1 ತಿಮೊ 1:9 - ದೇವ್ನಿ ಖ್ಹಾಚಿ ವಚನ್

⁹ ಆ ಖ್ಹಯಾಲ್ಮ ರಾಕ್ಣು ಕದೆಕದೇಬಿ ನಿಯಮ್ ನೀತಿವಾಳನಖ್ಹಾಜೆ ಬಣಿರ‍್ಹುಕೊಯ್ನಿ. ಕತೋಬಿ ನಿಯಮ್ನ ಪಾಲನ್‌ಕರಕೊಂತೆ ರ‍್ಹವಾಳು, ಅಪರಾದಿ ಹುಯಿರ‍್ಹವಾಳು, ಭಕ್ತಿಕೊಂತೆ ಇವ್ಣೆ, ಪಾಪಿಖ್ಹಾರಾನ, ಅಜು಼ ಪರಿಶುದ್‌ಕೊಂತೆಬಿ, ಆತ್ಮೀಕಕೊಂತೆ ರ‍್ಹವಾಳನ, ಇವ್ಣ ಆಯ ಬಾನ ಮಾರಿನಾಖಸ್ತೆ ಇವ್ಣುನ, ಅಜು಼ ಖೂನಿನ,

1 ತಿಮೊ 1:9 Iomraidhean Croise

ಮತ್ತಾಯ 10:21

ಭೈ ಉಠೀನ್ ಇನ ಶೊಂತ್‌ ಭೈಯೇನ, ಅಜು಼ ಬಾ ಉಠೀನ್ ಇನ ಶೊಂತ್‌ ಲಡ್ಕಾವ್‍ನ ಧರೀನ್, ಮರೈನಾಖಾನ ದಿನಾಕ್‌ಶೆ, ಲಡ್ಕಾ ಇವ್ಣ ಆಯ-ಬಾನಿ ವಿರೋದ್ ಉಠೀನ್, ಇವ್ಣುನ ಮರಾವ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:30

ಏಕ್ನಪರ್‌ ಏಕ್‍ ಖರಾಬ್ ಬೋಲವಾಳು ದೇವ್ನವಹೇರ್ ಕರವಾಳುಬಿ, ಖ್ಹರಮ್‍ಕಡಾವಾಳೂಬಿ ಹಂಕಾರ್‌ವಾಳೂಬಿ, ಗಬ್ಬರ್‌ಕರವಾಳು ಅಜು಼ ಬಡೈಮಾರವಾಳೂಬಿ, ಇವ್ಣೆ ಕದೇಬಿ ಖರಾಬ್ ಕಾಮ್ ಕರಾನಸ್‍ ಸೋಚವಾಳು, ಆಯಾಬಾನಿ ವಾತೆನ ನಾ ಖ್ಹಮ್‍ಜಾ಼ವಾಳೂಬಿ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:13

ಜಗತ್‍ನಾಸ್ ಹಕ್‍ದಾರ್ ಉಷೆಕರಿ ಬೋಲಾನು ವಾಗ್ದಾನ್ ಅಬ್ರಹಾಮ್ ಧರ್ಮಶಾಸ್ತ್ರನ ಪಾಡಿ ಚಾ಼ಲುಕರ್ತೊಥೋತೆ ಇನಖ್ಹಾಜೆ ಕಾಹೆ. ವಿಶ್ವಾಸ್‍ಥಿ ಆವಾತೆ ನೀತಿಹುಯಿರ‍್ಹಿಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:20

ಗಲತ್‌ ಅಖ್ಖು ಜಾ಼ಖ್ಹತ್ ಹೋತುಆಯು ಕಿಮ್ಕಿ ಧರ್ಮಶಾಸ್ತ್ರಬಿ ಇನಜೋ಼ಡೆಸ್‌ ಆಯು. ಕತೋಬಿ ಪಾಪ್ ಜಾ಼ಖ್ಹತ್ ಕಿಮ್‍ಹುಯುಕಿ, ವಾರ್‌ಖ್ಹೊಬಿ ಬಿಜೂ಼ಬಿ ಜಾ಼ಖ್ಹತ್ ಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:14

