1 ತಿಮೊ 6:12 - ದೇವ್ನಿ ಖ್ಹಾಚಿ ವಚನ್

¹² ವಿಶ್ವಾಸ್‌ನಿ ಹರ್‌ಜಿತ್‌ಮ ತುನ ಹುವಾಯೆತ್ರೆ ಅಛ್ಛಿನಿತರ ಮಿಲೈನ್‌, ತಾರಖ್ಹಾಜೆ ಹಮೇಶಾನಿ ಜಿ಼ಂದ್‌ಗೀನ ಜೂತಿಲೆ. ತುನ ಅನಖ್ಹಾಜೆಸ್ ದೇವ್ನೆ ಬುಲಾಯೋತೆ, ಅಜು಼ ಕೈಯೆಕ್ಕಿ ಸಾಕ್ಷಿನ ಖ್ಹಾಮೆ ತುನೆ ಶಪತ್ ಲೀರಾಖ್ಯೋಸ್.

1 ತಿಮೊ 6:12 Iomraidhean Croise

2 ಕೊರಿಂಥ 6:7

ಖ್ಹಾಚಿ ವಚನ್, ದೇವ್‍ಥಿ ನಿಕ್ಳಾತೆ ಶಕತ್ ಆ ಅಖ್ಖಾನ ಲೀಲಿನ್‌, ಖಾವಿಡಾವಿ ಬಾಜು಼ಮ ನೀತಿಕರಿ ಕಫ್ಫನ್ನ ಲೀರಾಖ್ಯಸ್.

2 ಕೊರಿಂಥ 9:13

ಕ್ರಿಸ್ತನಿ ಸುವಾರ್ತೆನಿ ಸ್ವಿಕಾರ್‌ಥಿ, ತುಮೆ ಕೆತ್ರೆ ನಿಯ್ಯತ್‍ನ ಸೇವೆ ಕರಾವಾಳ ಹುಯಿರ‍್ಹಾಸ್, ಅಜು಼ ತುಮುನಾಬಿ ಬಿಜಾ಼ನಾಬಿ ಕೆತ್ರೆ ದಿಲ್‌ ಛೋ಼ಡಿದ್ಯಾವಾಳ ಹುಯಿರ‍್ಹಾಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಕೈಏಕ್‍ಜ಼ಣು ದೇವ್ನ ಖ್ಹರಾವ್‌ಶೆ.

ಫಿಲಿಪ್ಪಿ 1:30

ಅಮ್ ತುಮೆ ಮಾರಮ ದೇಖ್ಯಾತೆ ಯೋಸ್ ಲಡ್ವಾನು ತುಮುನಾಬಿ ಛಾ಼.

ಕೊಲೊಸ್ಸೆ 3:15

ಕ್ರಿಸ್ತನಿ ಸಮಾಧಾನ್ ತುಮಾರ ದಿಲ್ಮ ಚ಼ಲಾವನ ಮ್ಹೇಲೊ. ಇನಖ್ಹಾಜೇಸ್ ತುಮೇಬಿ ಎಕ್ಕಸ್ ಶರೀರ್ ಹುಯಿರ‍್ಹಾವನಿತರ ಬುಲೈರ‍್ಹಿಶು ಆ ನಾಹುಯಿನ್ ಧನ್ಯವಾದ್ ಕರಾವಾಳ ಹುಯಿ‍ರ‍್ಹೆವೊ.

1 ಥೆಸ 2:12

ಇನಿ ರಾಜ್ಯ ಅಜು಼ ಮಹಿಮೆಮ ವಾಟೊಲ್ಯವಾನಖ್ಹಾಜೆ ಬುಲೈರಾಖ್ಯೊಸ್ತೆ ದೇವ್ನಖ್ಹಾಮ್ಣೆ ಬರೋಬರ್‌ಥಿ ಜಿವ್ಣು ಕರ‍್ನುಕರಿ ಬೋಲಿದಿದಾ. ಆ ಅಖ್ಖು ತುಮುನ ಮಾಲುಮ್.

2 ಥೆಸ 2:14

ತುಮೆ ಅಮ್ ರಕ್ಷಣೆಮ ಐನ್, ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಮಹಿಮೆಮ ಪೇಖ್ಹ್‌ಣುಕರಿ, ಹಮೆ ಬೋಲ್ಯಾತೆ ಸುವಾರ್ತೆಥಿ ದೇವ್ನೆ ತುಮೂನ ಬುಲಾಯೊ.

