2 ತಿಮೊ 3:11 - ದೇವ್ನಿ ಖ್ಹಾಚಿ ವಚನ್

¹¹ ಮನ ಹುಯೂತೆ ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮಾಬಿ ತುನ ಮಾಲುಮ್‌ ಛಾ಼. ಅಂತಿಯೋಕ್ಯ, ಇಕೋನ್ಯ ಅಜು಼ ಲುಸ್ತ್ರಾಮ ಮೇ ಕೆತ್ರೆ ಮೋಟಿ ವದೇಖ್ಹೊ ದಿದೂಥು ಇನ ಮೆ ಖ್ಹಮಾಳ್ಯೊ, ಕತೋಬಿ ಪ್ರಭುನೆ ಯೋ ಅಖ್ಖಾಮಾಥು ಬಚಾ಼ಡ್ಯೊ.

2 ತಿಮೊ 3:11 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:14

ಇವ್ಣೆ ಪೆರ್ಗೆ ಗಾಮ್‍ಥ ನಿಕ್ಳಿನ್ ಪಿಸಿದ್ಯ ತಬರ್‌ಖಾನು ಮಳ್ಯುಹುಯು ಅಂತಿಯೋಕ್ಯನ ಆಯ. ಇವ್ಣೆ ಸಬ್ಬತ್‌ ದನ್ಮ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಬೇಶಿಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:45

ಅನದೆಖ್ಯುತೆ ಯೆಹೂದ್ಯರ್ ಖ್ಹಾರಾನೆ ಘಣು ಬಳಾಪೊಕರಿನ್ ಪೌಲನೆ ಬೋಲ್ಯೊತೆ ವಾತೆನ ವಿರೋದ್ ಹುಯಿನ್ ಅಬ್ಬಾಜ಼ಬ್ಬಿಥಿ ದೂಷಣೆನಿ ವಾತೆಬೋಲ್‍ತು ರ‍್ಹಿಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:8

ಲುಸ್ತ್ರಖ್ಹಯೇರ‍್ಮ ಗೋಡಾವ್‍ಮ ಶಕತ್‌ಕೊಂತೆ, ಪೈದಾಖ್ಹ್‌ಥು ಲಂಗ್ಡೊ ಹುಯಿರೋತೆ ಏಕ್‍ಜ಼ಣೊ ಬೆಠೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:19

ಯೆಹೂದ್ಯರ್ ಖ್ಹಾರಾನಿ ಮಶ್ಲಥ್ಥಿ ಮೆ ಘಣು ಖ್ಹತಾನು ಪಡ್ಯುಥು. ಕೈಏಕ್ ವಖ್ಹತ್ ಆಂಝು಼ ನಾಕ್ಣುಪಡ್ಯು. ಕತೋಬಿ ಮೇ ಖ್ಹಮಾಳಿನ್ ಕದೇಬಿ ಪ್ರಭುನು ಸೇವೆ ಕರ‍್ಯೊಕರಿ ತುಮೂನ ಮಾಲುಮ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:10

ಆ ಹೊಜ್ಜತ್ ಘಣಿ ಹುಯಿನ್, ಅದ್ಮಿನು ಝೂ಼ಂಡ್‌ ಪೌಲನ ಖೇಚ಼ತಾಣಿ ಕರೀನ್ ಫಾಡಿ ಟುಕ್‌ಡ ಟುಕ್‌ಡಾ ಕರಿನಾಕ್ಷೆಕರಿ ಡರ್‌ಥಿ ಸೇನಾಧಿಪತಿನೆ ಶಿಪಾಯಿಖ್ಹಾರಾನ ತುಮೆ ಹೇಟ್ ಉತ್ರಿಜೈ಼ನ್ ಪೌಲನ ಜು಼ಲಮ್‌ಥಿ ಇವ್ಣಕಂಥು ಛೋ಼ಡೈನ್ ಕೋಟೆಮ ಲ್ಯಾವ್ಣುಕರಿ ಹುಕುಮ್ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:17

ಮೇ ತುನ ತಾರು ಇಸ್ರಾಯೇಲ್ ಅದ್ಮಿಥೀಬಿ ಯೆಹೂದ್ಯರ್‌ಕಾಹೆತೆ ಅದ್ಮಿಥೀಬಿ ತುನ ಖರಾಬ್ ನಾಹೊಣುತೆತಿಮ್ ಬಚಾ಼ಡಿಶ್‌ ಮೇ ತುನ ಇವ್ಣಕನ ಮೋಕ್ಲುಕರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:22

