ಎಫೆಸ 1:7 - ದೇವ್ನಿ ಖ್ಹಾಚಿ ವಚನ್

⁷ ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 1:7 Iomraidhean Croise

ಮತ್ತಾಯ 20:28

ಅಮ್ಮಸ್ ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ, ಪಣ್ಕಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್, ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.

ಮತ್ತಾಯ 26:28

ಆ ಮಾರು ಲ್ಹೋಯಿ, ಆ ದೇವ್‌ನು ನವು ಒಪ್ಪಂದಾನನ ಮುದ್ರೊ ಮರೈಹುಯು ಮಾರು ಲ್ಹೊಯಿ; ಕೈಯೆಕ್ಕಿ ಅದ್ಮಿನು ಪಾಪ್‌ಖ್ಹಾರು ಮಾಪ್‌ ಕರಾನಖ್ಹಾಜೆ ರಂಚಾ಼ಯುತೆ ಮಾರು ಲ್ಹೊಯಿ.

ಮತ್ತಾಯ 6:12

ಹಮಾರ ವಿರೋದ್ ಗಲತ್‌ ಕರಾವಾಳನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್, ಹಮಾರಿ ಗಲ್ತಿನ ತೂ ಮಾಪ್‌ಕರ್‌.

ಮಾರ್ಕ 14:24

ತದೆ ಯೇಸುನೆ ಇವ್ಣುನ, “ಆ ಮಾರು ಲ್ಹೋಯಿ, ಆ ದೇವ್ನೆ ಇನ ಅದ್ಮಿನ ಜೋ಼ಡೆ ಕರ‍್ಯುಹುಯು ನವು ಒಪ್ಪಂದಾನನು ಮಾರು ಲ್ಹೋಯಿ; ಆ ಘಣ ಅದ್ಮಿನಖ್ಹಾಜೆ ರಂಚಾ಼ಯುತೆ ಲ್ಹೋಯಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:77

“ಪಾಪ್‌ಖ್ಹಾರು ಮಾಪ್‌ ಹುವಾಥೀಸ್ ರಕ್ಷಣೆ ಮಳಾನು ಕರಿ, ಇನ ಅದ್ಮಿನ ಬೋಲವಾಳೊ ಹುಯಿರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಯೋಹಾನ 20:23

ತುಮೆ ಕಿನು ಪಾಪ್ನ ಮಾಪ್‌ ಕರೋಸ್ಕಿ, ಇವ್ಣು ಪಾಪ್ ಮಾಪ್‌ ಉಶೆ; ಅಜು಼ ತುಮೆ ಕಿನು ಪಾಪ್ನ ಮಾಪ್‌ ಕೋ ಕರೋನಿಕಿ, ಇವ್ಣು ಪಾಪ್ ಮಾಪ್‌ ಕೋ ಉಶೇನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:43

ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:38

ಪೇತ್ರನೆ ಇವ್ಣುನ ತುಮಾರಮ ಹರೇಕ್‍ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್‍ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:19

ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4

ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:24

ಕತೋಬಿ ದೇವ್ನು ಫುಗಟ್ ವಾರ್‌ಖ್ಹೇಥಿ ಇವ್ಣುನ ಛುಟ್ಕಾರ್ ದ್ಯವಾವಾಳೊ ಯೇಸುಕ್ರಿಸ್ತಥಿ ನೀತಿವಾಳುಕರಿ ತೀರ್ಪ್‍ಹುವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:25

ಇನೆ ರಂಚ್ಯೊತೆ ಇನ ಲ್ಹೋಯಿಥಿ ಇನ ಉಪ್ಪರ್ ಭರೋಖ್ಹೊ ರಾಖವಾಳ ಹರೇಕ್ನ ಪಾಪ್‌ ಪರಿಹಾರ್ ಹೋಣುಕರಿ ಇನಾಸ್ ಸಮರ್ಪಣ್‌ ಕರಿಲಿದೊ. ಪಾಛ಼್‌ಲ್ಯ ಹಗಾಮ್ಮ ಅದ್ಮಿವೋನೆ ಕರ‍್ಯುತೆ ಪಾಪ್ನ ಬರೋಬರ್‌ನಿ ನಿಶತ್‍ ದಿದೊಕೊಂತೆ ದೇವ್ನೆ ಖ್ಹಮಾಳಿಲಿನ್ ಚಾ಼ಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:23

ಅಜು಼ ಮಹಿಮೆ ಲಿಲ್ಯಾವನಖ್ಹಾಜೆ ಅಗಾಡಿಸ್ ತಯಾರ್‌ಕರೀನ್, ದೇವ್ನೆ ಇನಿ ಗೋರ್‌ ಲೀಲ್ಯಾವಾಳನ ಇನಿ ಮಹಾನ್ ಮಹಿಮೆನ ದೆಖಾಡ್ಯೊ.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

ಎಫೆಸ 1:14

ದೇವ್ನೆ ಇನ ಶೊಂತ್ ಅದ್ಮಿನ ಛುಟ್ಕಾರ್ ಉಷೆಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣುನ ಖ್ಹಂಜ಼್‌ಕಾರ್‌ ಹುಯಿರ‍್ಹೊಸ್, ಅನಖ್ಹಾಜೆ ದೇವ್ನ ಮಹಿಮೆ ಕರಿಯೆ.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 1:6

ಅಜು಼ ಅಪ್ಣೆ ದೇವ್ನಿ ಮಹಿಮೆನಿ ವಾರ್‌ಖ್ಹಾನಖ್ಹಾಜೆ ಧನ್ಯವಾದ್ ಕರಿಯೆ. ಶನಕತೊ ಯೋ ಇನೊ ಪ್ಯಾರ‍್ನೊ ಛಿಯ್ಯಾನಖ್ಹಾಜೆ ಅಪ್ಣುನ ಫುಗಟ್ ವರದಾನ್ ದಿರಾಖ್ಯೊಸ್.

ಎಫೆಸ 1:8

ದೇವ್ನೆ ಇನಿ ಹರೇಕ್ ಗ್ಯಾನ್ ಅಜು಼ ಅಕ್ಕಲ್‍ಥಿ ಅಪ್ಣುನ ಯೊ ವಾರ್‌ಖ್ಹಾನ ಚೆಹೆಳ್‌ಥಿ ದಿರಾಖ್ಯೊಸ್.

ಎಫೆಸ 2:4

ಕತೋಬಿ ದೇವ್ನಿ ಗೋರ್‌ ಘಣಿಮೋಟಿ ಅಪ್ಣಖ್ಹಾಜೆ ಜಾ಼ಖ್ಹತ್ ಪ್ಯಾರ್ ವತಾಳಿರಾಖ್ಯೊಸ್.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಎಫೆಸ 3:16

ಮೆ ದೇವ್ನ ಧನ್‌ದೌಲಥ್ಥಿ ರ‍್ಹವಾನು ಮಹಿಮೆಥಿ ಪ್ರಾರ್ಥನೆ ಕರುಕರೂಸ್. ಯೊ ಪವಿತ್ರಾತ್ಮಥಿ ದಿಲ್ನ ಮಹಿ ತಾಖತ್ ಹುವಾನ ವಿಶೇಷ್ ಶಕತ್‍ದ್ಯವಾದೆ,

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

ಫಿಲಿಪ್ಪಿ 4:19

ಮಾರೊ ದೇವ್ ಕ್ರಿಸ್ತ ಯೇಸುಥಿ ಇನಿ ಮೋಟಿ ಮಹಿಮೆನ ಧನ್‌ದೌಲಥ್ಥಿ ತುಮುನ ಛಾ಼ತೆ ಹರೇಕ್ ಜ಼ರೂರತ್‌ನ ಪೂರ ಕರ್ಶೆ.

