1 ತಿಮೊ 5:22 - ದೇವ್ನಿ ಖ್ಹಾಚಿ ವಚನ್

²² ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

1 ತಿಮೊ 5:22 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:3

ಇನಖ್ಹಾಜೆ ಸಬೆವಾಳು ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರಿನ್ ಬಾರ್ನಬ ಸೌಲನ ಉಪ್ಪರ್ ಹಾತ್‍ಮ್ಹೇಲಿನ್‍ ಇವ್ಣುನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:6

ಕತೋಬಿ ಯೆಹೂದ್ಯರ್ ಪೌಲನಿ ಬೋಧನೆನ ಝಿಟ್ಕಾರಿನ್ ಅಜು಼ ಚಿಂಘಾವ್ಣಿ ಕರ‍್ಯು. ಇನಖ್ಹಾಜೆ ಪೌಲನೆ ಇನ ಲುಂಗ್ಡಾನ ಧೂಳ್ನ ಝ಼ಟ್‍ಕಿನ್ ಇವ್ಣುನ, ತುಮಾರಿ ನಾಶ್‌ನ ತುಮೇಸ್ ಜಿಮ್ಮೆದಾರಿ, ಮೇ ಶುದ್ದ ಹುಯಿರ‍್ಹೊಸ್. ಮೆ ಹಮ್ಕೇಥೊ ಅಲಕ್‌ ಅದ್ಮಿವೋಕನ ಜ಼ವುಸ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:26

ಇನಖ್ಹಾಜೆ ಹಮ್ಕೆ ಮೆ ತುಮೂನ ಖ್ಹಾಚ಼ಮಾಬಿ ಬೋಲಾನಿ ಏಕ್‌ ವಾತೆ ಶಾತ್‍ಕತೊ; ತುಮಾರಮ ಕೋಣ್‌ತೋಬಿ ನಾಶ್‌ಹುಯುತೊ ಇನ ಮೇ ಜಿಮ್ಮೆದಾರಿ ಕಾಹೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 6:6

ಅಪೊಸ್ತಲರ‍್ನೆ ಇವ್ಣಾಪರ್ ಹಾತ್‍ ಮ್ಹೇಲಿನ್ ಪ್ರಾರ್ಥನೆ ಕರೀನ್ ಯೊ ಕಾಮ್ನಖ್ಹಾಜೆ ಇವ್ಣುನ ಖ್ಹಣೇದ್‌ ಕರ‍್ಯು.

ಎಫೆಸ 5:11

ಕಾಯ್‌ಕೊಂತೆ ಅಂಧಾರನ ಕಾಮ್ಮ ವಾಟೊವಾಳ ನಾ ಹುಯಿರ‍್ಹೇಣುತೆ ಅನಬದಲ್ ಉಜಾ಼ಳಮ ದೆಖಾವನಿ ಘೋಣಿ ಕರೊ.

1 ತಿಮೊ 3:10

ಪಹಿಲೆ ಇವ್ಣುನ ತರೀಪ್‌ಶ ಕರಿಲೇವ್ಣು, ಕೋಣ್‌ಬಿ ಇವ್ಣಾಪರ್ ಗಲತ್‌ ನಾಲಗಾಡ್ಯೂತೊ, ಇವ್ಣೆ ಸಬೇಮ ಸೇವಕ್ ಹುಯಿನ್ ಕಾಮ್ ಕರೆಜಾ಼ಯ್.

1 ತಿಮೊ 3:2

ಸಬೆನ ಚ಼ಲಾವವಾಳೊ ಗಲ್ತಿ ನಾಕರಾವಾಳೊ ಹುಯಿರ‍್ಹೇಣು. ಇನು ಯೋ ದಾಬುಕ್ಮ ರ‍್ಹವಾಳೊ ಹುಯಿರ‍್ಹೇಣು, ಆತ್ಮಾನ ಖ್ಹಮಾಳಿಲ್ಯವಾಳೊ, ಅಛ್ಛಿ ಚಾ಼ಲ್ ಚ಼ಲಣ್‍ಥಿ ರ‍್ಹವಾಳೊ, ಆವವಾಳಾನ ಸ್ವಾಗತ್‌ಕರವಾಳೊ, ಅಜು಼ ವಚನ್ ಶಿಕಾಡಾಮ ಚಾ಼ತುರ್ ಹುಯಿರ‍್ಹೇಣು.

1 ತಿಮೊ 3:6

ಯೋ ನವೇಥಿ ದೇವ್ನ ನಂಬ್ಯೂತೆ ಅದ್ಮಿ ನಾ ಹುಯಿರ‍್ಹೇಣು, ನವೇಥಿ ನಂಬವಾಳಾನ ಸಬೆ ಚ಼ಲಾವಾನು ಕಾಮ್ ದಿದಾತೊ, ಇನಾಮ ಹಂಕಾರ್ ಐನ್, ಶೈತಾನ್ನ ಹುಯೂತೆ ಇಮ್ನಿ ದಂಡನೆ ಇನಾಬಿ ಹುಯಿಜಾ಼ಶೆ.

