ ದೀನ್; ಇವ್ಣುನ ಬೋಲ್ಯೊ, ಆ ಕೋಣ್, ಅನೆ ಶಾತ್‌ಕರ‍್ಯೊ? ಕರಿ ಪುಛಾಯೊ.

1 ಕೊರಿಂಥ 13:7

ಅಖ್ಖಾನಸ್ ಲಪಾಡಸ್, ಅಖ್ಖಾಸ್ನ ವಿಶ್ವಾಸ್‍ಕರಸ್, ಅಖ್ಖಾಸ್ನ ಭರೋಖ್ಹೊ ಕರಸ್, ಅಖ್ಖಾಸ್ನ ಖ್ಹಮಾಳಿಲೇಸ್.

1 ಕೊರಿಂಥ 9:23

ಆ ಅಖ್ಖಾನ ಸುವಾರ್ತೆನಖ್ಹಾಜೇಸ್ ಕರೀನ್. ಮೇ ಬೀಜಾ಼ನಿ ಜೋ಼ಡ್ಮ ಸುವಾರ್ತೆನ ವಾರ್ಖ್ಹಾಮ ಭಾಗ್‍ಲ್ಯವಾನಖ್ಹಾಜೆ ಆ ಅಖ್ಖು ಕರುಕರೂಸ್.

2 ಕೊರಿಂಥ 3:2

ಶೊಂತ್ ತುಮೇಸ್ ಹಮೂನ ಯೋಗ್ಯತೆನಿ ಚಿಟ್ಟಿ ಹುಯಿರ‍್ಹಾಸ್. ಯೋ ಚಿಟ್ಟಿಖ್ಹಾರಿ ಹಮಾರ ದಿಲ್ಮ ಲಿಖೈರ‍್ಹುಸ್. ಯೋ ಚಿಟ್ಟಿ ಖ್ಹಾರಸ್ನ ಮಾಲುಮ್, ಖ್ಹಾರುಸ್ ಪಢಾಸ್.

2 ಕೊರಿಂಥ 7:3

ತುಮಾರಪರ್ ಗಲ್ತಿನಾಕ್‍ನು ಕರಿ ಮೇ ಅನ ಬೋಲುಕರು ಕೊಯ್ನಿ ಶನಕತೊ ತುಮಾರಿ ಜೋ಼ಡ್ಮ ಮರಾನಬಿ ಜಿವಾನಬಿ ತುಮೆ ಮಾರ ದಿಲ್ಮಛಾ಼ ಕರಿ ಮೇ ಪಹಿಲೇಸ್ ಬೋಲ್ಯೊಥೋನಿ.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಎಫೆಸ 3:1

ಅಮ್‍ರ‍್ಹವಾಪರ್ ಪೌಲ ಹುಯಿರ‍್ಹೋತೆ ಮೆ ಯೆಹೂದ್ಯರ್‌ಕಾಹೆತೆ ತುಮಾರ ಖ್ಹಾಜೇಥಿ ಕ್ರಿಸ್ತ ಯೇಸುನಖ್ಹಾಜೆ ಖ್ಹಾರ್ಕೊಟ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

ಎಫೆಸ 6:20

ಯೊ ಅಛ್ಛಿ ಸಂದೇಶ್ನ ಲೀಜಾ಼ವಳೊ ಹುಯಿರ‍್ಹೋತೆ ಮೆ ಜೇಲ್‌ಮ ಖ್ಹಂಕಳ್‌ಥಿ ಬಂಧಿಹುಯಿನ್ ಪಡ್ಯೊಸ್. ಇನಿ ಬಾರೇಮ ಮೆ ಬೋಲ್ನುತೆ ಇಮ್ಮಸ್ ಭಾಲಿಥಿ ಮೆ ಬೋಲಾನಿತರ ಮಾರ ಖ್ಹಾಜೆ ಬಿಂತಿಕರೊ.

ಫಿಲಿಪ್ಪಿ 1:12

ಭೈಯೇ ಭೇನೆವೊ, ಮನ ಹುಯೂತೆ ಅಖ್ಖೂಬಿ ಸುವಾರ್ತೆನ ಭಡಾವನ ಮದತ್ ಹುಯಿಕರಿ ತುಮೆ ಮಾಲುಮ್ ಕರಿಲೇವ್ಣುಕರಿ ಮೆ ಹರ್‌ಖ್ಹುಸ್.

