2 ತಿಮೊ 1:5 - ದೇವ್ನಿ ಖ್ಹಾಚಿ ವಚನ್

⁵ ತಾರಿ ಶುದ್ಧಮನ್‌ಥಿ ಛಾ಼ತೆ ವಿಶ್ವಾಸ್‌ ಮಾರಿ ಯಾದ್ಮ ಛಾ಼, ಇಮ್ನಿ ವಿಶ್ವಾಸ್‌ ತಾರಿ ನಾನಿ ಲೋವಿಮಾಬಿ ಅಜು಼ ತಾರಿ ಆಯ ಯೂನಿಕೇಮಾಬಿ ಥಿ. ಯೋಸ್ ವಿಶ್ವಾಸ್‌ ತಾರಮಾಬಿ ಛಾ಼ಕರಿ ಮನ ಅಛ್ಛಿನಿತರ ಮಾಲುಮ್.

2 ತಿಮೊ 1:5 Iomraidhean Croise

ಯೋಹಾನ 1:47

ಯೇಸುನೆ ಇನಾಭಣಿ ವಳ್ಯಾವ್‌ಥೋತೆ ನತಾನಿಯೇಲ್‌ನ ದೇಖಿನ್‌, ಇನಿ ಬಾರೇಮ, “ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್‌ವಾಳೊ; ಅನಾಮ ಶನೀಶ್ ಗಲತ್‌ ಕೊಯ್ನಿ!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:1

ಪೌಲನೆ ದೆರ್ಬೆ ಅಜು಼ ಲುಸ್ತ್ರಕರಿ ಖ್ಹಯೇರ್‌ಮ ಗಯೊ.ಹಿಜ್ಜಾ಼ ತಿಮೊಥೆಕರಿ ಏಕ್‍ಜ಼ಣೊ ಕ್ರಿಸ್ತನೊ ವಿಶ್ವಾಸಿ ಥೊ. ತಿಮೊಥೆನಿ ಆಯ ಯೆಹೂದ್ಯವಾಳಿ ಹುಯಿರ‍್ಹೀಥಿ ಅಜು಼ ಬಾ ಗ್ರೀಕ್‍ವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:26

ಅಗ್ರಿಪ್ಪ ರಾಜ಼ ಆ ವಾತೆಖ್ಹಾರು ಅಛ್ಛಿನಿತರ ಮಾಲುಮ್ ಕರಾಖ್ಯೊಹುಯೊ; ಶನಕತೊ ಇನಖ್ಹಾಮ್ಣೆ ಬರಬ್ಬರ್‌ಥೀಸ್ ವಾತೆ ಬೋಲುಸ್ ಅನಾಮ ಏಕ್‌ಬಿ ಇನ ಲಪಿಛಪಿಕೊರ‍್ಹೂನಿ ಕರಿ ನಂಬಿರಾಖ್ಯೊಸ್, ಶನಕತೊ ಆ ಏಕ್‌ ಕೋಣಾಮ ಚಾ಼ಲ್ಯುತೆ ವಾತೆ ಕಾಹೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:14

ಅಜು಼ ಖಿವೂಬಿ ರಾಛು಼ ಇನುಯೋಸ್ ಅಶುದ್ಧ ಕಾಹೆಕರಿ ಪ್ರಭು ಯೇಸುಮ ರ‍್ಹೀನ್ ಖ್ಹಚ್ಚೆಂಬಿ ಬೋಲುಸ್. ಕತೋಬಿ ಕೋಣ್‌ತೋಬಿ ಅಶುದ್ದಕರಿ ದಿಲ್ಮ ಕರ‍್ಯೊತೊ ಯೋ ಇನ ಅಶುದ್ಧ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:5

ಏಕ್‍ಜ಼ಣೊ ಏಕ್‍ದನ್ನ ಬಿಜೇಕ್ ದನ್‍ಥಿ ವಿಶೇಷ್‍ಕರಿ ಗಣ್ತಿ ಕರಸ್. ಬಿಜೇಕ್‍ಜ಼ಣೊ ಖ್ಹಾರಾಸ್‍ದನ್ನ ಎಕ್ಕಸ್‍ಕರಿ ಖ್ಹೂಜ಼್‌ ಕರಸ್. ಹರೇಕ್ ಜ಼ಣುಬಿ ಇನಶೊಂತ್ ದಿಲ್ಮ ಕಲಾವ್ಣಿನಾ ಕರ್ನುತೆ ತಿಮ್ ರ‍್ಹವಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:14

ಮಾರ ಭೇನ್ ಭೈಯೇವೊ, ತುಮೆ ಅಛ್ಛಿ ಗುಣಥೀಬಿ ಹರೇಕ್ ಅಕ್ಕಲ್‍ಥೀಬಿ ಭರೈರ‍್ಹವಾಳ ಹುಯಿರ‍್ಹಿನ್, ಏಕ್‌ಥಿಏಕ್ ಬುದ್ಧಿ ಬೋಲಾನ ಶಕತ್‌ವಾಳ ಹುಯಿರ‍್ಹಾಸ್ ಕರೀಬಿ ತುಮಾರಿ ಬಾರೇಮ ಮನ ಭರೋಖ್ಹೊ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:21

