2 ಥೆಸ 2:2 - ದೇವ್ನಿ ಖ್ಹಾಚಿ ವಚನ್

² ಪ್ರಭುನೊ ದನ್ ಐರ‍್ಹೋಸ್ ಕರಿ ತುಮೆ ಆತ್ಮಥಿರ‍್ಹಿಲೇವೊ ವಾತೆಮರ‍್ಹಿಲೇವೊ ಹಮಾರಿ ಚಿಟ್ಟಿರ‍್ಹಿಲೇವೊ ತುಮೆ ವಗ್ಗಿಸ್‌ಮ ಕಲಾವ್ಣಿ ನಕೊಹುವೊ.

2 ಥೆಸ 2:2 Iomraidhean Croise

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮಾರ್ಕ 13:7

ಅತ್ರೇಸ್ ಕಾಹೆತೆ ತುಮೆ, ಖನ್ನೆ ಜಂಗ್ ಭೀಡುಕರಾತೆ ಅವಾಜ಼್ ಅಜು಼ ದೂರ್ ಜಂಗ್ ಭೀಡುಕರಾತೆ ಖಬರ್‌ನ ಖ್ಹಮ್‌ಜ್ಯಾತೊ ಘಬ್ರಾವೊ ನಕೊ. ಅಮ್ನು ಖ್ಹಾರು ಚಾ಼ಲ್ನುಸ್ ಚಾ಼ಲ್ನು. ಕತೋಬಿ ಅನಿ ಮತ್‌ಲಬ್ ಜಗತ್‌ ಖತಮ್ ಹುಯಿಜಾ಼ವಾನ ಆಯುಕರಿ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:19

ತುಮೆ ಖ್ಹಮಾಳಿನ್ ಭೀರ‍್ಯಾತೊ, ತುಮಾರೊ ಜಾನ್ನ ತುಮೆ ಬಚಾ಼ಡಿಲಿಶು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:9

ಅತ್ರೇಸ್ ಕಾಹೆತೆ ಜಂಗ್ ಭೀಡುಕರಾತೆ ಅಜು಼ ಕಲ್ಹಾಗಟ್‌ ಪಡುಕರಾತೆ ಇನಿ ಬಾರೇಮ ತುಮೆ ಖ್ಹಮ್‌ಜ್ಯಾತೊ, ಡರ್‌ಶು ನಕೊ; ಪಹಿಲೆ ಆ ಖ್ಹಾರು ಚಾ಼ಲಾನು ಜ಼ರೂರತ್ ಛಾ಼. ತೋಬಿ ತದ್‌ನು-ತದ್ದೇಸ್ ಅಂತ್‌ ಕೋ ಆವ್‌ಶೇನಿ” ಕರಿ ಬೋಲ್ಯೊ.

ಯೋಹಾನ 14:1

ಯೇಸುನೆ ಇವ್ಣುನ, “ತುಮಾರೊ ದಿಲ್‌ ಕಲಾವ್ಣಿ ನಕೊ ಹುವಾದೆ, ದೇವ್‌ಪರ್‌ ವಿಶ್ವಾಸ್‌ ಕರೊ ಅಜು಼ ಮಾರಪರ್‌ಬಿ ವಿಶ್ವಾಸ್‌ ಕರೊ.

ಯೋಹಾನ 14:27

ಮೆ ಶಾಂತಿನ ತುಮಾರಮ ಮ್ಹೇಲಿನ್ ವಳ್ಯೊಜ಼ವುಸ್‌, ಮಾರಾಮ ಛಾ಼ತೆ ಶಾಂತಿನ ತುಮೂನ ದೆವುಸ್‌; ಆ ಜಗತ್‌ ದೇಸ್ತೆ ಇಮ್‌ ಕಾಹೆ, ಮೇ ತುಮೂನ ದೆವ್‍ಸ್ತೆ, ತುಮಾರೊ ದಿಲ್‌ ಕಲಾವಾದೆ ನಕೊ, ಅಜು಼ ತುಮೆ ಡರೊ ನಕೊ.

