2 ತಿಮೊ 2:14 - ದೇವ್ನಿ ಖ್ಹಾಚಿ ವಚನ್

¹⁴ ಸಬೇನು ಅದ್ಮಿನ ಆ ಬಾರೇಮ ಯಾದ್ಮ ರಾಕ್ಣು. ಅಬ್ಬಾಜ಼ಬ್ಬಿನಿ ಬಾರೇಮ ಲಗಾತ್‌ ನಾಕರ‍್ನು ಕರಿ ದೇವ್ನ ಖ್ಹಾಮ್ಣೆ ಇವ್ಣುನ ಝೇತಾವ್. ಲಗಾತ್‌ ಕರಾಥಿ ಶನೂಸ್ ಫಾಯಿದೊ ಕೋ ಹುವಾನಿ, ಕತೋಬಿ ಖ್ಹಮ್‌ಜಾ಼ವಾಳು ಅದ್ಮಿ ಬಿಗ್‌ಡಿಜಾ಼ಸ್.

2 ತಿಮೊ 2:14 Iomraidhean Croise

ಮತ್ತಾಯ 16:26

ಏಕ್‌ ಅದ್ಮಿ ಹಿಡಿ ಜಗತ್‍ನಾಸ್ ಕಮೈಲೀನ್, ಇನ ಜಾನ್ನ ಲುಕ್‌ಶಾನ್ ಕರಿಲಿದುತೋ, ಇನ ಶನಿ ಫಾಯಿದೊ? ಶನೀಸ್ ಫಾಯಿದೊ ಕೊಯ್ನಿ! ಯೋ ಅದ್ಮಿ ಬಿಜು಼ ಶಾತ್ಬಿ ದೀನ್ ಇನ ಜಾನ್ನ ಪಾಛು಼ ಬಚಾ಼ಡಿಲ್ಯವಾನ ಕೋ ಹುವಾನಿ!

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:10

ಇನೆ “ತೂ ಶೈತಾನ್ನೊ ಛಿಯ್ಯೊ! ಹರ್ ಏಕ್‍ ಅಛ್ಛಾ಼ನಾಬಿ ತೂ ವಹೇರ‍್ಯೊ” ತು ಖರಾಬ್ ಚಾ಼ಲ್‌ಥೀಬಿ ಝೂ಼ಟೆಥೀಬಿ ಭರೈರ‍್ಹೋಸ್. ಅಖ್ಖಿ ನೀತಿನಾಬಿ ವಿರೋದ್ ಕರವಾಳೋಸ್ ತೂ, ಪ್ರಭುನ ಖ್ಹಾಚಾನ, ಝೂ಼ಟಿಕರಿ ಬದ್ಲಾವನ ತೂ ಕದೇಬಿ ಕೋಶಿಶ್ ಕರ್ತೊರ‍್ಹೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:24

ಹಮಾರಕಂಥು ಆಯುತೆ ಥೋಡಜ಼ಣಾನೆ ಹಮಾರೇಥಿ ಖಿವಿ ಹುಕುಮ್‌ನ ಮಾನ್ಯುಕೊಂತೆ ಇವ್ಣಿ ವಾತೆಥಿ ತುಮರಾಮ ಸಮಾಧಾನ್‌ಕೊಂತೆ ಕರಿನಾಖಿನ್‌, ತುಮಾರ ದಿಲ್ನ ಕಲಾವ್ಣಿ ಕರ‍್ಯುಕರಿ ಹಮೂನ ಮಾಲುಮ್‌ ಪಡ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:1

ವಿಶ್ವಾಸ್‌ಮ ಕಮ್‍ಜೋ಼ರಿ ರ‍್ಹವಳಾನ ತುಮಾರಿ ಝೂ಼ಂಡ್‌ಮ ಮಳೈಲೇವೊ. ಕತೋಬಿ ಇವ್ಣಿ ಶೊಂತ್‍ ಖ್ಹೂಜ಼್‌ನಿ ಬಾರೇಮ ಅಬ್ಬಾಜ಼ಬ್ಬಿ ನಕೊ ಕರೊ.

ಗಲಾತ್ಯ 1:7

ಬೋಲ್ನುಕತೊ ಸುವಾರ್ತೆ ಬಿಜು಼ ಕೊಯ್ನಿ ಕತೋಬಿ ಥೋಡುಜ಼ಣು ತುಮಾರಮ ಘುಂಜ್ಲಾ಼ವ್ಣಿಕರೀನ್ ಕ್ರಿಸ್ತನಿ ಸುವಾರ್ತೆನ ಬದ್ಲಾವನ ಕೋಶಿಶ್ ಕರುಕರಸ್.

