2 ತಿಮೊ 3:2 - ದೇವ್ನಿ ಖ್ಹಾಚಿ ವಚನ್

² ಅದ್ಮಿಖ್ಹಾರು ಖಲಿ ಇನಿಬಾರೇಮ ಯೊ ಸೋಚವಾಳು, ಪೈಶಾನಿಲಾಲಚ಼್‌ವಾಳು, ಬಡೈಮಾರಿಲೆವಾಳು, ಹಂಕಾರ್‌ಭರ್‍ಯು, ಮಶ್ಲ ಮಾರವಾಳು ಹುಯಿರ‍್ಹಿಶೆ. ಅಜು಼ ಆಯ-ಬಾನ ಚಾ಼ವ್‌ಣ್ಯ ಕಾಡವಾಳೊ ಅಪವಿತ್ರ ಹುಯಿರ‍್ಹೋಸ್. ದೇವ್‌ನೊ ಡರ್‌ಕೊಂತೆ,

2 ತಿಮೊ 3:2 Iomraidhean Croise

ಮತ್ತಾಯ 15:6

ಯೋ ಇನ ಆಯ-ಬಾನ ಮರ್ಯಾದಿ ದೆವಾನು ಜ಼ರೂರತ್ ಕೊಯ್ನಿ ಕರಿ ಬೋಲಿದೆವೋಸ್‌. ಅಮ್ ಕರಾಥಿ ತುಮಾರಿ ಆದತ್‍ಥೀಸ್‍ ದೇವ್ನಿ ಹುಕುಮ್‌ನ ಫಾಯಿದೊಕೊಂತೆ ಇಮ್‌ ಕರಿರಾಖ್ಯಾಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:15

ಅಜು಼ ಹಿಜ಼್ಜಾಥೂತೆ ಖ್ಹಾರುಸ್‌ ಅದ್ಮಿನ, “ಜ಼ತನ್‌ಥಿ ರ‍್ಹವೊ ಅಜು಼ ಹರೇಕ್ ತರ‍್ಹಾನು ಲಾಲಚ್‌ಥಿ ದೂರ್ ರ‍್ಹವಾನಿಮತ್ ತುಮಾರು ತುಮೆ ಬರಾಬರ್‌ಥಿ ದೇಖಿಲೆವೊ. ಶನಕತೊ ಏಕ್‌ ಜ಼ಣಾನ ಕೆತ್ರು ಧನ್‌-ದೌಲತ್ ರ‍್ಹಯುತೋಬಿ, ಯೋ ದೌಲತ್‌ ಇನ ಜಾನ್ನ ಆಧಾರ್ ಕೋ ಹುವಾನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:14

ಫರಿಸಾಯರ್‌ವಾಳು ಆ ಖ್ಹಾರಿ ವಾತೇನ ಖ್ಹಮ್‌ಜಿನ್‌, ಇವ್ಣುನ ಪೈಶಾನಿ ಲಾಲಚ್‍ಥೀತೆ ಇನಖ್ಹಾಜೆ, ಯೇಸುನ ನಕ್ಲೆ ಕಾಡ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:35

ಇನಖ್ಹಾಜೆ, ತುಮಾರ ದುಶ್‌ಮನ್ನ ಲಾಡ್‍ಪ್ರೀತ್ ಕರೊ ಅಜು಼ ಇವ್ಣುನ ಅಛ್ಛು಼ಕರೊ. ತುಮೆ ಇವ್ಣುನ ಉಧಾರ್ ದ್ಯವಾನಿ ವಖ್ಹತ್‌ಮ, ಫಾಛು಼ ಇವ್ಣೇಥಿ ಮಳ್‌ಶೆ ಕರಿ ಬೋಲಾನಿ ಆಖ್ಹ್‌ನ ಮ್ಹೆಂದಿನ್, ಉಧಾರ್ ದೆವೊ. ತದೆ ತುಮುನ ಘಣು ಇನಾಮ್ ಮಳ್‍ಶೆ ಅಜು಼ ತುಮೆ ಪರಮಂಡಲ್‌ನೊ ದೇವ್ನ ಲಡ್ಕಾಉಶು. ಯೋತೊ ಕರ್ಮಿಷ್ಟಿನಾಬಿ, ಖರಾಬ್‌ನಾಬಿ ಅಛ್ಛೊ಼ ಹುಯಿರ‍್ಹೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:36

