ಗಲಾತ್ಯ 4:3 - ದೇವ್ನಿ ಖ್ಹಾಚಿ ವಚನ್

³ ಇಮ್ಮಸ್ ಅಪ್ಣೇಬಿ ಅಡ್ಡಾನಿ ರ‍್ಹವಾನಿ ವಖ್ಹ್‌ತೆ ಆ ಜಗತ್ನಿ ನಿಯಮ್‌ಥಿ ಚ಼ಲಾವತೆ ಸೇವೆನ ಅಧೀನ್ ಹುಯಿರ‍್ಹಾಥ.

ಗಲಾತ್ಯ 4:3 Iomraidhean Croise

ಮತ್ತಾಯ 11:28

“ಅಲಾ ಥಕಿರ‍್ಹವಾಳ, ಭೋಜೊ ಪಾಡಿರಾಖವಾಳ, ತುಮೆ ಖ್ಹಾರು ಮಾರಕನ ಆವೊ; ಮೇ ತುಮುನ ಅರಾಮ್‌ ದೆವುಸ್‌.

ಯೋಹಾನ 8:31

ತದೆ ಯೇಸುನೆ ಇನಾಪರ್ ವಿಶ್ವಾಸ್‌ ಕರ‍್ಯೋತೊ ಯೆಹೂದ್ಯರ್‌ನ, “ತುಮೆ ಮಾರಿ ವಾತೇನಿತರ ಚಾ಼ಲ್ಯಾತೊ,ತುಮೆ ಖ್ಹಾಚ಼ಮಾಬಿ ಮಾರ ಶಿಷ್ಯ ಹುಯಿರ‍್ಹಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:10

ಅಮ್‍ರ‍್ಹವಾಪರ್, ಅಲ್ಹಾವ್‌ ವಿಶ್ವಾಸಿ ಶನ ಭೈಯೇವ್ನ ಖಾಂದಪರ್ ವಜ಼ನ್ನೊ ಭೋಜೊ ಶನ ಢೊವಾಡೊಸ್? ತುಮೆ ದೇವ್ನ ಇರಾದೊ ಛ಼ಡಾವಾನಿ ಕೋಶಿಶ್ ಕರುಕರಾಸ್ಕಿ ಶು? ಹಮೂನ ರ‍್ಹವೊ ಹಮಾರ ಗುರುಖ್ಹಾರಾನರ‍್ಹೇವೊ ಆ ಭೋಜೊ ಢೊವಾಡಯೆತ್ರೆ ಶಕತ್ ಕೋಥಿನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:14

ಧರ್ಮಶಾಸ್ತ್ರ ಆತ್ಮೀಕ್ ಹುಯಿರ‍್ಹುಸ್‌ಕರಿ ಮಾಲುಮ್ ಛಾ಼. ಕತೋಬಿ ಅದಮ್‍ಜ಼ಮಾನೊ ಹುಯಿರೋತೆ ಮೇ ಪಾಪ್ನ ಗುಲಾಮ್ನಿತರ ವೇಚೈ಼ಜಾ಼ವಾಳೊ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:15

ಶನಕತೊ ದೇವ್ನೆ ದೀರಾಖ್ಯೋತೆ ಆತ್ಮ ತುಮೂನ ಗುಲಾಮ್ ಕೊ ಕರ್‌ಶೇನಿ ಅಜು಼ ತುಮಾರ ಡರ್‌ಥಿ ಕೊಹುಯಿರಿಶೇನಿ ಅನಬದಲ್ ಪವಿತ್ರಾತ್ಮ ದೇವ್ನ ಲಡ್ಕಕರೀನ್ ಬಣಾವಸ್ ಅಜು಼ ಯೊ ಆತ್ಮಾನಿ ಶಕಥ್ಥಿ ಭರಾವವಾಳೊ ಹುಯಿನ್ ಅಪ್ಣೆ ದೇವ್ನ “ಬಾ, ಪಿತಾ!” ಕರಿ ಚಿಕ್ರಿಯೆಸ್.

2 ಕೊರಿಂಥ 11:20

ಖ್ಹಾಚ಼ಮ ಬೋಲ್ನುಕತೊ ಕೋಣ್‌ತೋಬಿ ತುಮುನ ಕಬ್‌ಜಾ಼ಮ ಕರ‍್ಯುತೋಬಿ, ತುಮುನ ಕಡ್‌ತೆಲ್ ದೇಖಸ್ ಇವ್ಣು ಫಾಯಿದೊ ಕರಿಲೇಸ್ ತೋಬಿ ತುಮಾರ ಕಲ್ಲಪರ್ ಮಾರ‍್ಯುತೋಬಿ ತುಮೆ ಖ್ಹಮಾಳಿ ಲೆವೋಸ್‍ನಿ.

