1 ತಿಮೊ 3:2 - ದೇವ್ನಿ ಖ್ಹಾಚಿ ವಚನ್

² ಸಬೆನ ಚ಼ಲಾವವಾಳೊ ಗಲ್ತಿ ನಾಕರಾವಾಳೊ ಹುಯಿರ‍್ಹೇಣು. ಇನು ಯೋ ದಾಬುಕ್ಮ ರ‍್ಹವಾಳೊ ಹುಯಿರ‍್ಹೇಣು, ಆತ್ಮಾನ ಖ್ಹಮಾಳಿಲ್ಯವಾಳೊ, ಅಛ್ಛಿ ಚಾ಼ಲ್ ಚ಼ಲಣ್‍ಥಿ ರ‍್ಹವಾಳೊ, ಆವವಾಳಾನ ಸ್ವಾಗತ್‌ಕರವಾಳೊ, ಅಜು಼ ವಚನ್ ಶಿಕಾಡಾಮ ಚಾ಼ತುರ್ ಹುಯಿರ‍್ಹೇಣು.

1 ತಿಮೊ 3:2 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:6

ಇವ್ಣೆ ಭೇ ಜ಼ಣ ದೇವ್ನ ಡೋಳಾಮ ಅಛ಼್ಛ ಹುಯಿರ‍್ಹಾಥ ಅಜು಼ ಪ್ರಭುನಿ ಖ್ಹಾರಿಸ್ ಖಾನುಲ್‌ ಅಜು಼ ಹುಕುಮ್‌ನ ಪಾಡಿ ಚಾ಼ಲಿನ್, ಜ಼ರಾಬಿ ಗಲ್ತಿಕೊಂತೆ ಇಮ್‌ ಥಾ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:36

ಆಸ್‌ಕಾಹೆತೆ ಅಸೇರನೊ ಖೂಮ್‌ವಾಳೊ ಫನುವೇಲನಿ ಛೋ಼ರಿ ಅನ್ನಕರಿ ಏಕ್‌ ಜ಼ಣಿ ಪ್ರವಾದ್‌ನೆ ಕರಾವಾಳಿ ಥೀ. ಯೋ ವ್ಯಹಾ ಹುಯಿನ್ ಖ್ಹಾತ್ ವರಖ್ಹ್ ಬಾವ್ರಿನ ಜೋ಼ಡೆ ಬಚಿನ್ ಅಜು಼ ಯೋ ಘಣಿ ಬುಢಿಯಾ ಹುಯಿರ‍್ಹೀಥಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:13

ಜ಼ರೂರತ್ ರ‍್ಹವಾಳ ದೇವ್ನ ಅದ್ಮಿನಿ ಜೋ಼ಡ್ಮ ತುಮಾರಕನ ಛಾ಼ತೆ ಇನಾಮ ಮದತ್ ಕರೊ, ಮ್ಹೇಮಾನ್ನ ಘರ್‌ಮ ಬುಲೈನ್ ಉಪಚಾರ್ ಕರೊ,

ಫಿಲಿಪ್ಪಿ 2:15

ಅಮ್ ತುಮೆ ದೋಷ್‌ನಾರ‍್ಹವಾಳಬಿ ಅಜು಼ ದೇವ್ನ ಧೋಬೆಡಾದಿಲ್ನ ಲಡ್ಕಹುಯಿನ್ ಮೋಂಡ್‍ಖ್ಹಯಾಲ್‍ನ ಅಜು಼ ಪಾಪ್‌ಮ ರ‍್ಹವಾಳ ಜಗತ್ನ ಅದ್ಮಿವೊನ ಬೀಚ್ಮ ಮೈಲುಕೊಂತೆ ದೇವ್ನ ಲಡ್ಕ ಹುಯಿರ‍್ಹಿಶು.

1 ತಿಮೊ 3:12

ಸಬೇಮ ಸೇವೆ ಕರಾವಾಳೊ ಏಕ್‌ ಬಾವಣ್‌ವಾಳೊ ಹುಯಿರ‍್ಹೇಣು, ಇನ ಲಡ್ಕಾನ ಅಜು಼ ಘರ್‌ವಾಳಾನ ಬರೊಬರ್‌ಥಿ ಚ಼ಲಾವವಾಳೊ ಹುಯಿರ‍್ಹೇಣು.

1 ತಿಮೊ 3:8

ಇಮ್ಮಸ್ ಸಬೇಮ ಸೇವಕ್‌ರಾವಾಳೂಬಿ ಮರ್ಯಾದಿ ಲೀಲ್ಯಾವನ ಯೋಗ್ಯ ಹುಯಿರ‍್ಹೇಣು. ಅಜು಼ ಇವ್ಣೆ ಬೇಜೀಬ್‌ವಾಳು. ಇವ್ಣೆ ಪಿಯಾವಾಳುಸ್ಕಿ ಅಜು಼ ಪೈಶಾನಿ ಲಾಲಚ್‌ಮ ನಾ ರ‍್ಹೇಣು.

1 ತಿಮೊ 4:3

ಇವ್ಣೆ ವ್ಯಹಾ ಕರಾನು ಗಲತ್‌ ಕರೀಬಿ, ಖ್ಹಣೇದ್ ಕರ‍್ಯುಹುಯು ರಾಛ಼ನ ನಾ ಖಾವ್ಣುಕರಿ ಇವ್ಣೆ ಶಿಕಾಡಸ್. ಕತೋಬಿ ವಿಶ್ವಾಸ್‌ಮ ರ‍್ಹೀನ್, ಖ್ಹಾಚಿನ ಪರ್ಖಿರಾಖ್ಯೂತೆ ಇವ್ಣೆ ಧನ್ಯವಾದ್ ಕರೀನ್, ಯೋ ಖಾಣನ ಖಾವದೆ, ಶನಕತೊ ದೇವ್ನೆ ಖಾವಾನಟೇಕೆಸ್‌ ಯೋ ಖ್ಹಾರು ಬಣೈರಾಖ್ಯೋಸ್ತೆ.

1 ತಿಮೊ 5:10

ಅಜು಼ ಇನು ಗುಣ್ ಅಛ್ಛು಼ ಕಾಮ್ ಕರಾಮಸ್ ರ‍್ಹೇಣು. ಅಜು಼ ಇನ ಲಡ್ಕಾವ್ನ ಅಛ್ಛಿನಿತರ ಪಾಳಿರಾಕ್ಣು, ಘರ್‌ಕನ ಆವವಾಳಾನ ಸ್ವಾಗತ್ ಕರಾವಾಳಿ ಹುಯಿರ‍್ಹೇಣು. ಬಿಜು಼ ರ‍್ಹೇಸ್ತೆ ವಿಶ್ವಾಸಿನಿ ಜೋ಼ಡ್ಮ ಧೋಬೆಡಿನಿತ್ರ ಚಾ಼ಲಿಲೇವ್ಣು. ಖ್ಹತಾಪ್ಣಿಮ ರ‍್ಹೇಸ್ತೆ ಅದ್ಮಿವ್‌ನ ಮದತ್ ಕರಾವಾಳಿ ಹುಯಿರ‍್ಹೇಣು. ಅಜು಼ ಅಛ್ಛು಼ಕಾಮ್ನ ಸಮರ್ಪಣ್‌ ಕರಿರಾಖವಾಳಿ ಹುಯಿರ‍್ಹೇಣು.

1 ತಿಮೊ 5:22

ಉತ್ವಾಳಿಥಿ ಕಿನ ಮಾಥಪರ್‌ಬಿ ಹಾತ್‌ ಮ್ಹೇಲಿನ್, ಪ್ರಭುನಿ ಸೇವೇನ ನೇಮಕ್ ನಕೊ ಕರೀಶ್. ಇಮ್‌ ನೇಮಕ್ ಕರ‍್ಯೊತೊ ಇವ್ಣ ಪಾಪ್‌ಮ ತೂಬಿ ಭಾಗ್‌ವಾಳೊ ಹುಯಿಜೈ಼ಶ್. ತಾರು ತೂ ಪಾಕ್‌ಥಿ ರ‍್ಹವಾನಿಘೋಣಿ ದೇಖಿಲೆ.

1 ತಿಮೊ 5:9

ತೀನಿಖ್ಹ್‌ ವರಖ್ಹ್‌ಥಿ ಕಮ್ ಉಂಬರ‍್ನಿ ಮುಂಡಚ್ಚಿಯೇನ, ಮುಂಡಚ್ಚಿಯೇನಿ ಪಟ್ಟಿಮ ನಕೊ ಮಳಾವ್. ಕತೋಬಿ ಯೋ ಖಲಿ ಏಕ್‌ ಬಾವ್ರಿನ ಬಾವಣ್‍ ಹುಯಿರ‍್ಹಾವಳಿ,

2 ತಿಮೊ 2:24

ಪ್ರಭುನೊ ಸೇವಕ್ ಲಗಾತ್‌ ನಾಸ್ ಕರ‍್ನು. ಯೋ ಹರೇಕ್‌ನ ಗೋರ್‌ ಕರಾವಾಳೊ ಹುಯಿರ‍್ಹೇಣು, ವಚನ್ ಬೋಲಿದ್ಯವಾಮ ಚಾ಼ತುರ್ ಹುಯಿರ‍್ಹೇಣು ಅಜು಼ ಖ್ಹಮಾಳಿಲ್ಯವಾಳೊ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:2

ಬುಢಾಖ್ಹಾರು ಪಿಯಾವಾಳು ನಾ ರ‍್ಹೇವ್ಣುತೇಬಿ, ಮರ್ಯಾದಿಥಿ ರ‍್ಹಹವಾಳೂಬಿ, ಇವ್ಣು ಇವ್ಣೆಸ್ ದಾಬುಕ್ಮ ರ‍್ಹವಾಳುಬಿ ಹುಯಿರ‍್ಹೇಣು, ಪ್ಯಾರ್, ಖ್ಹಮಾಳಿಲ್ಯವಾನು, ಅಜು಼ ವಿಶ್ವಾಸ್‌ಮ ರ‍್ಹವಾಳು ಹುಯಿರ‍್ಹೇಣು ಕರಿ ಶಿಕಾಡ್‌.

ಇಬ್ರಿ 13:2

ಮ್ಹೇಮಾನ್ನ ಉಪ್‌ಚಾರ್‌ ಕರಾಮ ಝಿಟ್ಕಾರೊ ನಕೊ. ಶನಕತೊ ಯೊ ಕರಾಮ ಥೋಡುಜ಼ಣು ಮಾಲುಮ್‌ಕೊಂತೆ ದೇವ್ನ ದೂತರ್‌ನಾಬಿ ಉಪ್‌ಚಾರ್‌ ಕರುಕರಸ್.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

1 ಪೇತ್ರ 4:7

ಖ್ಹಾರಸ್‌ನು ಖ್ಹರ್ತಿನು ಹಗಾಮ್ ಖನ್ನೆ ಹುಯಿರ‍್ಹುಸ್. ಅನಖ್ಹಾಜೇಥಿ ತುಮಾರು ತುಮೆ ದಾಬುಕ್ಮ ರ‍್ಹವಾಳ ಹುಯಿನ್ ಪ್ರಾರ್ಥನೆ ಕರಾನ ತಾಖತ್‍ವಾಳ ಹುಯಿ‍ರ‍್ಹೆವೊ.

1 ಪೇತ್ರ 4:9

ಏಕ್‌ಥಿ ಏಕ್‌ ಭಣಕ್ಣುನಾತೆ ಮ್ಹೇಮಾನ್ನ ಉಪಚಾರ್ ಕರೊ.

1 ಪೇತ್ರ 5:8

ಅಛ್ಛಿಖ್ಹೂಜ಼್‌ವಾಳನ ಹುಯಿ‍ರ‍್ಹೆವೊ ಅಜು಼ ಜ಼ತನ್‌ಥಿ ರ‍್ಹವೊ. ತುಮಾರೊ ವಿರೋದಿ ಹುಯಿರ‍್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.