ಫಿಲಿಪ್ಪಿ 1:27 - ದೇವ್ನಿ ಖ್ಹಾಚಿ ವಚನ್

²⁷ ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಫಿಲಿಪ್ಪಿ 1:27 Iomraidhean Croise

ಮತ್ತಾಯ 12:25

ಯೇಸುನೆ ಇವ್ಣಿ ಸೋಚ್ನ ಮಾಲುಮ್‌ ಕರಿಲೀನ್, “ಕೆಹು ರಾಜ್ಯ ಫುಟ್‌ ಪಡೀನ್, ಇನಿ ವಿರೋದ್ ಯೋಸ್‌ ಭೀಡಾಸ್ಕಿ, ಯೋ ರಾಜ಼್ ಬರ್ಬಾತ್ ಹುಯಿಜಾ಼ಶೆ. ಇಮ್ಮಸ್ ಏಕ್‌ ಘರ್‌ಮ ರ‍್ಹವೊ, ಖ್ಹಯೇರ್‌ಮ ರ‍್ಹವೊ ಫುಟ್‌ ಪಡೀನ್, ಖ್ಹುದ್‌ನಿ ವಿರೋದ್ ಭೀಡಾಲಗಾಸ್ಕಿ, ಇಮ್ನು ಘರ್ ಅಜು಼ ಖ್ಹಯೇರ್ ಪಡಿಜಾ಼ಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:46

ಇವ್ಣೆ ಹರೇಕ್ ದನ್ ಏಕ್‍ದಿಲ್‍ಥಿ ದೇವ್ನಿ ಮಂದಿರ್‌ಮ ಮಳಿನ್ ಆವ್ತುಹುಯಿನ್, ಇವ್ಣೆ ಇವ್ಣ ಘರ್‌ಮ ರೋಟೊ ತೋಡಿನ್ ಒಟ್‍ಥಿ ಖಾಣು ಖಾತೂಥು. ಇವ್ಣೊ ದಿಲ್‌ ಖುಷಿಥಿ ಭರೈರ‍್ಹೆತೂಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:24

ಥೋಡದನ್ನ ಪಾರ್ ಫೇಲಿಕ್ಸ್‌ ಇನಿ ಬಾವಣ್‍ ಹುಯಿರೀತೆ ದ್ರೂಸಿಲ್ಲಾನಿ ಜೋ಼ಡ್ಮ ಆಯೊ. ಯೋ ಯೆಹೂದ್ಯವಾಳಿ ಹುಯಿರ‍್ಹೀಥಿ. ಫೇಲಿಕ್ಸನೆ ಪೌಲನ ಬುಲೈಮಂಗೈನ್‌, ಯೋ ಕ್ರಿಸ್ತಯೇಸುನ ವಿಶ್ವಾಸ್‍ಕರಾನಿ ಬಾರೇಮ ವಾತೆ ಬೋಲಾನು ಖ್ಹಮ್‍ಜ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:32

ಅಖ್ಖ ವಿಶ್ವಾಸಿನೊ ದಿಲ್‌ಬಿ ಜಾನ್‌ಬಿ ಎಕ್ಕಸ್ ಹುಯಿರ‍್ಹುಥು. ಇವ್ಣ ಟೋಳ್‍ಮಾನು ಕೋಣ್‌ಬಿ ರ‍್ಹವೊ ಇವ್ಣುನ ಥೂತೆ ಶೊತ್ಮ ಖಿವು ಏಕ್‌ಬಿ ಹಮಾರು ಕರಿ ಬೋಲ್ಯುಥುಕೊಯ್ನಿ. ಇನ ಬದಲ್ ಹರೇಕ್‍ನಾಬಿ ವಾಟಪಾಡಿಲೇತೂಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:16

