ಎಫೆಸ 3:3 - ದೇವ್ನಿ ಖ್ಹಾಚಿ ವಚನ್

³ ದೇವ್ನೆ ಇನ ದಿಲ್ನ ಮಾಯ್ನನ ಬೋಲಿದಿದೊ. ಅನಿಬಾರೇಮ ಮೆ ಪಹಿಲೆಸ್ ತುಮುನ ಥೋಡಿ ವಾತೆಥಿ ಲೀಖಿನ್ ಮೋಕ್ಲಿರಾಖ್ಯೊಸ್.

ಎಫೆಸ 3:3 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:17

ಮೇ ಯೆರೂಸಲೇಮ್ಮ ಪಾಛೊ಼ ಫರೀನ್ ಐನ್ ದೇವ್ನಿ ಮಂದಿರ್‌ಮ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ ಮೆ ಏಕ್‌ ದರ್ಶನ್ ದೇಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:21

ತದೆ ಪ್ರಭುನೆ; ಜಾ಼ ಮೇ ತುನ ದೂರ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ತಬರ್‌ಖಾಮ ಮೋಕ್ಲುಸ್’ ಕರಿ ಮನ ಬೋಲ್ಯೊ.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:9

ತದೆ ಯೋ ಯೆಹೂದ್ಯರ್‌ಮ ಘಣಿ ಗಲಾಟ್ ಹುಯು ಫರಿಸಾಯರ್‌ನ ಝೂ಼ಂಡ್‌‍ನು ಥೋಡು ಧರ್ಮ ಬೋಧನೆ ಕರವಾಳು ಉಠಿಭೀರಿನ್, “ಆ ಅದ್ಮಿಮ ಶನೀಬಿ ಅಪರಾದ್ ದೇಖವ್‌ಕರಕೊಯ್ನಿ. ದಮಸ್ಕನ ಜಾ಼ವಾನಿ ವಾಟ್‌ಮ ದೇವ್‌ದೂತರ್‌ಕೀ, ಆತ್ಮಾಕಿ, ಇನಜೋ಼ಡೆ ವಾತ್‍ಬೋಲಿರಾಕ್ಣು ಕರಿ ಅಬ್ಬಾಜ಼ಬ್ಬಿ ವಾತೆ ಚಾ಼ಲಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

2 ಕೊರಿಂಥ 12:1

ಮೇ ಖ್ಹರೈಲ್ಯಾವಾನು ಅಛ್ಛು಼ ಕಾಹೆ, ಕತೋಬಿ ಖ್ಹರೈಲ್ಯಾವಾನು ಮನ ಜ಼ರೂರತ್ ಛಾ಼. ಇನಖ್ಹಾಜೆ ಪ್ರಭುನೆ ಮನ ದಿದೋತೆ ದರ್ಶನನಾಬಿ ಅಜು಼ ಮಾಲುಮ್‌ಕರಾಯೊತೆ ಪ್ರಕಟಣೆನಿ ಬಾರೇಮ ಬೋಲುಸ್.

ಗಲಾತ್ಯ 1:12

ಮೇ ಇನ ಅದ್ಮಿಥಿ ಲಿದೊಕೊಯ್ನಿ, ಮನ ಕೋಣ್ ಭೋಧನ್‌ಬಿ ಕರ‍್ಯುಕೊಯ್ನಿ ಬದಲ್‍ಥಿ ಯೇಸು ಕ್ರಿಸ್ತಾಥೀಸ್ ಯೊ ಮನ ಬೋಲಿವತಾಳಯು.

ಎಫೆಸ 1:17

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಮಹಿಮೆನೊ ಬಾಬಿ ಇನಿ ಇನಿ ಬಾರೇಮ ಪೂರ ಅಕ್ಕಲ್‍ನ ತುಮುನ ದೀನ್ ದರ್ಶನಾನು ಆತ್ಮನ ದ್ಯವಾದೆಕರಿ ಪ್ರಾರ್ಥನೆ ಕರುಸ್.

ಎಫೆಸ 3:4

ಅಜು಼ ಮೆ ಲೀಖಿರಾಖ್ಯೊಸ್ತೆ ಇನ ತುಮೆ ಬರಾಬರ್‌ಥಿ ಫಡೀನ್ ದೇಖ್ಯಾತೊ ಮಾರಮ ಕ್ರಿಸ್ತನಿ ಬಾರೇನು ಮಾಯ್ನನ ತುಮೇಬಿ ಮಾಲುಮ್ ಕರ‍್ಲಿಶು.