ಗಲಾತ್ಯ 2:4

ಕತೋಬಿ ಭಾಣೇಥಿ ಪೇಠುಥೂತೆ ವಿಶ್ವಾಸಿಖ್ಹಾರು ಗಪ್ಲಥ್ಥಿ ಹಮುನ ಧರ್ಮಶಾಸ್ತ್ರನಿ ಕಬ್‌ಜಾ಼ಮ ಖ್ಹಪ್‌ಡಾವ್ಣುಕರಿ, ಕ್ರಿಸ್ತ ಯೇಸುಮ ಛಾ಼ತೆ ಅಪ್ಣಿ ಛುಟ್ಕಾರ್‌ನ ಮಾಲುಮ್‌ಕೊಂತೆ ತಿಮ್ ಪುಛಾ಼ವನ ಐರ‍್ಹುಥು.

ಗಲಾತ್ಯ 3:19

ಇಮ್‍ಕತೊ ಮೋಶೇನು ನಿಯಮ್‌ ಶನಖ್ಹಾಜೆ? ವಾಗ್ದಾನ್‌ಮ ವತಾಳಿರಾಖ್ಯೊತೆ ಯೊ ಆವಲಗು ದೇವ್ ಅಥ್ರಅಥ್ರಾನು ಅಪರಾದ್‌ಕರಿ ದೆಖಾಡನ ಖ್ಹಾಜೇಥಿ ಇನ ವಾಗ್ದಾನ್ ಹುಯುತದೆ ದೇವ್‌ದೂತರ್‌ಥಿ ಏಕ್‌ ಇಚ಼್‌ಮ ರ‍್ಹವಾಳನ ಹಾತ್ಮ ದಿದೊ.

ಗಲಾತ್ಯ 4:2

ಬಾನೆ ಖ್ಹಣೇದ್ ಕರ‍್ಯೊತೆ ವಖ್ಹತ್‌ಲಗು ಪಾಲನ್‌ಕರಾವಳನಿ ಅಜು಼ ಚ಼ಲಾವವಾಳಾನಿ ಚ಼ಪ್ಪಣ್‌ಮ ರ‍್ಹೇಣು.

ಗಲಾತ್ಯ 4:24

ಆ ವಾತೆಖ್ಹಾರು ಮಾಲುಮ್ ಕರಾನು ಹುಯಿರ‍್ಹುಸ್. ಕಿಮ್‌ಕತೊ ಯೋ ಭೇ ತಯೇಡ ಬೇ ಒಪ್ಪಂದ ಹುಯಿರ‍್ಹುಸ್. ಏಕ್‌ ಒಪ್ಪಂದ ಸೀನಾಯಿ ಪರ್ಭತ್ ಉಬ್ಜಿನ್ ಗುಲಾಮ್ ಹುಯಿನ್ ರ‍್ಹವಾನ ಲಡ್ಕಾನ ಪೈದಕರಸ್ತೆ; ಯೋಸ್ ಹಾಗರ್.

ಗಲಾತ್ಯ 4:25

ಹಾಗರ್ ಕತೊ ಅರಬ್‌ಮ ಛಾ಼ತೆ ಸೀನಾಯಿ ಪರ್ಭತ್‌ನ ವತಾಳಸ್‍. ಹಮ್ಕೇನು ಯೆರೂಸಲೇಮ್ ಖ್ಹಯೇರ‍್ನಿಮತ್ ಹುಯಿರ‍್ಹೀಸ್. ಶನಕತೊ ಯೊ ಹೈರಿತೆ ಇನ ಅದ್ಮಿಯೇನ ಜೋ಼ಡ್ಮ ಹಮ್ಕೆ ಸೇವೆಕರವಾಳಿ ಹುಯಿರ‍್ಹೀಸ್.

ಗಲಾತ್ಯ 4:31

ಇಮ್ಮಸ್ ಭೈಯೇ ಭೇನೆವೊ, ಅಪ್ಣೆ ದಾಸಿನ ಲಡ್ಕಾಕಾಹೆ, ಕತೋಬಿ ಛುಟ್ಕಾರ್‌ವಾಳಿನ ಲಡ್ಕಾ ಹುಯಿರ‍್ಹಾಸ್.