ಮಾರಿ ಸುವಾರ್ತೆನಿ ಬಾರೇಮ ಮನ ಪೂರ ಆತ್ಮ ವಿಶ್ವಾಸ್ ಛಾ಼. ಶನಕತೊ ಯೋ ಪಹಿಲೆ ಯೆಹೂದ್ಯರ್‌ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನಾಸ್ ಕಾಹೆತೆ ವಿಶ್ವಾಸ್‌ಕರವಾಳ ಹರೇಕ್‌ನಬಿ ಆ ಸುವಾರ್ತೆ ರಕ್ಷಣೆನ ಉಬ್‍ಜಾ಼ವನಿ ದೇವ್ನಿ ಶಕತ್‍ಹುಯಿರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:9

ದೇವ್ನ ಛಿಯ್ಯಾನಿ ಸುವಾರ್ತೆನ ಮನ್‍ಲಗಾಡಿನ್ ಬೋಲ್ತೊಹುಯಿನ್ ಇನಾಸ್ ಮಾರ ದಿಲ್‌ಥಿ ಸೇವೆ ಕರಾವಾಳೊಹುಯಿನ್ ಭೈಕೂಸ್ ಕೊಂತೆ, ತುಮಾರಖ್ಹಾಜೆ ಬಿಂತಿ ಕರುಕರಸ್. ಅನ ದೇವಸ್ ಸಾಕ್ಷಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:8

ಯೊ ಶಾತ್ ಬೋಲಾಸ್‍ಕತೊ, “ವಚನ್ ತಾರಕನ ಛಾ಼ ಯೋ ತಾರ ಮ್ಹೋಡಮಾಬಿ ದಿಲ್‌ಮಾಬಿ ಛಾ಼” ಯೋಸ್ ಅಪ್ಣೆ ಬೋಲಿವತಾಳಾನು ವಿಶ್ವಾಸ್‍ನು ವಚನ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:16

ಅಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿವೊನಖ್ಹಾಜೆ ಯೇಸುಕ್ರಿಸ್ತನಿ ಸೇವಕ್‌ಹುವಾನಖ್ಹಾಜೆ ಮನ ದೇವ್ನಿ ಆಶೀರ್ವಾದ್‌ ಹುಯು. ಮೇ ದೇವ್ನಿ ಸುವಾರ್ತೆನಿ ಸೇವೆನ ಏಕ್‌ ಯಾಜಕ್‍ನಿತರ ಚ಼ಲೈನ್ ಪವಿತ್ರಾತ್ಮಥಿ ದೇವ್ನ ಸಮರ್ಪಣ್‌ಕರಾನ ಕೋಶಿಷ್ ಕರುಕರೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:29

ಆ ನಾಹುಯಿನ್ ತುಮಾರಕನ ಆವಾನಿ ವಖ್ಹ್‌ತೆ ಕ್ರಿಸ್ತಥಿ ಹುವಾನು ಘಣಿ ಆಶೀರ್ವಾದ್‌ನ ಮೇ ತುಮಾರಕನ ಲಾಯಿಶ್, ಕರಿ ಮಾಲುಮ್ ಛಾ಼.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

1 ಕೊರಿಂಥ 15:58

ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.

2 ಕೊರಿಂಥ 13:11

ಖ್ಹರ್ತಿನಿ ವಾತೆ ಶಾತ್‍ಕತೊ ಭೈಯೇ ಭೇನೆವೊ ಖ್ಹುಶಿಕರೊ, ತುಮುನ ಬರೋಬರ್ ಕರಿಲೆವೊ; ಭಾಲಿವಾಳ ಹುಯಿ‍ರ‍್ಹೆವೊ, ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ, ಸಮಾಧಾನ್‌ಥಿ ರ‍್ಹವೊ; ಪ್ಯಾರ್‌ನಾಬಿ ಶಾಂತಿಬಿ ದ್ಯವಾಳೊ ದೇವ್ ತುಮಾರಿ ಜೋ಼ಡ್ಮ ರ‍್ಹಿಶೆ.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಕೊರಿಂಥ 9:13