1 ತಿಮೊ 4:12

ತೂ ಜಾ಼ನ್ಜ಼ಮಾನ್ ಹುಯಿರೋಸ್ ಇನಖ್ಹಾಜೆ ತುನ ಕೀಳ್‍ಥಿ ನಕೊ ದೇಖಾದೆ. ಕತೋಬಿ ವಿಶ್ವಾಸಿಖ್ಹಾರನ ವಾತೆಚೀತೇಮ, ಚಾ಼ಲ್ ಚ಼ಲಣ್‌ಮ, ಪ್ಯಾರ್ ಅಜು಼ ವಿಶ್ವಾಸ್‌ನ ಪರಿಶುದ್ ಜೀವನ್‍ಥಿ ಮತಲಬ್ ಹುಯಿರ‍್ಹೆ.

1 ತಿಮೊ 4:14

ತುನ ಮಳಿರ‍್ಹೀತೆ ಕೃಪೆನ ಝಿಟ್ಕಾರ್‌ ನಕೊ, ಯೋ ವರ ಸಬೇನು ಘಲ್ಡುಖ್ಹಾರು ಪ್ರವಾದನೇನಿ ಜೋಡ್ಮ ತಾರಪರ್ ಹಾತ್ ಮ್ಹೇಲಾಥಿ ಯೋ ತುನ ಮಳಿರ‍್ಹೂಸ್‌.

2 ತಿಮೊ 1:6

ಅನಖ್ಹಾಜೆಸ್ ದೇವ್ನೆ ತುನ ದಿದೋತೆ ಯೋ ವರದಾನ್ ದೀವಾನಿತರ ಖ್ಹಲಗ್‌ತು ರ‍್ಹವಾದೆ ಅಜು಼ ಮೇ ತಾರಪರ್ ಹಾತ್ ಮ್ಹೇಲ್ಯೊಥೋತೆ ತದೆ ಯೋ ತುನ ಮಳ್ಯು.

2 ತಿಮೊ 2:2

ಕೈಯೆಕ್ಕಿ ಸಾಕ್ಷಿನ ಖ್ಹಾಮ್ಣೆ ತೂ ಮಾರೇಥಿ ಖ್ಹಮ್‌ಜ್ಯೋಥೊ ಯೊ ಖ್ಹಾಚಿ ಪಢಂತ್‌ನ ತೂ ಲೀಲೆ. ಇನಾಸ್ ಯೋಗ್ಯ ಹುಯಿರ‍್ಹಾವವಾಳನ ಪೋಚಾ಼ವ್. ಯೊ ಪಢಂತ್‌ನ ಬಿಜಾ಼ನ ಶಿಕಾಡನ ನಿಯತ್‌ವಾಳೊ ಹುಯಿರ‍್ಹಿಶೆ.

ಇಬ್ರಿ 6:2

ಬ್ಯಾಪ್ತಿಸ್ಮನಿ ಬಾರೇಮ ಬೋಲ್ನುಕತೊ, ಹಾತ್‍ಮ್ಹೇಲಾನುಬಿ, ಪಾಛು಼ಜಿವ್ತು ಹುವಾನುಬಿ ಅಜು಼ ಹರ್‌ಹಮೇಶಾನು ನ್ಯಾಯತೀರ್ಪ್‌ನ ಬಾರೇಮ ತುಮುನ ಖ್ಹಮ್‌ಜಾ಼ಡೈರ‍್ಹುಸ್.

2 ಯೋಹಾ 1:11

ಶನಕತೊ, ಇವ್ಣುನ ಅಛ್ಛು಼ ಹುವಾದೆ ಕರಿ ಬೋಲವಾಳೊ ಇವ್ಣ ಖರಾಬ್ ಕಾಮ್ಮ ಭಾಗ್‌ಲ್ಯಾವಾಳು ಹುಯಿರ‍್ಹಿಶೆ.

ಪ್ರಕಾಶಿತ್ 18:4

ಸೊರ್ಗಾಥು ಬೋಲಾನು ಅಜೇಕ್ ಅವಾಜ಼್‌ನ ಮೆ ಖ್ಹಮ್‌ಜ್ಯೊ, ಮಾರ ಅದ್ಮಿವೊ ಯೊ ನಂಗ್ರಿನ ಮ್ಹೇಲಿನ್ ಫಾದರ್ ಆವೊ, ಶನಕತೊ ಇನ ಪಾಪ್‌ಮ ವಾಟೊ ಕೊಉಷೂನಿ. ಇನ ಹುವಾನು ನಿಶತ್‌ ತುಮುನ ಕೊಉಷೇನಿ.