ಅನೇಥಿ ಅಗಾಡಿ ಥೈದಕರಿ ಏಕ್‌ಜ಼ಣಾನೆ ಮೇ ಮೋಟೊ ಅದ್ಮಿಕರಿ ಬೋಲಿಲೀದೊ. ಇನಿ ಜೋ಼ಡ್ಮ ಖ್ಹುಮಾರ್ ಚಾರ್ ಖ್ಹೋ ಅದ್ಮಿ ಮಳಿರ‍್ಹುಥು. ತ್ಯೋಬಿ ಯೋ ಮರೈಗಯೊ. ಅಜು಼ ಇನ ನಂಬಿಹುಯು ಅಖ್ಖೂಸ್ ಎಕ್ಕೋಸ್ಏಕ್‌ ಮಿಲೈಗು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:18

ಭಡೈಲಿದೋತೊ, ತೂ ಯೋ ಜ಼ಡ್ನ ಆಧಾರ್‌ಕಾಹೆ. ಯೋ ಜ಼ಡ್‌ ತುನ ಆಧಾರ್ ಹುಯಿರ‍್ಹಿಶೆ ಎತ್ರೇಸ್.

2 ಕೊರಿಂಥ 5:15

ಜಿವಾವಾಳು ಅನಾಪರ್ ಇವ್ಣಖ್ಹಾಜೆ ನಾ ಜಿವ್ಣುಕರಿ ಕ್ರಿಸ್ತನೆ ಅಖ್ಖಾಸ್ ಅದ್ಮಿನಖ್ಹಾಜೆ ಮರ‍್ಯೊ. ಯೋ ಅದ್ಮಿಖ್ಹಾರು ಇನಖ್ಹಾಜೆ ಜಿವ್ಣುಕರಿ ಯೋ ಇವ್ಣಖ್ಹಾಜೆ ಮರ‍್ಯೊ. ಬಿಜು಼ ಮರ‍್ಯಾಹುಯಾಮಾಥು ಜಿವಿನ್ ಉಠಿ ಆಯೋ.

ಫಿಲಿಪ್ಪಿ 2:21

ಅಖ್ಖುಜ಼ಣು ಇವ್ಣ ಕಾಮ್‌ಪರ್ ಮಗನ್‌ ರ‍್ಹೇಸ್ ಪಣ್ಕಿ ಯೇಸು ಕ್ರಿಸ್ತನ ಕಾಮ್‌ಪರ್ ಮನ್‌ಲಗಾಡಕೊಯ್ನಿ.

ಕೊಲೊಸ್ಸೆ 3:5

ಇನಖ್ಹಾಜೆ ತುಮಾರಮ ಛಾ಼ತೆ ಜಗತ್ನಿ ಆಖ್ಹ್‌ಅಖ್ಖು ಕತೊ; ವ್ಯಬಿಚಾರ್‌, ಮೈಲುಹುವಾನು, ಭೋಗ್ನಿ ಆಖ್ಹ್, ಅಜು಼ ಖರಾಬ್ ಆಖ್ಹ್, ಮೂರತ್ನ ಆರಾಧನೆನಿ ಘೋಣಿ ಹುಯಿರ‍್ಹುತೆ ನಿಕ್‌ಳ್ಯೊ ಜಾನ್‌, ಅಥ್ರಾನು ಅಖ್ಖು ಮಾರಿ ನಾಖೊ.

2 ಥೆಸ 2:4

ಖಿವು ದೇವ್‌ನು ಹುಯಿರ‍್ಹುಸ್ ನತರ್ ಆರಾದನೆನ ಯೋಗ್ಯಹುಯಿರ‍್ಹಾವನು ಹುಯಿರ‍್ಹುಸ್ಕಿ, ಯೋ ಖ್ಹಾರಾನ ನಾಶ್ ಕರ್ಷೆ. ಇನು ಯೋಸ್ ಖ್ಹಾರೇಥಿಬಿ ಭಡೈಲೀನ್, ದೇವ್ನಿ ಮಂದಿರ್‌ಮ ಬೇಶಿನ್‌ ಯೋಸ್ ದೇವ್‌ಕರಿ ಬೋಲಿಲಿಶೆ.

1 ತಿಮೊ 1:20

ಹುಮೆನಾಯಬಿ ಅಲೆಕ್ಸಾಂಡರ‍್ನೆ ಅಮ್ಮಸ್ ಕರ‍್ಯಾಥ. ಅವ್ಣೆ ದೇವ್ನ ವಿರೋದ್ ನಾ ಬೋಲ್ನುತೆ ಬರೋಬರ್‌ನಿ ಅಕ್ಕಲ್ ಶಿಕಾದೆಕರಿ ಮೇ ಇವ್ಣುನ ಶೈತಾನ್ನ ಹಾತ್‌ಮ ಒಪ್‌ಶೈದಿದೊ.