ಪಾಪ್ ತುಮಾರಪರ್ ಯಜಮಾನ್ ನಾ ಹುಯಿರ‍್ಹೇಣು, ಶನಕತೊ ತುಮೆ ಧರ್ಮಶಾಸ್ತ್ರನಿ ಅಧೀನ್‍ಮ ಕೊಯ್ನಿ, ದೇವ್ನಿ ವಾರ್‌ಖ್ಹಾನಿ ಅಧೀನ್‍ಮ ಹುಯಿರ‍್ಹಾಸ್.

ಗಲಾತ್ಯ 3:19

ಇಮ್‍ಕತೊ ಮೋಶೇನು ನಿಯಮ್‌ ಶನಖ್ಹಾಜೆ? ವಾಗ್ದಾನ್‌ಮ ವತಾಳಿರಾಖ್ಯೊತೆ ಯೊ ಆವಲಗು ದೇವ್ ಅಥ್ರಅಥ್ರಾನು ಅಪರಾದ್‌ಕರಿ ದೆಖಾಡನ ಖ್ಹಾಜೇಥಿ ಇನ ವಾಗ್ದಾನ್ ಹುಯುತದೆ ದೇವ್‌ದೂತರ್‌ಥಿ ಏಕ್‌ ಇಚ಼್‌ಮ ರ‍್ಹವಾಳನ ಹಾತ್ಮ ದಿದೊ.

ಗಲಾತ್ಯ 5:18

ಕತೋಬಿ ತುಮೆ ಆತ್ಮಾಥಿ ಚ಼ಲೈಲಾವಳ ರ‍್ಹಯಾತೊ ಧರ್ಮಶಾಸ್ತ್ರನಿ ಚ಼ಪ್ಪಣ್‌ಮ ಕೊಯ್ನಿ.

ಗಲಾತ್ಯ 5:21

ವಹೇರ್‌ ರಾಖಾನು, ಪಿಯಾನು, ಗಲಾಟ್, ಮೋಜ್‌ಮಸ್ತಿ, ಆ ಅಖ್ಖು. ಅಮ್ನು ಕಾಮ್ ಚ಼ಲಾವವಾಳು ದೇವ್ನಿ ರಾಜ್ಯನು ಹಕ್‌ವಾಳು ಕೊಉಷೆನಿಕರಿ ಮೇ ಆ ಅಗ್ಗಳ್ ಬೋಲ್ಯೊತೆ ತಿಮ್ಮಸ್ ಹಮ್ಕೇಬಿ ತುಮುನ ಝೇತಾವ್‌ಸ್‌.

ಗಲಾತ್ಯ 5:23

ಶೇದೇವ್, ದೋಭೇಡು ಅಥ್ರಾನುಸ್. ಆ ಅಖ್ಖಾನ ವಿರೋದ್‌ಥಿ ಖಿವು ಧರ್ಮಶಾಸ್ತ್ರಬಿ ಕೊಯ್ನಿ.

2 ಥೆಸ 2:8

ಯೋ ಅಧರ್ಮಿ ದೆಖಾವ್‌ಶೆ. ಪ್ರಭು ಯೇಸು ಇನ ಮ್ಹೋಡಾನು ದಮ್‌ಥೀಸ್ ಇನ ಮಾರಿನಾಕ್‌ಶೆ. ಅಜು಼ ಯೋ ಹಿಜ಼್ಜಾ ರ‍್ಹಿಶೇತೆ ಇನಖ್ಹಾಜೇಸ್ ಇನ ನಾಶ್ ಕರಿನಾಕ್‌ಶೆ.