ಕ್ರಿಸ್ತನಿ ಸುವಾರ್ತೆನಿ ಸ್ವಿಕಾರ್‌ಥಿ, ತುಮೆ ಕೆತ್ರೆ ನಿಯ್ಯತ್‍ನ ಸೇವೆ ಕರಾವಾಳ ಹುಯಿರ‍್ಹಾಸ್, ಅಜು಼ ತುಮುನಾಬಿ ಬಿಜಾ಼ನಾಬಿ ಕೆತ್ರೆ ದಿಲ್‌ ಛೋ಼ಡಿದ್ಯಾವಾಳ ಹುಯಿರ‍್ಹಾಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಕೈಏಕ್‍ಜ಼ಣು ದೇವ್ನ ಖ್ಹರಾವ್‌ಶೆ.

ಗಲಾತ್ಯ 1:7

ಬೋಲ್ನುಕತೊ ಸುವಾರ್ತೆ ಬಿಜು಼ ಕೊಯ್ನಿ ಕತೋಬಿ ಥೋಡುಜ಼ಣು ತುಮಾರಮ ಘುಂಜ್ಲಾ಼ವ್ಣಿಕರೀನ್ ಕ್ರಿಸ್ತನಿ ಸುವಾರ್ತೆನ ಬದ್ಲಾವನ ಕೋಶಿಶ್ ಕರುಕರಸ್.

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಎಫೆಸ 1:15

ಅನಾಖ್ಹಾಜೆಥಿ ಕೆದೆ ಮೇ ಪ್ರಭು ಯೇಸುಮ ತುಮೆ ರಾಖಿರಾಖ್ಯತೆ ವಿಶ್ವಾಸ್ ಅಜು಼ ಖ್ಹಾರಸ್ ದೇವ್ನ ಅದ್ಮಿವ್‌ಪರ್ ತುಮೆ ದೆಖಾಡನಿ ಪ್ಯಾರ್‌ನಿ ಬಾರೇಮ ಖ್ಹಮ್‌ಜಿನ್‌,

ಎಫೆಸ 4:1

ಇನಖ್ಹಾಜೆ ಪ್ರಭುನ ಸೇವೆನಖ್ಹಾಜೆ ಖೈದಿ ಹುಯಿರ‍್ಹೊಸ್ತೆ ಮೆ ತುಮೂನ ಬೋಲಿಲೆವ್‌ಸ್ ಶಾತ್‌ಕತೊ ದೇವ್ ತುಮುನ ಬುಲಾವನಿವಖ್ಹ್‌ತೆ ತುಮೆ ದೇವ್‍ಥಿ ಬುಲೈರಾಸ್ತೆಖ್ಹಾಜೆ ಯೊ ಬುಲಾವ್ಣಿನ ಲ್ಹಾಯೇಕ್ ಹುಯಿನ್ ಜಿವ್ಣು ಕರೊ.

ಫಿಲಿಪ್ಪಿ 1:5

ಶನಕತೊ ತುಮೆ ಪಹಿಲೆಥ ಹಮ್ಕೆಲಗುಬಿ ಸುವಾರ್ತೆನು ಬೋಧನೆಮ ಭಾಗ್‌ರ‍್ಹವಾಳ ಹುಯಿರ‍್ಹಾಸ್.

ಫಿಲಿಪ್ಪಿ 2:12

ಅಮ್ ರ‍್ಹವಾಪರ್ ಮಾರ ಪ್ಯಾರ್‌ನ ದೋಸ್ತಿವೊ, ತುಮೆ ಮಾರಿ ವಾತೇನ ಕೆದೇಬಿ ಪಾಡಿಚಾ಼ಲ್ಯತೆ ತಿಮ್ ಹಮ್ಕೇಬಿ ಪಾಡಿಚಾ಼ಲೊ. ಮೆ ತುಮಾರಮ ರ‍್ಹವಾನಿವಖ್ಹ್‌ತೆಸ್ ಖಲಿಕಾಹೆತೆ, ಮೇ ನಾ ರ‍್ಹವಾಮಾಬಿ ಘಣು ಜಾ಼ಖ್ಹತ್ ದಿಲ್ಮ ಡರ್‌ಥಿ ಕಾಪವಾಳ ಹುಯಿನ್ ತುಮಾರಿ, ತುಮಾರಿ ರಕ್ಷಣೆನ ಲೀಲೆವೊ.

