ಯಾಕೋಬ 1:1 - ದೇವ್ನಿ ಖ್ಹಾಚಿ ವಚನ್

¹ ದೇವ್‍ನಾಬಿ ಪ್ರಭುಹುಯಿರೋತೆ ಯೇಸು ಕ್ರಿಸ್ತನಾಬಿ ದಾಸ ಹುಯಿರೋತೆ ಯಾಕೋಬ ಅಲಕ್‍ ದೇಖ್ಹ್‌ಮ ಛಿಡ್‍ಕೈರ‍್ಹುತೆ ಭಾರ ಖೂಮ್‍ವಾಳನ ಲಿಖಾನು ಶಾತ್‍ಕತೊ, ತುಮೂನ ಅಛ್ಛು಼ ಹುವಾದೆ.

ಯಾಕೋಬ 1:1 Iomraidhean Croise

ಮತ್ತಾಯ 10:3

ಫಿಲಿಪ್ಪ ಅಜು಼ ಬಾರ್ತೊಲೊಮಾಯ, ತೋಮ, ಶುಂಕವಾಳೊ ಮತ್ತಾಯ, ಅಲ್ಫಾಯನೊ ಛಿಯ್ಯೊ ಯಾಕೋಬ, ತದ್ದಾಯ,

ಮತ್ತಾಯ 13:55

ಆ ಯೋ ಖೋಡ್‌ಶಾನು ಖ್ಹಾಮನ್‌ ಕರಾವಾಳಾನೊ ಛಿಯ್ಯೊ ಕಾಹೆಕಿ ಶು? ಅನಿಆಯ ಮರಿಯ ಕಾಹೆಕಿ ಶು? ಯಾಕೋಬ, ಯೋಸೇಫ, ಸೀಮೋನ್‌ ಅಜು಼ ಯೂದ ಅನ ಭೈಯೇ ಕಾಹೆಕಿ ಶು?

ಮತ್ತಾಯ 19:28

ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ನವಜ಼ಗ್‍ಮ ಅದ್ಮಿನೊ ಛಿಯ್ಯೊ ಇನಿ ಮಹಿಮೆನಿ ಸಿಂಹಾಸನ್‌ಪರ್ ಬೇಖ್ಹ್‌ಶೆ, ತದೆ ಮಾರ ಪೀಠೆ ಆಯಾತೆ ತುಮೆ ಭಾರ ಜ಼ಣಾಬಿ ಸಿಂಹಾಸನ್‌ಪರ್ ಬೇಶಿನ್, ಇಸ್ರಾಯೇಲ್‌ನ ಭಾರ ಖೂಮ್‍ವಾಳನ ನ್ಯಾವ್‍ಫೇಡ್‍ಶು.

ಮಾರ್ಕ 3:18

ಅಜು಼ ಅಂದ್ರೆಯ, ಫಿಲಿಪ್ಪ, ಬಾರ್ತೊಲೊಮಾಯ, ಮತ್ತಾಯ, ತೋಮ, ಅಲ್ಫಾಯನೊ ಛಿಯ್ಯೊ ಯಾಕೋಬ, ತದ್ದಾಯ, ದೇಖ್ಹ್‌ನ ಪ್ಯಾರ್ ಕರಾವಾಳೊ ಕರಿ ಬೋಲೈಲಿದೋತೆ ಸೀಮೋನ,

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 22:30

ಮಾರಿ ರಾಜ್ಯಮ ತುಮೆ, ಮಾರಿ ಮೇಜ್‌ಪರ್‌ ಖಾಶುಪೀಶು, ಅಜು಼ ಸಿಂಹಾಸನ್‌ಪರ್ ಬೇಶಿನ್, ಇಸ್ರಾಯೇಲ್‌ನ ಭಾರ ಖೂಮ್‍ವಾಳಪರ್ ಅದಿಕಾರ್ ಚ಼ಲಾವ್‌ಶು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:15

ಮತ್ತಾಯ, ತೋಮ, ಅಲ್ಫಾಯನೊ ಛಿಯ್ಯೊ ಯಾಕೋಬ, ಅಜು಼ ಸೀಮೋನ (ದೇಖ್ಹ್‌ನಪ್ಯಾರ್ ಕರಾವಾಳೊ ಕರಿ ಬೋಲೈಲಿದೋತೆ),

