1 ತಿಮೊ 5:8 - ದೇವ್ನಿ ಖ್ಹಾಚಿ ವಚನ್

⁸ ಕೋಣ್‌ತೋಬಿ ಇವ್ಣ ಮಾಯ-ಮಾತ್ರಾನ, ಇವ್ಣ ಘರ್‌ವಾಳಾವ್ನ ಖ್ಹದರ್ ನಾ ಕರ‍್ಯೂತೊ, ಯೋ ಕ್ರಿಸ್ತಮಾನಿ ಇನು ವಿಶ್ವಾಸ್‌ನ ದಿದೊಹುಯೊ ಅಜು಼ ಯೊ ವಿಶ್ವಾಸ್‌ಕೊಂತೆ ಇವ್ಣೆಥಿಬಿ ಕಡ್‌ತೆಲ್ ಹುಯಿರ‍್ಹೋಸ್.

1 ತಿಮೊ 5:8 Iomraidhean Croise

ಮತ್ತಾಯ 18:17

ಯೋ ಇವ್ಣಿ ವಾತೇನಾಬಿ ನಾ ಖ್ಹಮ್‌ಜ್ಯೊತೊ, ಸಭೆನ ಬೋಲ್, ಯೋ ಸಬೇನಿ ವಾತೇನಾಬಿ ನಾ ಖ್ಹಮ್‌ಜ್ಯೋತೊ ಯೋ ದೇವ್‌ಮ ವಿಶ್ವಾಸ್‍ಕರಾಕೊಂತೆ ನತರ್‌ಕಿ ಶುಂಕ ಮಾಂಗವಾಳ ಅದ್ಮಿನಿಘೋಣಿ ಇನ ದೇಕ್.

ಮತ್ತಾಯ 7:11

ಇಮ್‍ಕತೊ ಖರಾಬ್ ಹುಯಿರ‍್ಹಾತೆ ತುಮೇಸ್ ತುಮಾರ ಲಡ್ಕಾವ್‍ನ ಅಛ್ಛು಼ ರಾಛ಼ವ್‌ನ ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗವಾಳನ ಕೆತ್ರೇಕ್ಕಿ ಅಛ್ಛು಼ ರಾಛ಼ವ್‍ನ ದಿಶೆಕೊಯ್ನಿಕಿ ಶು?

ಯೋಹಾನ 15:22

ಮೇ ಐನ್ ಆ ಜಗತ್ನಿ ಅದ್ಮಿವೊನಿ ಜೋ಼ಡೆ ವಾತೆ ನಾ ಬೋಲ್ಯೊಹೊತ್ತೊ, ಇವ್ಣುನ ಪಾಪಿ ದೋಷಿಕರಿ ಬೋಲಾಯುಹೊತ್‌ ಕೊಯ್ನಿ. ಕತೋಬಿ ಹಮ್ಕೆ ಮೇ ಐನ್ ವಾತೆ ಬೋಲಿರಾಖ್ಯೊಸ್ ಇನಖ್ಹಾಜೆ ಇವ್ಣ ಪಾಪ್ನ ಖಿವು ಭಾಣುಬಿ ಕೊಯ್ನಿ.

1 ಕೊರಿಂಥ 6:6

ಕತೋಬಿ ಇನ ಬದಲ್‍ಥಿ ಏಕ್‌ ವಿಶ್ವಾಸಿ ಬಿಜೇಕ್ ವಿಶ್ವಾಸಿನ ವಿರೋದ್ ನ್ಯಾವ್‌ನಿ ಕಛೇರಿನ ಜಾ಼ವನು ಕಾಹೆತೆ ಇನ ಬಿಣ್‌ವಿಶ್ವಾಸಿನ ಖ್ಹಾಮ್ಣೆ ಲೀನ್ ಜಾ಼ವಾನು ಬರೋಬರ್‌ಕಿಶುಲಾ!

2 ಕೊರಿಂಥ 12:14

ಹಮ್ಕೆ ತುಮುನ ತೀನ್ನೆ ಹಲ್ಲಾ ಮಳಾನ ತಯಾರ್ ಹುಯಿರ‍್ಹೋಸ್ ಕತೋಬಿ ಮೇ ತುಮುನ ಭೋಜ಼್‌ ಕೊಹುಯಿರಿಷ್ನಿ. ತುಮಾರಿ ಶೊತ್‍ಮ ಖಿವೂಬಿ ಮನ ಹೋಣುಕೊಯ್ನಿ. ಮನ ಹೋಣುತೆ ತುಮೇಸ್. ಲಡ್ಕಾ ಆಯ ಬಾನ ಖ್ಹಾಜೆ ಪೈಶ ಜ಼ಮಾಕರೀನ್ ದೆವ್ಣು ಕೊಯ್ನಿ. ಆಯ ಬಾ ಲಡ್ಕನಖ್ಹಾಜೆ ಪೈಶ ಜ಼ಮಕರಿ ಮ್ಹೇಲಸ್.

2 ಕೊರಿಂಥ 6:15

ಕ್ರಿಸ್ತಬಿ, ಶೈತಾನ್‍ಬಿ ಲಾಡ್‍ಥಿರ‍್ಹಾವಾನ ಉಶೇಕಿ ಶು? ವಿಶ್ವಾಸಿಮಾಬಿ ಅವಿಶ್ವಾಸಿಮಾಬಿ ಭಾಗ್‌ ಶನುಛಾ಼?

ಗಲಾತ್ಯ 6:10

ಇನಖ್ಹಾಜೆ ವಖ್ಹತ್ ರ‍್ಹವಾನಿಸ್ ವಖ್ಹ್‌ತೆ ಅಖ್ಖಾನ ಅಛ಼್ಛು ಕರಿಯೆ. ವಿಶೇಷ್‌ಥಿ ಎಕ್ಕಸ್ ಘರ್‌ವಾಳನಿತರ ವಿಶ್ವಾಸಿ ಭೈಯೇನ ಕರಿಯೆ.