ಫಿಲಿಪ್ಪಿ 2:24

ಆನಾಹುಯಿನ್ ಮೇ ಜಿನು ಒಗ್ಗೀಮಾಸ್ ಐಶ್‌ಕರಿ ಪ್ರಭುಮ ಘಟ್‍ಥಿ ವಿಶ್ವಾಸ್ ಕರಿರಾಖ್ಯೊಸ್.

ಫಿಲಿಪ್ಪಿ 3:18

ಶನಕತೊ ಕೈಯೆಕ್ಕಿ ಜ಼ಣು ಕ್ರಿಸ್ತನಿ ಶಿಲ್‌ಬೇನ ವಿರೋದಿ ಹುಯಿನ್ ಚಾ಼ಲಸ್. ಇವ್ಣಿ ಬಾರೇಮ ತುಮುನ ಕೆತ್ರಿಕ್ಕಿಹಲ್ಲ ಬೋಲ್ಯೊ, ಹಮ್ಕೇಬಿ ರೊಯಿನ್ ಬೋಲುಕರುಸ್.

ಫಿಲಿಪ್ಪಿ 3:20

ಅಪ್ಣೆತೋಬಿ ಸೊರ್ಗಾನ ಪ್ರಜೆ ಹುಯಿರಾಸ್, ಅಪ್ಣೊ ಬಚಾ಼ಡವಾಳೊ ಪ್ರಭು ಯೇಸು ಕ್ರಿಸ್ತಸ್ ಹಿಜ಼್ಜಾಥೊ ಆವಾನು ಮ್ಹೋರೆ ದೇಖುಕರೆಸ್.

ಫಿಲಿಪ್ಪಿ 4:1

ಅಮ್‌ರ‍್ಹವಾಪರ್, ಮಾರ ಪ್ಯಾರ್‌ನ ಭೇನೆ ಭೈಯೇವೊ ಅಜು಼ ಸಾಥಿವೊ, ಮನ ಶಂತೋಖ್ಹ್‌ಬಿ ಕಿರೀಟ್‌ಬಿ ಹುಯಿರ‍್ಹವವಾಳವೊ, ಮೇ ಬೋಲಾನಿತರ ಪ್ರಭುಮ ಘಟ್‍ಥಿ ಭೀರ‍್ಹೆವೊ.

ಕೊಲೊಸ್ಸೆ 1:10

ಪ್ರಭುನ ಪಸಂದ್ ಹುವಾನಿ ಪರಕ್ಮ ಖ್ಹಾರಿಸ್ ತರಾಮ ತುಮೆ ಲ್ಹಾಯೇಕ್ ಹುಯಿನ್ ಜಿವ್ಣುಕರ‍್ನು ಕರೀಬಿ ಹರೇಕ್‍ಥರಾನು ಅಛ಼್ಛುಕಾಮ್ನ ಕರ್ತುಹುಯಿನ್ ದೇವ್ನಿ ಅಕ್ಕಲ್‌ಮ ಭಡ್ತುಜಾ಼ವ್ಣು ಕರಿ,

ಕೊಲೊಸ್ಸೆ 1:4

ಶನಕತೊ ಕ್ರಿಸ್ತ ಯೇಸುಮ ತುಮೆ ರಾಖಿರಾಖ್ಯತೆ ವಿಶ್ವಾಸ್ ಅಜು಼ ದೇವ್ನ ಅದ್ಮಿವ್‌ಪರ್ ಛಾ಼ತೆ ತುಮಾರಿ ಲಾಡ್ನ ಬಾರೇಮ ಹಮೆ ಖ್ಹಮ್‌ಜಿರಾಖ್ಯಾಸ್‌.

