1 ತಿಮೊ 6:9 - ದೇವ್ನಿ ಖ್ಹಾಚಿ ವಚನ್

⁹ ಕತೋಬಿ ಶೌಕಾರ್ ಹೋಣುಕರಿ ಆಖ್ಹ್ ಕರಾವಾಳು ಇವ್ಣು ಇವ್ಣೇಸ್ ಶೋದನೆಮ ಪಡಾಸ್‌ ಅಜು಼ ಕೈಯೆಕ್ಕಿ ಖರಾಬ್ ಅಜು಼ ಖತರ್‌ನಾಕ್ ಆಖ್ಹ್‌ನ ಫಾಖ್ಹಾಮ ಖ್ಹಪ್‌ಡಿಜಾ಼ಸ್, ಅನೇಥಿ ಇವ್ಣೆ ಬಿಗ್‌ಡಿಜಾ಼ಸ್ ಅಜು಼ ಬರ್ಬಾತ್ ಹುಯಿಜಾ಼ಸ್.

1 ತಿಮೊ 6:9 Iomraidhean Croise

ಮತ್ತಾಯ 13:22

ಏಕ್‌ ಜ಼ಣೊ ವಚನ್ನ ಖ್ಹಮ್‌ಜುತೋಬಿ, ಆ ಜಗತ್ನಿ ಪಶ್ತಾವ್ಣಿ ಅಜು಼ ಧನ್‌-ದೌಲತ್‌ಪರ್‌ನಿ ಪ್ಯಾರ್ ಯೋ ವಚನ್ನ ದಾಬಿನಾಖಸ್‌, ಇನಖ್ಹಾಜೆ ಯೋ ಫಲ್ ಕೋದೇಯ್ನಿ. ಆಸ್ ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡು ಹುಯಿರ‍್ಹುಸ್‍.

ಮತ್ತಾಯ 19:22

ಯೋ ಜಾ಼ನ್ಜ಼ಮಾನ್ ಅದ್ಮಿನೆ ಅನ ಖ್ಹಮ್‌ಜಿನ್‌, ಘಣು ದುಖ್‌ಥಿ ಚ಼ಲೆಗಯೊ. ಶನಕತೊ ಯೋ ಘಣೊ ಶೌಕಾರ್ ಹುಯಿರ‍್ಹೋಥೊ.

ಮತ್ತಾಯ 26:15

“ಮೇ ಇನ ಧೋಕೇಥಿ ಧರಿದಿದೋತೊ, ತುಮೆ ಮನ ಶಾತ್ ದಿಶು?” ಕರಿ ಪುಛಾ಼ಯೊ. ತದೆ ಇವ್ಣೆ ಡೋಡಿಖ್ಹ್‌ ರೂಪಾನು ಬಿಲ್ಲಾನ ಗಣೀನ್, ಇನ ದಿದು.

ಮತ್ತಾಯ 6:19

“ಜಗತ್‌ಪರ್ ತುಮಾರಖ್ಹಾಜೆ ಧನ್‌ದೌಲತ್‌ನ ನಕೊ ಜ಼ಮಕರಿಲೇವೊ, ಹಜ್ಜಾ಼ ಇನ ಕಿಲಪ್‍ಧರೀನ್‌, ಕೋರ‍್ಹಖೈನ್‌, ನಾಶ್ ಹುಯಿಜಾ಼ಸ್ ಅಜು಼ ಚೋ಼ರ್ ಖ್ಹಾರು ಘರ್‌ನ ಫೋಡಿನ್, ಇನ ಚೋ಼ರಿ ಕರಿಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:21

ಇನಖ್ಹಾಜೆ ಯೋಸ್‌, ಧನ್‌-ದೌಲತ್‌ನ ಜ಼ಮಕರಿಲ್ಯವಾಳಾನಿ ಹಾಲ್‌ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:35

