1 ತಿಮೊ 2:8 - ದೇವ್ನಿ ಖ್ಹಾಚಿ ವಚನ್

⁸ ಅನಖ್ಹಾಜೆ ಅಖ್ಖಿ ಝ಼ಗೋಮ ಪರ್ಖ್ಹೊ ಖ್ಹಾರು ಇರಾದೊಕೊಂತೆ, ಆಡ್‌ಫೇಡ್ ಬೋಲ್ನುನಾತೆ, ಹಾತ್ನ ಪಾಡಿನ್ ದೇವ್‍ಥಿ ಸಮರ್ಪಣ್‌ ಹುಯಿನ್ ಪ್ರಾರ್ಥನೆ ಕರ‍್ನುಕರಿಸ್ ಮಾರಿ ಆಖ್ಹ್ ಹುಯಿರ‍್ಹಿಸ್.

1 ತಿಮೊ 2:8 Iomraidhean Croise

ಮತ್ತಾಯ 21:21

ಯೇಸುನೆ, “ತುಮುನ ಖ್ಹಾಚ ಬೋಲುಸ್, ತುಮೆ ಗುಮಾನಿ ಕರಾಕೊಂತೆ ಇಮ್‌ ವಿಶ್ವಾಸ್ ಕರ‍್ಯಾತೊ, ಮೇ ಆ ಅಂಜೀರ್‌ನ ಝಾ಼ಡಾನ ಕರ‍್ಯೊತೆ, ಇಮ್ಮಸ್, ತುಮೇಬಿ ಕರ್ಶು. ಅಜು಼ ಎತ್ರೆಸ್ ಕಾಹೆತೆ,ಆ ಪಹಾಡ್‌ನ, ‘ತೂ ಉಖ್‌ಡೈ ಜೈ಼ನ್, ದರ‍್ಯಾವ್‌ಮ ಪಡ್’ ಕರಿ ಬೋಲ್ಯಾತೋಬಿ ಯೋ ಉಶೆ.

ಮತ್ತಾಯ 5:44

ಕತೋಬಿ ಮೇ ತುಮೂನ ಬೋಲಾನು ಶಾತ್‌ಕತೊ, ತುಮಾರ ದುಶ್‌ಮನ್ನ ಪ್ಯಾರ್ ಕರೊ; ತುಮೂನ ಖ್ಹತಾವವಾಳನಟೇಕೆ ದೇವ್ನ ಪ್ರಾರ್ಥನೆ ಕರೊ.

ಮತ್ತಾಯ 6:12

ಹಮಾರ ವಿರೋದ್ ಗಲತ್‌ ಕರಾವಾಳನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್, ಹಮಾರಿ ಗಲ್ತಿನ ತೂ ಮಾಪ್‌ಕರ್‌.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:34

ತದೆ ಯೇಸುನೆ, “ಬಾ, ಅವ್ಣುನ ಮಾಪ್‌ಕರ್‌! ಅವ್ಣೆ ಶಾತ್‌ ಕರುಕರಸ್ ಕರಿ ಅವ್ಣುನಾಸ್‌ ಮಾಲುಮ್‌ ಕೊಯ್ನಿ” ಕರಿ ಬೋಲ್ಯೊ. ಸಿಪಾಯಿಖ್ಹಾರು ಚೀಟಿ ನಾಖಿನ್, ಯೇಸುನ ಲುಂಗ್ಡಾವ್‍ನ ಇವ್ಣ-ಇವ್ಣಾಮಸ್ ವಾಟ ಪಾಡಿಲಿದು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:50

ಅನ ಬಾದ್‌ಮ ಯೇಸುನೆ ಇವ್ಣುನ ಬೇಥಾನ್ಯತೋಡಿ ಬುಲೈಲಿ ಜೈ಼ನ್, ಇನೊ ಹಾತ್ ಪಾಡಿನ್, ಇವ್ಣುನ ಆಶೀರ್ವಾದ್‌ ಕರ‍್ಯೊ.

ಯೋಹಾನ 4:21

ಯೇಸುನೆ ಯೊ ತಯೇಡಾನ ಅಮ್ಮ ಮಾರಿ ವಾತ್ನ ನಂಬ್, “ಏಕ್‌ ವಖ್ಹತ್ ಆವ್‌ಶೆ, ಯೋ ವಖ್ಹತ್‌ಮ ತುಮೆ ಬಾನ ಆರಾದನೆ ಕರಾನಖ್ಹಾಜೆ ಆ ಪಹಾಡ್‌ನಾಬಿ ರ‍್ಹವೊ, ಯೆರೂಸಲೇಮ್‌ನಾಬಿ ರ‍್ಹವೊ ಕೋ ಜಾ಼ಶುನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:2

ಯೊ, ಇನು ಕುಟುಂಬ್‍ವಾಳು ದೇವ್‌ಮ ಡರ್‌ ಭಕ್ತಿಥೀಬಿ ರ‍್ಹೀನ್ ಜಿವ್ಣು ಕರುಕರ್ತುಥು. ಅಜು಼ ಗರೀಬ್‌ನ ಜಾ಼ಖ್ಹತ್ ದಾನಧರಮ್‍ ಕರಾವಾಳೊ, ಕದೇಬಿ ದೇವ್ನ ಪ್ರಾರ್ಥನೆ ಕರಾವಾಳೊ ಹುಯಿರ‍್ಹೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:31

ಇನೆ ಬೋಲ್ಯೊ, ಕೊರ್ನೆಲ್ಯ, ದೇವ್ನೆ ತಾರಿ ಪ್ರಾರ್ಥನೆನ ಖ್ಹಮ್‍ಜಿರಾಖ್ಯೊಸ್. ತೂ ಗರೀಬ್‌ನ ದಾನ್‌ ಧರಮ್‌ ಕರಾನು ದೇಖಿನ್ ತುನ ಪಸಂದ್ ಕರಿರಾಖ್ಯೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:4

ಕೊರ್ನೆಲ್ಯ ಡರಿನ್ ದೇವ್ನದೂತನ ಠರ್‌ಕೈನ್ ದೇಕ್ತೊ ಹುಯಿನ್ “ಪ್ರಭು ಆ ಶಾತ್?” ಕರಿ ಬೋಲ್ಯೊ. ತದೆ ದೇವ್‌ನೊ ದೂತನೆ ಇನ, ತಾರಿ ಪ್ರಾರ್ಥನೆಬಿ, ತಾರಿ ದಾನ್ ಧರಮ್ ಅಖ್ಖು ದೇವ್ನಿ ಸನ್ನಿಧಿಮ ಖ್ಹಯಾಲ್‌ಥಿ ಪೊಚಿರ‍್ಹುಸ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:5

ಕತೋಬಿ ಹಮಾರಿ ಭೇಟಿ ಖ್ಹತಮ್ ಕರೀನ್, ಹಿಜ್ಜಾ಼ಥ ನಿಕ್ಳಾನಿ ವಖ್ಹತ್‌ಮ ಯೊ ವಿಶ್ವಾಸಿ ಖ್ಹಾರು ಖ್ಹಯೇರ‍್ನ ಭಾರ್‌ಲಗು ಐನ್ ಇವ್ಣ ಬಾವಣ್‍ ಲಡ್ಕಾವ್‌ನಿ ಜೋ಼ಡ್ಮ ಮ್ಹೇಲಾನ ಆಯು.ಅಜು಼ ಹಮೆಖ್ಹಾರು ದರ‍್ಯಾವ್‍ನಿ ಕನಾರೆ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:60

ಅಜು಼ ಯೊ ಢುಕ್‍ಣ್ಯ ಮಾಂಡೀನ್ ಪ್ರಭು, ಆ ಪಾಪ್ನ ಅವ್ಣಪರ್ ನಕೊ ಲಗಾಡಿಷ್!” ಕರಿ ಜೋ಼ರೇಖ್ಹು ಚಿಕ್ರಿನ್ ಮರಿಗೊ.

1 ಕೊರಿಂಥ 1:2

ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್.

1 ಕೊರಿಂಥ 7:7

ಮೇ ರ‍್ಹವಾನಿತರ ಅಖ್ಖೂಸ್ ಅದ್ಮಿಖ್ಹಾರು ರ‍್ಹೇವ್ಣುಕರಿ ಮಾರಿ ಆಖ್ಹ್. ಕತೋಬಿ ದೇವ್ನೆ ಹರೇಕ್‍ನಾಬಿ ವಿಶೇಷ್ ವರ ಮಳಿರ‍್ಹೀಸ್. ಏಕ್‍ಜ಼ಣಾನ ಏಕ್‍ಪರಕ್‍ನಿ ವರ ರ‍್ಹಯೂತೊ ಬಿಜೇಕ್‍ನ ಏಕ್‍ಪರಕ್ನು ವರ ಹುಯಿರ‍್ಹೂಸ್.

2 ಕೊರಿಂಥ 2:14

ಕತೋಬಿ ಮೇ ದೇವ್ನ ಧನ್ಯವಾದ್ ಕರುಸ್. ಯೋ ಹಮೂನ ಕ್ರಿಸ್ತನಿ ಗಳ್‌ಜೋ಼ಡ್ಮ ಕದೇಬಿ ಜೀತ್‍ನಿ ಜಯಭಣಿ ಚ಼ಲಾವ್ತೊ ಹುಯಿನ್ ಅಜು಼ ಇನಿ ಗ್ಯಾನ್ನಿ ಅಛ್ಛಿ ವಾಖ್ಹ್‌ನ ಅಖ್ಖಿಬಾಜು಼ ಹಮಾರೇಥಿ ಫೈಲಾವವಾಳ ದೇವ್ನ.

ಫಿಲಿಪ್ಪಿ 1:12

ಭೈಯೇ ಭೇನೆವೊ, ಮನ ಹುಯೂತೆ ಅಖ್ಖೂಬಿ ಸುವಾರ್ತೆನ ಭಡಾವನ ಮದತ್ ಹುಯಿಕರಿ ತುಮೆ ಮಾಲುಮ್ ಕರಿಲೇವ್ಣುಕರಿ ಮೆ ಹರ್‌ಖ್ಹುಸ್.