1 ತಿಮೊ 1:18

ತಿಮೊಥೆ, ಮಾರ ಛಿಯ್ಯಾ, ಮೇ ತುನ ಹುಕುಮ್‌ ದೆವ್‍ಕರೂಸ್ ವಚನ್ನಿಘೋಣಿ ಪಹಿಲೇಥುಸ್ ತಾರಿ ಬಾರೇಮ ಪ್ರವಾದನೆ ಹುಯಿರುಸ್. ಯೋ ಅವಾಜ಼್‌ನ ತಾರಿ ಕಫ್ಫನ್ ಬಣೈಲೆ, ಅನೇಥಿ ತೂ ಮೋಟಿ ಜಂಗ್ ಭೀಡಾನಿತರ ಹುವಾದೆ.

1 ತಿಮೊ 1:19

ತಾರಿ ವಿಶ್ವಾಸ್‌ನಾಬಿ ಅಛ್ಛಿ ದಿಲ್ನಿ ಸಾಕ್ಷಿನಾಬಿ ಘಟ್‍ಥಿ ಧರಿರಾಕ್. ಥೋಡುಜ಼ಣು ಇವ್ಣಿ ಮನ್ನಿ ಅಛ್ಛಿಸಾಕ್ಷಿನಿ ವಿಶ್ವಾಸ್ ನಾಶ್‌ಕರಿನಾಖ್ಯು.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

1 ತಿಮೊ 6:13

ದೇವ್ನ ಖ್ಹಾಮೆ ತಮಾಮ್‌ನ ಜಾನ್‌ಹುಯಿನ್ ರ‍್ಹವಾಳೊ ಹುಯಿರ‍್ಹೋಸ್ ಅಜು಼ ಕ್ರಿಸ್ತ ಯೇಸುನ ಖ್ಹಾಮ್ಣೆ, ಮೇ ತುನ ಹುಕುಮ್ ದೆವುಸ್. ಪೊಂತ್ಯ ಪಿಲಾತನ ಖ್ಹಾಮೆ ಭಾಲ್‌ಥಿ ಸಾಕ್ಷಿ ದಿದೋತೆ ಯೋ ಶಾತ್‌ಕತೊ,

1 ತಿಮೊ 6:19

ಅನೇಥಿ ಇವ್ಣೆ ಜಿವ್ಣು ಧರಿರಾಕ್‍ಶೆ ಯೋ ಖ್ಹಾಚ಼ನು ಜಿವ್ಣು ಹುಯಿರುಸ್. ಅಮ್ ಕರ‍್ಯೂತೊ, ಇವ್ಣೆ ಇವ್ಣಖ್ಹಾಜೆ ಏಕ್‌ ಟಜ್ರೀನ ಜ಼ಮ ಕರಾದಾಖ್ಹಲ್, ಯೋ ಇವ್ಣಿ ಖ್ಹಾಮ್ಣೇನಿ ಜಿ಼ಂದ್‌ಗೀನಖ್ಹಾಜೆ ಏಕ್‌ ಘಟ್ ಹದಿಪಾಯ ಹುಯಿರ‍್ಹಿಶೆ.

2 ತಿಮೊ 1:9

ಇನೆ ಅಪ್ಣಾಮ ಛಾ಼ತೆ ಅಛ಼್ಛಕಾಮ್‌ನ ದೇಖ್ಯೊತೆ ಇನಖ್ಹಾಜೆ ಕಾಹೆ. ಇನಿ ಖ್ಹೂಜ಼್‍ಥಿ ಅಜು಼ ವಾರ್‌ಖ್ಹೇಥಿ ಅಪ್ಣುನ ಬಚಾ಼ಡಿನ್ ಪರಿಶುದ್ ಹುವಾನ ಬುಲಾಯೊ, ಇನೆ ಜ಼ಗ್‌ಜ಼ಮಾನೇಥಿ ಯೊ ವಾರ್‌ಖ್ಹೊ ಯೇಸು ಕ್ರಿಸ್ತಥಿ ಅಪ್ಣುನ ಮಳ್ಯು.

2 ತಿಮೊ 2:2

ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

2 ತಿಮೊ 4:7

ಮೇ ಮಹಾನ್ ಹರ್‌ಜಿತ್‌ ಕರಿರಾಖ್ಯೊಸ್, ಮಾರಿ ದೌಡ್ನ ನಾಶೀನ್ ಖ್ಹರ್ತಿ ಕರಿರಾಖ್ಯೊಸ್, ಅಜು಼ ಮೇ ಕ್ರಿಸ್ತನಿ ವಿಶ್ವಾಸ್ ಬಚಾ಼ಡಿರಾಖ್ಯೊಸ್.

