2 ತಿಮೊ 2:2 - ದೇವ್ನಿ ಖ್ಹಾಚಿ ವಚನ್

² ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

2 ತಿಮೊ 2:2 Iomraidhean Croise

ಮತ್ತಾಯ 13:52

ತದೆ ಯೇಸುನೆ ಇನ ಶಿಷ್ಯರ್‌ನ, “ಅಮ್‌ಕತೊ, ಸೊರ್ಗ ರಾಜ್ಯನು ಶಿಷ್ಯರ್‌ ಬಣ್ಯೂತೆ ಹರೇಕ್ ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಯೆ, ಘರ್‌ನೊ ಯಜಮಾನ್ನಿಘೋಣಿ ಹುಯಿರ‍್ಹೂಸ್, ಯೋ ಯಜಮಾನ್ ಇನ ಘರ್‌ನಿ ಕಣ್ಗಿಮ ಜ಼ಮ ಕರಿರಾಖ್ಯೋತೆ ನವು ಅಜು಼ ಜೂ಼ನ ರಾಛಾ಼ನಖ್ಹಾರು ಭಾರ್‌ ಕಾಡಸ್‌” ಕರಿ ಬೋಲ್ಯೊ.

ಮತ್ತಾಯ 24:25

ಖ್ಹಮ್‍ಜೊ! ಮೇ ತುಮೂನ ಆ ಖ್ಹಾರು ಚಾ಼ಲಾನ ಅಗಾಡಿಸ್ ಇನಿ ಬಾರೇಮ ಬೋಲಿರಾಖ್ಯೊಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:42

ಯೇಸುನೆ ಶಾತ್‍ಬೋಲ್ಯೊಕತೊ, ವೇಳ್‍ವೇಳ್ನ ಹೋಣುತೆ ಯೊ ಜಿನಖ್ಹ್‌ನ ಮಾಪಿನ್‌ ದ್ಯವಾನಖ್ಹಾಜೆ ಯಜಮಾನ್ನೆ ಇನ ಘರ್‌ಮ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲೀಬಿ ಹುಯಿರೋತೆ ಘರ‍್ನೊಸೇವಕ ಕೋಣ್?

1 ಕೊರಿಂಥ 4:2

ಅಮ್ನ ಸೇವಕ್‌ನ ಇನ ಮಾಲಿಕ್‌ನ ವಿಶ್ವಾಸ್‌ವಾಳ ಹುಯಿನ್ ರ‍್ಹವಾನು ಜ಼ರೂರತ್ ಛಾ಼.

2 ಕೊರಿಂಥ 2:14

ಕತೋಬಿ ಮೇ ದೇವ್ನ ಧನ್ಯವಾದ್ ಕರುಸ್. ಯೋ ಹಮೂನ ಕ್ರಿಸ್ತನಿ ಗಳ್‌ಜೋ಼ಡ್ಮ ಕದೇಬಿ ಜೀತ್‍ನಿ ಜಯಭಣಿ ಚ಼ಲಾವ್ತೊ ಹುಯಿನ್ ಅಜು಼ ಇನಿ ಗ್ಯಾನ್ನಿ ಅಛ್ಛಿ ವಾಖ್ಹ್‌ನ ಅಖ್ಖಿಬಾಜು಼ ಹಮಾರೇಥಿ ಫೈಲಾವವಾಳ ದೇವ್ನ.

2 ಕೊರಿಂಥ 3:5

ಹಮಾರಿ ಶೊಂತ್ ಶಕತ್‌ಥೀಸ್‌ ಹಮೆ ಕೆಹುತೋಬಿ ಅಛ್ಛು಼ಕರ್‌ಶು ಕರಿ ಮೇ ಬೋಲುಕೊಯ್ನಿ. ಅಥ್ರಾನಿ ಶಕತ್‍ ಅಪ್ಣುನ ದೇವ್‍ಥೀಸ್‍ ಅಯಿರ‍್ಹೂಸ್.

ಕೊಲೊಸ್ಸೆ 1:7

ಅನ ತುಮೆ ಹಮಾರ ಜೋ಼ಡ್ಮ ಪ್ಯಾರ್‌ನೊ ಸೇವಕ್ ಹುಯಿರ‍್ಹೋತೆ ಎಪಫ್ರಥಿ ಶಿಕಿಲಿದ. ಯೋ ತುಮಾರ ಖ್ಹಾಜೆ ಕ್ರಿಸ್ತನೊ ವಿಶ್ವಾಸ್‌ವಾಳೊ ಸೇವಕ್ ಹುಯಿರ‍್ಹೋಸ್.

