2 ಪೇತ್ರ 3:16 - ದೇವ್ನಿ ಖ್ಹಾಚಿ ವಚನ್

¹⁶ ಪೌಲ ಇನಿ ಖ್ಹಾರಿಸ್ ಚಿಟ್ಟಿಮಾಬಿ ಆ ವಾತೆನಿ ಬಾರೇಮ ಬೋಲಿರಾಖ್ಯೊಸ್. ಆ ಚಿಟ್ಟೀಮ ಛಾ಼ತೆ ಥೋಡಿವಾತೆಖ್ಹಾರು ತುಮುನ ಮಾಲುಮ್‌ ಕರ್‌ಲ್ಯಾವನ ಕಠಣ್ ಹುಯಿರ‍್ಹುಸ್. ಬಿಣ್‍ ಅಕ್ಲೀಬಿ ಅಜು಼ ವಿಶ್ವಾಸ್‌ಮ ಕಮ್‌ಜೋ಼ರ್‌ ಹುಯಿರ‍್ಹವಾಳು ಬಿಜ಼ ಧರ್ಮಶಾಸ್ತ್ರನಿ ಘೋಣಿಸ್ ಅನಾಬಿ ಗಲತ್‌ ಮತ್ಲಬ್‍ದೀನ್ ಇವ್ಣಿ ನಾಶ್‍ನ ಇವ್ಣೆಸ್ ಲೀಲೆಸ್.

2 ಪೇತ್ರ 3:16 Iomraidhean Croise

ಮತ್ತಾಯ 15:3

ಯೇಸುನೆ ಇವ್ಣುನ, “ತುಮೆ ತುಮಾರಿ ಆದತ್‌ನ ಪಾಡಿ ಚಾ಼ಲಾನಖ್ಹಾಜೆ ದೇವ್ನಿ ಹುಕುಮ್‌ನ ಶನ ತೋಡೊಸ್ತೆ?

ಮತ್ತಾಯ 15:6

ಯೋ ಇನ ಆಯ-ಬಾನ ಮರ್ಯಾದಿ ದೆವಾನು ಜ಼ರೂರತ್ ಕೊಯ್ನಿ ಕರಿ ಬೋಲಿದೆವೋಸ್‌. ಅಮ್ ಕರಾಥಿ ತುಮಾರಿ ಆದತ್‍ಥೀಸ್‍ ದೇವ್ನಿ ಹುಕುಮ್‌ನ ಫಾಯಿದೊಕೊಂತೆ ಇಮ್‌ ಕರಿರಾಖ್ಯಾಸ್.

ಮತ್ತಾಯ 22:29

ಯೇಸುನೆ ಇವ್ಣುನ, “ತುಮೆ ಕೆತ್ರೆ ಗಲ್ತಿಮ ಪಡ್ಯಾಸ್ತೆ ದೇಖೊ! ಶನಕತೊ ತುಮೂನ ದೇವ್ನಿ ವಚನ್‌ಬಿ ನಾತೊ ದೇವ್ ಕೆತ್ರೆ ಶಕತ್‌ವಾಳೊ ಕರೀಬಿ ಮಾಲುಮ್‌ಕೊಂತೆ ಇನಖ್ಹಾಜೇಸ್.

ಫಿಲಿಪ್ಪಿ 3:19

ಪೇಟಸ್ ಇವ್ಣು ದೇವ್, ಖ್ಹರಮ್‌ಕಾಡಾನು ಕಾಮಸ್ ಇವ್ಣುನ ಮರ್ಯಾದಿನು. ಇವ್ಣೆ ಜಗತ್ನಿ ಬಾರೇಮಸ್ ಸೋಚವಾಳು, ಅನಖ್ಹಾಜೆ ವಿನಾಶಥೀಸ್ ಇವ್ಣೆ ಖ್ಹರ್ತಿಉಷೆ.

ಇಬ್ರಿ 5:11

ಆ ಬಾರೇಮ ಹಮೆ ಬೋಲಾನು ಕೆತ್ರೇಕ್ಕಿ ಛಾ಼. ಕತೋಬಿ ತುಮೆ ಖ್ಹಮ್‍ಜಾ಼ಮ ಮಂದ್‌ ಛಾ಼ತೆ ಖ್ಹಾಜೇಥಿ ತುಮುನ ಬೋಲಿ ವತಾಳನು ಮುಶ್ಕಿಲ್ ಹುಯಿರ‍್ಹುಸ್.

ಯಾಕೋಬ 1:8

ಶನಕತೊ ಯೋ ಬೇ ದಿಲ್‌ವಾಳೊ, ಇನ ಚಾ಼ಲ್‌ಮ ಚ಼ಲ್‍ಪ್ಲಾಟಿನೊ ಹುಯಿರ‍್ಹೊಸ್.