ಗಲಾತ್ಯ 4:8

ಅಗ್ಗಳ್ ತುಮೆ ದೇವ್ನ ಮಾಲುಮ್‌ ಕರ‍್ಯಾಕೊಂತೆ, ದೇವಸ್ ಕಾಹೆತೆ ಇವ್ಣುನ ಗುಲಾಮ್ ಹುಯಿರ‍್ಹಾಥ.

ಗಲಾತ್ಯ 4:9

ಹಮ್ಕೆತೋಬಿ ತುಮೆ ದೇವ್ನ ಮಾಲುಮ್‌ ಕರಿರಾಖ್ಯಾಸ್. ವಿಶೇಷ್‌ಥಿ ದೇವ್ನೆ ತುಮುನ ಮಾಲುಮ್ ಕರಿರಾಖ್ಯೋಸ್. ಅಮ್‌ರ‍್ಹವಾಪರ್ ತುಮೆ ಕಾಮ್ನ ಕೊಯ್ನಿತೆ, ಫಾಯಿದೊ ಕೊಯ್ನಿತೆ, ಜಗತ್ನಿ ನಿಯಮ್‌ಭಣಿ ತುಮೆ ಶನ ಫರೋಸ್? ಪಾಛು಼ ಇನ ಗುಲಾಮ್ ಹೋಣುಕರಿ ಛಾ಼ ಕಿಶು?

ಕೊಲೊಸ್ಸೆ 2:20

ಏಕ್‌ಬಾರ್ ತುಮೆ ಕ್ರಿಸ್ತನಿ ಜೋ಼ಡ್ಮ ಜಗತ್ನ ಆತ್ಮಮ ಮರ‍್ಹೀರ ಉಶೇತೊ, ಅಜೂ಼ಬಿ ಜಗತ್‍ವಾಳನಿತರಸ್ ಬಚಿನ್ ತುಮೆ ಶನ ಜಿವ್ಣುಕರುಕರಸ್? ಅಮ್ನಿ ಹುಕುಮ್‌ನಲೀನ್ ಶನ ಚಾ಼ಲವಾಳ ಹುಯಿರ‍್ಹಾಸ್?

ಕೊಲೊಸ್ಸೆ 2:8

ಗಲ್ತಿನು ಅಜು಼ ಫಾಯಿದೊಕೊಂತೆ ಬೋಧನೆತು ಕೋಣ್‌ಬಿ ತುಮೂನ ಕಬ್‌ಜಾ಼ಮ ನಾಕರಿಲೇವ್ಣುತೆ ಹೊಷಾರ್‌ಥಿ ರ‍್ಹವೊ. ಆ ಅಖ್ಖು ಅದ್ಮಿವೋನ ಪದತ್ತಿನ ಅಜು಼ ಲೋಕ್‌ನಹೋಣುತೆ ಬೋಧನೆಮಾಸ್ ಛಾ಼ ಪಣ್ಕಿ ಕ್ರಿಸ್ತಾನಕಾಹೆ.

ಇಬ್ರಿ 5:12

ಅತ್ರಸ್ಮ ತುಮೆ ಶಿಕಾಡವಾಳು ಹುಯಿರ‍್ಹೇಣುಥು ತೋಬಿ, ದೇವ್ನು ವಚನ್ನು ಪಹಿಲೆ ಛಾತೆಪಾಠಅಖ್ಖು ಅಜೇಕ್ ಜ಼ಣು ತುಮುನ ಪಾಛು಼ ಶಿಕಾಡ್ನುಪಡ್ಯು. ತುಮುನ ಹಮ್ಕೆ ದೂದ್ನು ಜ಼ರೂರತ್ ಛಾ಼ ಪಣ್ಕಿ ಘಟ್ ಖಾಣುಕಾಹೆ.

ಇಬ್ರಿ 7:16

ಆ ಯಾಜಕ್ ಶರೀರ್ ಸಂಬಂದ್ ಪಡಾಸ್ತೆ ನಿಯಮ್‌ನಿ ಪರಕ್‍ ಕೊಹುಯುನಿತೆ, ಜಾನ್ನ ಶಕತ್ನ ಆಧಾರ್‌ಥಿ ಮಟಾಕೊಂತೆ ರ‍್ಹಿಶೆ.