ಎಫೆಸ 3:6

ಯೊ ಮಾಯ್ನೊ ಖಿವುಕತೊ,ಯೆಹೂದ್ಯರ್‌ಕಾಹೆತೆ ಅದ್ಮಿ ಜಿನು ಸುವಾರ್ತೆಥಿ ಕ್ರಿಸ್ತಯೇಸುಮ ದೇವ್ನ ಅದ್ಮಿನಜೋ಼ಡೆ ವಾಗ್ದಾನ್‌ಮ ವಾಟೊಲ್ಯಾವಳ ಹುಯಿರ‍್ಹಾಸ್.

ಎಫೆಸ 3:9

ಬಿಜು಼ ದೇವ್ನ ಅದ್ಮಿನ ದೇವ್ನಿ ಗಪ್ಲತ್‌ನಿ ಖ್ಹೂಜ಼್‌ನ ಖಿವುಕರಿ ಅಜು಼ ಯೊ ಪ್ರಭಾವ್‌ ಹುವಾನಿತರಾನು ದೇಖಾನಖ್ಹಾಜೆ ಕರ‍್ಯೊ. ಅಖ್ಖಾಸ್ನ ಉಬ್‌ಜಾ಼ಯೊತೆ ದೇವ್ ಪಾಛ಼್‌ಲ್ಯಾಹಗಾಮ್ಮ ಇನು ಗಪ್ಲತ್‌ನ ಲಪಾಡಿರಾಖ್ಯೊಥೊ.

ಎಫೆಸ 6:19

ಮಾರಖ್ಹಾಜೆಬಿ ಪ್ರಾರ್ಥನೆ ಕರೊ ಮೆ ವಾತೆ ಬೋಲಾನ ಮ್ಹೋಡು ಛೋ಼ಡಾನಿ ವಖ್ಹ್‌ತೆ ಅಗ್‍ಲ್ಯ ಹಗಾಮ್ಮ ಲಪಿಥಿತೆ ಸುವಾರ್ತೆನಿ ಖ್ಹಾಚಿನ ಡರ್‌ಕೊಂತೆ ಬೋಲಾನಖ್ಹಾಜೆ ಹೋಣುತೆ ವಾತೆನ ದೇವ್ ಮನ ದ್ಯವಾದೆ.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

ಕೊಲೊಸ್ಸೆ 4:3

ಯೋಸ್ ವೇಳ್ಮ ಹಮೆ ಕ್ರಿಸ್ತನಿ ಮಾಯ್ನನಿ ವಾತೆ ಬೋಲಾನ ದೇವ್ ಹಮಾರಖ್ಹಾಜೆ ಬಾಕಲ್ ಉಖ್ಡಾನಿತರ ಪ್ರಾರ್ಥನೆಕರೊ. ಅನಖ್ಹಾಜೆಸ್ ಮೇ ಜೇಲ್‌ಮ ಛೂ಼ತೆ.

ಇಬ್ರಿ 13:22

ಭೈಯೇ ಭೇನೇವೊ ಆ ಅಕ್ಕಲ್‌ನಿ ವಾತೇನ ಖ್ಹಮಾಳಿ ರ‍್ಹೇವ್ಣುಕರಿ ಹುಮ್ಮಖ್ಹ್‌ ದ್ಯವಾನ ತುಮುನ ಗಿಂಗೈಲೆವುಕರುಸ್. ಶನಕತೊ ತುಮುನ ಲೀಖಾಯುತೆ ಆ ಚಿಟ್ಟಿ ಘಣು ಕೊಯ್ನಿ.

1 ಪೇತ್ರ 5:12

ಮೇ ತುಮೂನ ಹುಮ್ಮಖ್ಹ್ ದೆವಾನಾಬಿ ಅಜು಼ ದೇವ್ನಿ ಖ್ಹಾಚಿಕೃಪೆ ಕರಿ ಸಾಕ್ಷಿ ಬೋಲಾನಾಬಿ ಮೇ ನ್ಹಾನೇಥಿ ಚಿಟ್ಟಿ ಲೀಖಿನ್, ವಿಶ್ವಾಸ್‌ನೊ ಭೈಕರಿ ಗಣ್ತಿಕರಿರಾಖ್ಯೊತೆ ಸಿಲ್ವಾನನ ಹಾತ್‌ಮ ಮೋಕ್ಲಿರಾಖ್ಯೊಸ್. ಆ ಖ್ಹಾಚಿ ಕೃಪೆಥಿ ಭೀರೆವೊ.

2 ಪೇತ್ರ 3:15

ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್‌ಕರಿ ಮಾಲುಮ್‌ಕರಿಲೆವೊ. ಅಪ್ಣೊ ಪ್ಯಾರ್‌ನೊ ಭೈ ಹುಯಿರ‍್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್.