Biblia Todo Logo
Bìoball air-loidhne

- Sanasan -




2 ಪೇತ್ರ 1:16 - ದೇವ್ನಿ ಖ್ಹಾಚಿ ವಚನ್

16 ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಶಕತ್ನಿ ಬಾರೇಮ ಅಜು಼ ಯೋ ಆವ್‌ಶೇತೆ ಬಾರೇಮ ತುಮೂನ ಬೋಲಿವತಾಳಿ ರಾಖ್ಯಸ್‌. ಯೋ ಅದ್ಮಿಥಿ ಬೋಲೈಹುಯಿ ಖೇಣಿಯೇನಿ ಆಧಾರ್‌ಪರ್ ಬೋಲಿವತಾಳ್ಯಾತೆ ಕಾಹೆ ಯೋ ಕೆತ್ರ ಮಹಾನ್ ಕರಿ ಹಮೆ ಖ್ಹುದ್ ಹಮಾರ ಡೋಳೆಖ್ಹು ದೇಖಿರಾಖ್ಯಸ್.

Faic an caibideil Dèan lethbhreac




2 ಪೇತ್ರ 1:16
40 Iomraidhean Croise  

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.


ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.


ಛೊ಼ ದನ್ನ ಬಾದ್‌ಮ ಯೇಸುನೆ ಪೇತ್ರ, ಯಾಕೋಬ ಅಜು಼ ಇನೊ ಭೈ ಯೋಹಾನ್ನ ಬುಲೈಲಿನ್, ಏಕ್‌ ಊಚಾ಼ ಪಹಡ್‌ಪರ್ ಗಯೊ. ಹಿಜ್ಜಾ಼ ಇವ್ಣುನ ಮ್ಹೆಂದಿನ್ ಕೋಣ್‌ಬಿ ಕೋ ಥೂನಿ.


ಶನಕತೊ ವಿಜ಼್‌ಳಿ ದನ್‌ನಿಕ್‌ಳಾ ಭಣೀಥು ದೆಖೈನ್, ದನ್ ಡುಬಾಭಣೀನು ಬಾಜು಼ತೋಡಿ ಚ಼ಮ್‌ಕಾಸ್ತೆ ಇಮ್ಮಸ್ ಅದ್ಮಿನೊ ಛಿಯ್ಯೊಬಿ ಆವ್‌ಶೆ.


ಯೇಸುನೆ ಆಲಿವ್‌ ಪಹಡ್‌ಪರ್ ಬೆಠೋಥೋತೆ ತದೆ ಇನ ಶಿಷ್ಯರ್‌ ಇನಾಕನ ಅಲಕ್‌ಥಿ ಆಯಿನ್, “ಆ ಖ್ಹಾರು ಕದೆ ಚಾ಼ಲ್‌ಷೆ? ತೂ ಆಯಿಶ್‍ತೆ ಅಜು಼ ಆ ಜಗತ್ನಿ ಖ್ಹರ್ತಿ ಹುವಾನ ಖ್ಹಣೇದ್‍ಕಿ ಶು? ಹಮೂನ ಬೋಲ್” ಕರಿ ಪುಛಾ಼ಯಾ.


ಯೇಸು ಇವ್ಣ ಖನ್ನೆ ಆಯಿನ್, “ಸೊರ್ಗಾಮಾಬಿ, ಧರ್ತಿಪರ್‌ಬಿ ಖ್ಹಾರೀಸ್‍ ಅದಿಕಾರ್ ಮನ ದೆವೈರ‍್ಹೀಸ್.


ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಉಜಾ಼ಖ್ಹ್‌ಥಿ ಘೈಗ್‌ತೊಹುಯಿನ್‌, ವಾದ್ಳಮಕರಿ ಆವಾನು ಅದ್ಮಿಖ್ಹಾರು ದೇಕ್‌ಶೆ.


ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.