ಫಿಲಿಪ್ಪಿ 1:13

ಕಿಮ್‌ಕತೊ ಮೆ ಜೇಲ್‌ಮ ರ‍್ಹವಾನು ಕ್ರಿಸ್ತನ ಖ್ಹಾಜೆಸ್ ಕರಿ ಮಹೇಲ್‌ನ ಕಾವ್ಲಿ ಕರಾವಾಳ ಖ್ಹಾರನಾಬಿ ಬಿಜು಼ಖ್ಹಾರನಾಬಿ ಮಾಲುಮ್‌ಪಡ್ಯು.

ಫಿಲಿಪ್ಪಿ 1:14

ಆ ನಾಹುಯಿನ್ ಭೈಯೇ ಭೇನೇಮ ಜಾ಼ಖ್ಹತ್ ಅದ್ಮಿ ಮಾರಿ ಭಂದಣ್‌ಥೀಸ್ ಪ್ರಭುಮ ಭರೋಖ್ಹಾಥಿ ದೇವ್ನಿ ವಚನ್ನ ಡರ್‌ಕೊಂತೆ ಬೋಲಾನ ಅಜೂ಼ಬಿ ಘಣು ಭಾಲಿ ಲೀರಾಖ್ಯುಸ್.

ಫಿಲಿಪ್ಪಿ 1:5

ಶನಕತೊ ತುಮೆ ಪಹಿಲೆಥ ಹಮ್ಕೆಲಗುಬಿ ಸುವಾರ್ತೆನು ಬೋಧನೆಮ ಭಾಗ್‌ರ‍್ಹವಾಳ ಹುಯಿರ‍್ಹಾಸ್.

ಫಿಲಿಪ್ಪಿ 2:22

ಕತೋಬಿ ತಿಮೊಥೆನ ಯೋಗ್ಯತೆನ ತುಮೆ ಮಾಲುಮ್ ಕರಿರಾಖ್ಯಸ್. ಛಿಯ್ಯೊ ಬಾನಿ ಜೋ಼ಡ್ಮ ಕಿಮ್ಕಿ ತಿಮ್ಮಸ್ ಇನೆ ಮಾರ ಜೋ಼ಡ್ಮ ಸುವಾರ್ತೆನ ಫೈಲಾವನಖ್ಹಾಜೆ ಸೇವೆ ಕರಿರಾಖ್ಯೋಸ್ ಕರಿ ಬೋಲಾನು ತುಮುನ ಮಾಲುಮ್‌ಛಾ಼.

ಫಿಲಿಪ್ಪಿ 4:14

ಅಮ್ ರ‍್ಹಯುತೋಬಿ ತುಮೆ ಮಾರಿ ಖ್ಹತಾಪ್ಣಿ ಖ್ಹಂಗ್‌ಮಥಾತೆ ಅಛ಼್ಛುಹುಯು.

ಫಿಲಿಪ್ಪಿ 4:15

ಅಜು಼ ಫಿಲಿಪ್ಪಿವಾಳೊ, ಮೇ ಶುರುವಾತ್ನ ತುಮಾರಮ ಸುವಾರ್ತೆನ ಪ್ರಚಾರ್ ಕರೀನ್, ಮೆಕೆದೋನ್ಯನ ಗಯೋತೆ ತದೆ ದ್ಯವಾನು, ಲ್ಯಾವಾನಿ ಬಾರೇಮ ತುಮುನ ಮ್ಹೇಲ್ಯೂತೊ ಬಿಜು಼ ಖಿವು ಸಬೇಬಿ ಮನ ಮದತ್ ಕೊದಿದೂನಿಕರಿ ತುಮುನಾಬಿ ಮಾಲುಮ್ ಛಾ಼.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

ಕೊಲೊಸ್ಸೆ 4:18

ಪೌಲಕರಿ ಮೇ ಮಾರ ಹಾತೇಥಿಸ್ ಲೀಖ್ಯೋತೆ ಖ್ಹಲಾಮ್ ಹುಯಿರೀಸ್. ಮೇ ಜೇಲ್‌ಮ ಥೋಕರಿ ಬೋಲಾನು ಯಾದ್ ಕರಿಲೆವೊ. ದೇವ್‌ನೊ ವಾರ್‌ಖ್ಹೊ ತುಮಾರಿ ಜೋ಼ಡ್ಮ ರ‍್ಹವಾದೆ.

ಕೊಲೊಸ್ಸೆ 4:3

ಯೋಸ್ ವೇಳ್ಮ ಹಮೆ ಕ್ರಿಸ್ತನಿ ಮಾಯ್ನನಿ ವಾತೆ ಬೋಲಾನ ದೇವ್ ಹಮಾರಖ್ಹಾಜೆ ಬಾಕಲ್ ಉಖ್ಡಾನಿತರ ಪ್ರಾರ್ಥನೆಕರೊ. ಅನಖ್ಹಾಜೆಸ್ ಮೇ ಜೇಲ್‌ಮ ಛೂ಼ತೆ.

