2 ಪೇತ್ರ 2:9 - ದೇವ್ನಿ ಖ್ಹಾಚಿ ವಚನ್

⁹ ಪ್ರಭು ಭಕ್ತಿವಾಳಾನ ಮುಶ್ಕಿಲ್‌ಮಾಥು ಬಚಾ಼ಡನಾಬಿ ಅನೀತಿವಾಳಾನ ನಿಶತ್ ದ್ಯವಾನಖ್ಹಾಜೆ ನ್ಯಾವ್ನ ದನ್ ಆವಾಲಗು ರಾಖನಬಿ ಮಾಲುಮ್‌ ಕರಿರಾಖ್ಯೊಸ್.

2 ಪೇತ್ರ 2:9 Iomraidhean Croise

ಮತ್ತಾಯ 10:15

ನ್ಯಾವ್‍ನಿ ತೀರ್ಪ್‌ನ ದನ್ಮ ಇಮ್ನ ಗಾಮ್‌ನಿ ಹಾಲ್‌ ಸೊದೋಮ್ ಅಜು಼ ಗೊಮೋರ್‌ ತಬರ್‌ಖಾನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್” ಕರಿ ಬೋಲ್ಯೊ.

ಮತ್ತಾಯ 6:13

ಹಮೂನ ಶೋದನೆಮ ನಕೊನಾಕ್‌, ಕತೋಬಿ ಶೈತಾನ್‌ಥಿ ಹಮೂನ ಛೋ಼ಡಾವ್.’

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:5

ಕತೋಬಿ ತಾರೊ ದಿಲ್‌ ಮೊಂಡ್‍ಬಿ ಕಠಣ್ ಹುಯಿರುಸ್. ಇನಖ್ಹಾಜೆ ತುಮೆ ದೇವ್ನೊ ಇರಾದೊ ಅಜು಼ ನೀತಿಥಿರ‍್ಹವಾನು ನ್ಯಾವ್ನುತೀರ್ಪ್‌ನ ದನ್ಮ ತುಮೂನ ಉಷೇತೆ ನಿಶತ್ನ ಅಜೂ಼ಬಿ ಜ಼ಮಕರ್ತೊಹುಯಿನ್ ವಳೇಜಾ಼ಸ್.

1 ಕೊರಿಂಥ 10:13

ಅದ್ಮಿವೋನ ಮಾಮುಲಿ ಅವಾತೆ ಖ್ಹತಾಪ್ಣಿ ಮ್ಹೆಲ್ಯುತೊ ಬಿಜು಼ ಖೆವುಕಿ ತುಮೂನ ಆಯುಕೊಯ್ನಿನಿ. ಕತೋಬಿ ದೇವ್ ವಿಶ್ವಾಸ್‌ವಾಳೊ. ತುಮೂನ ಖ್ಹಮಾಳನ ಹೋಯಿಕೊಂತೆ ಶೋದನೆಖ್ಹಾರಾನ ಯೋ ತುಮಾರಪರ್ ಆವಾನಿತರ ಮ್ಹೆಲಕೊಯ್ನಿ. ಕತೋಬಿ ತುಮೂನ ಶೋದನೆ ಆಯುತೊ ಯೊ ಅಖ್ಖಾನ ಖ್ಹಮಾಳನ ಶಕತ್‌ವಾಳ ಹುವಾನಿತರ ಯೋ ಅಖ್ಖೇಥಿ ಛು಼ಕಿಜಾ಼ವಾನೊ ಮಾರಗ್ ಬಣಾವಸ್.

2 ತಿಮೊ 3:12

ಕ್ರಿಸ್ತ ಯೇಸುಮ ದೇವ್ನಿ ಮರ್ಜಿನಿಘೋಣಿ ಜಿ಼ಂದ್‌ಗಿ ಜಿವ್ಣುಕರಾನ ಆಖ್ಹ್ ಕರಾಸ್ತೆ ಹರೇಕ್ ಜ಼ಣು ಲತಾಡ ಪಡ್ಣುಸ್ ಪಡಾಸ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

2 ಪೇತ್ರ 2:4

ಕಿಮ್‌ಕತೊ ದೇವ್‌ನು ದೂತಖ್ಹಾರು ಪಾಪ್ ಕರ್ತಾನ ದೇವ್ನೆ ಇವ್ಣುನ ಖ್ಹೊಪೊ ಮ್ಹೇಲ್ಯೊಕೊಂತೆ, ನರಕ್ಮ ಧಕೆಲೀನ್ ನ್ಯಾವ್ನತೀರ್ಪ್‌ನ ಲಿಲ್ಯಾವನಖ್ಹಾಜೆ ಖ್ಹಂಕಳ್‍ಥಿ ಭಂದೈನ್‌ ಅಂಧಾರಿನ ಪಾಳ್ಯಮ ದಿನಾಖಿದಿದೊ.

2 ಪೇತ್ರ 3:7

ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:6

ಇವ್ಣಿ ಅಧಿಕಾರ‍್ನಿ ಝ಼ಗೋನ ಮ್ಹೇಲಿದಿನ್, ಇನ ಶೊಂತ್ ಝ಼ಗೋನ ಮ್ಹೆಂದಿದಾತೆ ದೇವ್‌ದೂತರ್‌ನ ದೇವ್ನೆ ಕದೇಬಿ ರ‍್ಹವಾನಿ ಖ್ಹಂಕಳ್‌ನ ಜ಼ಡ್‍ಕಿನ್ ಮಹಾದನ್ಮ ಉಷೇತೆ ತೀರ್ಪ್‌ನಖ್ಹಾಜೆ ಇವ್ಣುನ ಅಂಧಾರಿನ ಪಾಳ್ಯಮ ಟಿವಾಡಿರಾಖ್ಯೊಸ್.

ಪ್ರಕಾಶಿತ್ 3:10

ಮಾರಿ ವಚನ್ನ ತುನೆ ಚ಼ಲಾಯೊತೆ ಇನಖ್ಹಾಜೆ ಧರ್ತಿಮ ಜಿವ್ಣುಕರವಾಳ ಖ್ಹಾರಸ್ನ ತರೀಪ್ಷ ಕರಾನಖ್ಹಾಜೆ ಅಖ್ಖಾ ಜಗತ್ನಪರ್ ಆವಾನಯುತೆ ಕಠಣ್ ಶೋದನೆನ ದನ್ಮ ಮೇ ತುನ ಆಖ್ಹ್‌ರೊ ಕರಾವಾಳೊ ಹುಯಿನ್ ಬಚಾ಼ಡಿಶ್.