1 ತಿಮೊ 1:9

ಆ ಖ್ಹಯಾಲ್ಮ ರಾಕ್ಣು ಕದೆಕದೇಬಿ ನಿಯಮ್ ನೀತಿವಾಳನಖ್ಹಾಜೆ ಬಣಿರ‍್ಹುಕೊಯ್ನಿ. ಕತೋಬಿ ನಿಯಮ್ನ ಪಾಲನ್‌ಕರಕೊಂತೆ ರ‍್ಹವಾಳು, ಅಪರಾದಿ ಹುಯಿರ‍್ಹವಾಳು, ಭಕ್ತಿಕೊಂತೆ ಇವ್ಣೆ, ಪಾಪಿಖ್ಹಾರಾನ, ಅಜು಼ ಪರಿಶುದ್‌ಕೊಂತೆಬಿ, ಆತ್ಮೀಕಕೊಂತೆ ರ‍್ಹವಾಳನ, ಇವ್ಣ ಆಯ ಬಾನ ಮಾರಿನಾಖಸ್ತೆ ಇವ್ಣುನ, ಅಜು಼ ಖೂನಿನ,

1 ತಿಮೊ 3:3

ಯೋ ಪೀನ್ ಲಡೈ ಕರಾವಾಳೊ ನಾ ಹುಯಿರ‍್ಹೇಣು, ನತರ್‌ಕಿ ಮಾರ್‌ತೋಡ್ ಕರಾವಾಳೊಸ್ಕಿ ನಾ ಹುಯಿರ‍್ಹೇಣು, ಕತೋಬಿ ಯೋ ಶೇದೇವ್‌ನಿಘೋಣಿ ಅಜು಼ ಸಮಾಧಾನ್‌ಥಿ ರ‍್ಹೇಣು; ಇನ ಪೈಶಾನಿ ಲಾಲಚ್‌ ನಾ ರ‍್ಹೇಣು.

1 ತಿಮೊ 6:10

ಪೈಶಾನಿಪ್ಯಾರ್ ಖ್ಹಾರಿಸ್ ತರ‍್ಹಾನು ಖರಾಬ್‌ ಫನೈನು ಜ಼ಡ್‌ನ ಶುರುವಾತ್ ಹುಯಿರ‍್ಹೂಸ್. ಥೋಡುಜ಼ಣು ಅನ ಕಮಾವಾನಿ ಆಖ್ಹ್‌ಥಿ ಕ್ರಿಸ್ತಮಾನಿ ವಿಶ್ವಾಸ್‌ನ ಮ್ಹೇಲಿನ್, ಕೈಯೆಕ್ಕಿ ಖ್ಹತಾಪ್ಣಿಥಿ ಇವ್ಣ ದಿಲ್ನ ಭೋಕಿಲೇಸ್.

1 ತಿಮೊ 6:4

ಯೋ ಹಂಕಾರ್‌ಥಿ ಭರೈರ‍್ಹಾವಾಳೊ ಹುಯಿರೋಸ್. ಅಜು಼ ಇನ ಶಾತ್ಬಿ ಮಾಲುಮ್‌ ಕೊ ರ‍್ಹೇಯ್ನಿ. ಇನುಕೊಂತೆ ಆಖ್ಹ್‌ನಿ ಕಾರಣ್‍ಥಿ, ಅಬ್ಬಾಜ಼ಬ್ಬಿ ಕರಾಸ್ ಅಜು಼ ಇನಿ ಖರಾಬ್ ವಾತೆಥಿ ಲಡೈಕರಸ್ ಅನೇಥಿ ಬಳಾಪೊ ಅಲಕ್ ಅಲಕ್‌ಹುಯಿನ್ ಲಡೈ-ಝ಼ಗ್‍ಡೊ, ಚಾ಼ವ್‌ಣ್ಯ ಅಜು಼ ಖರಾಬ್ ಗಾಳೆ ಶುರುಕರಿಲೇಸ್.

2 ತಿಮೊ 3:4

ಧೋಕೊ ದ್ಯವವಾಳು, ದುಡ್ಕಿನ್ ವಾತೆ ಬೋಲವಾಳು, ಹಂಕಾರಿಅಖ್ಖು, ದೇವ್ನ ಪ್ಯಾರ್‌ಕರಾಥೀಬಿ ಹೋಶ್‌ನಿ ಭೋಗ್‌ಮಾಸ್ ಖುಷಿಕರವಾಳು ಹುಯಿರ‍್ಹೂಸ್.

