ಫಿಲಿಪ್ಪಿ 1:5 - ದೇವ್ನಿ ಖ್ಹಾಚಿ ವಚನ್

⁵ ಶನಕತೊ ತುಮೆ ಪಹಿಲೆಥ ಹಮ್ಕೆಲಗುಬಿ ಸುವಾರ್ತೆನು ಬೋಧನೆಮ ಭಾಗ್‌ರ‍್ಹವಾಳ ಹುಯಿರ‍್ಹಾಸ್.

ಫಿಲಿಪ್ಪಿ 1:5 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:42

ಯೊ ಅದ್ಮಿಖ್ಹಾರು ಅಪೊಸ್ತಲರ‍್ನಿ ಉಪದೇಶ್‍ನ ಖ್ಹಮ್‍ಜಾ಼ಮಾಬಿ, ಭೈಯೇ಼ಮ ಮಳಿನ್ ರ‍್ಹವಾಮಾಬಿ, ಖಾಣು ಖಾವಮಾಬಿ, ಪ್ರಾರ್ಥನೆ ಕರಾಮಾಬಿ ಜೋ಼ಡ್ಮ ಅವ್ಣೆ ಮಳಿನ್ ಕರ್ತುಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:17

ಖ್ಹಾಚಮಾಬಿ ಫುಟಿರ‍್ಹುತೆ ಆಲಿವ್ ಝಾ಼ಡ್‌ನಿ ಡಾಳಿಯೆ ಟುಟಿಗಯು, ಅಜು಼ ಝಾ಼ಡಿನು ಆಲಿವ್ ಝಾ಼ಡ್‌ನಿ ಡಾಳೀನಿಘೊಣಿ ಹುಯಿರೋತೆ ತುನ ಇನಿ ಝ಼ಗೋಮ ಖಶಿ ಭಾಂದಿರಾಖಾತೆ ಯೋ ಖ್ಹಾಚ ಆಲಿವ್ ರಖ್ಹ್‌ನಿ ಜ಼ಡ್‌ಮ ಯೋ ಭಾಗ್‌ಲೀರಾಖ್ಯುತೊಬಿ ಯೋ ಡಾಳಿಯೇವ್‌ನ ಮ್ಹೇಲಿನ್ ತುನ ಚಿಕಾವನ ಉಪ್ಪರ್ ತೂ ಡಾಳಿನಿಬಾರೇಮ ಭಡೈಲೆನಕೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:13

ಜ಼ರೂರತ್ ರ‍್ಹವಾಳ ದೇವ್ನ ಅದ್ಮಿನಿ ಜೋ಼ಡ್ಮ ತುಮಾರಕನ ಛಾ಼ತೆ ಇನಾಮ ಮದತ್ ಕರೊ, ಮ್ಹೇಮಾನ್ನ ಘರ್‌ಮ ಬುಲೈನ್ ಉಪಚಾರ್ ಕರೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:26

ಶನಕತೊ ಮೆಕೆದೋನ್ಯ ಅಜು಼ ಅಖಾಯ ತಬರ್‌ಖಾವಾಳು ವಿಶ್ವಾಸಿ ಯೆರೂಸಲೇಮ್ಮ ದೇವ್ನ ಅದ್ಮಿವೋನ ಮಳಿನ್ ರ‍್ಹವಾಳ ಗರೀಬ್ ವಿಶ್ವಾಸಿನ ಮದತ್ ಕರಾನಖ್ಹಾಜೆ ಖ್ಹಯಾಲ್ ಕರಿರಾಖ್ಯಸ್.

1 ಕೊರಿಂಥ 1:9

ದೇವ್‌ನೊ ಛಿಯ್ಯೋಬಿ ಅಜು಼ ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಜೋ಼ಡ್ಮ ಮಳಿನ್ ರ‍್ಹವಾನಖ್ಹಾಜೆ ತುಮೂನ ಬುಲಾಯೋತೆ ದೇವ್ ವಿಶ್ವಾಸ್‌ವಾಳೊ ಹುಯಿರ‍್ಹೊಸ್.

2 ಕೊರಿಂಥ 8:1

ಭೈಯೇ ಭೇನೆವೊ ಮೆಕೆದೋನಿಯನಿ ಅಖ್ಖಿ ಸಬೆಮ ದೇವ್ನೆ ವತಾಳ್ಯೊತೆ ವಾರ್‌ಖ್ಹಾನಿ ಬಾರೇಮ ತುಮುನ ಖ್ಹಮ್‌ಜಾ಼ಡುಸ್.