ಎಫೆಸ 4:17

ಇನಾಖ್ಹಾಜೆ ಮೆ ಪ್ರಭುಮ ತುಮುನ ಶಾತ್‌ ಬೋಲುಸ್‌ಕತೊ ಅಲಕ್‌ ಅದ್ಮಿಖ್ಹಾರು ಚಾ಼ಲಾನಿಘೋಣಿ ಅನ ಅಗ್ಗಳ್ ನಾಚಾ಼ಲ್ನು. ಇವ್ಣೆ ಕಾಯ್‌ ಫಾಯಿದೊಕೊಂತೆ ಅಕ್ಕಲ್‌ವಾಳನಿತ್ರ ಚಾ಼ಲಿಲೆಸ್.

1 ಥೆಸ 4:1

ಖ್ಹರ್ತಿನಿ ವಾತ್ ಶಾತ್‌ಕತೊ, ಹಮಾರ ಭೈಯೇ ಭೇನೆವೊ ಯೇಸು ಪ್ರಭುನ ಅದಿಕಾರ್‌ಥಿ ತುಮೂನ ಶಾತ್ ಹುಕುಮ್ ದಿದಾಥ ಕರಿ ತುಮೂನ ಮಾಲುಮ್ ಛಾ಼. ತುಮೂನ ಬಿಜು಼ ಥೋಡಿ ವಾತೆ ಬೋಲಾನು ಛಾ಼.

2 ಥೆಸ 3:6

ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ‍್ಹೇಣು. ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನ ನಾಮ್‌ಪರ್‌ ತುಮೂನ ಹುಕುಮ್ ದಿಯೇಸ್.

1 ತಿಮೊ 1:4

ಕೊಂತೆ ಖೇಣಿನಾಬಿ, ಅಜು಼ ಆಗೆಪೀಛೆಕೊಂತೆ ಖಾನ್‌ದಾನೇನಿ ಬಾರೇಮಬಿ ಬೋಲಾನು ಮ್ಹೆಲಿದೇವೊ. ಯೋ ಹುವಾನುಕೊಂತೆ ವಾದ ವಿವಾದ್ನ ಉಠಾಡುಕರಸ್‌ ಪಣ್ಕಿ ಅಪ್ಣೆ ದೇವ್ನಿ ಖ್ಹೂಜ಼್‌ನಿತರ ಕರುಕರ‍್ಯೆಕೊಯ್ನಿ. ಯೋ ವಿಶ್ವಾಸ್‍ಥಿ ಖಲಿ ಹುವಾನು ಹುಯಿರ‍್ಹುಸ್.

1 ತಿಮೊ 1:6

ಥೋಡು ಜ಼ಣು ಆ ಮಾರಗ್‌ನ ಮ್ಹೆಂದಿನ್ ಕಾಮ್ನಕೊಂತೆ ಬುದ್ದಿನ ವಿವಾದ್ಮ ಖ್ಹಪ್ಡಿ ಪಡಿರ‍್ಹುಸ್.

1 ತಿಮೊ 4:8

ಶರೀರ್‌ನಿ ವ್ಯಾಯಮ್‍ಥಿ ತುನ ಥೋಡು ಫಾಯಿದೊ ಛಾ಼, ಕತೋಬಿ ಭಕ್ತಿನು ಜಿವ್ಣು ಹರೇಕ್ ಪರಕ್‍ಮಾಬಿ ತುನ ಫಾಯಿದೊ ಹುಯಿರುಸ್. ಶನಕತೊ, ಅನಾಮ ಹಮ್ಕೇನು ಹಗಾಮ್ ಅಜು಼ ಖ್ಹಾಮ್ಣೆ ಆವಾನ ಜಿ಼ಂದ್‌ಗೀನಖ್ಹಾಜೆ ದೆವೈರ‍್ಹೂತೆ ವಾಗ್ದಾನ್ ಅನಾಮ ಮಳೀರ‍್ಹುಸ್.

1 ತಿಮೊ 5:21

ತೂ ಬೋಲಿ ಖ್ಹಮ್‌ಜಾ಼ನ ಅಗಾಡಿಸ್ ಗಲತ್‌ ನಾಲಗಾಡ್ನುತೇಬಿ, ಏಕ್‌ಬಾಜು಼ಸ್ ಶಾತ್ಬಿ ನಾಕರ‍್ನುತೇಬಿ, ಮೇ ಬೋಲ್ಯೊತೆ ತಿಮ್ ಚಾ಼ಲ್ನುಕರಿ ದೇವ್ನ ಖ್ಹಾಮ್ಣೆಬಿ ಅಜು಼ ಕ್ರಿಸ್ತಯೇಸು ಖ್ಹಾಮ್ಣೆಬಿ, ಚೂ಼ಣೈರ‍್ಹುತೆ ಪರಿಶುದ್ ದೂತರ್‌ನ ಖ್ಹಾಮ್ಣೆಬಿ ಮೇ ತುನ ಖ್ಹಾಚಾಥಿ ಬೋಲುಕರುಸ್. ಖಿವೂಬಿ ಅಜು಼ ಖ್ಹಾಚಿ ಪರ್ಖಾನ ಅಗಾಡಿ ಕಿನಭಣಿಥೂಬಿ ನಾ ರ‍್ಹೇವ್ಣುತೆ ಆ ಖ್ಹಾರು ಕಾಮ್ ಕರ‍್ನು.