ಆ ದನ್ ತುಮಾರಉಪ್ಪರ್ ಫಾಖ್ಹಾನಿ ಮತ್‍ ಆವ್‌ಶೆ. ಯೋ ಜ಼ಮೀನ್‌ಪರ್ ಛಾ಼ತೆ ಹರೇಕ್‌ಪರ್ ಆವ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:20

ಕತೋಬಿ ಪೇತ್ರನೆ ಇನ “ತಾರ ಪೈಶ ತಾರಿಜೋ಼ಡ್ಮ ನಾಶಹುಯಿಜಾ಼ವಾದೆ. ದೇವ್ನಿ ವರಾನ ಪೈಶಾನ ಲಿಯೆಜಾ಼ಯ್ ಕರಿ ಲಾಝ್ಯೊಕಿ ಶು?” ಕರಿ ಜ಼ವಾಬ್ ದಿದೊ.

ಎಫೆಸ 4:22

ಇನಖ್ಹಾಜೆ ತುಮುನ ಶಿಕಾಡ್ಯುತೆ ಭೋದನ್ ಶಾತ್‌ಕತೊ ತುಮೆ ತುಮಾರಿ ಅಗ್ಲಿ ಚಾ಼ಲ್‌ನಿತರಾನು ಜೂ಼ನಿ ಆದತ್‌ನ ಕಾಡಿನಾಖೊ; ಯೊ ಧೋಕ ಖೈರಾಖ್ಯಾಸ್ತೆ ಖರಾಬ್ ಆಖ್ಹ್‌ಥಿ ಭರೈರ‍್ಹುಸ್‌. ಯೊ ನಾಶ್‌ ಹುಯಿಜಾ಼ವನು ಹುಯಿರುಸ್.

1 ತಿಮೊ 1:9

ಆ ಖ್ಹಯಾಲ್ಮ ರಾಕ್ಣು ಕದೆಕದೇಬಿ ನಿಯಮ್ ನೀತಿವಾಳನಖ್ಹಾಜೆ ಬಣಿರ‍್ಹುಕೊಯ್ನಿ. ಕತೋಬಿ ನಿಯಮ್ನ ಪಾಲನ್‌ಕರಕೊಂತೆ ರ‍್ಹವಾಳು, ಅಪರಾದಿ ಹುಯಿರ‍್ಹವಾಳು, ಭಕ್ತಿಕೊಂತೆ ಇವ್ಣೆ, ಪಾಪಿಖ್ಹಾರಾನ, ಅಜು಼ ಪರಿಶುದ್‌ಕೊಂತೆಬಿ, ಆತ್ಮೀಕಕೊಂತೆ ರ‍್ಹವಾಳನ, ಇವ್ಣ ಆಯ ಬಾನ ಮಾರಿನಾಖಸ್ತೆ ಇವ್ಣುನ, ಅಜು಼ ಖೂನಿನ,

1 ತಿಮೊ 3:7

ಎತ್ರೇಸ್ ಕಾಹೆತೆ, ಯೋ ಭಾರ್‌ಲ್ಯ ಅದ್ಮಿಥಿ ಆಛ್ಛೊ಼ ಕರಿ ಬೊಲೈಲ್ಯವಾಳೊ ಹುಯಿರ‍್ಹೇಣು, ಇಮ್‌ ನಾ ರ‍್ಹಯೋತೊ ಅದ್ಮಿಖ್ಹಾರು ಇನಾಪರ್ ಗಲತ್‌ ಲಗಾಡಿ ದಿಶೆ ಅಜು಼ ಯೋ ಶೈತಾನ್ನ ಚ಼ಪ್ಪಣ್‌ಮ ಖ್ಹಪ್‌ಡಿಜಾ಼ಶೆ.