ಯಾಕೋಬ 2:8

ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, “ತಾರ ಭೀಡೆವಾಳನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನು ರಾಜ಼ನಿ ಹುಕುಮ್‌ನ ಚ಼ಲಾವವಾಳ ಹುಯಿರ‍್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ‍್ಹಿಶು.

ಯಾಕೋಬ 4:16

ಕತೋಬಿ ತುಮೆ ತುಮಾರಿ ಅಹಂಕಾರ್‌ಥಿ ತುಮಾರಿ ಬಾರೇಮ ಬಡೈಮಾರಿಲೇವೋಸ್. ಎಥ್ರಾನಿ ಖ್ಹರಾವ್ಣಿ ದೇವ್ನಖ್ಹಾಮ್ಣೆ ಗಲ್ತೀಸ್.

ಯಾಕೋಬ 4:6

ಯೋ ಅಪ್ಣುನ ಘಣೇಥಿ ವಾರ್ಖ್ಹಾನ ದೇಸ್. ಇನಖ್ಹಾಜೇಥಿ, ದೇವ್ ಹಂಕಾರಿಯೆವ್‍ನ ವಹೇರ್‌ಕರಸ್. ಗೋರ್‌ ಗರಿಬ್‍ನತೋಬಿ ವಾರ್‌ಖ್ಹೊ ದೇಸ್‌ಕರಿ ಪವಿತ್ರ ದಪ್ತರ್‌ಮ ಬೋಲಸ್.

1 ಪೇತ್ರ 5:5

ಇಮ್ಮಸ್ ಜಾ಼ನ್ಜ಼ಮಾನ್ ಅದ್ಮಿವೊ, ತುಮೆ ಶಾಣಾಥಿ ಹೇಟುಹುಯಿನ್ ಚಾ಼ಲಿಲೆವೊ ತುಮೆ ಅಖ್ಖೂಬಿ ಶೇದೇವ್ ದಿಲ್ನ ಲೀಲ್ಯಾವಾಳ ಹುಯಿನ್ ಏಕ್‌ಥಿಏಕ್ ಚಾ಼ಕ್ರಿಕರೊ. ಶನಕತೊ ದೇವ್ “ಹಂಕಾರಿನ ವಿರೋದ್‌ಕರಾಸ್. ಗೋರ್‌ ಗರಿಬ್‍ನತೋಬಿ ವಾರ್‌ಖ್ಹೊ ದ್ಯವಾಳೊ ಹುಯಿರ‍್ಹೊಸ್”.

2 ಪೇತ್ರ 2:10

ಮುಖ್ಯಥಿ ಇವ್ಣಿ ಶರೀರ್‌ನಿ ಖರಾಬ್ಆಖ್ಹ್‌ನ ಬಲಿ ಹುಯಿರ‍್ಹವಾಳನ ಅಜು಼ ದೇವ್ನಿ ಅದಿಕಾರ್‌ನ ದೂಷಣೆ ಕರವಾಳನ ನಿಶತ್ ದಿಶೆಕೊಂತೆ ಮ್ಹೆಲ್‍ಶೆಕೊಯ್ನಿ.

2 ಪೇತ್ರ 2:12

ಮ್ಹಾಮುಲಿಥಿ ಕಬ್‌ಜಾ಼ಮ ಧರೈಜೈನ್ ನಾಶ ಹುವಾನಖ್ಹಾಜೆ ಪೈದಹುಯಿರ‍್ಹುತೆ ಬಿಣ್‍ ಅಕ್ಕಲ್‌ನು ಜಾನ್ವರ್‌ನಿತರ ಛಾ಼ತೆ ಆ ಖರಾಬ್ ಬೋಧನೆ ಕರವಾಳು ಖ್ಹಾರು ಇವ್ಣುನ ಮಾಲುಮ್‌ಕೊಂತೆ ಬಾರೇಮ ದೂಷಣೆ ಕರವಾಳು ಹುಯಿರ‍್ಹುಸ್‍. ಅವ್ಣೆ ಖ್ಹಾರು ಇವ್ಣಿ ಖರಾಬ್ ಫಣೈಥಿ ಇವ್ಣೆಸ್ ಪೂರನಾಶ ಹುಯಿಜಾಶೆ.

2 ಪೇತ್ರ 2:18

ಗಲತ್‌ ವಾಟ್‌ಪರ್ ಚಾ಼ಲವಾಳನಿ ಖ್ಹಂಗ್‌ಥಿ ಛು಼ಕಿಜಾ಼ವಳ ನವ ಅದ್ಮಿನಿ ಜೋ಼ಡ್ಮ ಅವ್ಣೆ ಫಾಯಿದೊಕೊಂತೆ ಪೋಲಿ ವಾತೆನ ಬೋಲಿನ್, ಶರೀರ್‌ನಿ ಖರಾಬ್ ಆಖ್ಹ್‌ಮ ನಾಖಿನ್ ಘಣಿ ಢೊಂಗಿನಿ ಬುದ್ಧಿಥಿ ಇವ್ಣುನ ಮಂಕ್‍ಕರ‍್ನಖಾಸ್.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.