ಯೋ ವಾಗ್ದಾನ್ನ ಚ಼ಲಾವನ ದೇವ್ ಶಕತ್‌ವಾಳೊ ಹುಯಿರ‍್ಹೋಸ್‍ಕರಿ ಪೂರ ಘಟ್‍ಥಿ ಭೀರವಾಳೊ ಹುಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:38

ಶನಕತೊ ಮರಣ್ಣರ‍್ಹವೊ, ಜಾನ್ನರ‍್ಹವೊ, ದೇವ್‌ದೂತರ್‌ ರ‍್ಹವೊ, ದುರಾತ್ಮರ‍್ಹವೊ, ಸೊರ್ಗನೊ ಅದಿಕಾರಿ ಕೊಯಿನ್ತೊ ಶಕಥ್ಥಿರ‍್ಹವೊ. ಹಮ್ಕೇನಿ ಬಾರೇಮರ‍್ಹವೊ, ಖ್ಹಾಮ್ಣೇನಿ ಬಾರೇಮರ‍್ಹವೊ,

2 ಕೊರಿಂಥ 6:6

ಹಮೆ ದೇವ್ನ ಸೇವೆ ಕರಾವಾಳಕರಿ ಹಮಾರಿ‍‍ ಶುದ್ಧಮನ್‌ಥೀಬಿ, ಗ್ಯಾನ್‍ಥಿಬಿ, ಖ್ಹಮಾಳಿನ್‌ಚಾ಼ಲಥೀಬಿ, ಗೋರ್‌ಥೀಬಿ, ಬಿಜು಼ ಪರಿಶುದ್ ಜೀವಿತ್‍ಥಿಬಿ ವತಾಳಿಲಿದ. ಹಮೆ ಅನ ಪವಿತ್ರಾತ್ಮಥಿಬಿ, ಖ್ಹಾಚಿ ಪ್ಯಾರ್‌ಥೀಬಿ,

1 ತಿಮೊ 1:5

ಪಾಕ್‌ ದಿಲ್‌, ಅಛ್ಛಿ ಖ್ಹಯಾಲ್, ಶುದ್ಧಮನ್‌ಥೀಬಿ ವಿಶ್ವಾಸ್‍ಥಿ ಪೈದಹುಯುತೆ ಪ್ಯಾರ್ ದೇವ್ನಿ ಹುಕುಮ್‌ನಿ ಶುಶತ್ ಹುಯಿರ‍್ಹಿಸ್.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

2 ತಿಮೊ 1:12

ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್‌ಮಾವ್‍ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್‌ಕಿ ಯೊ ಮನ ಮಾಲುಮ್‌ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್‍ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೋಸ್.

2 ತಿಮೊ 3:15

ಅಡ್ಡಾಣಿಪರ್‌ಥೂಸ್ ತುನ ಪರಿಶುದ್ದ ದಪ್ತರ್‌ಮ ಲೀಖೈರ‍್ಹುತೆ ಮಾಲುಮ್‌ ಛಾ಼ನಿ, ಯೋ ದಪ್ತರ್‌ಖ್ಹಾರು ಕ್ರಿಸ್ತಯೇಸುಮ ಛಾ಼ತೆ ಭರೋಖ್ಹಾಥಿ ರಕ್ಷಣೆಲ್ಯವಾನಿ ಗ್ಯಾನ್ನ ತುನ ದ್ಯವಾನ ತಾಖತ್ನು ಹುಯಿರ‍್ಹುಸ್.

ಇಬ್ರಿ 11:13

ಅವ್ಣೆಖ್ಹಾರು ವಿಶ್ವಾಸ್‌ರ‍್ಹವಾಳು ಹುಯಿನಸ್‌ ಮರಿಗಯು. ದೇವ್ನ ವಾಗ್ದಾನ್ನ ನಾಲಿದೂತೋಬಿ ಯೋ ಅಖ್ಖಾನ ದೂರ್‌ಥೀಸ್ ದೇಖಿನ್ ಸ್ವಾಗತ್‍ಕರೀನ್ ಖುಷಿಪಡ್ಯು; ಇವ್ಣೆ ಜ಼ಮೀನ್‌ಪರ್ ಅಲ್ಹಾವ್ ದೇಖ್ಹ್‌ವಾಳಬಿ, ತಮಾಖ್ಹೊ ದೇಖಾನ ಆಯುಹುಯು ಕರಿ ಮಾನಿಲಿದು.

ಇಬ್ರಿ 6:9

ಕತೋಬಿ ಪ್ಯಾರ್‌ನ ದೋಸ್ತಿವೊ ಅಮ್ನಿ ಪರಕ್‍ಥಿ ಹಮೆ ವಾತೆಬೋಲ್ಯತೋಬಿ ತುಮಾರಿ ವಿಚಾರ್‌ಮ ರಕ್ಷಣೆನ ಹೋಣುತೆ ಯೋ ಖ್ಹಾರಾಮ ತುಮೆ ಛಾ಼ಕರಿ, ಹಮೇ ಖ್ಹಾಚಾಮ ವಿಶ್ವಾಸ್ ಕರಿಯೇಸ್;

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.