2 ತಿಮೊ 2:7 - ದೇವ್ನಿ ಖ್ಹಾಚಿ ವಚನ್

⁷ ಮೇ ಬೋಲುಕರುಸ್ತೆ ಬಾರೇಮ ಸೋಚಿ ದೇಕ್. ಪ್ರಭು ತುನ ಆ ಖ್ಹಾರಮಾಬಿ ತೂ ಮಾಲುಮ್‌ ಕರಿಲ್ಯವಾನಿ ಖ್ಹಯಾಲ್ ದಿಶೆ.

2 ತಿಮೊ 2:7 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:15

ಶನಕತೊ ತುಮಾರು ದುಶ್‌ಮನ್‌ ಖ್ಹಾರು, ತುಮಾರ ವಿರೋದ್ ಭೀರ‍ವಾನ ಅಜು಼ ವಾತೆ ಫರೈನ್ ಬೋಲಾನ ಕೋ ಹುವ್ವಾನಿತೆ ಇಮ್ನಿ ವಾತೆ, ಅಜು಼ ಗ್ಯಾನ್ನ ಮೇ ತುಮೂನ ದಿಶ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:45

ಅನ ಬಾದ್‌ಮ ಇವ್ಣೆ ವಚನ್‍ಮ ಲೀಖೈರ‍್ಹೂತೆ ಇನ ಪರ್ಖಿಲವಾನಿಮತ್, ಯೇಸುನೆ ಇವ್ಣಿ ಅಕ್ಕಲ್‍ನ ಛೋ಼ಡ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:44

“ಮೇ ಬೋಲುಕರುಸ್ತೆ ವಾತೇನ ಭೈಕ್‌ಶು ನಕೊ; ಅದ್ಮಿನ ಛಿಯ್ಯಾನ ಅದ್ಮಿಖ್ಹಾರಾನ ಹಾತ್‌ಮ ದೆವೈಜಾಶೆ”

ಯೋಹಾನ 14:26

ಕತೋಬಿ ಯೋ ಮದತ್‌ ಕರವಾಳೊ, ಕತೊ ಮಾರ ನಾಮ್‌ಪರ್‌ ಬಾ ಮೋಕ್‌ಲ್‌ಶೇತೆ ಪವಿತ್ರಾತ್ಮಸ್ ತುಮೂನ ಖ್ಹಾರೂಸ್ ಶಿಕಾಡ್‍ಶೆ ಅಜು಼ ಮೇ ಬೋಲ್ಯೋತೆ ಅಖ್ಖಾಸ್ನ ತುಮಾರಿ ಯಾದ್ಮ ಲ್ಯಾವ್‌ಶೆ.

ಯೋಹಾನ 16:13

ಕತೋಬಿ ಖ್ಹಾಚೊ಼ ಆತ್ಮ ಆವ್‌ಶೇತೆ ತದೆ, ಯೋ ತುಮೂನ ಖ್ಹಾರಿಸ್ ಬಾರೇಮ ಖ್ಹಾಚಾಮ ಚ಼ಲೈಲಿಜಾಷೆ. ಯೋ ಬೋಲ್‍ಶೇತೆ ಇನಿ ವಾತೆ ಕಾಹೆ, ಯೋ ಶಾತ್‌ ಖ್ಹಮ್‌ಜಾ಼ಸ್ಕಿ ಯೋಸ್‌ ತುಮೂನ ಬೋಲ್‌ಶೆ; ಅಜು಼ ಖ್ಹಾಮ್ಣೆ ಚಾ಼ಲ್‌ಶೇತೆ ಇನಿ ಬಾರೇಮ ತುಮೂನ ಬೋಲ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:10

ಅಜು಼ ಇನ ಆಯೂತೆ ಮುಶ್ಕಿಲ್‌ಥಿ ಛೋ಼ಡೈನ್. ಈಜಿಪ್ಟ್ ದೇಖ್ಹ್‌ನೊ ರಾಜ಼ನ ಖ್ಹಾಮ್ಣೆ ಅಕ್ಕಲ್‌ವಾಳೋಬಿ ದಯಾಕರವಾಳೊಬಿ ಹುವಾನಿತರ ಕರ‍್ಯೊ.ಫರೋಹನೆ ಯೋಸೆಫ್‌ನ ಈಜಿಪ್ಟ್ ದೇಖ್ಹ್‌ನಪರ್‌ಬಿ ಮಹೇಲ್‌ನಪರ್‌ಬಿ ಅಧಿಕಾರಿಕರಿನ್ ನೇಮ್‌ಶಾಯೊ.

1 ಕೊರಿಂಥ 12:8

ಕಿಮ್‌ಕತೊ,ಪವಿತ್ರಾತ್ಮ ಏಕ್‍ಜ಼ಣಾನ ಗ್ಯಾನ್‌ಥಿ ಭರೈರ‍್ಹಾವನಿ ಸಂದೇಶ್‌ಬಿ ಬಿಜೇಕ್ ಜ಼ಣಾನ ಅಕ್ಕಲ್‍ಥಿ ಭರೈರ‍್ಹಾವನಿ ಸಂದೇಶ್‌ಬಿ ದೇಸ್.

