2 ತಿಮೊ 3:3 - ದೇವ್ನಿ ಖ್ಹಾಚಿ ವಚನ್

³ ಪ್ಯಾರ್‌ಕೊಂತೆ, ಆರ್‌ಗೋರ್‌ ಕರಾಕೊಂತೆ ಅಜು಼ ಚ಼ಹಾಡ್ ಬೋಲವಾಳು, ಇನುಯೋ ದಾಬುಕ್‌ಕೊಂತೆ, ರಣ್‌ಖಂದ್ಲಿಬಿ ಅಜು಼ ಅಛ್ಛಾ಼ನ ವಹೇರ್‌ ಕರಾವಾಳು ಹುಯಿರ‍್ಹಿಶೆ.

2 ತಿಮೊ 3:3 Iomraidhean Croise

ಮತ್ತಾಯ 10:21

ಭೈ ಉಠೀನ್ ಇನ ಶೊಂತ್‌ ಭೈಯೇನ, ಅಜು಼ ಬಾ ಉಠೀನ್ ಇನ ಶೊಂತ್‌ ಲಡ್ಕಾವ್‍ನ ಧರೀನ್, ಮರೈನಾಖಾನ ದಿನಾಕ್‌ಶೆ, ಲಡ್ಕಾ ಇವ್ಣ ಆಯ-ಬಾನಿ ವಿರೋದ್ ಉಠೀನ್, ಇವ್ಣುನ ಮರಾವ್‌ಶೆ.

ಮತ್ತಾಯ 4:1

ತದೆ ಯೇಸುನ ಶೈತಾನ್‌ಥಿ ಶೋದನೆ ಹುವಾನಟೇಕೆ, ದೇವ್‌ನು ಆತ್ಮಾನೆ ಇನ ಉಜ್ಜಾ಼ಡಿ ಝ಼ಗೋಮ ಚ಼ಲಾಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:16

ಯೇಸುನೆ ಇವ್ಣುನ, “ತುಮಾರಿ ವಾತೇನ ಖ್ಹಮ್‌ಜಾ಼ವಾಳು ಮಾರಿ ವಾತೆ ಖ್ಹಮ್‌ಜಾ಼ವಾಳು ಹುಯಿರ‍್ಹೂಸ್; ತುಮೂನ ಝಿಟ್ಕಾರವಾಳು ಮನ ಝಿಟ್ಕಾರವಾಳು ಹುಯಿರ‍್ಹೂಸ್; ಮನ ಝಿಟ್ಕಾರವಾಳು ಮನ ಮೋಕ್‌ಲ್ಯೊತೆ ಇನಾಸ್ ಝಿಟ್ಕಾರವಾಳು ಹುಯಿರ‍್ಹೂಸ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:14

ಫರಿಸಾಯರ್‌ವಾಳು ಆ ಖ್ಹಾರಿ ವಾತೇನ ಖ್ಹಮ್‌ಜಿನ್‌, ಇವ್ಣುನ ಪೈಶಾನಿ ಲಾಲಚ್‍ಥೀತೆ ಇನಖ್ಹಾಜೆ, ಯೇಸುನ ನಕ್ಲೆ ಕಾಡ್ಯು.

ಯೋಹಾನ 6:70

ತದೆ ಯೇಸುನೆ, “ತುಮುನ ಭಾರ ಜ಼ಣಾನ ಮೇ ಚೂ಼ಣಿನ್ ಕಾಡ್ಯೊಕೊಯ್ನಿಕಿ ಶು? ರ‍್ಹಯುತೋಬಿ ತುಮಾರಾಮ ಏಕ್‌ ಜ಼ಣೊ ಶೈತಾನ್ ಹುಯಿರ‍್ಹೋಸ್” ಕರಿ ಜವಾಬ್‌ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:29