ಕೊಲೊಸ್ಸೆ 1:14

ಆ ಛಿಯ್ಯಾಥಿ ಅಪ್ಣ ಪಾಪ್ನ ಮಾಪಿ ಮಳ್ಯು. ಛುಟ್ಕಾರ್‌ಹುಯು.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

ಕೊಲೊಸ್ಸೆ 2:13

ತುಮೆ ತುಮಾರ ಪಾಪ್‌ಥಿಬಿ ಅಜು಼ ಶರೀರ್‌ನ ಆಖ್ಹ್‌ಥಿ ಛುಟ್ಕಾರ್ ಕೊಹುಯಾನಿತೆ ಇನಖ್ಹಾಜೆ ಆತ್ಮೀಕ್ ಪರಕ್ಮ ಮರಿರ‍್ಹಾವಳ ಹುಯಿರ‍್ಹಾಸ್ ಕತೋಬಿ ದೇವ್ ಕ್ರಿಸ್ತಥಿ ತುಮುನ ಜೂತುಕರ‍್ಯೊ.ಅಜು಼ ಅಪ್ಣಿ ಖ್ಹಾರೀಸ್‍ ಪಾಪ್ನ ಮಾಪ್ ಕರ‍್ಯೊ.

ಕೊಲೊಸ್ಸೆ 2:2

ಕಿಮ್‌ಕತೊ ಇವ್ಣ ದಿಲ್ನ ಪ್ಯಾರ್‌ಥಿ ಲೀರಾಖಿನ್ ಹುಮ್ಮಖ್ಹ್‌ಹುಯಿನ್ ಮಳ್‌ಣುಕರಿ ಛಾ಼ತೆ ಪೂರ ಅಕ್ಕಲ್‍ಥಿ ಬಾ ದೇವ್ನ ಮಾಯ್ನನ ಕತೊ ಕ್ರಿಸ್ತನ ಮಾಲುಮ್‌ ಕರಿಲ್ಯವಾಥಿಸ್ ಹುಯಿರ‍್ಹುಸ್.

1 ತಿಮೊ 2:6

ಇನೆ ಹರೇಕ್ ಜ಼ಗ್‌ಜಾ಼ತ್ನ ಅದ್ಮಿನ ಬಚಾ಼ಡಾನಖ್ಹಾಜೆ ಛೋ಼ಡಾವನಟೇಕೆ ಇನ ಯೋಸ್ ಒಪ್‌ಶೈದಿದೊ. ಯೋ ಹರೇಕ್ ಅದ್ಮಿನ ಬಚಾ಼ಡನ ಹರ್ಖ್ಹಾಸ್. ಆಸ್ ಬರೋಬರ್‌ನಿ ವಖ್ಹತ್‌ಮ ಬೋಲ್ನುತೆ ಸಬೂತ್ ಹುಯಿರುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:6

ದೇವ್ನೆ ಅಪ್ಣೊ ರಕ್ಷಕ್ ಯೇಸು ಕ್ರಿಸ್ತಥಿ ಪವಿತ್ರಾತ್ಮನ ಅಪ್ಣಪರ್ ಭರ್‌ಪೂರ್‌ ರಂಚ್ಯೊ.

ಇಬ್ರಿ 9:22

ಇಮ್ಮಸ್ ಧರ್ಮಶಾಸ್ತ್ರನಿ ಪರಕ್ಮ ಬೋಲ್ನುಕತೊ ಖ್ಹಾರೂಸ್ ರಾಛು಼ ಲ್ಹೋಯಿಥೀಸ್‍ ಶುದ್ದಿಹೋತುಥು. ಅಜು಼ ಲ್ಹೋಯಿ ರಂಚಾ಼ವಥಿ ಕಾಹೆತೆ ಪಾಪ್ ಕ್ಷಮಾಪಣ್ ಕೊಹೊಯ್ನಿ.

1 ಪೇತ್ರ 2:24

ಅಪ್ಣೆ ಅಪ್ಣ ಪಾಪ್ನ ಭಾಗ್ನ ಮರೀನ್ ನೀತಿವಾಳ ಹುಯಿನ್ ಬಚಾ಼ನಿತರ ಅಪ್ಣ ಪಾಪ್ನ ಯೋಸ್ ಇನ ಶರೀರ್‌ಪರ್‌ ಢೊಯ್ಲಿನ್ ಶಿಲ್‌ಬೆಪರ್ ಮರಿಗೊ. ಇನ ಘಾವ್‍ಥಿ ತುಮುನ ಅಛ್ಛು಼ಹುಯು.