ಫಿಲಿಪ್ಪಿ 4:8

ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

ಕೊಲೊಸ್ಸೆ 1:9

ಇನಖ್ಹಾಜೆ ಹಮೇಬಿ ತುಮಾರಿ ಬಾರೇಮ ಖ್ಹಮ್‍ಜ್ಯಾತೆ ದನ್‌ಥು ತುಮಾರಖ್ಹಾಜೆ ಪ್ರಾರ್ಥನೆಕರಾನು ಭೀರಾಖ್ಯಕೊಂತೆ ತುಮೆ ಹರೇಕ್ ಆತ್ಮೀಕ ಖ್ಹಯಾಲ್‌ಥೀಬಿ ಅಕ್ಕಲ್‍ಥಿ ಭರೈಜಾ಼ವ್ಣು ಕರಿ ದೇವ್ನ ಗಿಂಗೈಲೆವ್‌ ಕರಿಯೇಸ್.

1 ತಿಮೊ 4:15

ಆ ವಾತೆವ್ಮ ತೂ ಮಳೀರ‍್ಹೆ ಅನೇಥಿ ಭಡಾನು ಅಖ್ಖಾ ಅದ್ಮಿವ್‍ನ ಖ್ಹಾಮ್ಣೆ ದೆಖಾವ್‌ಶೆ.

2 ತಿಮೊ 2:6

ಪಿಕಾವಸ್ತೆ ಅನಾಜ಼್‌ಮ ಪಹಿಲು ಭಾಗ್‌ ಮ್ಹಿನತ್ ಕೋಣ್ ಕರಾಸ್ಕಿ ಇವ್ಣುನಸ್ ಜಾ಼ವ್ಣು.

2 ತಿಮೊ 2:8

ದೇವ್ನೆ ಮರ‍್ಯಾಹುಯಮಾಥು ಪಾಛು಼ ಜಿವ್ತು ಉಠಾಡ್ಯೋತೆ ಅಜು಼ ದಾವೀದ್‌ನಿ ಖಾಂದಾನ್‌ವಾಳೊ ಹುಯಿರ‍್ಹೋತೆ ಯೇಸು ಕ್ರಿಸ್ತನ ಯಾದ್ ಕರ್ತೊರ‍್ಹೇ. ಆಸ್ ಮೇ ಬೋಲುಸ್ತೆ ಅಛ್ಛಿ ಖಬರ್.

ಇಬ್ರಿ 12:3

ತುಮೆ ದಿಲ್‌ಹೇಟು ನಾ ಕರಾವಾಳ ಹುಯಿನ್ ಬೇಜಾರ್ ನಾಖಾವ್ಣುತೆ ಯೇಸುನಿ ಬಾರೇಮ ಸೋಚಿದೇಖೊ. ಯೊ ಪಾಪಿಯೇವ್ ಖ್ಹಾರಾಥಿ ಕೆತ್ರೇಕ್ಕಿ ವಿರೋದ್ನ ಖ್ಹಮಾಳಿಲಿದೊ.

ಇಬ್ರಿ 13:7

ತುನ ಕೋಣ್ ದೇವ್ನಿ ವಚನ್ನ ಭೋದನ್ ಕರಸ್ಕಿ ಯೊ ತುಮಾರ ಸಬೆನ ಮೋಟಾವ್ನ ಖ್ಹಯಾಲ್ ಕರಿಲೆವೊ. ಅಜು಼ ಜಿವ್ಣನ ಖ್ಹರ್ತಿಲಗು ಖಿವಿ ಪರಕ್ಮ ಚಾ಼ಲಿಲಿದುಕರಿ ಖ್ಹಯಾಲ್ ಕರೀನ್ ಇವ್ಣ ವಿಶ್ವಾಸ್ ಪಾಡಿಚಾ಼ಲೊ.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

ಇಬ್ರಿ 7:4

ಆ ಹೈರೋತೆ ಕೆತ್ರೆ ಮಹಾನ್ ಹುಯಿರ‍್ಹೊಸ್ ಕರಿ ದೇಖೊ ಅಪ್ಣೊ ಗುರುಗುರಬ್‌ಲ್ಯೊ ಹುಯಿರ‍್ಹೂತೆ ಅಬ್ರಹಾಮ್‌ನೆ ಜಂಗ್ ಜೂತಿನ್ ಲಾಯೊತೆ ಜಿನಖ್ಹ್‌ಮ ದಖ್ಹ್‌ಮ ಏಕ್‌ ಭಾಗ್‌ ಇನ ದಿದೋನಿ.

ಯಾಕೋಬ 1:5

ಕತೋಬಿ ತುಮಾರಮ ಕಿನಾತೋಬಿ ಗ್ಯಾನ್‍ಕಮ್ ರ‍್ಹಯೂತೊ ಯೋ ದೇವ್ನ ಗಿಂಗೈಲ್ಯವಾದೆ, ದೇವ್ ಚಿಂಘಾವ್‍ಶೆಕೊಂತೆ ಖ್ಹಾರಸ್ನ ದಿಲ್‌ ಛೋ಼ಡಿನ್ ದಿಶೆ.

ಯಾಕೋಬ 3:15

ಯೋ ಉಪ್ಪರ್‌ಥು ಆಯಾತೆ ಗ್ಯಾನ್‍ಕಾಹೆ. ಯೋ ಜ಼ಮೀನ್‍ನಸಂಬಂದ್‍ ಪಡ್ಯುಹುಯು, ಲೋಕ್ನಿಖ್ಹಯೆಲ್ನು ಅಜು಼ ಭೂತ್‌ನ ಸಂಬಂದ್ ಪಡ್ಯುಹುಯು.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.