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 7:35

ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು ಇವ್ಣ ಇವ್ಣಮಾಸ್ ವಾತೆ ಕರಿಲಿದು, “ಅಪ್ಣುನ ಮಳ್ಣುನಾತೆ ಆ ಕಿಜ್ಗಾ಼ ಜಾ಼ವ್ಣುಕರಿ ಛಾ಼? ಯೊ ಕಿಜ್ಜಾ಼ತೋಬಿ ಜಾ಼ವ್ಣುಕಿಶುಕಿ? ಕಿಜ಼್ಜ, ಮಾರು ಅದ್ಮಿ ಗ್ರೀಕ್ ಖ್ಹಯೇರ್‌ಮ ಜಿವ್ಣು ಕರುಕರಸ್, ಹೈರುತೆ ಗ್ರೀಕ್‌ವಳಾನ ಶಿಕಾಡ್‍ದಿಶೆಕಿ ಶು?

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:13

ತದೆ ಇವ್ಣೆ ಖ್ಹಯೇರ್‌ಮ ಗಯ ಇವ್ಣೆಥೂತೆ ಘರ್‌ನ ಉಪ್ಲಿಬಾಜುಮ ಗಯ; ಇವ್ಣೆ ಕೋಣ್ ಕೋಣ್‌ಕತೊ, ಪೇತ್ರ, ಯೋಹಾನ. ಯಾಕೋಬ, ಅಂದ್ರೆಯ, ಫಿಲಿಪ್ಪ, ಅಜು಼ ತೋಮ, ಬಾರ್ತೊಲೊಮಾಯ, ಮತ್ತಾಯ, ಅಜು಼ ಅಲ್ಫಾಯನೊ ಛಿಯ್ಯೊ ಯಾಕೋಬ, ಜಾ಼ತ್ನೊಅಭಿಮಾನಿ ಕರಿ ಬೋಲೈಲಿದೋತೆ ಸೀಮೋನ ಅಜು಼ ಯಾಕೋಬನೊ ಛಿಯ್ಯೊ ಯೂದ ಇವ್ಣೆ ಖ್ಹಾರು ಹಿಜ್ಜಾ಼ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 12:17

ಪೇತ್ರನೆ ಇವ್ಣುನ ಶೊಪೊರ‍್ಹೇವೊ ಕರಿ ಹಾತ್‌ನೊ ಇಷಾರ್ಕೊ ಕರೀನ್, ಪ್ರಭುನೆ ಇನ ಜೇಲ್‌ಮಾಥು ಕಿಮ್ ಛೋ಼ಡಾಯೊ ಕರಿ ಯೋ ಬಾರೇಮ ಇವ್ಣುನ ಅಖ್ಖು ಬೋಲಿ ಒತಾಳ್ಯೊ. “ಯಾಕೋಬ್‌ನಾಬಿ ಅಜು಼ ವಿಶ್ವಾಸಿವೊನಾಬಿ ಆ ಸಮಚಾರ್‌ನ ಬೋಲೊ” ಕರಿ ಬೋಲ್ಯೊ. ಇನಕೇಡೆಥು ಪೇತ್ರ ಬಿಜಿ ಝ಼ಗೊ ನಿಕ್ಳಿಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:13

ಇವ್ಣೆ ವಾತ್ ಬೋಲಾನು ಭೀರಾಖಾದಿನ್ ಯಾಕೋಬನೆ, “ಮಾರ ಭೇನೆ ಭೈಯೇವೊ ಮಾರಿ ವಾತೆ ಖ್ಹಮ್‍ಜೊ,

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:21

ಶನಕತೊ ಪೂರತ್‍ ಕಾಲಥು ಅಖ್ಖಾ ಖ್ಹಯೇರ್‌ಮ ಮೋಶೆನ ದಪ್ತರ್‌ನ ಬೋಧನೆ ಕರಾವಾಳು ಖ್ಹಾರು ಛಾ಼. ಕೈಏಕ್ ವರಖ್ಹ್ ಥು ಹರ್ ಸಬ್ಬತ್ ದನ್ಮ ಸಬಾಮಂದಿರ್‌ಮ ಮೋಶೆನಿ ವಾತೆಖ್ಹಾರಿ ಫಡವ್‍ಕರಸ್.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:23

ಇವ್ಣ ಹಾತ್ಮ ಲೀಖಿನ್ ದೀರಾಖ್ಯುಥೂತೆ ಶಾತ್‍ಕತೊ, ಭಯೇಖ್ಹಾರ ಹುಯಿರಾತೆ ಅಪೊಸ್ತಲರ‍್ನೇಬಿ ಗಲ್‌ಢಖ್ಹಾರಾನೇಬಿ ಅಂತಿಯೋಕ್ಯ, ಸಿರಿಯ, ಕಿಲಿಕ್ಯ ತಬರ್‌ಖಾಸ್‍ಮ ಛಾ಼ತೆ ಯೆಹೂದ್ಯರ್‌ಕಾಹೆತೆ ಭೈಯೇ ಭೇನೇನ ಹಮಾರಿ ಖ್ಹಲಾಮ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:5

