2 ತಿಮೊ 2:4 - ದೇವ್ನಿ ಖ್ಹಾಚಿ ವಚನ್

⁴ ಏಕ್‌ ಜಂಗ್‌ನೊ ಶಿಪಾಯಿ ಇನ ಅದಿಕಾರಿನ ಪಸಂದ್‌ಕರಾವನ ಆಖ್ಹ್ ಕರಾಸ್. ಇನಖ್ಹಾಜೇಸ್ ಯೋ ಶಿಪಾಯಿ ಖ್ಹಾರು ಆ ಲೋಕಾನು ವ್ಯವಹಾರ್‌ಮ ಖ್ಹಪಡ್ನುನಾತೆ ಇಮ್‌ ಜ಼ತನ್‌ಥಿ ರ‍್ಹೇಸ್.

2 ತಿಮೊ 2:4 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:14

ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡಾ ಕೆಹುಕತೊ, ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮ್‌ಜಾ಼ಸ್‌, ಕತೋಬಿ ಆ ಜಿವ್ಣಾನಿ ಪಶ್ತಾವ್ಣಿ, ಧನ್‌-ದೌಲತ್‌ನಿ ಭೋಗ್‌ಮ ಡುಬಿಜೈನ್, ಇವ್ಣು ಫಲ್ ಕೋದೇಯ್ನಿ.

2 ಕೊರಿಂಥ 5:9

ದೇವ್ನ ಪಸಂದ್ ಕರಾವಾನೂಸ್ ಹಮೂನ ಛಾ಼ತೆ ಖ್ಹಯಾಲ್, ಹಮೆ ಹಮಾರ ಶರೀರ್‌ಮ ಹಜ್ಜಾ಼ ಜಿವಿರ‍್ಹಾವಾನಿ ವಖ್ಹತ್‍ಬಿ ಪ್ರಭುನಿ ಜೋ಼ಡ್ಮ ಹಿಜ್ಜಾ಼ ಜಿವಿರ‍್ಹಾವಾನಿ ವಖ್ಹತ್‍ಮಾಬಿ ದೇವ್ನ ಪಸಂದ್ ಕರಾವಾನೂಸ್ ಹಮಾರಿ ಹರಖ್ಹ್ ಹುಯಿರ‍್ಹೀಸ್.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

1 ಥೆಸ 2:4

ಅನಬದಲ್ ದೇವ್ ಕದೇಬಿ ಶನ ಲ್ಹಾಯಕ್ ಕರಸ್ಕಿ ಇನಾಸ್ ಅಪ್ಣೆ ಬೋಲಿಯೇಸ್. ಶನಕತೊ ಯೋ ಅಪ್ಣುನ ತರೀಪ್‌ಶ ಕರೀನ್ ಹಮೆ ಯೋಗ್ಯಹುಯಿರಾತೆ ಅದ್ಮಿಕರಿ ಇನಿ ಅಛ್ಛಿ ಸಂದೇಶ್ನ ಇನೆ ಅಪ್ಣುನ ದೀರಾಖ್ಯೊಸ್. ಹಮೆ,ದಿಲ್ನ ತರೀಪ್ಷ ಕರಾವಾಳ ದೇವ್ನ ಖ್ಹಾಜ಼ನುಸ್ ಕರಿಯೇಸ್.

2 ತಿಮೊ 4:10

ದೇಮಾನೆ ಆ ಜಗತ್ನ ಪ್ಯಾರ್ ಕರ‍್ಯೊ. ಅಜು಼ ಮನ ಮ್ಹೆಂದಿನ್ ಥೆಸಲೋನಿಕನ ಚ಼ಲೆಗಯೊ. ಕ್ರೆಸ್ಕ ಗಲಾತ್ಯನ ಅಜು಼ ತೀತನೆ ದಲ್ಮಾತ್ಯನ ಚ಼ಲೇಗಯ.

2 ಪೇತ್ರ 2:20

ಪ್ರಭುಬಿ ರಕ್ಷಕ್‍ಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನಿ ಗ್ಯಾನ್‌ಥಿ ಲೋಕ್‌ನು ಕಚಿಂಡ್‍ಮಾಥು ಛು಼ಕೈಗಯುಹುಯು ಫಾಚು಼ಪರಿನ್ ಯೋ ಅಖ್ಖಾಮ ಖ್ಹಪ್‍ಡಿನ್ ಹರಿಗಯೂತೊ, ಇನಿ ಖ್ಹರ್ತಿನಿ ಹಾಲತ್ ಪಹಿಲೆಥೀಬಿ ಖರಾಬ್ ಹುಯಿಜಾಶೆ.