ಯೂದನೆ ಲೀಖ್ಯೋತೆ ಚಿಟ್ಟಿ 1:16

ಆ ಖರಾಬ್ ಬೋಧನೆ ಕರಾವಾಳು, ಭಣ್‍ಕಾವಾಳುಬಿ ಗಲತ್‌ ಢೂಂಡಾವಾಳೂಬಿ ನಿಕ್‍ಳ್ಯೊಜಾನ್ ವಾಳೂಬಿ, ಬಡೈಮಾರವಾಳೂಬಿ ಶೊಂತ್‍ ಫಾಯಿದನಖ್ಹಾಜೆ ಖ್ಹರಾವ್ಣಿ ಕರಾವಾಳುಬಿ ಹುಯಿರ‍್ಹುಸ್.

ಪ್ರಕಾಶಿತ್ 13:1

ತದೆ ದರ‍್ಯಾವ್‌ಮಾಥು ಏಕ್‌ ಜಾನ್ವರ್‌ ನಿಕಳ್ತು ಆವನು ಮೆ ದೇಖ್ಯೊ. ಇನ ಖ್ಹಾತ್ ಮುಡ್‌ಕ್ಯಾಬಿ ದಖ್ಹ್‌ ಶಿಂಗ್ಡ ಥು. ಯೊ ಶಿಂಗ್ಡಾವ್‌ಪರ್ ದಖ್ಹ್‌ ಕಿರೀಟ್‌ಬಿ, ತಾಳ್ವಪರ್ ದೇವ್ನ ಗಾಳೆದ್ಯವಾನು ನಾಮ್‌ಅಖ್ಖು ಲೀಖೈರ‍್ಹೂಥು.

ಪ್ರಕಾಶಿತ್ 16:11

ಇವ್ಣ ಅಜಾ಼ನ ಖ್ಹಾಜೇಬಿ ಫೋಡಾನ ಖ್ಹಾಜೇಥಿಬಿ ಸೊರ್ಗಾನ ದೇವ್ನ ಗಾಳೆದ್ಯವಾನು ಕಾಹೆತೆ ಇವ್ಣೆ ಇವ್ಣು ಕರ‍್ಯುತೆ ಖರಾಬ್ ಕಾಮ್‍ಥಿ ದೇವ್‌ಭಣಿ ಫರ‍್ಯುಕೊಯ್ನಿ.

ಪ್ರಕಾಶಿತ್ 16:21

ಅಜು಼ ಆಬ್‍ಥು ಗಾರಾನೊ ಬಂಡಾನೊ ಪಾಣಿ ರಂಚಾ಼ಯೊ. ಏಕೇಕ್‌ ಗಾರಾನೊ ಬಂಡೊ ಅಡೈವಿಖ್ಹ್‌ ಕಿಲೊಯೆತ್ರೆ ವಜ಼ನ್ ಥು. ಯೊ ಗಾರಾನ ಬಂಡಾನ ವರ್ಖ್ಹಾತ್ನಿ ಖ್ಹತಾಪ್ಣಿ ಜಾ಼ಖ್ಹತ್ ಹುಯೂತೆಖ್ಹಾಜೆ ಯೊ ವರ್ಖ್ಹಾತ್‌ಮ ಖ್ಹಪ್‌ಡ್ಯೂತೆ ಅದ್ಮಿಖ್ಹಾರು ದೇವ್ನ ಗಾಳೆದಿದು.

ಪ್ರಕಾಶಿತ್ 16:9

ಅದ್ಮಿಖ್ಹಾರು ಜಾ಼ಖ್ಹತ್ ತಡ್ಕೇಥಿ ಬಳ್ಯುತೋಬಿ ಇವ್ಣೆ ಯೊ‍ ಖ್ಹತಾಪ್ಣಿ ಅಖ್ಖಾಪರ್ ಅದಿಕಾರ್ ಲೀರಾಖ್ಯೋಥೋತೆ ದೇವ್ನ ನಾಮ್ನ ಗಾಳೆದಿದು ಕಾಹೆತೆ, ಇವ್ಣೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರ‍್ಯುಕೊಯ್ನಿ ಇನ ಮಹಿಮೆ ಕೋಕರ‍್ಯುನಿ.