1 ತಿಮೊ 6:10 - ದೇವ್ನಿ ಖ್ಹಾಚಿ ವಚನ್

¹⁰ ಪೈಶಾನಿಪ್ಯಾರ್ ಖ್ಹಾರಿಸ್ ತರ‍್ಹಾನು ಖರಾಬ್‌ ಫನೈನು ಜ಼ಡ್‌ನ ಶುರುವಾತ್ ಹುಯಿರ‍್ಹೂಸ್. ಥೋಡುಜ಼ಣು ಅನ ಕಮಾವಾನಿ ಆಖ್ಹ್‌ಥಿ ಕ್ರಿಸ್ತಮಾನಿ ವಿಶ್ವಾಸ್‌ನ ಮ್ಹೇಲಿನ್, ಕೈಯೆಕ್ಕಿ ಖ್ಹತಾಪ್ಣಿಥಿ ಇವ್ಣ ದಿಲ್ನ ಭೋಕಿಲೇಸ್.

1 ತಿಮೊ 6:10 Iomraidhean Croise

ಮತ್ತಾಯ 13:22

ಏಕ್‌ ಜ಼ಣೊ ವಚನ್ನ ಖ್ಹಮ್‌ಜುತೋಬಿ, ಆ ಜಗತ್ನಿ ಪಶ್ತಾವ್ಣಿ ಅಜು಼ ಧನ್‌-ದೌಲತ್‌ಪರ್‌ನಿ ಪ್ಯಾರ್ ಯೋ ವಚನ್ನ ದಾಬಿನಾಖಸ್‌, ಇನಖ್ಹಾಜೆ ಯೋ ಫಲ್ ಕೋದೇಯ್ನಿ. ಆಸ್ ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡು ಹುಯಿರ‍್ಹುಸ್‍.

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಮತ್ತಾಯ 6:19

“ಜಗತ್‌ಪರ್ ತುಮಾರಖ್ಹಾಜೆ ಧನ್‌ದೌಲತ್‌ನ ನಕೊ ಜ಼ಮಕರಿಲೇವೊ, ಹಜ್ಜಾ಼ ಇನ ಕಿಲಪ್‍ಧರೀನ್‌, ಕೋರ‍್ಹಖೈನ್‌, ನಾಶ್ ಹುಯಿಜಾ಼ಸ್ ಅಜು಼ ಚೋ಼ರ್ ಖ್ಹಾರು ಘರ್‌ನ ಫೋಡಿನ್, ಇನ ಚೋ಼ರಿ ಕರಿಲಿಶೆ.

ಕೊಲೊಸ್ಸೆ 3:5

ಇನಖ್ಹಾಜೆ ತುಮಾರಮ ಛಾ಼ತೆ ಜಗತ್ನಿ ಆಖ್ಹ್‌ಅಖ್ಖು ಕತೊ; ವ್ಯಬಿಚಾರ್‌, ಮೈಲುಹುವಾನು, ಭೋಗ್ನಿ ಆಖ್ಹ್, ಅಜು಼ ಖರಾಬ್ ಆಖ್ಹ್, ಮೂರತ್ನ ಆರಾಧನೆನಿ ಘೋಣಿ ಹುಯಿರ‍್ಹುತೆ ನಿಕ್‌ಳ್ಯೊ ಜಾನ್‌, ಅಥ್ರಾನು ಅಖ್ಖು ಮಾರಿ ನಾಖೊ.

1 ತಿಮೊ 3:3

ಯೋ ಪೀನ್ ಲಡೈ ಕರಾವಾಳೊ ನಾ ಹುಯಿರ‍್ಹೇಣು, ನತರ್‌ಕಿ ಮಾರ್‌ತೋಡ್ ಕರಾವಾಳೊಸ್ಕಿ ನಾ ಹುಯಿರ‍್ಹೇಣು, ಕತೋಬಿ ಯೋ ಶೇದೇವ್‌ನಿಘೋಣಿ ಅಜು಼ ಸಮಾಧಾನ್‌ಥಿ ರ‍್ಹೇಣು; ಇನ ಪೈಶಾನಿ ಲಾಲಚ್‌ ನಾ ರ‍್ಹೇಣು.

1 ತಿಮೊ 6:21

ಥೋಡು ಅದ್ಮಿ ಯೋ ಝೂ಼ಟಿ ಗ್ಯಾನ್ನ ನಂಬಿನ್,ಇವ್ಣೆ ವಿಶ್ವಾಸ್‌ನ ಮ್ಹೆಂದಿದು. ದೇವ್ನಿ ವಾರ್‌ಖ್ಹೊ ತುಮಾರ ಖ್ಹಾರಸ್ನ ಜೋ಼ಡ್ಮ ರ‍್ಹವಾದೆ.