1 ತಿಮೊ 1:12

ಮೆ ಮಾರೊ ಪ್ರಭು ಕ್ರಿಸ್ತಯೇಸುನ ಧನ್ಯವಾದ್ ಕರುಸ್. ಯೋ ಮಾರ ಅಖ್ಖಾಸ್ ಕಾಮ್ನ ಶಕತ್ ದೀಮ್ಹೇಲ್ಯೊಸ್ ಇನ ಮೇ ಧನ್ಯವಾದ್ ಕರುಸ್. ಶನಖ್ಹಾಜೆ ಕತೊ ಯೊ ಮನ ವಿಶ್ವಾಸ್‌ವಾಳೊ ಕರಿ ಮಾಲುಮ್‌ ಕರಿಲಿನ್, ಇನ ಸೇವೆನಖ್ಹಾಜೆ ಚೂ಼ಣಿರಾಖ್ಯೊಸ್.

1 ತಿಮೊ 1:18

ತಿಮೊಥೆ, ಮಾರ ಛಿಯ್ಯಾ, ಮೇ ತುನ ಹುಕುಮ್‌ ದೆವ್‍ಕರೂಸ್ ವಚನ್ನಿಘೋಣಿ ಪಹಿಲೇಥುಸ್ ತಾರಿ ಬಾರೇಮ ಪ್ರವಾದನೆ ಹುಯಿರುಸ್. ಯೋ ಅವಾಜ಼್‌ನ ತಾರಿ ಕಫ್ಫನ್ ಬಣೈಲೆ, ಅನೇಥಿ ತೂ ಮೋಟಿ ಜಂಗ್ ಭೀಡಾನಿತರ ಹುವಾದೆ.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

1 ತಿಮೊ 5:22

ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

1 ತಿಮೊ 6:12

ವಿಶ್ವಾಸ್‌ನಿ ಹರ್‌ಜಿತ್‌ಮ ತುನ ಹುವಾಯೆತ್ರೆ ಅಛ್ಛಿನಿತರ ಮಿಲೈನ್‌, ತಾರಖ್ಹಾಜೆ ಹಮೇಶಾನಿ ಜಿ಼ಂದ್‌ಗೀನ ಜೂತಿಲೆ. ತುನ ಅನಖ್ಹಾಜೆಸ್ ದೇವ್ನೆ ಬುಲಾಯೋತೆ, ಅಜು಼ ಕೈಯೆಕ್ಕಿ ಸಾಕ್ಷಿನ ಖ್ಹಾಮೆ ತುನೆ ಶಪತ್ ಲೀರಾಖ್ಯೋಸ್.

2 ತಿಮೊ 3:10

ಕತೋಬಿ ತೂ, ಮಾರಿ ಜೀವನ್ನಿ ತರೀಕ,ಮಾರಿ ಜೀವನ್ನಿ ಉದ್ದೇಶ್,ಮಾರು ವಿಶ್ವಾಸ್ ಅಜು಼ ಮೆ ಖ್ಹಮಾಳಿಲ್ಯವಾನು,ಮಾರಿ ಪ್ಯಾರ್, ಮಾರಿ ಭಾಲಿ ಆ ಅಖ್ಖು ತುನೆ ಚ಼ಲೈರಾಖ್ಯೊಸ್.

2 ತಿಮೊ 3:14

ಕತೋಬಿ ತಾರಿ ಬಾರೇಮ ಬೋಲ್ನುಕತೊ ಯೊ ಖ್ಹಾಚಾಮ ಘಟ್‌ರ‍್ಹೆ. ಆ ತುನ ಶಿಕಡೈರ‍್ಹೂಸ್ ಅಜು಼ ವಿಶ್ವಾಸ್ ಧರಿಲೆ. ಅನಿಬಾರೇಮ ತುನ ಕಿನೆ ಶಿಕಾಡ್ಯೂಕರಿ ತುನ ಮಾಲುಮ್ ಛಾ಼ನಿ.

ಇಬ್ರಿ 2:17

ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ.