1 ತಿಮೊ 5:21 - ದೇವ್ನಿ ಖ್ಹಾಚಿ ವಚನ್

²¹ ತೂ ಬೋಲಿ ಖ್ಹಮ್‌ಜಾ಼ನ ಅಗಾಡಿಸ್ ಗಲತ್‌ ನಾಲಗಾಡ್ನುತೇಬಿ, ಏಕ್‌ಬಾಜು಼ಸ್ ಶಾತ್ಬಿ ನಾಕರ‍್ನುತೇಬಿ, ಮೇ ಬೋಲ್ಯೊತೆ ತಿಮ್ ಚಾ಼ಲ್ನುಕರಿ ದೇವ್ನ ಖ್ಹಾಮ್ಣೆಬಿ ಅಜು಼ ಕ್ರಿಸ್ತಯೇಸು ಖ್ಹಾಮ್ಣೆಬಿ, ಚೂ಼ಣೈರ‍್ಹುತೆ ಪರಿಶುದ್ ದೂತರ್‌ನ ಖ್ಹಾಮ್ಣೆಬಿ ಮೇ ತುನ ಖ್ಹಾಚಾಥಿ ಬೋಲುಕರುಸ್. ಖಿವೂಬಿ ಅಜು಼ ಖ್ಹಾಚಿ ಪರ್ಖಾನ ಅಗಾಡಿ ಕಿನಭಣಿಥೂಬಿ ನಾ ರ‍್ಹೇವ್ಣುತೆ ಆ ಖ್ಹಾರು ಕಾಮ್ ಕರ‍್ನು.

1 ತಿಮೊ 5:21 Iomraidhean Croise

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಮತ್ತಾಯ 28:20

ಅಜು಼ ಮೇ ತುಮೂನ ಹುಕುಮ್‌ ದೀರಾಖ್ಯೋತೆ ಖ್ಹಾರಸ್ನ ಇವ್ಣೆ ಪಾಡಿ ಚಾ಼ಲಾನಿಘೋಣಿ ಇವ್ಣುನ ಬೋಲಿವತಾಳೊ. ಅಜು಼ ಯಾದ್ಮ ರ‍್ಹವಾದೇಕಿ ಜಗತ್‌ನು ಖ್ಹರ್ತಿ ಹುವಾಲಗೂಬಿ, ಹಮೇಶ ಮೇ ತುಮಾರ ಜೋ಼ಡೆಸ್ ರ‍್ಹೀಶ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:21

ಅವ್ಣೆ ಯೇಸುನ, “ಗುರು, ತೂ ಬರೊಬರ್‌ಥೀಸ್‌ ವಾತೆ ಬೋಲಾಸ್ ಅಜು಼ ವಚನ್‍ ಬೋಲಿದೇಸ್, ಕರಿ ಹಮೂನ ಮಾಲುಮ್‌. ತು ಕಿನಾಬಿ ಮ್ಹೋಡು,ದೇಖಿನ್‌, ವಾತೆ ಬೋಲಾಕೊಯ್ನಿ. ಕತೋಬಿ ದೇವ್ನಿ ರಾಜ್ಯನಿ ಬಾರೇಮಾನಿ ಖ್ಹಾಚಿನ್‌ ಅದ್ಮಿನ ಬೋಲಿ ವತಾಳಸ್‍ ಕರೀಬಿ ಹಮೂನ ಮಾಲುಮ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 9:26

ಕೋಣ್‌ತೋಬಿ ಮನಾಬಿ ಅಜು಼ ಮಾರಿ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಇನ ಅದ್ಮಿನೊ ಛಿಯ್ಯೊ ಯೋಬಿ ಇನ ಬಾನಿ ಪರಿಶುದ್ದ ದೂತರ್‌ನಾಬಿ ಛಾ಼ತೆ ಮಹಿಮೆನಿ ಜೋ಼ಡೆ ಆವಾನಿ ವಖ್ಹತ್‌ಮ ಇನಿ ಬಾರೇಮ ಖ್ಹರ್‌ಮಾವ್‌ಶೆ.

2 ಕೊರಿಂಥ 5:16

ಅಮ್‍ರ‍್ಹವಾಪರ್ ಲೋಕ್ ಅದ್ಮಿನಿ ಬಾರೇಮ ಸೋಚಾನಿತರ ಹಮ್ಕೆಥು ಹಮೆ ಕಿನಿ ಬಾರೇಮಾಬಿ ಸೋಚಿಯೆಕೊಯ್ನಿ. ಲೋಕ್ ಸೋಚಾನಿತರ ಅಗ್‍ಲ್ಯ ಹಗಾಮ್ಮ ಹಮೆ ಕ್ರಿಸ್ತನಿ ಬಾರೇಮ ಸೋಚಿಲಿದಾಥ. ಕತೋಬಿ ಹಮ್ಕೆಥು ಕಿನಾಬಿ ಯೋ ಪರಕ್ಮ ಸೋಚಿಯೆಕೊಯ್ನಿ.

1 ಥೆಸ 5:27

ಆ ಚಿಟ್ಟಿನ ಭೈಯೆಖ್ಹಾರನ ಪಢೀನ್‌ ಬೋಲ್ನುಕರಿ ಪ್ರಭುಮ ಬಿಂತಿಕರಿನ್ ತುಮೂನ ಬೋಲುಕರುಸ್.

1 ತಿಮೊ 6:13

ದೇವ್ನ ಖ್ಹಾಮೆ ತಮಾಮ್‌ನ ಜಾನ್‌ಹುಯಿನ್ ರ‍್ಹವಾಳೊ ಹುಯಿರ‍್ಹೋಸ್ ಅಜು಼ ಕ್ರಿಸ್ತ ಯೇಸುನ ಖ್ಹಾಮ್ಣೆ, ಮೇ ತುನ ಹುಕುಮ್ ದೆವುಸ್. ಪೊಂತ್ಯ ಪಿಲಾತನ ಖ್ಹಾಮೆ ಭಾಲ್‌ಥಿ ಸಾಕ್ಷಿ ದಿದೋತೆ ಯೋ ಶಾತ್‌ಕತೊ,

2 ತಿಮೊ 2:14

ಸಬೇನು ಅದ್ಮಿನ ಆ ಬಾರೇಮ ಯಾದ್ಮ ರಾಕ್ಣು. ಅಬ್ಬಾಜ಼ಬ್ಬಿನಿ ಬಾರೇಮ ಲಗಾತ್‌ ನಾಕರ‍್ನು ಕರಿ ದೇವ್ನ ಖ್ಹಾಮ್ಣೆ ಇವ್ಣುನ ಝೇತಾವ್. ಲಗಾತ್‌ ಕರಾಥಿ ಶನೂಸ್ ಫಾಯಿದೊ ಕೋ ಹುವಾನಿ, ಕತೋಬಿ ಖ್ಹಮ್‌ಜಾ಼ವಾಳು ಅದ್ಮಿ ಬಿಗ್‌ಡಿಜಾ಼ಸ್.

2 ತಿಮೊ 4:1

ದೇವ್ನ ಖ್ಹಾಮ್ಣೆ ಸಾಕ್ಷಿ ಹುಯಿರಿನ್ ಅಜು಼ ಕ್ರಿಸ್ತಯೇಸುನ ಸಾಕ್ಷಿಕರೀನ್ ಯೋ ಜಿವ್ತುರ‍್ಹವಾಳನ ಅಜು಼ ಮರ‍್ಯಹುಯಾನ ನ್ಯಾವ್‌ನ ತೀರ್ಪ್ ಕರಾವಾಳೊ. ಶನಕತೊ ಯೊ ದೆಖಾವ್‌ಶೆ ಅಜು಼ ಇನಿ ರಾಜ್ಯ ಖನ್ನೆ ಛಾ಼. ಮೆ ತುನ ಕೋಲ್‌ನಾಮ್ ಕರೀನ್ ಹುಕುಮ್ ದೆವುಸ್.

ಯಾಕೋಬ 3:17

ಕತೋಬಿ ದೇವ್‍ಥಿ ಆವಾನಿ ಗ್ಯಾನ್ ಪಹಿಲೆ ಪರಿಶುದ್ ಹುಯಿರ‍್ಹವಾಳು ಇನಪಾರ್ ಸಮಾಧಾನ್‍ವಾಳು, ಶೇದೇವ್‌ ಹುಯಿರ‍್ಹವಾಳು, ವಿಧೇಯ ರ‍್ಹವಾಳುಬಿ, ಗೋರ್‌ಥೀಬಿ ಅಜು಼ ಅಛ್ಛಿ಼ಫಲ್‍ಥೀಬಿ ಭರೈರ‍್ಹವಾಳು, ಶುದ್ಧಮನ್‌ಥಿ ಬೋಲವಾಳು, ಖ್ಹಾಚು಼ ಬೋಲವಾಳುಕರಿ ಖುಷಿಥಿ ಮಾನಿಲ್ಯಾವನು ಹುಯಿರ‍್ಹುಸ್.

2 ಪೇತ್ರ 2:4

ಕಿಮ್‌ಕತೊ ದೇವ್‌ನು ದೂತಖ್ಹಾರು ಪಾಪ್ ಕರ್ತಾನ ದೇವ್ನೆ ಇವ್ಣುನ ಖ್ಹೊಪೊ ಮ್ಹೇಲ್ಯೊಕೊಂತೆ, ನರಕ್ಮ ಧಕೆಲೀನ್ ನ್ಯಾವ್ನತೀರ್ಪ್‌ನ ಲಿಲ್ಯಾವನಖ್ಹಾಜೆ ಖ್ಹಂಕಳ್‍ಥಿ ಭಂದೈನ್‌ ಅಂಧಾರಿನ ಪಾಳ್ಯಮ ದಿನಾಖಿದಿದೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:6

ಇವ್ಣಿ ಅಧಿಕಾರ‍್ನಿ ಝ಼ಗೋನ ಮ್ಹೇಲಿದಿನ್, ಇನ ಶೊಂತ್ ಝ಼ಗೋನ ಮ್ಹೆಂದಿದಾತೆ ದೇವ್‌ದೂತರ್‌ನ ದೇವ್ನೆ ಕದೇಬಿ ರ‍್ಹವಾನಿ ಖ್ಹಂಕಳ್‌ನ ಜ಼ಡ್‍ಕಿನ್ ಮಹಾದನ್ಮ ಉಷೇತೆ ತೀರ್ಪ್‌ನಖ್ಹಾಜೆ ಇವ್ಣುನ ಅಂಧಾರಿನ ಪಾಳ್ಯಮ ಟಿವಾಡಿರಾಖ್ಯೊಸ್.

ಪ್ರಕಾಶಿತ್ 14:10

ಯೋಬಿ ಜಿನುಕು ದೇವ್‌ನೊ ಇರಾದೊಕರಿ ಬೋಲಾನ ಕಟೋರಮ ಶಾತ್ಬಿ ಮಳಾಯುಕೊಂತೆ ನಾಖಿಹುಯು ದೇವ್ನು ಇರಾದೊಕರಿ ದ್ರಾಕ್ಷಿನ ರಖ್ಹ್‌ನ ಪೀಶೆ. ಪರಿಶುದ್ ದೇವ್ನ ದೂತರ‍್ನ ಖ್ಹಾಮ್ಣೇಬಿ, ಬಲೀನ ಮೇಂಢಾನ ಚೆಲ್ಕಾನ ಖ್ಹಾಮ್ಣೆ ಅಗ್‌ಥೀಬಿ, ರಂಜ಼ಕ್‌ಥಿ, ಖ್ಹತಾಪ್ಣಿ ಪಡ್‌ಶೆ.