1 ಪೇತ್ರ 3:18

ಕ್ರಿಸ್ತಬಿ ನೀತಿವಾಳೊ ಹುಯಿರ‍್ಹಿನ್, ಅನೀತಿವಾಳಾನ ಖ್ಹಾಜೆ ಜಾನ್‍ದೀನ್ ಅಪ್ಣುನ ದೇವ್‌ಕನ ಮಳಾವನಖ್ಹಾಜೆ ಎಕ್ಕಸ್ ವಖ್ಹತ್ ಪಾಪ್ನ ಮಟಾವನಖ್ಹಾಜೆ ಖ್ಹತಾಪ್ಣಿ ಪಡೀನ್ ಶರೀರ್‌ಮರ‍್ಹೀನ್ ಆತ್ಮಮ ಜಿವವಾಳೊ ಹುಯೊ.

1 ಯೋಹಾನ 2:12

ಪ್ಯಾರ್‌ನ ಲಡ್ಕಾವೊ ಕ್ರಿಸ್ತನ ನಾಮ್‍ಪರ್ ತುಮಾರಿ ಪಾಪ್‍ಅಖ್ಖು ಕ್ಷಮಾಪಣ್ ಹುಯಿರ‍್ಹುಸ್ತೆ ಇನಖ್ಹಾಜೆ ಮೇ ತುಮೂನ ಲೀಖುಕರುಸ್.

1 ಯೋಹಾನ 2:2

ಯೋ ಅಪ್ಣ ಪಾಪ್ನ ಕ್ಷಮಾಪಣ್‍ನಖ್ಹಾಜೆ ಪರಿಹಾರ‍್ನೊ ಬಲಿಹುಯಿರ‍್ಹೊಸ್. ಅಪ್ಣ ಪಾಪ್ನಕರಿ ಖಲಿಕಾಹೆ ಅಖ್ಖಾ ಜಗತ್ನ ಖ್ಹಾರ ಅದ್ಮಿನ ಪಾಪ್ನಖ್ಹಾಜೆಬಿ ಪರಿಹಾರ್ ಹುಯಿರ‍್ಹೊಸ್.

1 ಯೋಹಾನ 4:10

ಅಪ್ಣೆ ದೇವ್ನ ಪ್ಯಾರ್ ಕರ‍್ಯಕೊಯ್ನಿ, ಕತೋಬಿ ಯೋ ಅಪ್ಣುನ ಪ್ಯಾರ್ ಕರೀನ್ ಅಜು಼ ಅಪ್ಣ ಪಾಪ್ನ ಪರಿಹಾರ‍್ನಖ್ಹಾಜೆ ಇನ ಛಿಯ್ಯಾನ ಮೋಕ್‍ಲ್ಯೊತೆ ಇನಾಮಸ್ ಪ್ಯಾರ್‌ನಿ ಖ್ಹಾಚಿಗುಣ್‍ ದೆಖೈಜಾ಼ಸ್.

ಪ್ರಕಾಶಿತ್ 14:4

ಇಮ್ಮಸ್ ತಯೇಡಾನಿ ಶವಾಶಿಥಿ ಮೈಲು ಹುಯುಕೊಂತೆ ಕವಾರಿನಿತರ ಥೂತೆ ಅವ್ಣೇಸ್. ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹಾವಳೊ ಕಿಜ್ಜಾ಼ ಗಯೊತೋಬಿ ಇವ್ಣೆ ಅನ ಪೀಠೆ ಜಾ಼ಸ್. ಅವ್ಣೆ ಅದ್ಮಿವ್‌ಮಾಥು ಶೊಂತ್ ಅದ್ಮಿಹುಯಿನ್ ಮೋಲ್ ಲೆವೈಜೈ಼ನ್ ದೇವ್‍ನಾಬಿ ಮೇಂಢೊ ಹುಯಿರ‍್ಹಾವಳನಬಿ ಪಹಿಲ ಫಲ್ನಿತರಹುಯ.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.