2 ಪೇತ್ರ 3:7 - ದೇವ್ನಿ ಖ್ಹಾಚಿ ವಚನ್

⁷ ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.

2 ಪೇತ್ರ 3:7 Iomraidhean Croise

ಮತ್ತಾಯ 10:15

ನ್ಯಾವ್‍ನಿ ತೀರ್ಪ್‌ನ ದನ್ಮ ಇಮ್ನ ಗಾಮ್‌ನಿ ಹಾಲ್‌ ಸೊದೋಮ್ ಅಜು಼ ಗೊಮೋರ್‌ ತಬರ್‌ಖಾನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್” ಕರಿ ಬೋಲ್ಯೊ.

ಮತ್ತಾಯ 11:22

ಕತೋಬಿ ನ್ಯಾವ್‍ನಿ ತೀರ್ಪ್‌ನ ದನ್ಮ ತುಮಾರಿ ಹಾಲ್‌ಥೀಬಿ ತೂರ್ ಅಜು಼ ಸೀದೋನ್ ಖ್ಹಯೇರ‍್ನಿ ಹಾಲ್‌ ಅಛ್ಛಿ ರ‍್ಹಿಶೆ ಕರಿ ಮೇ ತುಮೂನ ಬೋಲುಸ್!

ಮತ್ತಾಯ 11:24

ಕತೋಬಿ ನ್ಯಾವ್‍ನಿ ತೀರ್ಪ್‌ನ ದನ್ಮ ತಾರಿ ಹಾಲ್‌ಥೀಬಿ ಸೊದೋಮ್ ತಬರ್‌ಖಾನಿ ಹಾಲ್‌ ಅಛ್ಛಿ ರ‍್ಹಿಶೆ ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.

ಮತ್ತಾಯ 12:36

ಅತ್ರೇಸ್ ಕಾಹೆತೆ, ಮೇ “ತುಮೂನ ಶಾತ್‌ ಬೋಲುಸ್‌ಕತೊ, ಅದ್ಮಿಖ್ಹಾರು ಫಾಯಿದೊಕೊಂತೆ ಬೋಲಾಸ್ತೆ ಹರೇಕ್ ವಾತೇನಿ ಬಾರೇಮ ನ್ಯಾವ್‍ನಿ ತೀರ್ಪ್‌ನ ದನ್ಮ ಗಣ್ತಿ ದೇವ್ಣುಪಡ್‌ಶೆ.

ಮತ್ತಾಯ 24:35

ಆಬ್-ಧರ್ತಿ ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಕದೇಬಿ ಮಟ್‌ಶೆಸ್ ಕೊಯ್ನಿ.

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಮಾರ್ಕ 6:11

ಅಜು಼ ಕೆವ್ಹಾಬಿ ಝ಼ಗೊವಾಳು ತುಮೂನ ನಾ ಬುಲೈಲಿದುತೊ ಅಜು಼ ತುಮಾರಿ ವಾತೆನ ನಾ ಖ್ಹಮ್‌ಜುತೊ, ಯೋ ಝ಼ಗೋಥು ನಿಕ್ಳಿ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗ್ಯುತೆ ಧೂಳ್‌ನ ಝ಼ಟ್‌ಕಿ ದೆವೊ. ಆ ಇವ್ಣುನ ಝೇತಾವನು ಸಾಕ್ಷಿ ಹುಯಿರ‍್ಹಿಶೆ!” ಕರಿ ಬೋಲ್ಯೊ.

ಯೋಹಾನ 12:48

ಕೋಣ್ ಮನ ಝಿಟ್ಕಾರಿನ್, ಮಾರಿ ವಾತೇನ ಮಾನಕೊಂತೆ ಇವ್ಣುನ ತೀರ್ಪ್‌ ಕರಾವಾಳು ಏಕ್‌ ಛಾ಼. ಯೋ ಕೆಹುಕತೊ ಮೇ ಬೋಲ್ಯೋತೆ ಯೋ ವಾತೇಸ್‌, ಖ್ಹರ್ತಿನ ದನ್ಮ ಇವ್ಣುನ ತೀರ್ಪ್ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:5

ಕತೋಬಿ ತಾರೊ ದಿಲ್‌ ಮೊಂಡ್‍ಬಿ ಕಠಣ್ ಹುಯಿರುಸ್. ಇನಖ್ಹಾಜೆ ತುಮೆ ದೇವ್ನೊ ಇರಾದೊ ಅಜು಼ ನೀತಿಥಿರ‍್ಹವಾನು ನ್ಯಾವ್ನುತೀರ್ಪ್‌ನ ದನ್ಮ ತುಮೂನ ಉಷೇತೆ ನಿಶತ್ನ ಅಜೂ಼ಬಿ ಜ಼ಮಕರ್ತೊಹುಯಿನ್ ವಳೇಜಾ಼ಸ್.