ಇಬ್ರಿ 13:23

ಅಪ್ಣೊ ಭೈಹುಯಿರ‍್ಹೊತೆ ತಿಮೊಥೆನಾಬಿ ಜೇಲ್‌ಮಾಥು ಛುಟ್ಕಾರ್ ಹುಯುಕರಿ ತುಮುನ ಮಾಲುಮ್ ರ‍್ಹವಾದೆ. ಯೋ ಒಗ್ಗಿಮ ಆಯೋತೊ ಮೇ ಇನಜೋ಼ಡೆ ಐನ್ ತುಮುನ ದೇಖಿಶ್‌.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

ಇಬ್ರಿ 6:18

ದೇವ್ನಿ ವಾಗ್ದಾನ್ ಅಜು಼ ಆಣ್. ಆ ಭೇಬಿ ಕೆದೆಕೆದೇಬಿ ರ‍್ಹವಾನಿ ಆಧಾರ್ ಖ್ಹಾರು. ಶನಕತೊ ಅನಿಬಾರೇಮ ದೇವ್ ಅಪ್ಣುನ ಠಗಾವವಾಳೋಸ್ ಕಾಹೆ. ಇನಖ್ಹಾಜೆ ಆಖ್ಹ್‌ರೊ ಲೀಲೆವ್ಣುಕರಿ ನಾಶಿ ಆಯಿನ್ ಅಪ್ಣ ಖ್ಹಾಮ್ಣೆ ಮ್ಹೆಲಿರಾಖ್ಯೋತೆ ಭರೋಖ್ಹಾನ ಧರಿರಾಖ್ಯತೆ ಅಪ್ಣುನ ಘಣು ಹುಮ್ಮಖ್ಹ್‌ ಮಳನಿತರಹುಯು.

1 ಪೇತ್ರ 3:9

ಖರಾಬ್‌ನ ಖರಾಬ್, ಚಾ಼ವ್‍ಣ್ಯನ ಚಾ಼ವ್‌ಣ್ಯ ನಾಕರ‍್ನುತೆ ಆಶೀರ್ವಾದ್‌ ಕರೊ ಅನಖ್ಹಾಜೆಸ್ ದೇವ್ನೆ ತುಮುನ ಬುಲೈರಾಖ್ಯೋಸ್ನಿ. ಅಮ್ ಕರಾವಾಳ ಹುಯಿರ‍್ಹಾತೊ ತುಮೆ ಆಶೀರ್ವಾದ್‌ನ ಹಕ್‌ಥಿ ಲೀಲಿಶು.

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.

1 ಯೋಹಾನ 2:25

ಯೋ ಅಪ್ಣುನ ವಾಗ್ದಾನ್ ಕರಿರಾಖ್ಯೊಸ್ತೆ ಶಾತ್‍ಕತೊ ಹಮೇಶಾನು ಜಾನ್‌.

ಯೂದನೆ ಲೀಖ್ಯೋತೆ ಚಿಟ್ಟಿ 1:3

ಮಾರ ಪ್ಯಾರ್‌ವಾಳ, ಅಪ್ಣೆ ಲೀರಾಖ್ಯಾತೆ ರಕ್ಷಣೇನಿ ಬಾರೇಮ ತುಮೂನ ಲಿಖಾನ ಪೂರ ಆಖ್ಹ್‌ಥಿ ಕೋಶಿಶ್ ಕರಾನಿ ವೇಳ್ಮ, ದೇವ್ನ ಅದ್ಮಿವೋನ ಹರ್‌ಹಮೇಶ ರ‍್ಹವಾನಿಘೋಣಿ ಎಕ್ಕಸ್‍ಹಲ್ಲ ದೆವೈರ‍್ಹೀತೆ ಭರೋಖ್ಹಾನ ಬಚಾ಼ಡಿಲ್ಯವಾನಖ್ಹಾಜೆ, ತುಮೆ ಕರ್ತರ‍್ಹೇಣುಕರಿ ಝೇತೈನ್ ಲೀಖಾನು ಅಛ್ಛು಼ಕರಿ ಮನ ಬೋಲಾಯು.

ಪ್ರಕಾಶಿತ್ 3:3

ಇನಖ್ಹಾಜೆ ತೂ ಲೀರಾಖ್ಯೊಸ್ತೆ ಬೋಧನೆನ ಯೋ ಖ್ಹಮ್‍ಜ್ಯೊತೆ ಪರಕ್ನ ಖ್ಹಯಾಲ್ಮ ಲೈನ್‌ ಇನ ಬಚಾ಼ಡಿಲೆ, ಮನ್ ಫರಾವೊ, ದೇವ್‌ಭಣಿ ಫರಿಜಾ಼, ತೂ ಹೊಷಾರ್ ನಾಹುಯೋತೊ, ಚೋ಼ರ್ ಆವಾನಿಘೋಣಿ ಆಯಿಶ್. ಮೇ ಖಿವಿ ವಖ್ಹತ್‌ಮ ತಾರಕನ ಐಶ್‌ಕರಿ ಬೋಲಾನು ತುನ ಮಾಲುಮ್‌ಪಡ್‌ಶೇಸ್ ಕೊಯ್ನಿ.