ತದೆ ಜಗತ್ನು ಅಖ್ಖಿ ಬಾಜು಼ಥು ಆಯುಹುಯು ಕೈಏಕ್ ಜ಼ಣು ಭಕ್ತ ಯೆಹೂದ್ಯರ್ ಖ್ಹಾರು, ಯೊ ವೇಳ್ಮ ಯೆರೂಸಲೇಮ್ಮ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:18

ಅಗಲ್ಯದನ್ನೆ ಪೌಲನೆ ಹಮುನಖ್ಹಾರನ ಬುಲೈಲಿನ್ ಯಾಕೋಬನ ಮಳಾನ ಗಯ. ತದೆ ಸಬೇನು ಖ್ಹಾರಾಸ್ ಗಲ್‌ಢಬಿ ಹಿಜ್ಜಾ಼ಸ್ ಥಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:26

“ಮಹಾಪ್ರಭು ಹುಯಿರೋತೆ ರಾಜ್ಯಪಾಲ್ ಫೇಲಿಕ್ಸ್‌ನ ಕ್ಲೌದ್ಯ ಲುಸಿಯಸ್‍ನಿ ಖ್ಹಲಾಮ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:7

ಹಮಾರು ಭಾರ ಖೂಮ್‍ವಾಳು ದನ್‍ರಾತ್ ಭರೋಖ್ಹಾಥಿ ದೇವ್ನ ಆರಾದನೆ ಕರ್ತುಹುಯಿನ್, ಯೋ ವಾಗ್ದಾನ್ನುಫಲ್ ಲೀಲ್ಯಾವನಖ್ಹಾಜೆ ಟಿವೈರ‍್ಹೂಸ್. ರಾಜ಼, ಯೋಸ್ ಭರೋಖ್ಹಾನಿ ಬಾರೇಮ ಯೆಹೂದ್ಯರ್‌ಖ್ಹಾರು ಮಾರಿ ವಿರೋದ್ ಅಪರಾದ್ ಲಗಾಡುಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:1

ಸ್ತೆಫನನ ಮಾರಿನಾಖನ ಸೌಲನ ಒಪ್ಪಿಕೆಥು. ಯೊ ದನ್ಮ ಯೆರೂಸಲೇಮಥೂತೆ ಸಬೆವಾಳನ ಮೋಟಿ ಖ್ಹತಾಪ್ಣಿ ಪಡ್ಯು. ಅಪೊಸ್ತಲರ್ ನಾಹುಯಿನ್ ಖ್ಹಾರೂಸ್, ಯೂದಾಯ ಸಮಾರ್ಯ ತಬರ್‌ಖಾಮ ಛಿಡ್‍ಕೈಗಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ದಾಸಬಿ ಅಪೊಸ್ತಲ ಹುವಾನಖ್ಹಾಜೆ ಬುಲಾಯೊಹುಯೋಬಿ ದೇವ್ನು ಸುವಾರ್ತೆನ ಬೋಲಾನಖ್ಹಾಜೆ ಚೂ಼ಣಾಯೊಹುಯೊ ಪೌಲ,

ಗಲಾತ್ಯ 1:19

ಕತೋಬಿ ಪ್ರಭುನೊ ಭೈಹುಯಿರ‍್ಹಾವಳೊ ಯಾಕೋಬ್ ಕಾಹೆತೆ ಅಪೊಸ್ತಲರ್‌ಮ ಬಿಜು಼ ಕಿನಾಬಿ ಕೊ ದೇಖ್ಯೋನಿ.

ಗಲಾತ್ಯ 2:12

ಅಗ್ಗಳ್ ಯೊ ಅಂತಿಯೋಕ್ಯನ ಆವಾನಿ ವಖ್ಹ್‌ತೆ ಯೆಹೂದ್ಯರ್‌ಕಾಹೆತೆ ಇವ್ಣ ಜೋ಼ಡ್ಮ ಖಾಣು ಖಾತೋಥೊ. ಇನಪಾರ್ ಯಾಕೋಬ್ ಭಣೀಥು ಥೋಡುಜ಼ಣು ಆಯು. ತದೆ ಪೇತ್ರನೆ ಯೆಹೂದ್ಯರ್‌ಕಾಹೆತೆ ಇವ್ಣಿ ಜೋ಼ಡ್ಮ ಖಾಣುಖಾವನು ಭಿರಾಖಿದಿದೊ. ಯೆಹೂದ್ಯರ್ ಅದ್ಮಿಥಿ ಡರಿನ್, ಯೊ ಇನುಯೋಸ್ ಯೆಹೂದ್ಯರ್‌ಕಾಹೆತೆ ಅದ್ಮಿಥಿ ಅಲಕ್ ಹುಯೊ.

ಗಲಾತ್ಯ 2:9

ಸಬೇನು ಖಂಬುಕರಿ ಬೋಲೈಲಿದಹುಯ ಯಾಕೋಬ್, ಪೇತ್ರ, ಯೋಹಾನ ಇವ್ಣೆ ದೇವ್ನೆ ಮನ ದಿರಾಖ್ಯೋತೆ ವಾರ್‌ಖ್ಹಾನ ಮಾಲುಮ್ ಕರಿಲಿನ್ ಗಳ್‍ಜೋ಼ಡ್‍ಥಿ ರ‍್ಹವಾನು ವತಾಳನಖ್ಹಾಜೆ ಮನಾಬಿ ಬಾರ್ನಬನಾಬಿ ಹಾತ್ ಮಳಾಯೊ. ಅಜು಼ ತುಮೆ ಯೆಹೂದ್ಯರ್‌ಕಾಹೆತೆ ಅದ್ಮಿಕನ ಜಾ಼ವೊ, ಹಮೆ ಯೆಹೂದ್ಯರ್‌ಕನ ಜೈ಼ಯೇಸ್‌ಕರಿ ಮಾನಿಲಿದ.

ಫಿಲಿಪ್ಪಿ 1:1

ಕ್ರಿಸ್ತ ಯೇಸುನ ದಾಸ ಹುಯಿರಾತೆ ಪೌಲಬಿ ತಿಮೊಥೆ, ಫಿಲಿಪ್ಪಿ ಖ್ಹಯೇರ‍್ನ ವಿಶ್ವಾಸಿಖ್ಹಾರಾನ ಅಜು಼ ಇವ್ಣ ಜೋ಼ಡೆ ರ‍್ಹವಾಳನ ಸಬೇನ ಮೋಟಾನ ಅಜು಼ ಮದತ್ ಕರವಾಳನ ಲೀಖಾನು ಶಾತ್‌ಕತೊ,

2 ತಿಮೊ 4:21

ಠಣ್ಣಾ ದನ್ನ ಆವಾನ ಅಗಾಡಿಸ್ ಮಾರಕನ ಆವಾನ ಕೋಶಿಶ್ ಕರ್‌. ಯುಬೂಲ, ಪೊದೆಯಾಬಿ, ಲೀನ, ಕ್ಲೌದ್ಯ ಅಜು಼ ಬಿಜು಼ ಖ್ಹಾರು ಭೇನೆ ಭೈಯೇ ತುನ ತೋಬ ಕರುಕರಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:1

ದೇವ್‌ನೊ ಸೇವಕ್‌ಬಿ ಅಜು಼ ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಲೀಖ್ಯೋತೆ. ದೇವ್ನೆ ಚೂ಼ಣ್ಯೋತೆ ಅದ್ಮಿ ಖ್ಹಾರಾನಿ ಖ್ಹಾಚಾಮ ಚ಼ಲಾವನಟೇಕೆ ವಿಶ್ವಾಸ್‌ನ ಭಡಾವಾನಖ್ಹಾಜೆ ಅಜು಼ ಯೊ ಇವ್ಣುನ ಭಕ್ತಿನಿ ಜಿವ್ಣಮ ಚ಼ಲಾವಸ್.

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಪ್ರಕಾಶಿತ್ 7:4

ಮುದ್ರೊ ಮರೈಲಿದುತೆ ಇವ್ಣಿ ಗಣ್ತಿ ಮನ ಖ್ಹಮಜ಼್‌ಮ ಆಯುಕಿ ಏಕ್‌ಲಾಕ್ ಚಾರ್‌ಉಪ್ಪರ್ ಚಾ಼ಳೀಖ್ಹ್‌ಹಜಾ಼ರ್‌ ಇಸ್ರಾಯೇಲರ‍್ನು ಹರೇಕ್ ಖೂಮ್ನ ಮಳಿಹುಯು ಹುಯಿರ‍್ಹುಥು.