1 ಥೆಸ 5:5

ತುಮೆಖ್ಹಾರು ಉಜಾ಼ಳ ಭಣಿವಾಳ ಅಜು಼ ದನ್ ಭಣಿವಾಳ ಹುಯಿರ‍್ಹಾಸ್. ಅಪ್ಣೆ ರಾತ್ ಭಣಿವಾಳ ಕಾಹೆ, ಅಂಧಾರ ಭಣಿವಾಳಬಿ ಕಾಹೆ.

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

2 ತಿಮೊ 2:9

ಶನಕತೊ ಮೇ ಅಛ್ಛಿ ಖಬರ್‌ನ ಬೋಲುಸ್ತೆ ಇನಖ್ಹಾಜೇಸ್, ಮೇ ಖ್ಹತುಕರೂಸ್ತೆ ಅಜು಼ ಮನ ಖೈದಿನಿಘೋಣಿ ಖ್ಹಂಕಳ್‌ಥೀಬಿ ಭಾಂದಿರಾಖ್ಯುಸ್. ಕತೋಬಿ ದೇವ್ನಿ ವಚನ್ ಭಂದೈರ‍್ಹಿ ಕೊಯ್ನಿ.

ಫಿಲೆಮೋನ 1:13

ಸುವಾರ್ತೆನಖ್ಹಾಜೆ ಜೇಲ್‌ಮ ಥೋತೆ ತದೆ ಮನ ದೇಕ್‌ಭಾಲ್‍ ಕರಾನಖ್ಹಾಜೆ ತಾರಬದಲ್ ಇನ ಮಾರಕನಸ್ ರಾಖಿಲೆವ್ಣುಕರಿ ಸೋಚ್ಯೊಥೊ.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

1 ಪೇತ್ರ 4:13

ಕತೋಬಿ ತುಮೆ ಕೆತ್ರೆಪರಕ್ಮ ಕ್ರಿಸ್ತನಿ ಖ್ಹತಾಪ್ಣಿವ್‌ಮ ಭಾಗ್‌ವಾಳ ಹುಯಿರಾಸ್ಕಿ ಎತ್ರಸ್‍ಪರಕ್ಮ ಖುಷಿ ಪಡೊ. ಇನಖ್ಹಾಜೆ ಯೋ ಮಹಿಮೆಥಿ ಆವಾದಿನ್ ತುಮೆ ದೇಖಿನ್ ಘಣಿ ಖುಷಿಥಿ ಭರೈಜಾಶು.

1 ಪೇತ್ರ 5:1

ಸಭೆನ ಶಾಣವೊ, ಜೋಡ್ಮಶಾಣೊ ಹುಯಿರ‍್ಹೋತೆ ಮೇ ಕ್ರಿಸ್ತನು ಖ್ಹತಾಪ್ಣಿ ಡೋಳೇಥಿ ದೇಖೆಹುಯೊ. ಅಜು಼ ಆವ್‌ಶೇತೆ ಮಹಿಮೆಮ ಭಾಗ್‌ವಾಳೊ ಹುಯಿನ್ ತುಮುನ ಹುಮ್ಮಖ್ಹ್‌ದೀನ್ ಶಾತ್‌ ಬೋಲಿಲೆವುಸ್‌ಕತೊ,

2 ಪೇತ್ರ 1:13

ಮೇ ಮಾರ ಶರೀರ್‌ಕರಿ ಘರ್‌ಮ ರ‍್ಹವಲಗೂಬಿ ತುಮುನ ಯಾದ್‌ದ್ಯವಾಡಿನ್ ಹುಮ್ಮಖ್ಹ್‌ ಕರಾವನು ನ್ಯಾವ್ನು ಕಾಮ್‌ಕರಿ ಮೇ ಸೋಚಿರಾಖ್ಯೊಸ್.

1 ಯೋಹಾನ 3:14

ಅಪ್ಣೆ ಅಪ್ಣ ಭೈಯೇ ಭೇನೆವೊನ ಪ್ಯಾರ್ ಕರಾಥಿ ಮರಣ್‍ಥಿ ನಿಕ್ಳಿನ್ ಕದೇಬಿ ರ‍್ಹವಾನ ಜಾನ್‌ಮ ಛಿಯೆ ಕರಿ ಅಪ್ಣುನ ಮಾಲುಮ್ ಛಾ಼. ಕೋಣ್ ಇವ್ಣ ಭೈಯೇ ಭೇನೇನ ಪ್ಯಾರ್ ಕರಾಕೊಯ್ನಿಕಿ ಇವ್ಣೆ ಮರಣ್‍ಮಾಸ್‍ ಛಾ಼.