1 ತಿಮೊ 6:13

ದೇವ್ನ ಖ್ಹಾಮೆ ತಮಾಮ್‌ನ ಜಾನ್‌ಹುಯಿನ್ ರ‍್ಹವಾಳೊ ಹುಯಿರ‍್ಹೋಸ್ ಅಜು಼ ಕ್ರಿಸ್ತ ಯೇಸುನ ಖ್ಹಾಮ್ಣೆ, ಮೇ ತುನ ಹುಕುಮ್ ದೆವುಸ್. ಪೊಂತ್ಯ ಪಿಲಾತನ ಖ್ಹಾಮೆ ಭಾಲ್‌ಥಿ ಸಾಕ್ಷಿ ದಿದೋತೆ ಯೋ ಶಾತ್‌ಕತೊ,

2 ತಿಮೊ 1:6

ಅನಖ್ಹಾಜೆಸ್ ದೇವ್ನೆ ತುನ ದಿದೋತೆ ಯೋ ವರದಾನ್ ದೀವಾನಿತರ ಖ್ಹಲಗ್‌ತು ರ‍್ಹವಾದೆ ಅಜು಼ ಮೇ ತಾರಪರ್ ಹಾತ್ ಮ್ಹೇಲ್ಯೊಥೋತೆ ತದೆ ಯೋ ತುನ ಮಳ್ಯು.

2 ತಿಮೊ 2:16

ಜಗತ್ನು ಹುಯಿರ‍್ಹುತೆ ಫಾಲ್ತು ವಿವಾದ್‌ಥಿ ಅಜು಼ ಭಕ್ತಿಕೊಂತೆ ವಿಚಾರ್‌ಥಿ ದೂರ್ ರ‍್ಹೇ.ಶನಕತೊ ಯೊ ವಿಚಾರ್ ಅದ್ಮಿವ್‌ನ ದೇವ್‍ಥಿ ದೂರ್ ಕರಿನಾಖಸ್.

2 ತಿಮೊ 2:23

ಫಾಯಿದೊಕೊಂತೆ ಅಜು಼ ಬೇಕಾರ್ ವಿವಾದ್‌ಥಿ ದೂರ್ ರ‍್ಹೇ; ಇಮ್ನಿ ವಿವಾದ್ ಖ್ಹಾರಿ ಲಗಾತ್‌ ಉಷೆ.

2 ತಿಮೊ 4:1

ದೇವ್ನ ಖ್ಹಾಮ್ಣೆ ಸಾಕ್ಷಿ ಹುಯಿರಿನ್ ಅಜು಼ ಕ್ರಿಸ್ತಯೇಸುನ ಸಾಕ್ಷಿಕರೀನ್ ಯೋ ಜಿವ್ತುರ‍್ಹವಾಳನ ಅಜು಼ ಮರ‍್ಯಹುಯಾನ ನ್ಯಾವ್‌ನ ತೀರ್ಪ್ ಕರಾವಾಳೊ. ಶನಕತೊ ಯೊ ದೆಖಾವ್‌ಶೆ ಅಜು಼ ಇನಿ ರಾಜ್ಯ ಖನ್ನೆ ಛಾ಼. ಮೆ ತುನ ಕೋಲ್‌ನಾಮ್ ಕರೀನ್ ಹುಕುಮ್ ದೆವುಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:1

ಖಾನೂಲ್‌ ಚ಼ಲಾವವಾಳಾನಿ ಅಜು಼ ಅದಿಕಾರಿ ಖ್ಹಾರಾನಿ ವಾತೇನ ಖ್ಹಮಜ಼್‌ಣು ಕರಿ ಅಜು಼ ಖ್ಹಾರೂಸ್ ಅಛ಼್ಛುಕಾಮ್ ಕರಾನ ತೈಯಾರ್ ರ‍್ಹೇಣು ಕರಿ ತಾರ ಅದ್ಮಿ ಖ್ಹಾರಾನ ಯಾದ್ ದೆವಾಡ್.

ಇಬ್ರಿ 13:9

ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ.

2 ಪೇತ್ರ 1:13

ಮೇ ಮಾರ ಶರೀರ್‌ಕರಿ ಘರ್‌ಮ ರ‍್ಹವಲಗೂಬಿ ತುಮುನ ಯಾದ್‌ದ್ಯವಾಡಿನ್ ಹುಮ್ಮಖ್ಹ್‌ ಕರಾವನು ನ್ಯಾವ್ನು ಕಾಮ್‌ಕರಿ ಮೇ ಸೋಚಿರಾಖ್ಯೊಸ್.