1 ಥೆಸ 3:6

ಕತೋಬಿ ತಿಮೊಥೆ ಹಮ್ಕೇಸ್ ತುಮಾರಕಂಥು ಹಮಾರಕನ ಆಯೊ. ಅಜು಼ ತುಮಾರಿ ವಿಶ್ವಾಸ್‍ಬಿ ಪ್ಯಾರ್‌ನಿ ಬಾರೇಮ ಅಛ್ಛಿ ಖಬರ್‌ನ ಇನೆ ಹಮೂನ ಬೋಲಿನ್, ಕದೆಕದೇಬಿ ಲಾಡ್‌ಥಿ ಖ್ಹಯಾಲ್ ಕರಿನ್ ಹಮೆ ಕಿಮ್ಕಿ ತಿಮ್ಮಸ್ ತುಮೇಬಿ ಹಮೂನ ದೇಖಾನ ಹರ್‌ಖ್ಹುಕರ್ತಥ ಕರಿ ಬೋಲಿರಾಖ್ಯೊಸ್.

1 ಥೆಸ 4:1

ಖ್ಹರ್ತಿನಿ ವಾತ್ ಶಾತ್‌ಕತೊ, ಹಮಾರ ಭೈಯೇ ಭೇನೆವೊ ಯೇಸು ಪ್ರಭುನ ಅದಿಕಾರ್‌ಥಿ ತುಮೂನ ಶಾತ್ ಹುಕುಮ್ ದಿದಾಥ ಕರಿ ತುಮೂನ ಮಾಲುಮ್ ಛಾ಼. ತುಮೂನ ಬಿಜು಼ ಥೋಡಿ ವಾತೆ ಬೋಲಾನು ಛಾ಼.

1 ತಿಮೊ 1:11

ಆ ಸುವಾರ್ತೆ ಯೋಗ್ಯಹುಯಿರೊತೆ ದೇವ್ನಿ ಮಹಿಮೆನ ದೆಖಾವನಿ ಸುವಾರ್ತೆನಿಮತ್ ಛಾ಼. ಆ ಸುವಾರ್ತೆನಿ ಸೇವೆ ಮನ ದೇವೈರ‍್ಹುಸ್.

1 ತಿಮೊ 1:19

ತಾರಿ ವಿಶ್ವಾಸ್‌ನಾಬಿ ಅಛ್ಛಿ ದಿಲ್ನಿ ಸಾಕ್ಷಿನಾಬಿ ಘಟ್‍ಥಿ ಧರಿರಾಕ್. ಥೋಡುಜ಼ಣು ಇವ್ಣಿ ಮನ್ನಿ ಅಛ್ಛಿಸಾಕ್ಷಿನಿ ವಿಶ್ವಾಸ್ ನಾಶ್‌ಕರಿನಾಖ್ಯು.

2 ತಿಮೊ 4:7

ಮೇ ಮಹಾನ್ ಹರ್‌ಜಿತ್‌ ಕರಿರಾಖ್ಯೊಸ್, ಮಾರಿ ದೌಡ್ನ ನಾಶೀನ್ ಖ್ಹರ್ತಿ ಕರಿರಾಖ್ಯೊಸ್, ಅಜು಼ ಮೇ ಕ್ರಿಸ್ತನಿ ವಿಶ್ವಾಸ್ ಬಚಾ಼ಡಿರಾಖ್ಯೊಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:10

ಇವ್ಣ ಯಜಮಾನ್ನ ಫರೈವಾತೆ ನಾಬೋಲ್ನುತೆ, ಶಾತ್ಬಿ ಚೋ಼ರಿ ನಾ ಕರ್ನುತೆ, ಇವ್ಣೆ ಅಛ್ಛಿ ವಿಶ್ವಾಸ್ನಕರಿ ವತಾಳ್ಣು. ಅನೇಥಿ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ದೇವ್ನಿ ಬೋಧನೆನ ಅಖ್ಖೀಸ್ ಪರಕ್ಮ ಗೌರವ್ ಮಳಾನಿಘೊಣಿ ಚಾ಼ಲಿಲೇವ್ಣು ಕರಿ ಇವ್ಣುನ ಬೋಲ್.