1 ತಿಮೊ 4:7

ಕತೋಬಿ ಅಜ್ಜ ಅಜ್ಜಿ ಬೋಲಾತೆ ಲೋಕ್‌ನಿ ಖೇಣಿಯೇಥಿ ತೂ ದೂರ್‌ರ‍್ಹೇ. ಭಕ್ತಿಥಿ ರ‍್ಹವಾನ ಜಿವ್ಣನ ಚ಼ಲಾವನಖ್ಹಾಜೆ ತಾರು ತೂಸ್ ಶಿಕಿಲೆ.

1 ತಿಮೊ 6:20

ತಿಮೊಥೆ, ತುನ ಶಾತ್ ದೀರಾಖ್ಯೋಸ್ತೆ ಇನ ಜ಼ತನ್‌ಥಿ ರಾಕ್‌, ಅಜು಼ ಹೋಣುಕೊಂತೆ ವಾತೇಥಿ ಥೋಡುಜ಼ಣು ಗಲತ್‌ಥಿ ಅಕ್ಕಲ್ ಬೋಲಾಸ್ತೆ ಫಾಲ್ತು ವಾತೇಥಿ ದೂರ್ ರ‍್ಹೇ.

2 ತಿಮೊ 2:16

ಜಗತ್ನು ಹುಯಿರ‍್ಹುತೆ ಫಾಲ್ತು ವಿವಾದ್‌ಥಿ ಅಜು಼ ಭಕ್ತಿಕೊಂತೆ ವಿಚಾರ್‌ಥಿ ದೂರ್ ರ‍್ಹೇ.ಶನಕತೊ ಯೊ ವಿಚಾರ್ ಅದ್ಮಿವ್‌ನ ದೇವ್‍ಥಿ ದೂರ್ ಕರಿನಾಖಸ್.

2 ತಿಮೊ 3:2

ಅದ್ಮಿಖ್ಹಾರು ಖಲಿ ಇನಿಬಾರೇಮ ಯೊ ಸೋಚವಾಳು, ಪೈಶಾನಿಲಾಲಚ಼್‌ವಾಳು, ಬಡೈಮಾರಿಲೆವಾಳು, ಹಂಕಾರ್‌ಭರ್‍ಯು, ಮಶ್ಲ ಮಾರವಾಳು ಹುಯಿರ‍್ಹಿಶೆ. ಅಜು಼ ಆಯ-ಬಾನ ಚಾ಼ವ್‌ಣ್ಯ ಕಾಡವಾಳೊ ಅಪವಿತ್ರ ಹುಯಿರ‍್ಹೋಸ್. ದೇವ್‌ನೊ ಡರ್‌ಕೊಂತೆ,

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:10

ಕೈಯೆಕ್ಕಿ ಜ಼ಣು ಖಾಲಿವಾತೆವಾಳು, ಠಗಾವವಾಳು ಅಜು಼ ಗಲಾಟ್ ನಾಖವಾಳು ಹುಯಿರ‍್ಹೂಸ್. ಅಮ್ ವಿಶ್ವಾಸ್‌ ಕರಾವಾಳಾಮ ಘಣು ಅದ್ಮಿ ಯೆಹೂದ್ಯರ್‌ವಾಳುಸ್ ಹುಯಿರ‍್ಹೂಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:16

ಇವ್ಣೆ ದೇವ್ನಿ ಬಾರೇಮ ಪರ್ಖಿರಾಖ್ಯಸ್ ಕರಿ ಬೋಲಿಲೆಸ್. ಕತೋಬಿ ಇವ್ಣೆ ಹುಕುಮ್ನ ನಾಮಾನವಾಳು ಹುಯಿನ್ ಗಂಧು ಕಾಮ್ ಕರಾವಾಳು, ದೇವ್ನ ಅಜು಼ ಖಿವು ಅಛ಼್ಛುಕಾಮ್ ಕರಾನಬಿ ಲ್ಹಾಯಕ್ ಕೊಯ್ನಿ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:6

