1 ತಿಮೊ 2:4 - ದೇವ್ನಿ ಖ್ಹಾಚಿ ವಚನ್

⁴ ಯೊ ತಮಾಮ್‌ ಅದ್ಮಿ ರಕ್ಷಣೆಲೀನ್ ಅಜು಼ ಖ್ಹಾಚಿನ ಪರಖ್‌ಣು ಕರಿ ಬೋಲಾನುಸ್ ಇನಿ ಆಖ್ಹ್.

1 ತಿಮೊ 2:4 Iomraidhean Croise

ಮತ್ತಾಯ 28:19

ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್‌ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್‌ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್‌ಪರ್‌ ಬ್ಯಾಪ್ತಿಸ್ಮ ದೆವೊ.

ಮಾರ್ಕ 16:15

ಅನ ಬಾದ್‌ಮ ಇವ್ಣುನ, “ತುಮೆ ಜಗತ್ನಿ ಖ್ಹಾರಿ ಬಾಜು಼ಮ ಜೈ಼ನ್‌ ತಮಾಮ್‌ ಅದ್ಮಿನ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:77

“ಪಾಪ್‌ಖ್ಹಾರು ಮಾಪ್‌ ಹುವಾಥೀಸ್ ರಕ್ಷಣೆ ಮಳಾನು ಕರಿ, ಇನ ಅದ್ಮಿನ ಬೋಲವಾಳೊ ಹುಯಿರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:23

ತದೆ ಇನ ಯಜಮಾನ್ನೆ ಯೋ ಆಳ್‌ನ ಬೋಲ್ಯೋಕಿ, ‘ತೂ ಜೈ಼ನ್, ಖ್ಹಾರು ಖೇತರ್‌ನು ವಾಟ್‌ಪರ್ ಅಜು಼ ವಾಡ್‌ಗಿಯೆಕನ ಛಾ಼ತೆ ಹರೇಕ್ನ ಜು಼ಲಮ್‌ಥಿ ಮಹಿ ಬುಲೈಲ್ಯಾವ್. ಮಾರು ಘರ್ ಭರಾವಾದೆ’ ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:47

ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ,

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 17:17

ತು ಅವ್ಣುನ ಖ್ಹಾಚಾ಼ಥಿ ಸಮರ್ಪಣ್‌ ಕರಿಲೆ ತಾರಿ ವಚನ್ ಖ್ಹಾಚು಼ ಹುಯಿರ‍್ಹೀಸ್‌.

ಯೋಹಾನ 6:37

ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:14

ಕಿಮ್‌ಕತೊ ಮೆ ಮಾರಶೊಂತ್ ಅದ್ಮಿಯೆವ್‌ಮ ಬಳಾಪನ ಜಾ಼ಖ್ಹತ್ ಕರೀನ್ ಇವ್ಣಮ ಥೋಡಜ಼ಣಾನ ತೋಬಿ ರಕ್ಷಣೆಮ ಲ್ಯಾವ್ಣು.

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

2 ತಿಮೊ 2:25

ಇನ ವಿರೋದ್ ಕರಾವಾಳಾನಾಬಿ ಅನ ಖ್ಹಯಾಲ್ಮ ರಾಖಿನ್ ಶಾಂಧಾರಿಥಿ ಬೋಲಿದಾವಳೊ ಹುಯಿರ‍್ಹೇಣು. ದೇವ್ ಇವ್ಣುನ ಜಿನುಕು ದಿಲ್‌ ಫರಾವನಿತರ ಶಕತ್ ದಿಶೆ.ಅನೇಥಿ ಖ್ಹಾಚಿ ಅಕ್ಕಲ್ ಇವ್ಣುನ ಮಳ್‌ಶೆ.

2 ತಿಮೊ 3:7

ಕತೋಬಿ, ಯೋ ತಯೇಡವ್‌ ಹಮೇಶ ಉಪದೇಶ್‌ ಖ್ಹಮ್‌ಜು಼ಕರಿನ್‌ಬಿ ಖ್ಹಾಚಿ ಶಾತ್‌ಕರಿ ಪರ್ಖಿ ರಾಖಿಯೆಕೊಂತೆ ಹುಯಿರ‍್ಹಿಯೇಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:1

ದೇವ್‌ನೊ ಸೇವಕ್‌ಬಿ ಅಜು಼ ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಲೀಖ್ಯೋತೆ. ದೇವ್ನೆ ಚೂ಼ಣ್ಯೋತೆ ಅದ್ಮಿ ಖ್ಹಾರಾನಿ ಖ್ಹಾಚಾಮ ಚ಼ಲಾವನಟೇಕೆ ವಿಶ್ವಾಸ್‌ನ ಭಡಾವಾನಖ್ಹಾಜೆ ಅಜು಼ ಯೊ ಇವ್ಣುನ ಭಕ್ತಿನಿ ಜಿವ್ಣಮ ಚ಼ಲಾವಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:11

ದೇವ್ನೆ ತಮಾಮ್‌ ಅದ್ಮಿನ ರಕ್ಷಣೆ ದ್ಯವಾನಿ ಇನಿ ವಾರ್‌ಖ್ಹಾನ ದೆಖಾಡಿರಾಖ್ಯೋಸ್.

