2 ಪೇತ್ರ 1:12 - ದೇವ್ನಿ ಖ್ಹಾಚಿ ವಚನ್

¹² ಇನಖ್ಹಾಜೇಸ್, ತುಮೆ ಆ ಖ್ಹಾರಿ ಬಾರೇಮ ಮಾಲುಮ್‌ ಕರಿಲೀನ್, ತುಮೂನ ಮಳಿರ‍್ಹೀತೆ ಖ್ಹಾಚಿಮ ಘಟ್ ರ‍್ಹಯಾತೋಬಿ, ಮೇ ಯೋ ಖ್ಹಾರಾನ ತುಮೂನ ಹಮೇಶ ಕದೇಬಿ ಯಾದ್ ದೆವಾಡ್ತೊ ರ‍್ಹೀಶ್.

2 ಪೇತ್ರ 1:12 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:5

ಅಮ್ಮಸ್ ಕ್ರಿಸ್ತನು ಸಬೆಖ್ಹಾರು ದನ್‍ಥಿ ದನ್ ವಿಶ್ವಾಸ್ಮ ಭಡಾಲಗ್ಯು. ಸಬೆಖ್ಹಾರು ವಿಶ್ವಾಸ್ಮ ಘಟ್‍ಥಿ ಭೀರಿನ್ ವಿಶ್ವಾಸಿ ದನ್‍ಪರ್ ದನ್ ಜಾ಼ಖ್ಹತ್ ಹುವಾಲಗ್ಯು.

ಫಿಲಿಪ್ಪಿ 3:1

ಖ್ಹರ್ತಿಮ ಮಾರ ಭೇನೆ ಭೈಯೇವೊ, ಪ್ರಭುಮ ಖುಷಿಕರೊ. ಪಹಿಲೆ ಖ್ಹಮ್‌ಜಾ಼ಡ್ಯೊಥೋತೆ ಯೋಸ್ ವಾತೇವ್ನ ಪಾಛು಼ ತುಮುನ ಲೀಖಾನ ಮನ ಶಾತ್ಬಿ ಬೇಜಾರ್‌ಕೊಯ್ನಿ. ಆ ತುಮುನ ಘಟ್‌ಕರಸ್.

ಕೊಲೊಸ್ಸೆ 1:5

ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

ಕೊಲೊಸ್ಸೆ 2:7

ಇನಾಮಸ್ ಘಣು ಜ಼ಡ್‌ಗಾಠಿನ್, ಇನಾಮ ಭಂದೈಜೈ಼ನ್ ಅಜು಼ ತುಮುನ ಬೊಲಾಯುತೆ ಭೋದನ್ನಿ ಪರಕ್ಮಸ್ ಕ್ರಿಸ್ತನಿ ವಿಶ್ವಾಸ್ಮ ಘಟ್‌ಭೀರಿನ್ ಘಣೇಥಿ ಧನ್ಯವಾದ್ ಕರಾವಾಳ ಹುಯಿ‍ರ‍್ಹೆವೊ.

1 ತಿಮೊ 4:6

ಏಕ್‌ ವೇಳ್ಮ ಹಿಜ಼್ಜಾನು ವಿಶ್ವಾಸಿ ಭೇನೆಭೈಯೇವ್‌ನ ಬೋಲಿದೆವ್ಣುಕತೊ ತೂ ಕ್ರಿಸ್ತಯೇಸುನೊ ಅಛ್ಛೊ಼ ಸೇವಕ್ ಹುಯಿರ‍್ಹೀಶ್. ಇನ ಪಾಳಿ ಪರ್ವೇಶಿ ಕರಾನು ವಿಶ್ವಾಸ್‍ಥಿ ಖ್ಹಾಚಿ ಬೋಧನೆಥಿ ಹುವಾಸ್. ಇನ ತೂ ಲೀರಾಖ್ಯೊಸ್.

2 ತಿಮೊ 1:6

ಅನಖ್ಹಾಜೆಸ್ ದೇವ್ನೆ ತುನ ದಿದೋತೆ ಯೋ ವರದಾನ್ ದೀವಾನಿತರ ಖ್ಹಲಗ್‌ತು ರ‍್ಹವಾದೆ ಅಜು಼ ಮೇ ತಾರಪರ್ ಹಾತ್ ಮ್ಹೇಲ್ಯೊಥೋತೆ ತದೆ ಯೋ ತುನ ಮಳ್ಯು.

