1 ತಿಮೊ 6:16 - ದೇವ್ನಿ ಖ್ಹಾಚಿ ವಚನ್

¹⁶ ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

1 ತಿಮೊ 6:16 Iomraidhean Croise

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 14:9

ಯೇಸುನೆ ಜ಼ವಾಬ್ ದೇತೊ ಹುಯಿನ್, “ಫಿಲಿಪ್ಪ, ಮೇ ಅತ್ರಾದನ್‌ ತುಮಾರ ಜೋ಼ಡೆ ರ‍್ಹಯೊತೋಬಿ, ತುನೆ ಮನ ಮಾಲುಮ್‌ ಕರಿಲಿದೊಕೊಯ್ನಿಕಿ ಶು? ಕೋಣ್ ಮನ ದೇಖ್ಯುಕಿ, ಇವ್ಣೆ ಬಾನಾಬಿ ದೇಖಿರಾಖ್ಯುಸ್‌. ಅಮ್ ರ‍್ಹವಾಪರ್, ತೂ, “ಹಮೂನ ಬಾನ ವತಾಳ್” ಕರಿ ಪುಛಾ಼ವಸ್ತೆ ಶನ?

ಯೋಹಾನ 6:46

ಅನಿ ಮತ್‌ಲಬ್, ಕೋಣ್ ತೋಬಿ ಬಾನ ದೇಖಿರಾಖ್ಯುಸ್‌ ಕರಿ ಕಾಹೆ, ದೇವ್‌ಕಂಥೊ ಆಯೋತೆ ಎಕ್ಕಸ್ ಜ಼ಣಾನೆ ಬಾನ ದೇಖಿರಾಖ್ಯೊಸ್.

ಯೋಹಾನ 8:58

ಯೇಸುನೆ, “ಮೇ ಖ್ಹಾಚ ಬೋಲುಸ್ಕಿ, ಅಬ್ರಹಾಮ್‌ ಪೈದಾ ಹುವಾನ ಅಗಾಡಿಸ್, ಮೇ ಥೊ!” ಕರಿ ಬೋಲ್ಯೊ.

ಎಫೆಸ 3:21

ಸಬೆಮಾಬಿ ಕ್ರಿಸ್ತ ಯೇಸುಮಾಬಿ ಜ಼ಗ್‌ಜ಼ಮಾನಮಾಬಿ ಪಿಢಿನ್‌ ಪಿಢಿಮಾಬಿ ಮಹಿಮೆ ಹುವಾದೆ.ಆಮೆನ್.

ಫಿಲಿಪ್ಪಿ 4:20

ಅಪ್ಣ ಬಾ ಹುಯಿರ‍್ಹೋತೆ ದೇವ್ನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಆಮೆನ್.

ಕೊಲೊಸ್ಸೆ 1:15

ಕ್ರಿಸ್ತ ದೇಖಾವಕೊಂತೆ ದೇವ್‌ನೊ ರೂಪ್, ಖ್ಹಾರೀಸ್‍ ಉಬ್‍ಜಾ಼ವ್ಣಿಮ ಫೈಲೋಟೋ ಛಿಯ್ಯೋಬಿ ಹುಯಿರ‍್ಹೋಸ್.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

ಇಬ್ರಿ 13:8

ಕ್ರಿಸ್ತ ಯೇಸು ಗಯೋತೆ ದನ್ನೆ ಕಿಮ್‌ಥೋಕಿ ಹಮ್ಕೆಬಿ, ಕದೆಕದೇಬಿ, ಎಕ್ಕಸ್‌ಥರ ರ‍್ಹವಾಳೊ.

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

1 ಯೋಹಾನ 1:5

ಹಮೆ ದೇವ್ನ ಛಿಯ್ಯಾಥಿ ಖ್ಹಮ್‌ಜಿನ್‌ ತುಮುನ ಖ್ಹಮ್‍ಜಾ಼ಡಾನಿ ವಾತೆ ಶಾತ್‌ಕತೊ ದೇವ್ ಉಜಾ಼ಳು ಹುಯಿರ‍್ಹೋಸ್, ಇನಾಮ ಥೋಡುಬಿ ಅಂಧಾರುಕೊಯ್ನಿ.

1 ಯೋಹಾನ 1:7

ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.

