2 ಪೇತ್ರ 1:2 - ದೇವ್ನಿ ಖ್ಹಾಚಿ ವಚನ್

² ದೇವ್ ತುಮುನ ಪರಿಶುದ್ ಕರಾನಖ್ಹಾಜೆ ಘಣಾದನ್ನ ಅಗ್ಗಳಸ್ ವಿಚಾರ್‌ ಕರಿರಾಖ್ಯೊಸ್. ದೇವ್ನಿ ಬಾರೇಮಾಬಿ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ಬಾರೇಮಾನಿ ಛಾ಼ತೆ ಗ್ಯಾನ್‌ಥಿ, ತುಮೂನ ವಾರ್‌ಖ್ಹೊ ಅಜು಼ ಶಾಂತಿ ಘಣೇಥಿ ಘಣು ಮಳಾದೆ.

2 ಪೇತ್ರ 1:2 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:22

ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್, ಛಿಯ್ಯೊ ಕೋಣ್ ಕರಿ ಬಾನಸ್ ಮಾಲುಮ್ ಪಣ್ಕಿ ಬಿಜಾ಼ನ ಕಾಹೆ. ಬಾ ಕೋಣ್ ಕರಿ ಛಿಯ್ಯೋಸ್ ಪಣ್ಕಿ ಬಿಜು಼ ಕೋಣ್‌ಬಿ ಮಾಲುಮ್ ಕೋಕರಿರಾಖ್ಯೂನಿ. ಅಜು಼ ಛಿಯ್ಯೊ, ಕಿನ ಬಾನಿ ಬಾರೇಮ ಮಾಲುಮ್ ಕರಾವಸ್ಕಿ, ಇವ್ಣೆಸ್ ಬಾನ ಮಾಲುಮ್‌ ಕರಿಲ್ಯವಾಳು ಹುಯಿರ‍್ಹೂಸ್”.

ಯೋಹಾನ 17:3

ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:7

ಅಜು಼ ಇಮ್ಮಸ್ ದೇವ್ ಪ್ಯಾರ್‌ಕರಾತೆ ಅಜು಼ ಇನು ಶೊಂತ್ ಅದ್ಮಿವೊ ಕರಿ ಹುಯಿರ‍್ಹುತೆ ರೋಮ್‌ವಾಳ ತುಮುನ ಲೀಖುಕರುತೆ‍ ಶಾತ್‌ಕತೊ: ಬಾ ಹುಯಿರ‍್ಹೋತೆ ದೇವ್‍ಥೀಬಿ ಪ್ರಭು ಯೇಸುಕ್ರಿಸ್ತಥೀಬಿ ತುಮೂನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಫಿಲಿಪ್ಪಿ 3:8

ಅತ್ರೇಸ್ ಕಾಹೆತೆ, ಮಾರೊ ಪ್ರಭು ಕ್ರಿಸ್ತಯೇಸುನ ಮಾಲುಮ್ ಕರಿಲಾವನು ಬಾರೇಮ ಘಣು ಮಹಾನ್‌ಕರಿ ಸೋಚಿನ್ ಮೆ ಅಖ್ಖಾನ ಲುಕ್ಷಾನ್‌ಕರಿಸ್ ಲ್ಹಾವ್ಸ್. ಆಹೈರೋತೆ ಇನಖ್ಹಾಜೆ ಮೆ ಖ್ಹಾರುಸ್ ಗುಮೈಲಿದೋತೆಬಿ ಯೊ ಅಖ್ಖಾನ ಕಚ್ರೊ಼ಸ್ ಕರಿ ಲ್ಹಾವ್ಸ್.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.

2 ಪೇತ್ರ 1:3

ಇನಿ ಮಹಿಮೆಮ ಅಜು಼ ಅಛ್ಛಿಪಣೈಮ ಭಾಗ್‍ಹುವಾನ ಬುಲೈರಾಖ್ಯೊತೆ ಇನೇಥಿ ದೇವ್ ಅಪ್ಣುನ ಜಿ಼ಂದ್‌ಗಿ ಚ಼ಲಾವನಬಿ ಅಜು಼ ಭಕ್ತಿಥಿ ರ‍್ಹವಾನ ಹೋಣುತೆ ಖ್ಹಾರೂಸ್ ದೇವ್ನೆ ಇನಿ ಶಕಥ್ಥಿ ತಾಖತ್ನ ದೀರಾಖ್ಯೊಸ್.

2 ಪೇತ್ರ 1:5

ಅನಖ್ಹಾಜೆಸ್ ತುಮೆ ತುಮಾರಿ ಪೂರ ಮನ್‌ಥಿ ವಿಶ್ವಾಸ್‌ನ ಜೋ಼ಡೆ ಅಛ್ಛಿ ಗುಣಾನ, ಅಛ್ಛಿ ಗುಣಾನ ಜೋ಼ಡೆ ಅಛ್ಛಿಗ್ಯಾನ್ನ ಮಳಾವೊ.

2 ಪೇತ್ರ 1:8

ಆ ಖ್ಹಾರು ತುಮಾರಾಮ ರ‍್ಹೀನ್, ಭಡ್ತು ಆಯುತೊ, ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಗ್ಯಾನ್‌ಮ, ತುಮೆ ಚಾ಼ತುರ್ ಹುವಾನಿ ಬಾರೇಮ ಕಾಮ್ನ ಕೊಯ್ನಿತೇಬಿ, ಫಾಯಿದೊಕೊಂತೆ ತಿಮ್ ನಾಹುಯಿರ‍್ಹವಾನಿ ಘೋಣಿ ಕರಸ್.

2 ಪೇತ್ರ 2:20

ಪ್ರಭುಬಿ ರಕ್ಷಕ್‍ಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನಿ ಗ್ಯಾನ್‌ಥಿ ಲೋಕ್‌ನು ಕಚಿಂಡ್‍ಮಾಥು ಛು಼ಕೈಗಯುಹುಯು ಫಾಚು಼ಪರಿನ್ ಯೋ ಅಖ್ಖಾಮ ಖ್ಹಪ್‍ಡಿನ್ ಹರಿಗಯೂತೊ, ಇನಿ ಖ್ಹರ್ತಿನಿ ಹಾಲತ್ ಪಹಿಲೆಥೀಬಿ ಖರಾಬ್ ಹುಯಿಜಾಶೆ.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:2

ತುಮೂನ ಗೋರ್‌ಬಿ, ಶಾಂತಿ, ಪ್ಯಾರ್ ಘಣೇಥಿ ಮಳಾದೆ.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.