ಇಬ್ರಿ 10:32

ಅಮ್ ರ‍್ಹವಾಪರ್ ತುಮೆ ಗ್ಯಾನ್ನು ಉಜಾ಼ಖ್ಹ್‌ ಲೀರಾಖಪರ್‌ ತದೆ ದೇವ್ನಿ ಉಜಾ಼ಖ್ಹ್‌ ತುಮಾರಪರ್ ಥು. ರ‍್ಹಯುತೋಬಿ ತುಮೆ ಕೈಯೇಕ್ ವದೆಖ್ಹ್‌ಮ ತುಮೆ ಖ್ಹಮಾಳ್ಯಾತೆ ದನ್ನ ಯಾದ್ ಕರಿಲೆವೊ;

ಇಬ್ರಿ 13:9

ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

1 ಪೇತ್ರ 5:12

ಮೇ ತುಮೂನ ಹುಮ್ಮಖ್ಹ್ ದೆವಾನಾಬಿ ಅಜು಼ ದೇವ್ನಿ ಖ್ಹಾಚಿಕೃಪೆ ಕರಿ ಸಾಕ್ಷಿ ಬೋಲಾನಾಬಿ ಮೇ ನ್ಹಾನೇಥಿ ಚಿಟ್ಟಿ ಲೀಖಿನ್, ವಿಶ್ವಾಸ್‌ನೊ ಭೈಕರಿ ಗಣ್ತಿಕರಿರಾಖ್ಯೊತೆ ಸಿಲ್ವಾನನ ಹಾತ್‌ಮ ಮೋಕ್ಲಿರಾಖ್ಯೊಸ್. ಆ ಖ್ಹಾಚಿ ಕೃಪೆಥಿ ಭೀರೆವೊ.

2 ಪೇತ್ರ 1:13

ಮೇ ಮಾರ ಶರೀರ್‌ಕರಿ ಘರ್‌ಮ ರ‍್ಹವಲಗೂಬಿ ತುಮುನ ಯಾದ್‌ದ್ಯವಾಡಿನ್ ಹುಮ್ಮಖ್ಹ್‌ ಕರಾವನು ನ್ಯಾವ್ನು ಕಾಮ್‌ಕರಿ ಮೇ ಸೋಚಿರಾಖ್ಯೊಸ್.

2 ಪೇತ್ರ 1:15

ಮೇ ಮರಾನ ಬಾದ್ಮ ತುಮೆ ಆ ಖ್ಹಾರಾನ ಕದೇಬಿ ಯಾದ್ ಕರಿಲ್ಯವಾನಖ್ಹಾಜೆ ಮಾರೊ ಹಾತ್‌ ಹುವ್ವಾಯೆತ್ರೆ ಮೇ ಕೋಶಿಶ್‌ಕರುಸ್.

2 ಪೇತ್ರ 3:1

ಮಾರ ಪ್ಯಾರ್‌ನ ದೋಸ್ತಿವೊ, ಮೇ ಹಮ್ಕೆ ತುಮೂನ ಲೀಖುಕರುಸ್ತೆ ಬೇನಿ ಚಿಟ್ಟಿ. ಆ ಬೇ ಚಿಟ್ಟಿಮಾಬಿ ಆ ಅಖ್ಖಿಬಾರೇಮ ತುಮುನ ಖ್ಹಯಾಲ್ ಲ್ಯಾವಾನ ತುಮಾರ ದಿಲ್ಮ ಪರಿಶುದ್ದ ಸೋಚ್ ಆವಾನಿತರ ಕರಾವನ ಕೋಶಿಶ್ ಕರಿರಾಖ್ಯೊಸ್.

2 ಪೇತ್ರ 3:17

ಇನಖ್ಹಾಜೇಸ್ ಪ್ಯಾರ್‌ನ ದೋಸ್ತಿವೊ, ಆ ಖ್ಹಾರಿ ವಾತೆನ ಪಹಿಲೆಸ್ ಮಾಲುಮ್‌ಕರ್‌ಲಿದತೆ ಇನಾಖ್ಹಾಜೆ ತುಮೆ ಜ಼ತನ್‌ಥಿ ರ‍್ಹವೊ. ಖರಾಬ್ ಅದ್ಮಿನಿ ಖರಾಬ್ ಬೋದನೆಮ ಮಂಕ್‍ನಕೊ ಹುಯಿಜಾ಼ವೊ. ತುಮಾರಿ ಘಟ್ ವಿಶ್ವಾಸ್‌ಮಾಥು ಪಡ್ಣುನಾತೆ ಹೊಷಾರ್‌ರ‍್ಹವೊ.