ಎಫೆಸ 3:6

ಯೊ ಮಾಯ್ನೊ ಖಿವುಕತೊ,ಯೆಹೂದ್ಯರ್‌ಕಾಹೆತೆ ಅದ್ಮಿ ಜಿನು ಸುವಾರ್ತೆಥಿ ಕ್ರಿಸ್ತಯೇಸುಮ ದೇವ್ನ ಅದ್ಮಿನಜೋ಼ಡೆ ವಾಗ್ದಾನ್‌ಮ ವಾಟೊಲ್ಯಾವಳ ಹುಯಿರ‍್ಹಾಸ್.

ಫಿಲಿಪ್ಪಿ 1:12

ಭೈಯೇ ಭೇನೆವೊ, ಮನ ಹುಯೂತೆ ಅಖ್ಖೂಬಿ ಸುವಾರ್ತೆನ ಭಡಾವನ ಮದತ್ ಹುಯಿಕರಿ ತುಮೆ ಮಾಲುಮ್ ಕರಿಲೇವ್ಣುಕರಿ ಮೆ ಹರ್‌ಖ್ಹುಸ್.

ಫಿಲಿಪ್ಪಿ 1:16

ಅವ್ಣೇತೊ ಮೆ ಸುವಾರ್ತೆನಿ ಬಾರೇಮ ಜ಼ವಾಬ್ ಬೋಲಾನಖ್ಹಾಜೆ ಹಜ್ಜಾ಼ ಮೆ ಘಲೈರ‍್ಹೋಸ್ ಕರಿ ಮಾಲುಮ್ ಕರಿನ್ ಪ್ಯಾರ್‌ಥಿ ಪ್ರಚಾರ್ ಕರುಕರಸ್.

ಫಿಲಿಪ್ಪಿ 1:27

ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಫಿಲಿಪ್ಪಿ 1:7

ತುಮಾರಿ ಬಾರೇಮ ಮನ ಅಮ್ ಬೋಲಾವಸ್ತೆ ಖ್ಹಾಚು಼ಸ್. ಶನಕತೊ ಮೆ ಬಂದಿ ಹುಯಿರ‍್ಹವಾನಿ ವಖ್ಹ್‌ತೆಬಿ, ಸುವಾರ್ತೆನಿ ಬಾರೇನು ಆಡ್‌ಫೇಡ್‌ಮಾಬಿ ತುಮೆಖ್ಹಾರು ಮಾರಜೋ಼ಡೆ ದೇವ್ನಿ ವಾರ್‌ಖ್ಹಾಮ ಭಾಗ್‌ವಾಳ ಹುಯಿರ‍್ಹಾಸ್ ಕರಿ ತುಮುನ ಮಾರ ದಿಲ್ಮ ರಾಖಿಮ್ಹೇಲ್ಯೋಸ್.

ಫಿಲಿಪ್ಪಿ 2:12

ಅಮ್ ರ‍್ಹವಾಪರ್ ಮಾರ ಪ್ಯಾರ್‌ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ‍್ಹವಾನಿವಖ್ಹ್‌ತೆಸ್ ಖಲಿಕಾಹೆತೆ, ಮೇ ನಾ ರ‍್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್‌ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ.

ಫಿಲಿಪ್ಪಿ 2:22

ಕತೋಬಿ ತಿಮೊಥೆನ ಯೋಗ್ಯತೆನ ತುಮೆ ಮಾಲುಮ್ ಕರಿರಾಖ್ಯಸ್. ಛಿಯ್ಯೊ ಬಾನಿ ಜೋ಼ಡ್ಮ ಕಿಮ್ಕಿ ತಿಮ್ಮಸ್ ಇನೆ ಮಾರ ಜೋ಼ಡ್ಮ ಸುವಾರ್ತೆನ ಫೈಲಾವನಖ್ಹಾಜೆ ಸೇವೆ ಕರಿರಾಖ್ಯೋಸ್ ಕರಿ ಬೋಲಾನು ತುಮುನ ಮಾಲುಮ್‌ಛಾ಼.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

ಫಿಲೆಮೋನ 1:17

ಇನಖ್ಹಾಜೆ ತೂ ಮನ ಜೋ಼ಡ್‍ವಾಳೊ ಕರಿ ಗಣ್ತಿಕರ‍್ತೊ ಉಶೇತೊ ಮನ ಸ್ವಾಗತ್ ಕರಾನಿ ಪರಕ್ಮಾಸ್‍ ಇನ ಸ್ವಾಗತ್‍ಕರ‍್ಲೆ.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 ಯೋಹಾನ 1:7

ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.