1 ತಿಮೊ 6:10

ಪೈಶಾನಿಪ್ಯಾರ್ ಖ್ಹಾರಿಸ್ ತರ‍್ಹಾನು ಖರಾಬ್‌ ಫನೈನು ಜ಼ಡ್‌ನ ಶುರುವಾತ್ ಹುಯಿರ‍್ಹೂಸ್. ಥೋಡುಜ಼ಣು ಅನ ಕಮಾವಾನಿ ಆಖ್ಹ್‌ಥಿ ಕ್ರಿಸ್ತಮಾನಿ ವಿಶ್ವಾಸ್‌ನ ಮ್ಹೇಲಿನ್, ಕೈಯೆಕ್ಕಿ ಖ್ಹತಾಪ್ಣಿಥಿ ಇವ್ಣ ದಿಲ್ನ ಭೋಕಿಲೇಸ್.

1 ತಿಮೊ 6:17

ಆ ಜಗತ್‌ಮ ಶೌಕಾರ್ ಹುಯಿರ‍್ಹವಾಳನ ಹುಕುಮ್‌ ದೇಕಿ, ಇವ್ಣೆ ಹಂಕಾರ್ ನಾ ಕರ‍್ನು ಕರಿ, ಅಜು಼ ಇವ್ಣಿ ಧನ್‌-ದೌಲತ್‌ಪರ್ ಭರೋಖ್ಹೊ ನಾರಾಕ್ಣುತೆ, ದೇವ್‌ಪರ್‌ ಭರೋಖ್ಹೊ ನಾಖಾದೆ ಕರಿ, ಯೋ ಅಪ್ಣೆ ಹಕ್ಲಾಲ್‌ಥಿ ರ‍್ಹವಾನಟೇಕೆ ಖ್ಹಾರುಸ್ ದ್ಯವಾಳೊ ಹುಯಿರ‍್ಹೋಸ್.

2 ತಿಮೊ 2:26

ತದೆ ಇವ್ಣೆ ದೇವ್ನಿ ಮರ್ಜಿನ ಪರ್ಖಿಲಿನ್, ಇವ್ಣುನ ಧರಿನ್, ಇವ್ಣೆ ಇನಿ ವಾತೆ ಖ್ಹಮ್‌ಜಾ಼ನಿಮತ್ ಕರಿರಾಖ್ಯೊಸ್ತೆ ಶೈತಾನ್ನ ಫಾಖ್ಹಾಮಾಥು ಭಾರ್‌ಆಯಿನ್, ಬಚಿಜಾ಼ಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:12

ಅಜು಼ ಅಪ್ಣು ಭಕ್ತಿಕೊಂತೆ ಜಿವ್ಣನ ಅಜು಼ ಜಗತ್ನಿ ಹರಖ್ಹ್‌ನ ಮ್ಹೇಲಿದೇಣು, ಅಜು಼ ಅಮ್ನು ಜಿವ್ಣು ಕರ್ನುಕಿ ಅನೇಥಿ ಖ್ಹಾಚಿ ಭಕ್ತಿಥಿ ರ‍್ಹವಾನು ಅಜು಼ ಇನುಯೋ ದಾಬುಕ್‌ಥಿ ರ‍್ಹವಾನ ಪರಕ್‍ಥಿ ಆ ಜಗತ್‌ಮ ಬಚಿರ‍್ಹೇಣು.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.

ಯೂದನೆ ಲೀಖ್ಯೋತೆ ಚಿಟ್ಟಿ 1:11

“ಇವ್ಣಿ ಹಾಲ್ನ ಮೇ ಶಾತ್‌ಬೋಲು! ಶನಕತೊ ಅವ್ಣೆ ಕಾಯಿನನು ಮಾರಗ್‍ಧರೀನ್ ಚಾ಼ಲಾವಾಳೂಬಿ, ಧನ್‌ ದೌಲತ್ನ ಕಮಾವನಖ್ಹಾಜೆ ಬಿಳಾಮಾನೊ ಗಲತ್‌ ಮಾರಗ್‌ಪರ್ ಚಾ಼ಲಾವಾಳೂಬಿ, ಕೋರಹನಿತರ ವಿರೋದ್‌ ಆಡ್‌ಫೇಡ್ ಬೋಲಿನ್ ನಾಶಹುವವಾಳು ಹುಯಿರ‍್ಹುಸ್”.