1 ಕೊರಿಂಥ 3:13

ಆ ಅಖ್ಖಾಮ ಶನೇಥಿ ಭಾಂದ್ಯುತೋಬಿ ತದೆ ಹರೇಕ್ ಜ಼ಣಾನುಕಾಮ್ ಅಛ್ಛಿನಿತರ ದೆಖಾವ್‌ಶೆ; ಶನಕತೊ ಕ್ರಿಸ್ತ ಆವಾನೊದನ್ ಆಗ್‌ಥಿ ನಿಕ್ಳಿನ್ ಯೋ ಕಾಮ್ನ ಆಛ್ಛಿಂತರ ದೆಖಾಡ್‌ಶೆ. ಅಜು಼ ಯೋ ಆಗ್ ಪರ್ಖಿನ್ ಇನು ಖ್ಹಾಚು಼ ಮೋಲ್ನ ವತಾಳ್‌ಶೆ.

ಫಿಲಿಪ್ಪಿ 1:28

ತುಮೆ ತುಮಾರ ವಹೇರ‍್ಯಾಥಿ ನಕೊ ಡರೊ ಕೆದೇಬಿ ಭಾಲ್‌ಥಿ ರ‍್ಹವೊ, ಅಜು಼ ಅನ ಸಬೂತ್ ಕರೂಸ್ಕಿ ವಿರೋದಿನ ನಾಶ್‌ ಅಜು಼ ತುಮುನ ರಕ್ಷಣೆ. ಶನಕತೊ ಆ ದೇವ್‍ಥಿಸ್ ಹುಯಿರ‍್ಹುಸ್.

2 ಥೆಸ 2:3

ಕೋಣ್‌ಬಿ ಕೆವ್ಹಿ ತರಿಖಾಮಾಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ ಪಹಿಲೆ ವಿಶ್ವಾಸ್‌ನ ಕಾಡಿನಾಖಿನ್ ನಾಶಕರವಾಳೊ, ವಿರೋದಿ ಭಡ್ಕಲಗುಬಿ ಯೊ ದನ್ ಆವ್‌ಶೆ ಕೊಯ್ನಿ.

1 ತಿಮೊ 6:9

ಕತೋಬಿ ಶೌಕಾರ್ ಹೋಣುಕರಿ ಆಖ್ಹ್ ಕರಾವಾಳು ಇವ್ಣು ಇವ್ಣೇಸ್ ಶೋದನೆಮ ಪಡಾಸ್‌ ಅಜು಼ ಕೈಯೆಕ್ಕಿ ಖರಾಬ್ ಅಜು಼ ಖತರ್‌ನಾಕ್ ಆಖ್ಹ್‌ನ ಫಾಖ್ಹಾಮ ಖ್ಹಪ್‌ಡಿಜಾ಼ಸ್, ಅನೇಥಿ ಇವ್ಣೆ ಬಿಗ್‌ಡಿಜಾ಼ಸ್ ಅಜು಼ ಬರ್ಬಾತ್ ಹುಯಿಜಾ಼ಸ್.

ಇಬ್ರಿ 12:29

ಶನಕತೊ “ಅಪ್ಣೊ ದೇವ್ ಭುಂಜಾ಼ವತೆ ಆಗ್ ಹುಯಿರ‍್ಹೋಸ್”.

2 ಪೇತ್ರ 2:9

ಪ್ರಭು ಭಕ್ತಿವಾಳಾನ ಮುಶ್ಕಿಲ್‌ಮಾಥು ಬಚಾ಼ಡನಾಬಿ ಅನೀತಿವಾಳಾನ ನಿಶತ್ ದ್ಯವಾನಖ್ಹಾಜೆ ನ್ಯಾವ್ನ ದನ್ ಆವಾಲಗು ರಾಖನಬಿ ಮಾಲುಮ್‌ ಕರಿರಾಖ್ಯೊಸ್.

2 ಪೇತ್ರ 3:10

ಪ್ರಭುನೊ ದನ್ ಚೋ಼ರ್ ಆವಾನಿತರ ಆವ್‌ಶೆ. ಯೋ ದನ್ಮ ಆಬ್‍ಅಖ್ಖು ಘಲಾರಕೊಂತೆ ಹುಯಿಜಾ಼ಶೆ ಚಾ಼ಂದ್, ಚ಼ಂದರ್‌ಮೊ, ತಾರೊ, ಗ್ರಹಖ್ಹಾರು ಬಳಿನ್ ನೂಚೈಜಾ಼ಶೆ. ಜ಼ಮೀನ್ ಇನಾಮ ಛಾ಼ತೆಖ್ಹಾರುಸ್‍ಬಿ ಭುಂಜ಼ಯಿನ್ ರಾಕ್ ಹುಯಿಜಾ಼ಶೆ.

