14 ಮೇ ಭರೋಖ್ಹಾಥಿ ಆ ಚಿಟ್ಟಿ ಲೀಖುಕರುಸ್ ಒಗ್ಗಿಸ್ಮ ತಾರಕನ ಆವಾಳೊ ಛು಼.
ಕೋಣ್ತೋಬಿ ಭುಕ್ಯೊರ್ಹಿಯೋತೊ ಯೊ ಘರ್ಮಾಸ್ ಖಾವಾದೆ. ಅನೇಥಿ ತುಮೆ ದೇವ್ನಿ ತೀರ್ಪ್ಮ ಮಳಿನ್ ಆವ್ಣು ನಾ. ಬಿಜು಼ ಉಬ್ರಿಹುಯಿ ವಾತೆಖ್ಹಾರಿ ಮೇ ಐನ್ ಖ್ಹಮ್ಜಾ಼ಡಿಶ್.
ಶನಕತೊ ಆವಾನ ಹಮೂನ ಮನ್ ಥೂ, ಪೌಲ ಹುಯಿರ್ಹೋತೆ ಮೇಸ್ ಕೆತ್ರೇಕಿಹಲ್ಲ ಪಾಛು಼ ತುಮಾರಕನ ಆವ್ಣುಕರಿ ಕರ್ಯೊ, ಕತೋಬಿ ಶೈತಾನ್ನೆ ಆವಾನ ಮ್ಹೇಲ್ಯೊಕೊಯ್ನಿ.
ಸಬೇಮ ಅಛ್ಛಿನಿತರ ಸೇವೆ ಕರಾವಾಳು ಸೇವಕರ್ನ ಘಣು ಮರ್ಯಾದಿ ಮಳಾಸ್, ಅನೇಥಿ ಇವ್ಣೆ ಕ್ರಿಸ್ತ ಯೇಸುಪರ್ ರಾಖಿಮ್ಹೆಲಾನು ವಿಶ್ವಾಸ್ನ ಘಣು ಭಾಲಿಥಿ ಬೋಲವಾಳು ಹುಯಿರ್ಹೇಸ್.
ಕತೋಬಿ ಏಕ್ಬಾರ್ ಮನ ಆವಾನ ಧೇರ್ ಹುಯುತೋಬಿ, ಆ ಚಿಟ್ಟಿ ಮನ ಖ್ಹಮ್ಜಾ಼ಡಸ್ತೆ ತಿಮ್ ದೇವ್ನ ಘರ್ಮ ಯೊ ಜಿವ್ತೊ ದೇವ್ನಿ ಸಬೆಮ ಚಾ಼ಲಿಲೇವ್ಣುತೆ ಪರಕ್ ಕಿಮ್ರ್ಹೇಣು, ಯೋ ಸಬೆ ಖ್ಹಾಚಿನು ಹದಿಪಾಯ ಅಜು಼ ಆಧಾರ್ನು ಖಂಬು ಹುಯಿರ್ಹೂಸ್.
ಮೇ ಆವಾತೋಡಿ, ತೂ ಅಖ್ಖಾನ ಖ್ಹಾಮ್ಣೆ ವಚನ್ ಪಢಾಮ, ಬೋಲಿದ್ಯವಾಮ ಅಜು಼ ಶಿಕಾಡಾಮ ಹುಮ್ಮಖ್ಹ್ಥಿ ರ್ಹೇ.
ಆ ನಾಹುಯಿನ್, ತುಮಾರಿ ಪ್ರಾರ್ಥನೆನ ಖ್ಹಮ್ಜಿನ್ ಮೇ ತುಮಾರಕನ ಆವಾನ ದಯಕರ್ಶೆ ಕರಿ ಮನ ವಿಶ್ವಾಸ್ ಛಾ಼. ಇನಾಖ್ಹಾಜೆ ಮನ ಏಕ್ ರ್ಹವಾನ ಕೋಣಾನ ತಯಾರ್ಕರ್.
ಅಪ್ಣೊ ಭೈಹುಯಿರ್ಹೊತೆ ತಿಮೊಥೆನಾಬಿ ಜೇಲ್ಮಾಥು ಛುಟ್ಕಾರ್ ಹುಯುಕರಿ ತುಮುನ ಮಾಲುಮ್ ರ್ಹವಾದೆ. ಯೋ ಒಗ್ಗಿಮ ಆಯೋತೊ ಮೇ ಇನಜೋ಼ಡೆ ಐನ್ ತುಮುನ ದೇಖಿಶ್.
ಮೇ ತುಮುನ ಬೋಲಾನು ಘಣುಛೆ. ಮೇ ಇಂಕ್ಥಿ ಕಾಗತ್ಪರ್ ಲೀಖಿನ್ ಖ್ಹಮ್ಜಾ಼ಡನ ಇಷ್ಟಕೊಯ್ನಿ. ಕತೋಬಿ ಮೇಸ್ ತುಮಾರಕನ ಐನ್, ತುಮಾರಿಜೋ಼ಡೆ ಆಮಖ್ಹಾಮೆ ವಾತೆ ಬೋಲಾನ ಆಖ್ಹ್ ಕರುಸ್. ತದೆ ತುಮಾರಿ ಖ್ಹುಶಿ ಭರ್ಪೂರ್ ಉಷೆ.
ಮೆ ಜ಼ಲ್ದಿ ಆಯಿನ್ ತುನ ದೆಖಿಶ್ಕರಿ ಭರೋಖ್ಹೊ ಕರುಸ್. ತದೆ ಅಪ್ಣೆ ಆಮೆಖ್ಹಾಮೆಥಿ ವಾತೆ ಬೊಲಿಯೆ.