ಅನ ದೇಖಿನ್ ಅದ್ಮಿಖ್ಹಾರು ದೇವ್ನಿ ಮಹಾನ್ ಶಕತ್ನಖ್ಹಾಜೆ ಆಶ್ಚರ್ಯಖಾದು. ಅದ್ಮಿಖ್ಹಾರು ಯೇಸುನೆ ಕರ‍್ಯೊತೆ ಖ್ಹಾರಿಸ್ ಕಾಮ್ನಿ ಬಾರೇಮ ಬಿಜೂ಼ಬಿ ಆಶ್ಚರ್ಯ ಕರುಕರಾತೆ ತದ್ದೇಸ್, ಯೇಸುನೆ ಇನ ಶಿಷ್ಯರ್‌ನ,


ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.


ತುನೆ ಇನಖ್ಹಾರ ಅದ್ಮಿಪರ್ ಅದಿಕಾರ್ ದೀರಾಖ್ಯೊಸ್. ತುನೆ ಇನ ಕಿನಕಿನ ದೀರಾಖ್ಯೊಸ್ಕಿ, ಇವ್ಣ ಖ್ಹಾರಾನ ಯೋ ಹಮೇಶಾನಿ ಜಿ಼ಂದ್‌ಗಿ ದೇವ್ಣುಕರಿ ಹುಯಿರ‍್ಹೀಸ್.


ದೇವ್ನೆ ಪಹಿಲೆ ಪವಿತ್ರ ದಪ್ತರ್‌ಮ ಇನ ಪ್ರವಾದಿಥಿ ಬೋಲೈರ‍್ಹೀತೆ ಆ ವಾಗ್ದಾನ್‌ಕರ‍್ಯೊತೆ ಸುವಾರ್ತೆ ಮರ‍್ಯಾಹುಯಾಮಾಥು ಪಾಛು಼ ಜಿವ್ತುಹುಯೋತೆ ಇನಿ ಶಕಥ್ಥಿ ದೇವ್‌ನೊ ಛಿಯ್ಯೊಕರಿ ವತಾಳೈಲಿದೊ. ಯೋಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಹುಯಿರೊಸ್.


ಕ್ರಿಸ್ತನೆ ಮನ ಮೋಕ್‍ಲ್ಯೊತೆ ಬ್ಯಾಪ್ತಿಸ್ಮ ದ್ಯವಾನ ಕಾಹೆ. ಸುವಾರ್ತೆನ ಖ್ಹಮ್‍ಜಾ಼ಡನಖ್ಹಾಜೆ ಎತ್ರೇಸ್. ಕತೋಬಿ ಖಾಲಿ ಅದ್ಮಿನಿ ಅಕ್ಕಲ್‍ಥಿ ಬೋಲಿ ಖ್ಹಮ್‌ಜಾ಼ಡನ ಮನ ಮೋಕ್‌ಲ್ಯೊ ಕೊಯ್ನಿ. ಮೇ ಕಾಯ್‌ತೋಬಿ ಲೋಕ್‌ನಿ ಗ್ಯಾನ್‌ಥಿ ಸುವಾರ್ತೆ ಬೋಲ್ಯೊಹೊತ್ತೊ ಕ್ರಿಸ್ತನಿ ಶಿಲ್‌ಬೇನಿ ಶಕತ್ ಫಾಯಿದೊಕೊಂತೆ ಹುಯುಹೊತ್ತ್.


ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್.


ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.


ಪ್ಯಾರ್‌ನ ಭೈಯೇ ಭೇನೆವೊ, ಮೇ ದೇವ್ನ ಖ್ಹಾಚ಼ನ ಖ್ಹಮ್‍ಜಾ಼ಡ್‌ತೊಹುಯಿನ್ ತುಮಾರಕನ ಆಯೊ. ಕತೋಬಿ ಮೇ ಚಾ಼ತುರ್ ವಾತೇಥಿ ರ‍್ಹವೊ ಅಕ್ಕಲ್‍ಥಿ ರ‍್ಹವೊ ಕೊ ಆಯೋನಿ.