1 ಯೋಹಾನ 4:12

ದೇವ್ನ ಕೋಣ್‌ಬಿ ಕದೇಬಿ ದೇಖ್ಯುಕೊಯ್ನಿ. ಅಪ್ಣೆ ಏಕ್‌ಥಿಏಕ್ ಪ್ಯಾರ್‌ಕರ‍್ಯತೊ ದೇವ್ ಅಪ್ಣಾಮ ರ‍್ಹೇಸ್, ಅಜು಼ ಇನಿ ಪ್ಯಾರ್ ಅಪ್ಣಾಮ ಭರ್‌ಪೂರ್‌ಥಿ ರ‍್ಹೇಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:25

ಅಪ್ಣುನ ರಕ್ಷಣೆ ಕರಾವಾಳೊಬಿ ಎಕ್ಕಸ್ ದೇವ್ನ, ಅಖ್ಖಾ ವಖ್ಹತ್‌ಮಥೂತೆ ತಿಮ್ಮಸ್ ಹಮ್ಕೇಬಿ ಕದೇಬಿ ಅಪ್ಣೊ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತಥಿ ಇನ ಮಹಿಮೆ, ತಾಖತ್ ಅಜು಼ ಅದಿಕಾರ್‌ಖ್ಹಾರು ರ‍್ಹವಾದೆ. ಆಮೆನ್.

ಪ್ರಕಾಶಿತ್ 1:6

ಅಪ್ಣೆ ದೇವ್ನ ರಾಜ್ಯವಾಳಹುಯಿನ್‌ ಇನೊ ಬಾ ಹುಯಿರ‍್ಹೋತೆ, ದೇವ್ನಖ್ಹಾಜೆ ಯಾಜಕರ್‌ ಬಣಾಯೊತೆಯಿನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಶಕತ್ ರ‍್ಹವಾದೆ ಆಮೆನ್.

ಪ್ರಕಾಶಿತ್ 1:8

“ಮೇಸ್ ಪಹಿಲೋಬಿ, ಖ್ಹರ್ತಿಬಿ” ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ ಖ್ಹಾಮ್ಣೆ ಆವವಾಳೊ, ಮಹಾನ್ ಶಕತ್‌ವಾಳೊ ಕರಿ ದೇವ್ ಹುಯಿರ‍್ಹೋತೆ ಪ್ರಭು ಬೋಲಾಸ್.

ಪ್ರಕಾಶಿತ್ 21:3

ಆ ನಾಹುಯಿನ್ ಸಿಂಹಾಸನ್‌ಥು ಏಕ್‌ ಮೋಟು ಅವಾಜ಼್ ಮೆ ಖ್ಹಮ್‌ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್‌ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್‌ಮರ‍್ಹಿಷೆ. ಇವ್ಣೆ ಇನವಾಳ ಹುಯಿರ‍್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ‍್ಹಿಷೆ.

ಪ್ರಕಾಶಿತ್ 22:5

ಅಜು಼ ರಾತ್ ಬೋಲಾನುಸ್ ಕೊರ‍್ಹಿಶೇನಿ. ಇವ್ಣುನ ದೀವೊನು ಉಜಾ಼ಳುಬಿ ಚಾ಼ಂದ್‌ನು ಉಜಾ಼ಳುಬಿ ಹೋಣುಕೊಯ್ನಿ. ಪ್ರಭುಹುಯಿರ‍್ಹೋತೆ ದೇವಸ್ ಇವ್ಣುನ ಉಜಾ಼ಳು ಹುಯಿರ‍್ಹಿಶೆ.ಇವ್ಣೆ ಜ಼ಗ್‌ಜ಼ಮಾನಮಾಬಿ ಜಿವಿರ‍್ಹಿಶೆ.

ಪ್ರಕಾಶಿತ್ 4:11

ಹಮಾರೊ ಪ್ರಭು ಹುಯಿರ‍್ಹೋತೆ ದೇವ್, ತೂ ಮಹಿಮೆನಾಬಿ ಮಾನ್ ಮರ‍್ಯಾದಿನಾಬಿ ಶಕತ್ನ ಲೀಲಾವನ ಯೋಗ್ಯಹುಯಿರೋಸ್, ಶನಕತೊ ಹರೇಕ್ನ ಉಬ್‌ಜಾ಼ಯೋತೆ ತೂಸ್, ಅಖ್ಖೂಬಿ ತಾರೀಸ್ ಖ್ಹೂಜ಼್‌ಥಿಥು.ಅಜು಼ ತಾರೀಸ್ ಖ್ಹಯಾಲ್‌ಥಿ ಬಣಾವಟ್ ಹುಯು ಕರಿ ಬೋಲ್ತುಹುಯಿನ್ ಆರಾದನೆ ಕರುಕರ್ತುಥು.

ಪ್ರಕಾಶಿತ್ 7:12

ಆಮೆನ್, ಧನ್ಯವಾದ್, ಮಹಿಮೆಬಿ, ಅಕ್ಕಲ್‌ಬಿ, ಗೌರವ್, ಮರ್ಯಾದಿ, ಶಕತ್ ಅಜು಼ ತಾಖತ್‌ಬಿ ಅಪ್ಣ ದೇವ್ನ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ, ಆಮೆನ್‌ಕರಿ ಬೋಲ್ಯು.