1 ಯೋಹಾನ 2:21

ತುಮೆ ಖ್ಹಾಚಿ ಮಾಲುಮ್ ಕರಿರಾಖ್ಯಸ್, ಕತೋಬಿ ಕೊಯ್ನಿ ಕರಿ ಲಾಝಿನ್ ಮೆ ಅನ ಕೊಲೀಖುಕರುನಿ. ಕತೋಬಿ ಖ್ಹಾಚಿನ ಖ್ಹಮ್‍ಜಿರಾಖವಾಳ; ಖ್ಹಾಚೇಥಿ ಝೂ಼ಟಿ ಉಬ್‍ಜಾ಼ಕೊಯ್ನಿ ಕರಿ ಮಾಲುಮ್ ಕರಿರಾಖವಾಳ. ಅನಖ್ಹಾಜೇಥಿ ಮೇ ತುಮೂನ ಲೀಖಿರಾಖ್ಯೊಸ್.

2 ಯೋಹಾ 1:2

ಅಪ್ಣಾಮ ಜ಼ಡ್‍ಗಾಠಿಛಾ಼ತೆ ಅಜು಼ ಕದೇಬಿ ಅಪ್ಣ ಜೋ಼ಡೆ ಛೇತೆ ಖ್ಹಾಚ಼ನಖ್ಹಾಜೆ, ಮೆ ತುಮುನ ಖ್ಹಾಚಮಾಬಿ ಪ್ಯಾರ್‌ಕರೂಸ್. ಮೇಸ್ ಕಾಹೆತೆ ಖ್ಹಾಚಿನ ಪ್ಯಾರ್‌ಕರವಾಳು ಖ್ಹಾರುಸ್ ತುಮುನ ಪ್ಯಾರ್‌ಕರಾಸ್‌.

ಯೂದನೆ ಲೀಖ್ಯೋತೆ ಚಿಟ್ಟಿ 1:17

ಕತೋಬಿ ಪ್ಯಾರ್‌ನ ದೋಸ್ತಿವೊ, ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನು ಅಪೊಸ್ತಲರ್‌ಖ್ಹಾರು ಪಹಿಲೆ ಶಾತ್ ಬೋಲ್ಯುಥು ಕರಿ ಯಾದ್‍ಕರಿಲೇವೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:3

ಮಾರ ಪ್ಯಾರ್‌ವಾಳ, ಅಪ್ಣೆ ಲೀರಾಖ್ಯಾತೆ ರಕ್ಷಣೇನಿ ಬಾರೇಮ ತುಮೂನ ಲಿಖಾನ ಪೂರ ಆಖ್ಹ್‌ಥಿ ಕೋಶಿಶ್ ಕರಾನಿ ವೇಳ್ಮ, ದೇವ್ನ ಅದ್ಮಿವೋನ ಹರ್‌ಹಮೇಶ ರ‍್ಹವಾನಿಘೋಣಿ ಎಕ್ಕಸ್‍ಹಲ್ಲ ದೆವೈರ‍್ಹೀತೆ ಭರೋಖ್ಹಾನ ಬಚಾ಼ಡಿಲ್ಯವಾನಖ್ಹಾಜೆ, ತುಮೆ ಕರ್ತರ‍್ಹೇಣುಕರಿ ಝೇತೈನ್ ಲೀಖಾನು ಅಛ್ಛು಼ಕರಿ ಮನ ಬೋಲಾಯು.

ಯೂದನೆ ಲೀಖ್ಯೋತೆ ಚಿಟ್ಟಿ 1:5

ತುಮೆ ಹರೇಕ್‍ನಾಬಿ ಪಹಿಲೇಸ್ ಮಾಲುಮ್ ಕರಿರಾಖ್ಯತೋಬಿ, ಮೆ ಆವ್‌ಶೇತೆ ವಿಚಾರ‍್ನಿ ಬಾರೇಮ ತುಮಾರಿ ಖ್ಹಯಾಲ್ಮ ಲ್ಯಾವ್ಣುಕರಿ ಆಖ್ಹ್‌ಕರುಸ್. ಯೋ ಖಿವುಕತೊ, ಪ್ರಭುನೆ ಇನ ಪ್ರಜೆಖ್ಹಾರಾನ ಈಜಿಪ್ಟ್ ದೇಖ್ಹ್‌ಮಾಥು ಬಚಾ಼ಡ್ಯೊತೋಬಿ, ಇನಕೇಡೆಥು ಕೋಣ್ ನಂಬ್ಯುಕೊಯ್ನಿಕಿ ಇವ್ಣುನ ನಾಶ್ ಕರ‍್ಯೊ.