2 ತಿಮೊ 3:8 - ದೇವ್ನಿ ಖ್ಹಾಚಿ ವಚನ್

⁸ ಯನ್ನ ಅಜು಼ ಯಂಬ್ರ ಮೋಶೆನಿ ವಿರೋದ್ ಕರ‍್ಯುಕೀ ಇಮ್ಮಸ್, ಆ ಅದ್ಮಿವ್‌ ಜಿನುಕು ಖ್ಹಾಚಿನ ವಿರೋದ್ ಕರಾಸ್. ಅವ್ಣು ದಿಮಾಕ್ ಬರಬರ್‌ಕೊಯ್ನಿ ಅಜು಼ ವಿಶ್ವಾಸ್‌ನ ಮ್ಹೆಂದಿದುಹುಯು ಹುಯಿರ‍್ಹೂಸ್.

2 ತಿಮೊ 3:8 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:24

ಹಮಾರಕಂಥು ಆಯುತೆ ಥೋಡಜ಼ಣಾನೆ ಹಮಾರೇಥಿ ಖಿವಿ ಹುಕುಮ್‌ನ ಮಾನ್ಯುಕೊಂತೆ ಇವ್ಣಿ ವಾತೆಥಿ ತುಮರಾಮ ಸಮಾಧಾನ್‌ಕೊಂತೆ ಕರಿನಾಖಿನ್‌, ತುಮಾರ ದಿಲ್ನ ಕಲಾವ್ಣಿ ಕರ‍್ಯುಕರಿ ಹಮೂನ ಮಾಲುಮ್‌ ಪಡ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28

ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:18

ಎಥ್ರಾನು ಅದ್ಮೆವ್‍ನ ಅಪ್ಣೊ ಪ್ರಭು ಕ್ರಿಸ್ತನಿ ಸೇವೆ ಕರಾನು ಮ್ಹೇಲಿನ್ ಇವ್ಣ ಪೇಟ್ನಿ ಸೇವೆಕರವಾಳ ಹುಯಿರ‍್ಹೇಸ್. ಮಿಠ್ಠಿ ಅಜು಼ ಕವ್ಳಿ ವಾತೇಥಿ ಶೇದೇವ್ ಅದ್ಮಿವ್‌ನ ದಿಲ್ನ ಠಗಾವವಾಳು ಹುಯಿರ‍್ಹುಸ್.

ಎಫೆಸ 4:14

ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.

1 ತಿಮೊ 1:19

ತಾರಿ ವಿಶ್ವಾಸ್‌ನಾಬಿ ಅಛ್ಛಿ ದಿಲ್ನಿ ಸಾಕ್ಷಿನಾಬಿ ಘಟ್‍ಥಿ ಧರಿರಾಕ್. ಥೋಡುಜ಼ಣು ಇವ್ಣಿ ಮನ್ನಿ ಅಛ್ಛಿಸಾಕ್ಷಿನಿ ವಿಶ್ವಾಸ್ ನಾಶ್‌ಕರಿನಾಖ್ಯು.

1 ತಿಮೊ 4:2

ಝೂ಼ಟಿ ಭೋದನೆ ಶಿಕಾಡವಳು, ಇವ್ಣಿ ದಿಲ್ನಿಸಾಕ್ಷಿಪರ್‌ ದಾಗ್‌ನಾಖಿಲಿನ್.

1 ತಿಮೊ 6:5

ಅತ್ರೇಸ್ ಕಾಹೆತೆ ಇಮ್ನ ಖ್ಹಾರ ಅದ್ಮಿಥಿ ಕದೇಬಿ ಖತಮ್ ಹುವ್ವಾಕೊಂತೆ ವಾದ್‌ವಿವಾದ್ ಪೈದಾ ಹುವಾಸ್. ಯೋ ಅದ್ಮಿಖ್ಹಾರು ಖ್ಹಾಚಿನ ಧಕೇಲಿದಿದುಹುಯು ಹುಯಿರ‍್ಹೂಸ್. ದೇವ್ನಿ ಸೇವೆ ಕತೊ ಧನ್‌-ದೌಲತ್ ಕಮಾವಾನೊ ಮಾರಗ್ ಕರಿ ಇವ್ಣೆ ಸೋಚಸ್.