2 ತಿಮೊ 2:12

ಅಪ್ಣೆ ಕೆದೆಕೆದೇಬಿ ಖ್ಹಮಾಳಿಲಿದಾತೊ, ಇನ ಜೋ಼ಡೆಸ್ ಅದಿಕಾರ್‌ಬಿ ಚ಼ಲಾವ್‌ಶು, ಅಪ್ಣೆ ಇನ ಭಣಿವಾಳ ಕಾಹೆ ಕರಿ ಬೋಲ್ಯಾತೊ, ಯೋಬಿ ಅಪ್ಣೆ ಇನಾಭಣಿವಾಳ ಕಾಹೆ ಕರಿ ಬೋಲ್‌ಶೆ.

2 ತಿಮೊ 3:5

ಯೊ ಅದ್ಮಿಖ್ಹಾರು ಅಪ್ಣ ಪದತ್ತಿ ಕಾಮ್ನಾಸ್ ಧರಿರಾಖಾಸ್ ಕತೋಬಿ ಇನ ಮಹಿನು ಖ್ಹಾಚಿನಿ ಶಕತ್ನ ಮ್ಹೇಲಿದೇಸ್ ಅಥ್ರಾನವಾಳೇಥಿ ದೂರ್ ರ‍್ಹೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:16

ಇವ್ಣೆ ದೇವ್ನಿ ಬಾರೇಮ ಪರ್ಖಿರಾಖ್ಯಸ್ ಕರಿ ಬೋಲಿಲೆಸ್. ಕತೋಬಿ ಇವ್ಣೆ ಹುಕುಮ್ನ ನಾಮಾನವಾಳು ಹುಯಿನ್ ಗಂಧು ಕಾಮ್ ಕರಾವಾಳು, ದೇವ್ನ ಅಜು಼ ಖಿವು ಅಛ಼್ಛುಕಾಮ್ ಕರಾನಬಿ ಲ್ಹಾಯಕ್ ಕೊಯ್ನಿ.

2 ಪೇತ್ರ 2:1

ಕತೋಬಿ ಇಸ್ರಾಯೇಲ್ ಅದ್ಮಿಯೇವ್‍ನ ಜೋ಼ಡ್ಮ ಝೂ಼ಟು ಪ್ರವಾದಿಜಿನು ಥೂ. ಇಮ್ನಿಸ್ ಪರಕ್ಮ ತುಮಾರಮಾಬಿ ಝೂ಼ಟು ಬೋಧಕರ್ ಖ್ಹಾರು ರ‍್ಹಿಶೆ. ಇವ್ಣೆ ಖತರ್‌ನಾಕ್ ಖರಾಬ್ ಬೋಧನೆಖ್ಹಾರು ಗಪ್ಲಥ್ಥಿ ಮಹಿಲೀನ್‍ ಆವವಾಳುಬಿ ಅಜು಼ ಇವ್ಣುನ ಮೋಲ್ ಲಿದೋತೆ ಯಜಮಾನ್ನ ಜಿನು ಝಿಟ್ಕಾರವಾಳು ಹುಯಿರಿನ್ ಒಗ್ಗಿಸ್‌ಮ ಇವ್ಣಪರ್ ನಾಶನನ ಬುಲೈಲೆಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.

ಪ್ರಕಾಶಿತ್ 2:13

ತೂ ಜಿವ್ಣುಕರುಕರಾತೆ ಝ಼ಗೊ ಮಾಲುಮ್ ಕರಿರಾಖ್ಯೊಸ್, ಯೋ ಶೈತಾನ್ನು ಸಿಂಹಾಸನ್ನು ಝ಼ಗೊ ಹುಯಿರ‍್ಹುಸ್. ತೂ ಮಾರ ನಾಮ್ನ ಘಟ್‍ಥಿ ಧರಿರಾಖ್ಯೊಸ್. ಶೈತಾನ್ನು ಘರ್ ಹುಯಿರ‍್ಹೂತೆ ತಾರ ಖ್ಹಯೇರ್‌ಮ ಮನ ವಿಶ್ವಾಸ್‌ವಾಳೊ ಸಾಕ್ಷಿ ಹುಯಿರೊಥೋತೆ ಅಂತಿಪ ಮರೈಜಾ಼ವನಿ ವಖ್ಹ್‌ತೆಬಿ ಮಾರಾಮ ಮಿಛಾ಼ಣ್ಯೊಥೊತೆ ವಿಶ್ವಾಸ್ ಧಖೆಲ್ಯೊಕೊಯ್ನಿ.

ಪ್ರಕಾಶಿತ್ 3:8

ತಾರು ಕಾಮ್‌ಖ್ಹಾರು ಮನ ಮಾಲುಮ್ ತುನ ಛಾ಼ತೆ ಶಕತ್ ಥೋಡು ರ‍್ಹಯುತೋಬಿ ತುನೆ ಮಾರ ನಾಮ್ನ ಧಕೇಲ್ಯೊಕೊಂತೆ ಮಾರಿ ವಚನ್ನ ಬಚಾ಼ಡ್ಯೊತೆ ಇನಖ್ಹಾಜೆ ಹಂದೇಕ್ ತಾರಖ್ಹಾಮ್ಣೆ ಏಕ್‌ ಬಾಕಲ್ನ ಉಖ್ಡಿರಾಖ್ಯೊಸ್. ಕೋಣ್‌ಬಿ ಇನ ಮೂಚ್‍ಷೆ ಕೊಯ್ನಿ.