ಮಾರು ಉಪದೇಶ್ ಅಜು಼ ವಾತೆಮ ಅದ್ಮಿನಿಖ್ಹಯಾಲ್‍ನ ರ‍್ಹವಾನುಬಿ ಅಜು಼ ಅಛ್ಛಿ ವಾತೇಥಿ ಮಳಿರ‍್ಹುಥು ಕೊಯ್ನಿ. ಕತೋಬಿ ದೇವ್ನುಆತ್ಮ ದಿಲ್‌ಫರಾವನಿ ಸಾಕ್ಷಿಹುಯಿರ‍್ಹುಸ್ತೆ ಶಕಥ್ಥಿ ಮಳಿಹುಯು ಹುಯಿರ‍್ಹುಥು.


ತುಮೆ ಎಕ್ಟುಹುಯಿನ್ ಅವಾನಿತರ ಮೇಬಿ ತುಮಾರಿ ಜೋ಼ಡೆ ಮಾರ ಆತ್ಮೀಕ್ ರೂಪ್‌ಮ ಅಪ್ಣೊ ಪ್ರಭು ಯೇಸುನ ನಾಮ್‍ಥಿ ಹಮಾರ ಜೋ಼ಡೆ ರ‍್ಹವಾನಿಘೊಣಿನಿ ತಾಖತ್ತಿ ತುಮಾರಿ ಜೋ಼ಡ್ಮ ಎಕ್ಟು ಹುಯಿರ‍್ಹೊಸ್.


ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.


ಗಪ್ಲತ್‍ನು ಬಿಜು಼ ಖ್ಹರಮ್‌ ಕಡೈಲ್ಯಾವಾನ ಖ್ಹಾರ ಮಾರಗ್‍ಥಿ ಹಮೆ ದೂರ್ ಹುಯಿರಾಸ್‍. ಬಿಜು಼ ಹಮೆ ಮಶ್ಲತ್ ಭಂದೈಯೇ಼ ಕೊಯ್ನಿ. ದೇವ್ನಿ ವಚನ್‍ಮ ಮಿಲಾವಟ್ ಕರಿಯೆಕೊಯ್ನಿ. ಹಮೆ ಖ್ಹಾಚ಼ನ ಛೋ಼ಡಿನ್ ಬೋಲ್ಯೆಸ್‍. ಹಮೆ ನೀತಿವಾಳಕರಿ ಹರೇಕ್ ಅದ್ಮಿನಿ ದಿಲ್ನಿಸಾಕ್ಷಿ ದೇವ್ನ ಖ್ಹಾಮ್ಣೆ ಮಾನಿಲ್ಯವಾನಿ ಪರಕ್ಮ ಚಾ಼ಲೆಯೇಸ್.


ಇನಾಖ್ಹಾಜೆ ಬೋಲಿಲಾವನು ಶಾತ್‌ಕತೊ ಅಪ್ಣೆ ಹಂಕೇಥು ಅಡ್ಡಾಣಿ ನಾ ಹುಯಿರ‍್ಹೇವ್ಣುತೆ, ಖರಾಬ್ ಅದ್ಮಿನ ಠಗಾವ್ಣಿಮಾಬಿ, ಗಲ್ತಿಸೋಚ್‌ಮ ಪಡೀನ್, ಅಲಕ್ ಅಲಕ್ ಭೋದನ್‌ಥಿ ಧೋಕಹುಯಿನ್ ವಹಿರೊ ಕೀಕಡ್‌ಕಿ ತೀಕಡ್‌ ನಾಜಾ಼ವಾಳ ಹುಯಿರ‍್ಹೇಣು.


ಯೊ ಅಖ್ಖಾಸ್ನ ಇನ ಅಧೀನ್‌ಮ ಲೀನ್ ತಾಖತ್‌ವಾಳೊ ಹುಯಿನ್ ಅಪ್ಣ ಕಮ್‌ಜೋ಼ರ್ ಶರೀರ್‌ನ ಇನಿ ಮಹಿಮೆಥಿ ಭರೈರ‍್ಹಾವನು ಶರೀರ‍್ನಿತರ ಬದ್ಲಾವ್‌ಷೆ.


ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಆವಾನಿ ವಖ್ಹತ್‌ಮ, ಇನಖ್ಹಾಮ್ಣೆ ಹಮಾರಿ ಭರೋಖ್ಹೊ, ಲ್ಹಾಯಕ್, ಖ್ಹುಶಿ, ಅಜು಼ ಹಮೆ ಖ್ಹರಾವನಿ ಕಿರೀಟ್‌ಬಿ ಕೋಣ್? ತುಮೇಸ್ ಕಾಹೆಕಿ ಶು.


ಯೋ ಅಧರ್ಮಿ ಶೈತಾನ್ನಿ ಶಕಥ್ಥಿ ಭರೈನ್ ಆವ್‌ಶೆ ಅಜು಼ ಕೈಯೆಕ್ಕಿಥರಾನು ಠಗಾವನು ಮೋಟುಕಾಮ್, ಅದ್ಭುತ್‌ಕಾಮ್, ಚಮತ್ಕಾಕರ್‌ನ ಕರ್ಶೆ.


ಕೊಂತೆ ಖೇಣಿನಾಬಿ, ಅಜು಼ ಆಗೆಪೀಛೆಕೊಂತೆ ಖಾನ್‌ದಾನೇನಿ ಬಾರೇಮಬಿ ಬೋಲಾನು ಮ್ಹೆಲಿದೇವೊ. ಯೋ ಹುವಾನುಕೊಂತೆ ವಾದ ವಿವಾದ್ನ ಉಠಾಡುಕರಸ್‌ ಪಣ್ಕಿ ಅಪ್ಣೆ ದೇವ್ನಿ ಖ್ಹೂಜ಼್‌ನಿತರ ಕರುಕರ‍್ಯೆಕೊಯ್ನಿ. ಯೋ ವಿಶ್ವಾಸ್‍ಥಿ ಖಲಿ ಹುವಾನು ಹುಯಿರ‍್ಹುಸ್.


ಕತೋಬಿ ಅಜ್ಜ ಅಜ್ಜಿ ಬೋಲಾತೆ ಲೋಕ್‌ನಿ ಖೇಣಿಯೇಥಿ ತೂ ದೂರ್‌ರ‍್ಹೇ. ಭಕ್ತಿಥಿ ರ‍್ಹವಾನ ಜಿವ್ಣನ ಚ಼ಲಾವನಖ್ಹಾಜೆ ತಾರು ತೂಸ್ ಶಿಕಿಲೆ.


ಅಜು಼ ಯೆಹೂದ್ಯರ್‌ನ ಕೊಂತೆಖೇಣೀಥಿ, ಅಜು಼ ಖ್ಹಾಚಿನ ಮಾನಿಲೆಯಿಕೊಂತೆ ಅದ್ಮಿ ಖ್ಹಾರಾನಿ ಹುಕುಮ್‌ ಭಣಿ ಧ್ಯಾನ್ ನಕೊ ದೀಶ್.


ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.


ಬಾನೆ ಇನ ಛಿಯ್ಯಾನ ಜಗತ್ನೊ ರಕ್ಷಕ್ ಕರೀನ್ ಮೋಕ್ಲಿರಾಖ್ಯೊತೆ ಅಪ್ಣೆ ದೇಖಿರಾಖ್ಯಸ್. ಅಜು಼ ಇನಿ ಬಾರೇಮ ಅಪ್ಣೆ ಸಾಕ್ಷಿ ಬೋಲಿಯೇಸ್.


ಆದಾಮನೊ ಖ್ಹಾತ್‍ನಿ ಫಿಡಿವಾಳೊ ಹುಯಿರ‍್ಹೋತೆ ಹನೋಕ ಆ ಅದ್ಮಿವ್‌ನ ಬಾರೇಮ ಪ್ರವಾದ್‌ನೆ ಕರೀನ್ ಅಮ್ ಬೋಲಿರಾಖ್ಯೊಸ್, “ಹಂದೇಖೊ, ಪ್ರಭು ಇನು ಹಜಾ಼ರೊ ಪರಿಶುದ್ ದೂತರ್‌ನಿ ಜೋ಼ಡ್ಮ ವಳ್ಯಾವಸ್”.


“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.


Lean sinn:

Sanasan


Sanasan