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

1 ಪೇತ್ರ 2:8

ಅಜು಼ ಪವಿತ್ರ ದಪ್ತರ್‌ಮ ಅಜೇ಼ಕ್ಆಡಿ ಶಾತ್‌ ಲಿಖಾಸ್‌ಕತೊ “ಅದ್ಮಿ ಧೊಕ್‌ಡೈನ್ ಇವ್ಣೆ ರಡ್ಕಾನೊ ಬಂಡೊ ಹುಯಿರೋಸ್” ಇವ್ಣೆ ದೇವ್ನಿ ವಚನ್ನ ಅವಿಧೇಯ ಹುವಾತೆ ಇನಖ್ಹಾಜೆ ಯೊ ಬಂಡಾನ ಠೋಕರ್ ಲಾಗಿನ್‍ಪಟ್ಕಸ್. ಇನಖ್ಹಾಜೇಸ್ ಇವ್ಣೆ ಚೂ಼ಣೈಗಯೂತೆ.

2 ಪೇತ್ರ 2:1

ಕತೋಬಿ ಇಸ್ರಾಯೇಲ್ ಅದ್ಮಿಯೇವ್‍ನ ಜೋ಼ಡ್ಮ ಝೂ಼ಟು ಪ್ರವಾದಿಜಿನು ಥೂ. ಇಮ್ನಿಸ್ ಪರಕ್ಮ ತುಮಾರಮಾಬಿ ಝೂ಼ಟು ಬೋಧಕರ್ ಖ್ಹಾರು ರ‍್ಹಿಶೆ. ಇವ್ಣೆ ಖತರ್‌ನಾಕ್ ಖರಾಬ್ ಬೋಧನೆಖ್ಹಾರು ಗಪ್ಲಥ್ಥಿ ಮಹಿಲೀನ್‍ ಆವವಾಳುಬಿ ಅಜು಼ ಇವ್ಣುನ ಮೋಲ್ ಲಿದೋತೆ ಯಜಮಾನ್ನ ಜಿನು ಝಿಟ್ಕಾರವಾಳು ಹುಯಿರಿನ್ ಒಗ್ಗಿಸ್‌ಮ ಇವ್ಣಪರ್ ನಾಶನನ ಬುಲೈಲೆಸ್.

2 ಪೇತ್ರ 2:14

ಅವ್ಣೆ ವ್ಯಭಿಚಾರಿಣಿನ ದೇಖಿನ್ ಖ್ಹುಶಿಕರವಾಳುಬಿ ಅವ್ಣೆ ಕದೇಬಿ ತರಖ್ಹ್‌ ತುಟಕೊಂತೆ ಪಾಪ್ನಕರವಾಳು ಹುಯಿರ‍್ಹುಸ್. ಬಿಣ್‍ತಾಖತ್‍ವಾಳನ ಠಗೈನ್; ಅಜು಼ ಇವ್ಣು ದಿಲ್‌ ಪೈಶಾನಿ ಆಖ್ಹ್‌ಕರಾನಿತರ ಕರಸ್ ಅಜು಼ ಇವ್ಣೆ ದೇವ್ನಿ ಶಾಪಮ ರ‍್ಹೇಸ್.

2 ಪೇತ್ರ 3:14

ಅನಖ್ಹಾಜೆಸ್ ಪ್ಯಾರ್‌ನ ದೋಸ್ತಿವೊ ತುಮೆ ಆಖ್ಹಾರನ ಮ್ಹೋರೆ ದೇಖವಾಳ ಹುಯಿರ‍್ಹಾಸ್ತೆ ಇನಖ್ಹಾಜೆ ತುಮೆ ದೇವ್‌ಮ ಸಮಾಧಾನ್‌ಥಿಬಿ, ಪರಿಶುದ್ದಬಿ ನಿರ್ದೋಷಿಬಿ ಹುಯಿನ್ ದೆಖಾವನ ಕೋಶಿಶ್ ಕರೊ.

2 ಪೇತ್ರ 3:2

ಪಛ಼್‌ಲ್ಯ ಹಗಾಮ್ಮ ಪರಿಶುದ್ ಪ್ರವಾದಿಯೇನೆ ಬೋಲ್ಯುತೆ ವಾತೆಖ್ಹಾರು ಅಜು಼ ತುಮಾರ ಅಪೊಸ್ತಲರ‍್ನ ಪ್ರಭು ಅಜು಼ ರಕ್ಷಕ್‌ನೆ ದೀರಾಖ್ಯೋತೆ ಹುಕುಮ್‌ನ ತುಮಾರಿ ಯಾದ್ಮ ಲ್ಯಾವಾನ ಆಖ್ಹ್‌ಕರುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.