ಫಿಲಿಪ್ಪಿ 1:25 - ದೇವ್ನಿ ಖ್ಹಾಚಿ ವಚನ್

²⁵ ಇನಖ್ಹಾಜೆ ತುಮುನ ವಿಶ್ವಾಸ್ಮ ಭಡೀನ್ ಶಂತೋಖ್ಹ್‌ಥಿ ರ‍್ಹವಾನಖ್ಹಾಜೆ ಮೇ ಬಚಿರ‍್ಹೀನ್ ತುಮಾರ ಅಖ್ಖಾಸ್ನಿ ಜೋ಼ಡ್ಮರ‍್ಹೀಷ್ ಕರಿ ಘಟ್ ವಿಶ್ವಾಸ್ ಛಾ಼.

ಫಿಲಿಪ್ಪಿ 1:25 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:32

ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:23

ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:25

ದೇಖೊ ತುಮಾರಿ ಜೋ಼ಡೆಥೂತೆ ಖ್ಹಾರಿ ವಖ್ಹತ್‌ಮ ದೇವ್ನಿ ರಾಜ್ಯನಿ ಬಾರೇಮಾನಿ ಸುವಾರ್ತೆನ ಮೆ ತುಮೂನ ಬೋಲಿ ಖ್ಹಮ್‌ಜಾ಼ಡ್ಯೊ. ಹಮ್ಕೆ ತುಮಾರಮ ಏಕ್‍ಜ಼ಣೂಬಿ ಮಾರ ಮ್ಹೋಡಾನ ಬಿಜು಼ ಕದೇಬಿ ದೇಕ್‌ಶು ಕೊಯ್ನಿಕರಿ ಮನಮಾಲುಮ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:13

ಭರೋಖ್ಹಾನ ದ್ಯವಾಳೊ ದೇವ್ ಪವಿತ್ರಾತ್ಮನಿ ಶಕಥ್ಥಿ ಘಣು ಭರೋಖ್ಹಾಥಿ ನಂಬಾವಾಳನ ಖ್ಹುಶಿ ಅಜು಼ ಸಮಾಧಾನ್‌ಥಿ ಭರಾದೆ, ಅನಖ್ಹಾಜೇಥಿ ಶಕಥ್ಥಿ ಆಖ್ಹ್‌ಮ ಭಡ್ತಾ ಜಾ಼ವ್ಣುತೆ ತಿಮ್ ತುಮೂನ ವಿಶ್ವಾಸ್‍ಥಿ ಮಳಾತೆ ಹರೇಕ್ ಖುಷಿ ಸಮಾಧಾನ್ ದ್ಯವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:18

ಕ್ರಿಸ್ತಾನೆ ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ನ ವಿಧೇಯ ಹುವಾನಖ್ಹಾಜೆ ಆಖ್ಹಾರಾನಿ ಬಾರೇಮ ಮೇಖಲಿ ಭಾಲ್‌ಥಿ ಬೋಲೆಜಾ಼ಯ್ ಅತ್ರೇಸ್ ಕಾಹೆತೆ ವಾತ್‍ಮಾಬಿ ಕಾಮ್‍ಥೀಬಿ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:29

ಆ ನಾಹುಯಿನ್ ತುಮಾರಕನ ಆವಾನಿ ವಖ್ಹ್‌ತೆ ಕ್ರಿಸ್ತಥಿ ಹುವಾನು ಘಣಿ ಆಶೀರ್ವಾದ್‌ನ ಮೇ ತುಮಾರಕನ ಲಾಯಿಶ್, ಕರಿ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:2

ಇನೆ ಅಪ್ಣುನ ವಿಶ್ವಾಸ್‍ಥಿ ದೇವ್ನಿ ಕೃಪೆನ ಆಖ್ಹ್‌ರಾಮ ಲಾಯೊ. ಹಮ್ಕೆ ಅಪ್ಣೆ ಇನಮಹಿ ಜಿವುಕರಿಯೇಸ್. ಇನಖ್ಹಾಜೆ ದೇವ್ನಿ ಮಹಿಮೆಮ ಅಪ್ಣೆ ಭಾಗ್‍ಹುಯಿರ‍್ಹಾಸ್‍ಕರಿ ನಂಬಿನ್ ಇನಮಹಿ ಅಪ್ಣೆ ಹುಮ್ಮಖ್ಹ್‌ ಲಿಯೇಸ್.

2 ಕೊರಿಂಥ 1:24

ತುಮಾರಿ ವಿಶ್ವಾಸ್‌ನ ಕಬ್‌ಜಾ಼ಮ ರಾಖಾನ ಹಮೆ ಕೋಶಿಶ್ ಕರುಕರೇಸ್ ಕರಿ ಮೇ ಬೋಲುಕರುಕೊಯ್ನಿ. ತುಮೆ ವಿಶ್ವಾಸ್‌ಮ ಘಟ್‍ಛಾ಼ ಕತೋಬಿ ಹಮೆ ತುಮಾರಿ ಖ್ಹುಶಿನಖ್ಹಾಜೆ ತುಮಾರಿ ಜೋ಼ಡ್ಮಕಾಮ್‍ ಕರಾವಾಳ ಹುಯಿರ‍್ಹಾಸ್.

ಫಿಲಿಪ್ಪಿ 1:24

ಕತೋಬಿ ಮೇ ಬಿಜೂ಼ಬಿ ಶರೀರ್‌ಮ ಜಿವ್‌ಕರಾನು ತುಮಾರಖ್ಹಾಜೇಥಿ ಘಣು ಜ಼ರೂರತ್ ಛಾ಼.

ಫಿಲಿಪ್ಪಿ 2:24

ಆನಾಹುಯಿನ್ ಮೇ ಜಿನು ಒಗ್ಗೀಮಾಸ್ ಐಶ್‌ಕರಿ ಪ್ರಭುಮ ಘಟ್‍ಥಿ ವಿಶ್ವಾಸ್ ಕರಿರಾಖ್ಯೊಸ್.

ಫಿಲೆಮೋನ 1:22

ಆ ನಾಹುಯಿನ್, ತುಮಾರಿ ಪ್ರಾರ್ಥನೆನ ಖ್ಹಮ್‌ಜಿನ್‌ ಮೇ ತುಮಾರಕನ ಆವಾನ ದಯಕರ್‌ಶೆ ಕರಿ ಮನ ವಿಶ್ವಾಸ್ ಛಾ಼. ಇನಾಖ್ಹಾಜೆ ಮನ ಏಕ್‌ ರ‍್ಹವಾನ ಕೋಣಾನ ತಯಾರ್‌ಕರ್‌.

1 ಪೇತ್ರ 1:8

ತುಮೆ ದೇವ್ನ ಡೋಳೇಥಿ ನಾ ದೇಖ್ಯಾತೋಬಿ ಇನ ಪ್ಯಾರ್ ಕರೋಸ್. ತುಮೆ ಹಮ್ಕೆ ಇನ ನಾದೇಖ್ಯಾತೊಬಿ ಇನಾಮ ವಿಶ್ವಾಸ್‍ಥಿ ಖ್ಹುಶಿ ಕರ್ಶು. ಶನಕತೊ ತುಮಾರು ವಿಶ್ವಾಸ್‍ನು ಫಲ್‍ಹುಯಿರ‍್ಹುತೆ ಆತ್ಮನು ರಕ್ಷಣೇನ ಲಿಲ್ಯಾವವಾಳ ಹುಯಿನ್ ಮಹಿಮೆನಿ ಖ್ಹುಶಿಕರ್‌ಶು.