2 ಪೇತ್ರ 3:12

ದೇವ್ನ ಯೋ ದನ್ನ ಮ್ಹೋರೆ ದೇಕ್‍ತುಹುಯಿನ್‍ ಯೋ ಒಗ್ಗಿಸ್ ಆವಾದೆ ಕರಿ ಆಖ್ಹ್ ಕರ್ತರ‍್ಹೇವೊ. ಯೋ ದನ್ಮ ಆಕಾಶ್‌ನೊ ಗೋಳೊ ಆಗ್‌ಥಿ ನಾಶ್‌ಹುಯಿಜಾ಼ಶೆ; ಚಾ಼ಂದ್, ಚ಼ಂದರ್‌ಮೊ, ತಾರೊ, ಅಜು಼ ಗ್ರಹಖ್ಹಾರು ಘಣ ಅಂಚ಼್‌ಥಿ ಪಿಗ್‌ಳಿಜಾ಼ಶೆ.

1 ಯೋಹಾನ 4:17

ನ್ಯಾವ್‌ತೀರ್ಪ್‌ನ ದನ್ಮ ಅಪ್ಣೆ ಹಿಮ್ಮಥ್ಥಿ ರ‍್ಹವಾನಖ್ಹಾಜೆ ಇನಿ ಪ್ಯಾರ್ ಅಪ್ಣಾಮ ಛಾ಼. ಆ ಜಗತ್‌ಮ ಅಪ್ಣು ಜಿವ್ಣು ಕ್ರಿಸ್ತಯೇಸುನ ಜಿವ್ಣನಿಘೊಣಿ ರ‍್ಹೇಸ್ತೆ ಇನಖ್ಹಾಜೇಸ್ ಆ ಭರೋಖ್ಹೊ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್ತೆ.

ಯೂದನೆ ಲೀಖ್ಯೋತೆ ಚಿಟ್ಟಿ 1:7

ಇಮ್ಮಸ್ ಸೊದೋಮ್ ಅಜು಼ ಗೊಮೋರ್ ಖ್ಹಯೇರ್‌ವಾಳೂಬಿ, ಇನ ಅಶ್‌ಪೀಶ್‌ನ ಖ್ಹಯೇರ್‌ವಾಳೂಬಿ ಯೋ ದೂತರ್‌ನಿಘೊಣಿ ಚಾ಼ಲಿಲಿನ್ ಇವ್ಣುನ ಇವ್ಣೆಸ್ ಪಾಪೇಲ ಕಾಮ್ನ ದೀನಾಖಿದಿನ್, ನಾಕರ‍್ನುತೆ ಕಾಮ್ನ ಪಾಲನ್‍ ಕರ‍್ಯುತೆ ಇನಖ್ಹಾಜೆ ಇವ್ಣೆ ಕೆದೇಬಿ ರ‍್ಹವಾನ ಆಗ್‌ಮ ಖ್ಹತಾಪ್ಣಿ ಲೇತುಹುಯಿನ್‌, ಖರಾಬ್ ಮಾರಗ್‌ಪರ್ ಚಾ಼ಲವಾಳಾನ ಖರಾಬ್‍ಚಾ಼ಲ್ಮ ಉದಾಹರಣೆಕರಿ ಮ್ಹೇಲಿರಾಖ್ಯುಸ್.

ಪ್ರಕಾಶಿತ್ 17:11

ಆನಾಹುಯಿನ್ ಪಹಿಲೆ ರ‍್ಹೀನ್ ಹಮ್ಕೆ ಕೊಂತೆ ಯೊ ಜಾನ್ವರ್‌ ಯೋಸ್ ಆಟ್ನೊ ರಾಜ಼. ಕತೋಬಿ ಯೊ ಹುಯಿರ‍್ಹೋತೆ ಯೋ ಖ್ಹಾತ್ ರಾಜಾ಼ವ್ಮ ಏಕ್ಜ಼ಣೊ ಹುಯಿರ‍್ಹೋಸ್, ಯೊ ನಾಶ್‌ಭಣಿ ಜಾ಼ಶೆ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.

ಪ್ರಕಾಶಿತ್ 20:11

ಇನಪಾರ್ ಧೋಳುಫಟ್ ಥೂತೆ ಮೋಟಿ ಸಿಂಹಾಸನ್‌ಬಿ ಇನಪರ್ ಬೆಠೊರ‍್ಹಾವಳನಾಬಿ ದೇಖ್ಯೊ.ಇನಖ್ಹಾಮ್ಣೇಥು ಸೊರ್ಗ ಧರ್ತಿ ನಾಶಿಗಯು. ಕತೋಬಿ ಇವ್ಣುನ ಜಾ಼ವನ ಝಗೋಕೋಥೂನಿ.

ಪ್ರಕಾಶಿತ್ 21:1

ಇನ ಪಾಛ಼ಳ್ ಮೆ ನವು ಸೊರ್ಗ ಅಜು಼ ಜ಼ಮೀನ್ನ ದೇಖ್ಯೊ. ಪಹಿಲೇನು ಆಕಾಶ್ ಅಜು಼ ಪಹಿಲೇನು ಜ಼ಮೀನ್‌ಕೊಂತೆ ಹುಯಿಗಯು. ಹಿಜ್ಜಾ಼ ದರ‍್ಯಾವ್‍ಬಿ ಕೋಥೂನಿ.