ಇವ್ಣೆ ಅಖ್ಖಿಥರಾನು ಖರಾಬ್‍ಫನೈಮ ಭರೈರ‍್ಹವಾಳು ಹುಯಿರ‍್ಹುಸ್, ಶೈತಾನ್ನಿಬುದ್ಧಿ, ಪೈಶಾನಿಲಾಲಚ್, ಪೇಟ್ನೊಬಳಾಪೊ, ಭೋಕಾನು, ಝ಼ಗ್‍ಡೊ, ಠಗಾವನು, ಕೇಡ್‍ಕರಾನು, ಅಜು಼ ಚಾ಼ಡಿಬೋಲವಾಳು,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:31

ಬಿಣ್‍ಸೋಚ್‍ವಾಳೂಬಿ, ವಾತ್ನ ಛು಼ಕಿಜಾ಼ಯಿತೆ, ಇವ್ಣೆ ಬಿಜೇಕ್ನ, ಗೋರ್‌ನಾರ‍್ಹವಾಳುಬಿ ಹುಯು.

1 ಕೊರಿಂಥ 7:5

ಪ್ರಾರ್ಥನೇನಿ ವಖ್ಹತ್‌ನಖ್ಹಾಜೆ ತುಮೆ ಏಕ್‌ಥಿಏಕ್ ಒಪ್ಪಂದಾನ್‍ಥಿ ಥೋಡಿ ವಖ್ಹತ್ ಮ್ಹೇಲಿನ್ ರ‍್ಹಯೇಜಾ಼ಯ್ ಪಣ್ಕಿ ಅಮ್ನಿತರ ನಾ ಕರ‍್ನು. ಶೈತಾನ್ ತುಮಾರಿ ಕಮ್‌ಜೋ಼ರಿನ ದೇಖಿನ್ ತುಮೂನ ಖರಾಬ್‌ಖ್ಹಯಾಲ್‌ಮ ನಾ ಖೇಚಾ಼ನಿತರ ಪಾಛು಼ ಎಕ್ಟು ಹುಯಿಜಾ಼ವೊ.

1 ಕೊರಿಂಥ 7:9

ಇವ್ಣೆ ಖ್ಹಮಾಳಿನ್ ನಾರ‍್ಹಯುತೊ, ವ್ಯಹಾಕರಾದೆ. ಶನಕತೊ ಭೋಗ್ನಿ ಹರಖ್ಹ್‌ಥಿ ಕೊರ್‌ಗಾಥೀಬಿ ವ್ಯಹಾ ಕರಿಲ್ಯಾವನುಸ್ ಬರೋಬರ್.

1 ಥೆಸ 4:8

ಅನಖ್ಹಾಜೆಸ್ ಆ ವಾತೇನ ಝಿಟ್ಕಾರವಾಳು ಅದ್ಮಿನಾಸ್ ಕಾಹೆತೆ ಪವಿತ್ರಾತ್ಮನ ದಿದೋತೆ ದೇವ್‍ನಾಬಿ ಝಿಟ್ಕಾರವಾಳು ಹುಯಿರ‍್ಹೂಸ್.

1 ತಿಮೊ 3:11

ಇಮ್ಮಸ್ ಇವ್ಣಿ ಬಾವಣ್‌ಬಿ ಚಾ಼ಲ್‌ಚ಼ಲಣ್‍ಮ ಅಛ್ಛಿ ರ‍್ಹಹವಾಳಿಯೆ ಹುಯಿರ‍್ಹೇಣು ಅಜು಼ ಚ಼ಹಾಡ್ ಬೋಲವಾಳಿಯೆ ನಾ ಹುಯಿರ‍್ಹೇಣು; ಅಛ್ಛೇಥಿ ಚಾ಼ಲ್‌ವಾಳಿ ಹುಯಿರ‍್ಹೇಣು ಅಜು಼ ಇವ್ಣೆ ಹರೇಕ್‌ಮ ವಿಶ್ವಾಸ್‌ವಾಳಿಬಿ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:8