2 ತಿಮೊ 4:15

ತೂಬಿ ಇನಿ ಬಾರೇಮ ಜ಼ತನ್ ರ‍್ಹೇ. ಶನಕತೊ ಇನೆ ಹಮೆ ಬೋಲೆಸ್ತೆ ವಚನ್ನ ಘಣು ವಿರೋದ್ ಕರ‍್ಯೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:10

ಕೈಯೆಕ್ಕಿ ಜ಼ಣು ಖಾಲಿವಾತೆವಾಳು, ಠಗಾವವಾಳು ಅಜು಼ ಗಲಾಟ್ ನಾಖವಾಳು ಹುಯಿರ‍್ಹೂಸ್. ಅಮ್ ವಿಶ್ವಾಸ್‌ ಕರಾವಾಳಾಮ ಘಣು ಅದ್ಮಿ ಯೆಹೂದ್ಯರ್‌ವಾಳುಸ್ ಹುಯಿರ‍್ಹೂಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:16

ಇವ್ಣೆ ದೇವ್ನಿ ಬಾರೇಮ ಪರ್ಖಿರಾಖ್ಯಸ್ ಕರಿ ಬೋಲಿಲೆಸ್. ಕತೋಬಿ ಇವ್ಣೆ ಹುಕುಮ್ನ ನಾಮಾನವಾಳು ಹುಯಿನ್ ಗಂಧು ಕಾಮ್ ಕರಾವಾಳು, ದೇವ್ನ ಅಜು಼ ಖಿವು ಅಛ಼್ಛುಕಾಮ್ ಕರಾನಬಿ ಲ್ಹಾಯಕ್ ಕೊಯ್ನಿ.

2 ಪೇತ್ರ 2:14

ಅವ್ಣೆ ವ್ಯಭಿಚಾರಿಣಿನ ದೇಖಿನ್ ಖ್ಹುಶಿಕರವಾಳುಬಿ ಅವ್ಣೆ ಕದೇಬಿ ತರಖ್ಹ್‌ ತುಟಕೊಂತೆ ಪಾಪ್ನಕರವಾಳು ಹುಯಿರ‍್ಹುಸ್. ಬಿಣ್‍ತಾಖತ್‍ವಾಳನ ಠಗೈನ್; ಅಜು಼ ಇವ್ಣು ದಿಲ್‌ ಪೈಶಾನಿ ಆಖ್ಹ್‌ಕರಾನಿತರ ಕರಸ್ ಅಜು಼ ಇವ್ಣೆ ದೇವ್ನಿ ಶಾಪಮ ರ‍್ಹೇಸ್.

1 ಯೋಹಾನ 2:18

ಪ್ಯಾರ್‌ನ ಲಡ್ಕಾವೊ, ಹೈರುತೆ ಖ್ಹರ್ತಿನು ಹಗಾಮ್ ಹುಯಿರ‍್ಹುಸ್. ಕ್ರಿಸ್ತ ವಿರೋದಿ ಆವ್‍ಶೆಕರಿ ತುಮೆ ಖ್ಹಮ್‌ಜಿರಾಖ್ಯಾಸ್‌. ಹಮ್ಕೇಸ್ ಕೆತ್ರೂಕಿ ಕ್ರಿಸ್ತವಿರೋದಿ ಛಾ಼. ಇನಖ್ಹಾಜೆ ಹಮ್ಕೆ ಖ್ಹರ್ತಿನ ಹಗಾಮ್ ಹುಯಿರ‍್ಹುಸ್‌ಕರಿ ಅಪ್ಣುನ ಮಾಲುಮ್ ಛಾ಼.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.

ಪ್ರಕಾಶಿತ್ 2:20

ತಾರ ಭಣೀಥು ಮಾರಕನ ಅಪ್‌ರಾದ್‌ ಏಕ್‌ ಛಾ಼. ಯೆಜೆಬೇಲ್ ಕರಿ ಆ ತಯೇಡ ಇನುಯೋಸ್ ಪ್ರವಾದಿನಿಕರಿ ಬೋಲಿಲಿನ್, ವ್ಯಬಿಚಾರ್‌ ಕರೇಜಾ಼ಯ್‍ಕರೀಬಿ ಮೂರತ್ನ ಅರ್ಪಣ್ ಕರಾನ ರಾಛ಼ನ ಖಾಯೆಜಾ಼ಯ್ ಕರೀಬಿ ಮಾರ ದಾಸರ‍್ನ ಬೋಧನೆ ಕರೀನ್ ಯೋ ಇವ್ಣುನ ಝೂ಼ಟ ಮಾರಗ್‍ಮ ಚ಼ಲವ್‍ಕರಿತೋಬಿ ತೂ ಇನ ಭಿರಾಖ್ಯೊಕೊಂತೆ ಹುಕುಮ್ ದ್ಯವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 2:6

ಕತೋಬಿ ಅಛ್ಛು಼ ಏಕ್‌ ತಾರಾಮ ಛಾ಼. ಯೋ ಶಾತ್‍ಕತೊ ಮೇ ವಹೇರ್‌ಕರಾನು ನಿಕೋಲಾಯನ ಕಾಮ್ನ ತೂಬಿ ಜಿನುಕು ವಹೇರ್‌ ಕರುಕರಸ್.