1 ಕೊರಿಂಥ 1:8

ಯೊ ತುಮೂನ ಖ್ಹರ್ತಿಲಗು ಘಟ್‍ರಾಖಿನ್ ಬಚಾ಼ಡ್‍ಷೆ. ಅಮ್ಮಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಬಿಜು಼ ಪಾಛೊ಼ ಆವಾನ ವೇಳ್ಮ ತುಮೆ ನಿರ್ದೋಷಿ ಹುಯಿರ‍್ಹಿಶು.

1 ಕೊರಿಂಥ 14:32

ಪ್ರವಾದಿಖ್ಹಾರಾನು ಆತ್ಮಖ್ಹಾರು ಪ್ರವಾದಿಯೇವ್‍ನು ಅಧೀನ್‍ಮ ಛಾ಼.

1 ಕೊರಿಂಥ 7:26

ಹಮ್ಕೇನು ಕಠಣ್ ದನ್ನಖ್ಹಾಜೆ ಏಕ್‌ ಪರ್ಖ್ಹೊ ಕಿಮ್ ಛಾ಼ಕಿ ಇಮ್ಮಸ್ ರ‍್ಹವಾನು ಅಛ್ಛು಼ಕರಿ ಮೇ ಸೋಚುಸ್.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

1 ಥೆಸ 3:3

ತುಮೂನ ಮಾಲುಮ್‌ ಛಾ಼ಕಿ, ದೇವ್ನ ನಾಮ್ಹೆಲ್ನುತೆ ತಿಮ್ ಖ್ಹತಾಪ್ಣಿ ಖ್ಹಮಾಳಿಲ್ಯವಾನು, ಐರ‍್ಹೂತೆ ದೇವ್ನಿ ಮರ್ಜಿ ಹುಯಿರ‍್ಹೀಸ್.

1 ಥೆಸ 4:15

ಹಮ್ಕೆ ಹಮೆ ಶಿಕಾಡುಕರೇತೆ ಆ ವಾತೆ ಪ್ರಭೂನೀಸ್ ಉಪದೇಶ್ ಹುಯಿರ‍್ಹೀಸ್. ಪ್ರಭು ಪಾಛೊ಼ ಆವ್‌ಶೇತೆ ವಖ್ಹತ್‌ಮ, ಜಿವ್ತಾ ಛಿಯ್ಯೇತೆ ಅಪ್ಣೆ ಮರಿಗಯೂತೆ ಇವ್ಣೇಥಿ ಪಹಿಲೆ ಕೋ ಜಾ಼ಶುನಿ.

1 ಥೆಸ 5:2

ಶನಕತೊ ರಾತ್ನಿ ವಖ್ಹತ್‌ಮ ಚೋ಼ರ್ ಕಿಮ್ ಆವಸ್ಕಿ, ಇಮ್ಮಸ್ ಪ್ರಭುನೊ ದನ್ ಆವ್‍ಶೆಕರಿ ತುಮುನಾಸ್ ಅಛ್ಛಿನಿತರ ಮಾಲುಮ್ ಛಾ಼.

2 ಥೆಸ 2:15

ಇನಖ್ಹಾಜೇಸ್ ಹಮಾರ ಭೈಯೆ-ಭೇನೆವೊ, ಘಟ್ ಭೀರ‍್ಹೆವೊ, ಹಮೆ ವಾತೇಥಿರ‍್ಹವೊ ಅಜು಼ ಹಮೆ ಲೀಖ್ಯಾತೆ ಕಾಗತ್‌ಥ್ಥಿರ‍್ಹವೊ ತುಮೂನ ಮಾಲುಮ್ ಕರಾಯಾತೆ ಪದತ್ತಿನ ತುಮೆ ಘಟ್ ಧರಿಲೆವೊ.

2 ಥೆಸ 3:17

ಪೌಲಕರಿ ಮೇ ಮಾರ ಹಾತೇಥಿಸ್ ತುಮುನ ಖ್ಹಲಾಮ್ನ ಲೀಖುಕರುಸ್. ಮೇ ಆಸ್ ಪರಕ್ ಚಿಟ್ಟೀಮ ಅಮ್ಮಸ್ ರುಜು ಕರುಸ್. ಮೇ ಲೀಖಾನು ತರೀಕ ಆಸ್‌ಹುಯಿರ‍್ಹುಸ್.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.