ಯೋ ಘರ್‌ಮ ವಿಶ್ವಾಸ್‌ವಾಳನ ಬುಲೈನ್ ಸ್ವಾಗತ್ ಕರವಾಳೊ ಹುಯಿರ‍್ಹೇಣು, ಅಛ್ಛಾ಼ನಪ್ಯಾರ್ ಕರವಾಳೊಬಿ, ಅಕ್ಲೀಬಿ, ನೀತಿಥಿರ‍್ಹವಾಳೊಬಿ, ಪರಿಶುದ್ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:3

ಇಮ್ಮಸ್ ಬುಢಿಯಖ್ಹಾರು ಛಾ಼ಡಿ ಬೋಲವಾಳಿಯೆ ನಾ ಹುಯಿರ‍್ಹೇಣು, ಅಜು಼ ಪಿಯಾವಾಳಿಯೆ ನಾ ಹುಯಿರ‍್ಹೇಣುತೆ ದೇವ್‌ಮ ಭಕ್ತೆಹುಯಿನ್‌ ಜಿಮ್ಮೆದಾರಿವಾಳಿ ಹುಯಿರ‍್ಹೇಣು.

ಯಾಕೋಬ 2:6

ಕತೋಬಿ ತುಮೆತೋ ಗರೀಬ್‌ನ ಖ್ಹರಮ್‌ ಕಾಡಿನಾಖಿದಿದ. ತುಮುನ ಖ್ಹತೈನ್ ನ್ಯಾವ್‍ನಿ ಝ಼ಗೋನ ಖ್ಹಾಮ್ಣೆ ಖೇಚಿಲೀಜಾ಼ವಾಳ ಶೌಕಾರ್ ಕಾಹೆಕಿಶು?

2 ಪೇತ್ರ 2:14

ಅವ್ಣೆ ವ್ಯಭಿಚಾರಿಣಿನ ದೇಖಿನ್ ಖ್ಹುಶಿಕರವಾಳುಬಿ ಅವ್ಣೆ ಕದೇಬಿ ತರಖ್ಹ್‌ ತುಟಕೊಂತೆ ಪಾಪ್ನಕರವಾಳು ಹುಯಿರ‍್ಹುಸ್. ಬಿಣ್‍ತಾಖತ್‍ವಾಳನ ಠಗೈನ್; ಅಜು಼ ಇವ್ಣು ದಿಲ್‌ ಪೈಶಾನಿ ಆಖ್ಹ್‌ಕರಾನಿತರ ಕರಸ್ ಅಜು಼ ಇವ್ಣೆ ದೇವ್ನಿ ಶಾಪಮ ರ‍್ಹೇಸ್.

2 ಪೇತ್ರ 2:19

ಅಥ್ರಾನವಾಳು ಛುಟ್ಕಾರ್ ದಿಯೇಸ್ ಕರಿ ಇವ್ಣುನ ವಾಗ್ದಾನ್ ಕರಸ್. ಕತೋಬಿ ಇವ್ಣೆಸ್ ಖರಾಬ್ ಫನೈನ ಗುಲಾಮ್ ಹುಯಿರ‍್ಹೋಸ್. ಶನಕತೊ ಖೆವು ಏಕ್‌ನ ಖ್ಹಾಮ್ಣೆ ಹರಸ್ಕಿ ಇನ ಯೋ ಗುಲಾಮ್‌ ಹುಯಿರ‍್ಹೋಸ್.