ಇಬ್ರಿ 10:26

ಅಪ್ಣೆ ಖ್ಹಾಚ಼ನ ಅಕ್ಕಲ್‌ನಿ ಬಾದ್ಮಬಿ ಪಾಪ್ ಕರ‍್ತಸ್ ರ‍್ಹಯಾತೊ ಪಾಪ್ ಪರಿಹಾರ‍್ನಖ್ಹಾಜೆ ಬಿಜು಼ ಖಿವೂಬಿ ಬಲಿದ್ಯವಾನು ಕೋಉಷೇನಿ.

ಯಾಕೋಬ 3:14

ಕತೋಬಿ ತುಮಾರ ದಿಲ್ಮ ಬಳಾಪೊ, ಕಡ್‍ವೈ ಅಜು಼ ನಿಕ್‍ಳ್ಯೊಜಾನ್ ರಾಖಿನ್ ಅಕ್ಲಿಕರಿ ಖ್ಹಾಚ಼ನ ವಿರೋದ್‌ ಝೂ಼ಟಿ ಬೋಲಿನ್ ಕಂಡಿಛ಼ಡಾವೊ ನಕೊ.

2 ಪೇತ್ರ 3:9

ಪ್ರಭು ಇನಿ ವಾಗ್ದಾನ್ನ ಪೂರ ಕರಾನಖ್ಹಾಜೆ ದೇರ್‌ಕರ್‌ಶೆ ಕರಿ ಬೋಲಾನು ಥೋಡುಜ಼ಣು ಖ್ಹಮ್‍ಜಿರಾಖ್ಯುಸ್ನಿ. ಇಮ್ನಿ ಪರಕ್ಮ ಯೋ ದೇರ್‌ಕರವಾಳೊ ಕಾಹೆ. ಅನಬದಲ್ ತುಮಾರಿ ಜೋ಼ಡ್ಮ ಘಣೇಥಿ ಖ್ಹಮಾಳಿರಾಖ್ಯೊಸ್. ತುಮಾರಮ ಏಕ್‍ಜ಼ಣೂಬಿ ನಾಶ್ ನಾಹೊಣುತೆ ಅಖ್ಖುಜ಼ಣು ಪಾಪ್ನ ಮ್ಹೆಂದಿನ್ ಪಾಛು಼ ಫರಿಜಾ಼ವ್ಣುಕರಿ ಯೋ ಆಖ್ಹ್‌ಕರಸ್.

2 ಯೋಹಾ 1:1

ಸಬೇನೊ ಶಾಣಾವ್‍ಮಾಥೊ ಏಕ್‍ಜ಼ಣೊ ಹುಯಿರ‍್ಹೋತೆ ಮೆ ದೇವ್ನೆ ಚೂ಼ಣಿರಾಖ್ಯುತೆ ಖ್ಹಾಚ ಪ್ಯಾರ್‌ನಿ ಭೇನೆನಾಬಿ ಇನ ಲಡ್ಕಾನಾಬಿ ಲೀಖುಕರುಸ್ತೆ ಶಾತ್‍ಕತೊ;

ಪ್ರಕಾಶಿತ್ 14:6

ಬಿಜೇಕ್ ದೇವ್‌ನೊ ದೂತ ಆಬ್‌ನ ಇಚ಼್‌ಮ ಉಡುಕರಾನು ದೇಖ್ಯೊ. ಜ಼ಮೀನ್‌ಪರ್ ಜಿವ್‌ಕರಾತೆ ಹರೇಕ್ ಜ಼ಗ್‌ಜಾ಼ತ್‌, ಖೂಮ್‌, ಬೋಲಿ, ಅದ್ಮಿಖ್ಹಾರನ ಬೋಲಿವತಾಳಾನ ಖ್ಹಾಜೆ ಹರ್‌ಹಮೇಶಾನು ಅಛ್ಛಿ ಸಂದೇಶ್ ಇನಾಕನ ಥು.