1 ಥೆಸ 1:8

ಪ್ರಭುನಿ ವಚನ್ ತುಮಾರೇಥೀಸ್ ಮೆಕೆದೋನ್ಯ ಅಜು಼ ಅಖಾಯಮಾಬಿ ಫೈಲಿಗಯು. ಅತ್ರೇಸ್ ಕಾಹೆತೆ ತುಮೆ ದೇವ್‌ಪರ್‌ ರಾಖಿಮ್ಹೇಲ್ಯಾತೆ ವಿಶ್ವಾಸ್‌ ಖ್ಹಾರಿಸ್ ಬಾಜೂ಼ಮಬಿ ಫೈಲಿಗಯು. ಅನೇಥಿ ತುಮಾರಿ ವಿಶ್ವಾಸ್‌ನಿ ಬಾರೇಮ ಬಿಜು಼ ಶಾತ್ಬಿ ಬೋಲಾನಿ ಜ಼ರೂರತ್ ಕೊಯ್ನಿ.

1 ತಿಮೊ 5:14

ಇನಖ್ಹಾಜೇಸ್ ಮೇ ಬೋಲುಸ್ಕಿ, ಜಾ಼ನ್ಜ಼ಮಾನ್ ಮುಂಡಚ್ಚಿಯೆ ವ್ಯಹಾ ಕರಿಲೀನ್, ಲಡ್ಕಾ ಜ಼ಣಾದೆ ಅಜು಼ ಇವ್ಣ ಘರ್‌ನ ದೇಕ್-ಭಾಲ್ ಕರಾದೆ, ಅನೇಥಿ ಅಪ್ಣ ದುಶ್‌ಮನ್ನ ಅಪ್ಣಪರ್ ಗಲತ್‌ ಬೋಲಾನ ವಾಟ್‌ ಕೋ ರ‍್ಹಿಶೇನಿ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:8

ಮೇ ಹರ್‌ಖ್ಹುಸ್ಕಿ ತು ಆ ವಾತೆನಪರ್ ಜಾ಼ಖ್ಹತ್ ಧ್ಯಾನ್ ರಾಕ್ಣು. ಅನೇಥಿ ದೇವ್‌ಮ ವಿಶ್ವಾಸ್ ಕರಾಸ್ಕಿ ಇವ್ಣೆ ಅಛ್ಛು಼ ಕಾಮ್ ಕರಾಮ ಯೊ ವಾತೆ ಹರೇಕ್‌ನ ಅಛ್ಛು಼ ಅಜು಼ ಫಾಯಿದಾನು ಹುಯಿರ‍್ಹೂಸ್.

ಇಬ್ರಿ 10:22

ಇನಖ್ಹಾಜೆ ಖರಾಬ್ ದಿಲ್ನಿಸಾಕ್ಷಿನ ಮ್ಹೆಲ್ಯಹುಯ ದಿಲ್‌ಥೀಬಿ ನೀರ್ಛೊ಼ಳ್‍ ಪಾಣಿಥಿ ಪಾಕ್‌ಹುಯ ಶರೀರ್‌ಥೀಬಿ ಖ್ಹಾಚಆತ್ಮಥಿ ಪೂರ ವಿಶ್ವಾಸ್‍ಥಿ ದೇವ್‌ಕನ ಅಯ್ಯೆ.

ಯಾಕೋಬ 4:8

ದೇವ್ನ ಖನ್ನೆಆವೊ, ತದೆ ಯೋ ತುಮಾರ ಖನ್ನೆ ಆವ್‌ಶೆ. ಪಾಪಿವೊ, ತುಮಾರ ಹಾತ್ನ ಧೊಯ್‍ಲೆವೊ ಬೇ ದಿಲ್‌ವಾಳವೊ ತುಮಾರ ದಿಲ್ನ ಪಾಕ್‌ಕರ‍್ಲೆವೊ

1 ಪೇತ್ರ 3:7

ಅಮ್ನಿಸ್ ಪರಕ್ಮ ಬಾವ್ರಿವೊ, ತಯೇಡ ತುಮಾರೇಥೀಬಿ ಕಮ್‌ಜೋ಼ರಿಕರಿ ಮಾಲುಮ್‌ಕರಿನ್, ತುಮೆ ತುಮಾರಿ ಬಾವ್ಣೆನ ಜೋ಼ಡ್ಮ ಅಛ್ಛು಼ ಅಕ್ಕಲ್‍ಥಿ ಚಾ಼ಲಿಲೇವೊ, ಇವ್ಣೆ ಹಮೇಶಾನಿ ಜಿ಼ಂದ್‌ಗೀನಿ ವರಾನ ತುಮಾರಿ ಜೋ಼ಡ್ಮಾಸ್ ಲಿಶೆಕರಿ ಮಾಲುಮ್‌ ಕರಿಲೀನ್ ಇವ್ಣುನ ಮರ್ಯಾದಿಕರೊ. ಅಮ್ ಕರ‍್ಯತೊ ತುಮಾರಿ ಪ್ರಾರ್ಥನೆನ ಅಡ್ಡಿ ಉಶೆಕೊಯ್ನಿ.