ಕತೋಬಿ ದೇವ್ನೆ ಮನ ಯೋ ದನ್ಮ ಮದತ್ ಕರ‍್ಯೊ. ಯೊ ಹಮ್ಕೆಲಗೂಬಿ ಮನ ಮದತ್ ಕರುಕರಸ್. ಇನಾಖ್ಹಾಜೆಸ್ ಆಜ಼್ ಹಜ್ಜಾ಼ ಭಿಯೋಸ್ ಅಜು಼ ಮೆ ದೇಖ್ಯೋತೆ ಘಟನೇನಿ ಬಾರೇಮ ಅದ್ಮಿಖ್ಹಾರನ ಸಾಕ್ಷಿ ಬೋಲುಕರುಸ್. ಮೋಶೆ ಅಜು಼ ಪ್ರವಾದಿಖ್ಹಾರು ಖ್ಹಾಮೆ ಹುವಾನು ಬಾರೇಮ ಖ್ಹಮ್‌ಜಾ಼ಡ್ಯುತೆ ವಾತೇಸ್‌ ಪಣ್ಕಿ ಖಿವೂಬಿ ನವು ಕೊಬೋಲ್ಯೋನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:16

ಯೊ ಮಾರ ನಾಮ್ನಖ್ಹಾಜೆ ಕೆತ್ರು ಲತಾಡ ಲಿಶೆಕರಿ ಮೇಸ್ ಇನ ವತಾಳಿಶ್.” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:31

ಮೇ ಯೂದಾಯಮ ಅವಿಶ್ವಾಸಿನ ಹಾತ್ಮಥು ಛೋ಼ಡಾವ್ಣುಕರೀಬಿ ಮಾರಿ ಸೇವೆ ಯೆರೂಸಲೇಮ್ಮ ಛಾ಼ತೆ ದೇವ್ನ ಅದ್ಮಿಯೇವ್‍ನ ಸ್ವೀಕಾರ್ ಹೋಣುಕರಿ ಪ್ರಾರ್ಥನೆ ಕರೊ.

2 ಕೊರಿಂಥ 1:5

ಅಪ್ಣೆ ಕ್ರಿಸ್ತನಿ ಕೈಯೇಕ್ ದರದ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಯೇಸ್. ಅಮ್ನಿಸ್ ಪರಕ್ಮ ಕ್ರಿಸ್ತಥಿ ಜಾ಼ಖ್ಹತ್ ಭಾಲಿಮಾಬಿ ಅಪ್ಣೆ ಭಾಗ್‌ ಹುಯಿರ‍್ಹಿಯೆಸ್.

2 ಕೊರಿಂಥ 1:7

ತುಮಾರಿ ಬಾರೇಮ ಹಮೂನ ಛಾ಼ತೆ ಭರೋಖ್ಹೊ ಘಟ್‍ಛಾ಼ ಶನಕತೊ ತುಮೆ ಹಮಾರಿ ಭಾಲಿಮಾಬಿ ಭಾಗ್‌ಲ್ಯವಾಳ ಹುಯಿರಾಸ್ತೆ ತಿಮ್ಮಸ್ ಮದತ್‌ಲ್ಯಾವಮಾಬಿ ಭಾಗ್‌ಲ್ಯವಾಳ ಹುಯಿರಾಸ್‍ಕರಿ ಹಮೂನ ಖ್ಹಮಜ಼್‌ಮ ಆಯಿರ‍್ಹುಸ್.

2 ಕೊರಿಂಥ 12:10

ಇನಖ್ಹಾಜೇಥಿ ಕ್ರಿಸ್ತನಖ್ಹಾಜೆ ಮನ ಕಮ್‍ಜೋ಼ರಿಬಿ, ಝಿಟ್ಕಾರ್‌ನಬಿ, ಶಾತ್‍ಕೊಂತೇಬಿ, ಖ್ಹತಾಪ್ಣಿಬಿ, ವದೇಖ್ಹ್‌ಬಿ ಆಯೂತೆ ಖ್ಹುಶಿಕರೂಸ್. ಮೇ ಕೆದೆ ಕಮ್‍ಜೋ಼ರಿ ರ‍್ಹೆವುಸ್‍ಕಿ ತದೇಸ್‌ ತಾಖತ್‌ವಾಳೊ ಹುಯಿರ‍್ಹೇವುಸ್.

2 ತಿಮೊ 4:7

ಮೇ ಮಹಾನ್ ಹರ್‌ಜಿತ್‌ ಕರಿರಾಖ್ಯೊಸ್, ಮಾರಿ ದೌಡ್ನ ನಾಶೀನ್ ಖ್ಹರ್ತಿ ಕರಿರಾಖ್ಯೊಸ್, ಅಜು಼ ಮೇ ಕ್ರಿಸ್ತನಿ ವಿಶ್ವಾಸ್ ಬಚಾ಼ಡಿರಾಖ್ಯೊಸ್.

2 ಪೇತ್ರ 2:9

ಪ್ರಭು ಭಕ್ತಿವಾಳಾನ ಮುಶ್ಕಿಲ್‌ಮಾಥು ಬಚಾ಼ಡನಾಬಿ ಅನೀತಿವಾಳಾನ ನಿಶತ್ ದ್ಯವಾನಖ್ಹಾಜೆ ನ್ಯಾವ್ನ ದನ್ ಆವಾಲಗು ರಾಖನಬಿ ಮಾಲುಮ್‌ ಕರಿರಾಖ್ಯೊಸ್.