2 ತಿಮೊ 1:14 - ದೇವ್ನಿ ಖ್ಹಾಚಿ ವಚನ್

¹⁴ ತಾರ ಹಾತ್‌ಮ ದೆವೈರ‍್ಹೀತೆ ಅಛ್ಛಿ ಖಬರ್‌ನ, ಅಪ್ಣ ಮಹಿ ಛಾ಼ತೆ ಪವಿತ್ರಾತ್ಮಾನಿ ಶಕಥ್ಥಿ ಜ಼ತನ್‌ಥಿ ರಾಕ್.

2 ತಿಮೊ 1:14 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:11

ಅಮ್ ರ‍್ಹವಾಪರ್, ಜಗತ್‌ನೂಸ್ ಧನ್‍ ದೌಲತ್‌ನಿ ಬಾರೇಮ ತುಮೆ ವಿಶ್ವಾಸ್‌ಕೊಂತೆ ರ‍್ಹಯಾತೊ, ಖ್ಹಾಚು಼ ಧನ್‌ ದೌಲತ್‌ನ ತುಮಾರ ಹಾತ್ಮ ಕೋಣ್ ದಿಶೆ?

ಯೋಹಾನ 14:17

ಯೋ ಮದತ್ ಕರಾವಾಳೊ ಕೋಣ್‌ಕತೊ ಖ್ಹಾಚೊ಼ ಆತ್ಮಾಸ್‌. ಆ ಜಗತ್‌ ಇನ ದೇಖ್ಯುಕೊಯ್ನಿ, ಪರ್‌ಖ್ಯುಬಿ ಕೊಯ್ನಿ.ಇನಖ್ಹಾಜೆ ತುಮೆ ಇನ ಮಾಲುಮ್ ಕರಿಲಿಶು. ಕತೋಬಿ ತುಮಾರಿಜೋ಼ಡ್ಮ ಜಿವ್‌ಶೆ ಅಜು಼ ತುಮಾರ ಮಹಿರಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:2

ಖ್ಹಾರಿ ಬಾರೇಮ ಬೋಲಾನುಬಿ ಘಣು ಫಾಯಿದೊ ಛಾ಼. ಪಹಿಲೆಥು ದೇವ್ನಿ ವಚನ್‍ ಯೆಹೂದ್ಯರ್‌ನ ದೆವೈರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:11

ಯೇಸುನ ಮರ‍್ಯಹುಯಮಾಥು ಜಿವಾಡವಾಳನು ಆತ್ಮ ತುಮಾರಮ ಜಿವ್‍ಕರ‍್ಯುತೊ, ಕ್ರಿಸ್ತಯೇಸುನ ಮರಣ್‍ಥಿ ಉಠಾಡ್ಯೊಹುಯೊ ದೇವ್ನು ಆತ್ಮ ತುಮಾರಮ ರ‍್ಹಿಯುತೊ ನಾಶಹುವಾಳು ಶರೀರ್‌ನಾಬಿ ತುಮಾರಮ ಜಿವವಾಳ ಆತ್ಮಥೀಸ್ ಜಾನ್ನ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:13

ಶನಕತೊ ತುಮೆ ಶರೀರ್‌ನ ಆಖ್ಹ್‌ನ ಖ್ಹಯಾಲ್‍ವಾಳಹುಯಿನ್ ಜಿವ್ಯಾತೊ ಮರ್‌ಶು. ಕತೋಬಿ ಆತ್ಮಥಿ ಶರೀರ್‌ನ ಪಾಪ್ನಕಾಮ್ನ ಮಾರ‍್ಯುತೊ, ತುಮೆ ಜಿವ್‌ಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:9

ಕತೋಬಿ ದೇವ್ನು ಆತ್ಮ ತುಮಾರಮ ರ‍್ಹವಾನು ಖ್ಹಾಚಸ್ ಉಶೇತೊ ತುಮೆ ಶರೀರ್‌ನ ಖ್ಹಯಾಲ್ನ ಮಹಿ ರ‍್ಹವಾಳಕಾಹೆ, ದೇವ್ನ ಆತ್ಮಾನ ಮಹಿರ‍್ಹೇಸ್. ಕ್ರಿಸ್ತನು ಆತ್ಮ ಕೋರ‍್ಹೆಯಿನಿತೆ ಯೊ ಕ್ರಿಸ್ತಮ ಮಳ್ಯೊಹುಯೊ ಕಾಹೆ.

1 ಕೊರಿಂಥ 3:16

ತುಮೆ ದೇವ್ನು ಮಂದಿರ್‌ ಹುಯಿರ‍್ಹಾಸ್ ಕರಿ ದೇವ್ನಿ ಆತ್ಮ ತುಮಾರಮ ಜಿವ್ಣುಕರಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿಶು?

1 ಕೊರಿಂಥ 6:19

ತುಮಾರು ಶರೀರ್ ಪವಿತ್ರಾತ್ಮನ ಮಂದಿರ್‌ ಹುಯಿರ‍್ಹುಸ್‌ಕರಿ ಬೋಲಾನು ತುಮೂನ ಮಾಲುಮ್ ಕಿಶು? ಯೋಸ್‌ ಆತ್ಮ ತುಮಾರಮ ಛಾ಼ಕರಿ ಮಾಲುಮ್ ಕೊಯ್ನಿಕಿಶು? ತುಮೆ ದೇವ್‍ಥಿ ಇನ ಲೀಲಿದ. ತುಮೆ ತುಮಾರು ಶೊಂತ್ ಕಾಹೆ.

1 ಕೊರಿಂಥ 9:17

ಮೇ ಶೊಂತ್‍ ಮರ್ಜಿಥಿ ಆ ಕಾಮ್‍ಕರ‍್ಯೊಹೊತ್ತೊ ಮನ ಪ್ರತಿಫಲ್ ಮಳ್‍ಶೆ; ಕತೋಬಿ ಮೇ ಕರ್ನುಸ್‌ಕರಿ ಮೇ ಕರ‍್ಯೊ.

2 ಕೊರಿಂಥ 5:16

ಅಮ್‍ರ‍್ಹವಾಪರ್ ಲೋಕ್ ಅದ್ಮಿನಿ ಬಾರೇಮ ಸೋಚಾನಿತರ ಹಮ್ಕೆಥು ಹಮೆ ಕಿನಿ ಬಾರೇಮಾಬಿ ಸೋಚಿಯೆಕೊಯ್ನಿ. ಲೋಕ್ ಸೋಚಾನಿತರ ಅಗ್‍ಲ್ಯ ಹಗಾಮ್ಮ ಹಮೆ ಕ್ರಿಸ್ತನಿ ಬಾರೇಮ ಸೋಚಿಲಿದಾಥ. ಕತೋಬಿ ಹಮ್ಕೆಥು ಕಿನಾಬಿ ಯೋ ಪರಕ್ಮ ಸೋಚಿಯೆಕೊಯ್ನಿ.

ಗಲಾತ್ಯ 2:7

ಕತೋಬಿ ಖ್ಹತ್ನಕರೈಲ್ಯವಾಳಾನ ಸುವಾರ್ತೆನ ಬೋಲಿ ವತಾಳನು ಕಾಮ್ ಪೇತ್ರಾನ ಕಿಮ್ ದೆವಾಯುಕಿ, ಇಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ಯೊ ಬೋಲಿ ವತಾಳನು ಕಾಮ್ ಮನ ದೆವಾಯು.

ಎಫೆಸ 2:22

ಕ್ರಿಸ್ತಮ ತುಮೇಬಿ ಪವಿತ್ರಾತ್ಮಥಿ ದೇವ್ನ ರ‍್ಹವಾನು ಮಂದಿರ್‌ ಹುವಾನಖ್ಹಾಜೇಥಿ ಹಮಾರ ಜೋ಼ಡೆ ಭಂದೌಕರಾಸ್.

ಎಫೆಸ 5:18

ದ್ರಾಕ್ಷಿನೊರಖ್ಹ್ ಪೀನ್ ಕಯೇಪ್ ನಕೊ ಛ಼ಡೈಲೆವೊ. ಇನೇಥಿ ಪಾಪ್ ಕರಾನ ಝ಼ಗೊ ಮಳಾಸ್, ಕತೋಬಿ ಪವಿತ್ರಾತ್ಮಥಿ ಭರೈನ್,

ಕೊಲೊಸ್ಸೆ 4:11

ಯೂಸ್ತಕರಿ ಬೋಲೈಲಿದೋತೆ ಯೇಸುಬಿ ತುಮುನ ಖ್ಹಲಾಮ್‍ಕರಸ್. ದೇವ್ನ ರಾಜ್ಯನಖ್ಹಾಜೆ ಮಾರಿಜೋ಼ಡೆ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೊಸ್. ಯೆಹೂದ್ಯರ್‌ಹುಯಿರ‍್ಹುತೆ ಅವ್ಣೆಥೀಸ್ ಕಾಮ್‌ಕರಾಮ ಮನ ಭಾಲಿ ಹುಯು.

1 ಥೆಸ 5:19

ಪವಿತ್ರಾತ್ಮನ ಕಾಮ್ನ ಉಝಾ಼ವೊ ನಕೊ,

1 ತಿಮೊ 1:11

ಆ ಸುವಾರ್ತೆ ಯೋಗ್ಯಹುಯಿರೊತೆ ದೇವ್ನಿ ಮಹಿಮೆನ ದೆಖಾವನಿ ಸುವಾರ್ತೆನಿಮತ್ ಛಾ಼. ಆ ಸುವಾರ್ತೆನಿ ಸೇವೆ ಮನ ದೇವೈರ‍್ಹುಸ್.

1 ತಿಮೊ 6:20

ತಿಮೊಥೆ, ತುನ ಶಾತ್ ದೀರಾಖ್ಯೋಸ್ತೆ ಇನ ಜ಼ತನ್‌ಥಿ ರಾಕ್‌, ಅಜು಼ ಹೋಣುಕೊಂತೆ ವಾತೇಥಿ ಥೋಡುಜ಼ಣು ಗಲತ್‌ಥಿ ಅಕ್ಕಲ್ ಬೋಲಾಸ್ತೆ ಫಾಲ್ತು ವಾತೇಥಿ ದೂರ್ ರ‍್ಹೇ.

2 ತಿಮೊ 1:12

ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್‌ಮಾವ್‍ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್‌ಕಿ ಯೊ ಮನ ಮಾಲುಮ್‌ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್‍ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೋಸ್.

2 ತಿಮೊ 2:2

ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.