2 ಪೇತ್ರ 3:3

ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್,

ಯೂದನೆ ಲೀಖ್ಯೋತೆ ಚಿಟ್ಟಿ 1:16

ಆ ಖರಾಬ್ ಬೋಧನೆ ಕರಾವಾಳು, ಭಣ್‍ಕಾವಾಳುಬಿ ಗಲತ್‌ ಢೂಂಡಾವಾಳೂಬಿ ನಿಕ್‍ಳ್ಯೊಜಾನ್ ವಾಳೂಬಿ, ಬಡೈಮಾರವಾಳೂಬಿ ಶೊಂತ್‍ ಫಾಯಿದನಖ್ಹಾಜೆ ಖ್ಹರಾವ್ಣಿ ಕರಾವಾಳುಬಿ ಹುಯಿರ‍್ಹುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:18

ಅಪೊಸ್ತಲರ‍್ನೆ ತುಮುನ, “ಖ್ಹರ್ತಿನ ಹಗಾಮ್ಮ ದೇವ್ನಿ ಬಾರೇಮ ತುಮೂನ ನಕ್ಲೆ ಕರವಾಳು ಅದ್ಮಿಖ್ಹಾರು ರ‍್ಹಿಶೆ, ಅಜು಼ ಭಕ್ತಿಕೊಂತೆ ಆಖ್ಹ್‌ನ ಅಖ್ಖುಲೀನ್ ಚಾ಼ಲವಾಳು ಹುಯಿರ‍್ಹಿಶೆಕರಿ ಇವ್ಣೆ ತುಮೂನ ಬೋಲ್ಯುಥು.

ಪ್ರಕಾಶಿತ್ 13:15

ಆ ನಾಹುಯಿನ್ ಆ ಬೇನು ಜಾನ್ವರ್‌ನ ಮೂರತ್ನ ಜಾನ್‌ ದ್ಯವಾನಿ ತಾಖತ್‌ಬಿ ಮಳ್ಯು. ಇನ ಖ್ಹಲಾಮ್ ಕರಾಕೊಂತೆ ಖ್ಹಾರಸ್ನ ಮರ್‌ನಾಖನಿ ಶಕತ್ ಇನಥು.

ಪ್ರಕಾಶಿತ್ 13:17

ಯೊ ಖ್ಹಣೇದ್ ಕಿನ ಕೊಯ್ನಿಕಿ ಇವ್ಣೆ ಲ್ಯಾವಾನ ಕೊಹುಯುನಿ ಅಜು಼ ವೇಚಾ಼ನಬಿ ಹುಯುಸ್ ಕೊಯ್ನಿ. ಯೊ ಖ್ಹಣೇದ್ ಖಿವುಕತೊ ಪಹಿಲ ಜಾನ್ವರ್‌ನು ನಾಮ್ ನತರ್ ಇನ ನಾಮ್ನ ವತಾಳನು ಗಣ್ತೀನು ಲೀಖ್ಯು.

ಪ್ರಕಾಶಿತ್ 16:6

ಯೊ ಅದ್ಮಿಖ್ಹಾರು ದೇವ್ನು ಅದ್ಮಿವ್‌ನು ಅಜು಼ ಪ್ರವಾದಿ ಖ್ಹಾರಾನು ಲ್ಹೋಯಿನ ರಂಚ್ಯೂತೆಖ್ಹಾಜೆ ತುನೆ ಇವ್ಣುನ ಯೋ ಲ್ಹೋಯಿನ ಪಿಯಾನ ದಿದೊ. ಇವ್ಣುನ ಯೋಸ್ ಬರೊಬರ‍್ನು ಕಿಮ್ಮತ್ ಕರಿ ಬೋಲಾನು ಮೆ ಖ್ಹಮ್‌ಜ್ಯೊ.

ಪ್ರಕಾಶಿತ್ 17:6

ಯೋ ತಯೇಡ ನೀತಿವಾಳನ ಲ್ಹೋಯಿನ ಅಜು಼ ಯೇಸುನ ಖ್ಹಾಜೆ ಸಾಕ್ಷಿದೀನ್ ಮರ‍್ಯಹುಯಾನ ಲ್ಹೋಯಿನ ಪೀನ್ ಕಯೇಪ್ ಹುಯಿರ‍್ಹವಾಳಿನ ದೇಖ್ಯೊ. ಮೇ ಇನ ದೇಖಿನ್ ಘಣು ಆಶ್ಚರ್ಯ ಹುಯೊ.