ಫಿಲೆಮೋನ 1:5

ಶನಕತೊ ದೇವ್ನ ಅದ್ಮಿವೋನಖ್ಹಾಜೆ ಛಾ಼ತೆ ತಾರಿ ಪ್ಯಾರ್ ಅಜು಼ ಪ್ರಭು ಯೇಸುಮ ಛಾ಼ತೆ ವಿಶ್ವಾಸ್‌ನಿ ಬಾರೇಮ ಖ್ಹಮ್‍ಜಿರಾಖ್ಯೊಸ್.

ಯಾಕೋಬ 3:18

ಸಮಾಧಾನ್‍ ಕರಾವಾಳು ಸಮಾಧಾನ್‍ಕರಿ ಬೋಲಾನು ದಾಣಾನ ಗಾಡಿನ್ ನೀತಿಕರಿ ಬೋಲಾನು ಫಲ್ನ ವ್ಹಾಡಸ್.

2 ಪೇತ್ರ 3:11

ಆಖ್ಹಾರು ಅಮ್ ಬರ್ಬಾತ್ ಹುಯಿಜಾ಼ಶೆಕತೊ ಇನಾಮ ತುಮೆ ಕೆಥ್ರಾನವಾಳ ಹುಯಿರ‍್ಹಿನ್ ಜಿವ್ಣುಕರ‍್ನು? ತುಮೆ ಪರಿಶುದ್ ಹುಯಿನ್‍ಬಿ ಅಜು಼ ದೇವ್ನ ಅದ್ಮಿಖ್ಹಾರು ಹುಯಿನ್ ಜಿವ್ಣುಕರ‍್ನು.

2 ಪೇತ್ರ 3:14

ಅನಖ್ಹಾಜೆಸ್ ಪ್ಯಾರ್‌ನ ದೋಸ್ತಿವೊ ತುಮೆ ಆಖ್ಹಾರನ ಮ್ಹೋರೆ ದೇಖವಾಳ ಹುಯಿರ‍್ಹಾಸ್ತೆ ಇನಖ್ಹಾಜೆ ತುಮೆ ದೇವ್‌ಮ ಸಮಾಧಾನ್‌ಥಿಬಿ, ಪರಿಶುದ್ದಬಿ ನಿರ್ದೋಷಿಬಿ ಹುಯಿನ್ ದೆಖಾವನ ಕೋಶಿಶ್ ಕರೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:3

ಮಾರ ಪ್ಯಾರ್‌ವಾಳ, ಅಪ್ಣೆ ಲೀರಾಖ್ಯಾತೆ ರಕ್ಷಣೇನಿ ಬಾರೇಮ ತುಮೂನ ಲಿಖಾನ ಪೂರ ಆಖ್ಹ್‌ಥಿ ಕೋಶಿಶ್ ಕರಾನಿ ವೇಳ್ಮ, ದೇವ್ನ ಅದ್ಮಿವೋನ ಹರ್‌ಹಮೇಶ ರ‍್ಹವಾನಿಘೋಣಿ ಎಕ್ಕಸ್‍ಹಲ್ಲ ದೆವೈರ‍್ಹೀತೆ ಭರೋಖ್ಹಾನ ಬಚಾ಼ಡಿಲ್ಯವಾನಖ್ಹಾಜೆ, ತುಮೆ ಕರ್ತರ‍್ಹೇಣುಕರಿ ಝೇತೈನ್ ಲೀಖಾನು ಅಛ್ಛು಼ಕರಿ ಮನ ಬೋಲಾಯು.