1 ತಿಮೊ 6:9

ಕತೋಬಿ ಶೌಕಾರ್ ಹೋಣುಕರಿ ಆಖ್ಹ್ ಕರಾವಾಳು ಇವ್ಣು ಇವ್ಣೇಸ್ ಶೋದನೆಮ ಪಡಾಸ್‌ ಅಜು಼ ಕೈಯೆಕ್ಕಿ ಖರಾಬ್ ಅಜು಼ ಖತರ್‌ನಾಕ್ ಆಖ್ಹ್‌ನ ಫಾಖ್ಹಾಮ ಖ್ಹಪ್‌ಡಿಜಾ಼ಸ್, ಅನೇಥಿ ಇವ್ಣೆ ಬಿಗ್‌ಡಿಜಾ಼ಸ್ ಅಜು಼ ಬರ್ಬಾತ್ ಹುಯಿಜಾ಼ಸ್.

2 ತಿಮೊ 3:2

ಅದ್ಮಿಖ್ಹಾರು ಖಲಿ ಇನಿಬಾರೇಮ ಯೊ ಸೋಚವಾಳು, ಪೈಶಾನಿಲಾಲಚ಼್‌ವಾಳು, ಬಡೈಮಾರಿಲೆವಾಳು, ಹಂಕಾರ್‌ಭರ್‍ಯು, ಮಶ್ಲ ಮಾರವಾಳು ಹುಯಿರ‍್ಹಿಶೆ. ಅಜು಼ ಆಯ-ಬಾನ ಚಾ಼ವ್‌ಣ್ಯ ಕಾಡವಾಳೊ ಅಪವಿತ್ರ ಹುಯಿರ‍್ಹೋಸ್. ದೇವ್‌ನೊ ಡರ್‌ಕೊಂತೆ,

2 ತಿಮೊ 4:10

ದೇಮಾನೆ ಆ ಜಗತ್ನ ಪ್ಯಾರ್ ಕರ‍್ಯೊ. ಅಜು಼ ಮನ ಮ್ಹೆಂದಿನ್ ಥೆಸಲೋನಿಕನ ಚ಼ಲೆಗಯೊ. ಕ್ರೆಸ್ಕ ಗಲಾತ್ಯನ ಅಜು಼ ತೀತನೆ ದಲ್ಮಾತ್ಯನ ಚ಼ಲೇಗಯ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:11

ಇವ್ಣ ಫಾಯಿದಾನಖ್ಹಾಜೆ ಬೋಲ್ನುನಾತೆ ವಚನ್ನ ಬೋಲಿದೀನ್‌, ಹಿಡಿ ಕುಟುಂಬ್‌ನಾಸ್ ನಾಶ್ ಕರುಕರಸ್. ಅನಖ್ಹಾಜೆಸ್ ಇವ್ಣು ಮ್ಹೋಡು ಮೂಚಿರ‍್ಹೇಣು.

ಯಾಕೋಬ 5:19

ಮಾರ ಭೈಯೇಭೇನೆವೊ, ತುಮಾರಮ ಕೋಣ್‌ತೋಬಿ ಖ್ಹಾಚ ಮಾರಗ್‌ನ ಮ್ಹೆಂದಿನ್ ಗಲ್ತಿಥಿ ಚಾ಼ಲುಕರ್ತು ಉಷೇತೊ ಬಿಜೇಕ್ ಜ಼ಣು ಇನ ಅಛ್ಛಮಾರಗ್‍ಪರ್ ಲಾಯುತೊ;

ಯೂದನೆ ಲೀಖ್ಯೋತೆ ಚಿಟ್ಟಿ 1:11

“ಇವ್ಣಿ ಹಾಲ್ನ ಮೇ ಶಾತ್‌ಬೋಲು! ಶನಕತೊ ಅವ್ಣೆ ಕಾಯಿನನು ಮಾರಗ್‍ಧರೀನ್ ಚಾ಼ಲಾವಾಳೂಬಿ, ಧನ್‌ ದೌಲತ್ನ ಕಮಾವನಖ್ಹಾಜೆ ಬಿಳಾಮಾನೊ ಗಲತ್‌ ಮಾರಗ್‌ಪರ್ ಚಾ಼ಲಾವಾಳೂಬಿ, ಕೋರಹನಿತರ ವಿರೋದ್‌ ಆಡ್‌ಫೇಡ್ ಬೋಲಿನ್ ನಾಶಹುವವಾಳು ಹುಯಿರ‍್ಹುಸ್”.

ಪ್ರಕಾಶಿತ್ 18:13

ಅಜು಼ ಲೋಂಗ್‌ಪಟು, ಮಖ್ಹಾಲೊ, ಖ್ಹಾಲರ‍್ಯೊ, ರಕ್ತಬೋಳ, ವಾನುತೇಲ್, ದ್ರಾಕ್ಷಿನೊ ರಖ್ಹ್‌, ತೇಲ್, ಕವ್‌ಳೊ ಆಟೊ, ಘವ್‌, ಢಾಂಡು, ಮೇಂಢು, ಘೋಡೊ, ರಥ್, ಗುಲಾಮ್, ಅದ್ಮಿ ಜಾನ್‌ ಅಖ್ಖು, ಆ ಖ್ಹಾರು ಅಪ್ಣ ಜಿನಖ್ಹ್‌ನಲ್ಯಾವಳು ಕೊಯ್ನಿಕರಿ ಬೋಲ್ತುಹುಯಿನ್ ದುಖ್ ಕರ್ಶೆ.