ಸಬೇನೊ ಮೋಟೊ ರ‍್ಹವಾಳೊ ನಿರ್ದೋಷಿ ಹುಯಿರ‍್ಹೇಣು, ಇನ ಎಕ್ಕಸ್ ಬಾವಣ್‍ ರ‍್ಹೇವ್ಣು, ಇನ ಲಡ್ಕಾ ವಿಶ್ವಾಸಿ ಹುಯಿರ‍್ಹೇಣು,ಅಜು಼ ಇವ್ಣೆ ಖರಾಬ್ ರ‍್ಹವೊ, ಲಗಾತಿರ‍್ಹೇವೊ ನಾ ಹುಯಿರ‍್ಹೇಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

ಇಬ್ರಿ 11:31

ವಿಶ್ವಾಸ್‌ಥೂತೆ ಖ್ಹಾಜೆಸ್ ರಾಹಾಬ ಕರಿ ಶೂಳೆನೆ ಚೋ಼ರೇಖ್ಹು ಖಬರ್‌ದ್ಯವಾಳೊ ಸಮಾಧಾನ್‌ಥಿ ಮದತ್‌ಕರಿ ರಾಖಿನ್ ಅವಿಶ್ವಾಸಿನ ಜೋ಼ಡ್ಮ ನಾಶ್ ಕೊಹುಯಿನಿತೆ ಬಚಿಗಯ್.

ಇಬ್ರಿ 12:16

ಖಿವು ಪಾಪೇಲು ರ‍್ಹವೊ, ಕೋಣ್‌ಬಿ ಏಸಾವನಿತರಾನೊ ಲೋಕ್‍ವಾಳನಿತರ ರ‍್ಹವೊ ಧರಮ್‌ಮೀರಿನ್ ಚಾ಼ಲವಾಳು ತುಮಾರಮ ನಾರ‍್ಹೇವ್ಣುತೆ ಜ಼ತನ್‌ಥಿ ರ‍್ಹವೊ. ಯೊ ಏಸಾವನೆ ಏಕ್‌ ವಖ್ಹತ್‌ನ ಖಾಣಾನಖ್ಹಾಜೆ ಇನಿ ಪೈಲ್ಹೊಟಾನಿ ಹಕ್ನ ವೇಚಿನಾಖ್ಯೊ.

1 ಪೇತ್ರ 2:7

ಹಮ್ಕೆ ವಿಶ್ವಾಸ್ ಕರವಾಳ ತುಮೂನ ಯೋ ಘಣ ಮೋಲ್ನೊ ಹುಯಿರ‍್ಹೊಸ್ ಕತೋಬಿ ವಿಶ್ವಾಸ್‌ಕರ‍್ಯುಕೊಂತೆ ಇವ್ಣುನ, “ಘರ್ ಭಾಂದಾವಾಳು ಝಿಟ್ಕಾರ‍್ಯೊಹುಯೊ ಬಂಡೊಸ್ ಘಣು ಮುಖ್ಯ ಕೋಣಾನೊ ಬಂಡೊ ಹುಯೊ”.

1 ಪೇತ್ರ 3:20

ಕತೊ ಅಗ್‍ಲ್ಯ ಹಗಾಮ್ಮ ನೋಹ ಜ಼ಹಾಜ಼್‌ ಭಾಂದಾನಿ ವಖ್ಹತ್‌ಮ ದೇವ್ ದೀರ್ಘಶಾಂತಿಥಿ ಟಿವೈರ‍್ಹವಾನಿ ವಖ್ಹತ್‌ಮ ಇವ್ಣೆ ಇನ ಅವಿಧೇಯ ಹುಯಿರ‍್ಹುಥು. ಯೋ ಜ಼ಹಾಜ಼್‍ಮ ಥೂತೆ ಆಟ್ ಅದ್ಮಿ ಖಲಿ ಪಾಣಿಮಾಥು ಬಚ್ಯು.

1 ಪೇತ್ರ 4:18

ನೀತಿನ ಅದ್ಮಿವೊ ರಕ್ಷಣೆ ಲ್ಯವಾನು ಲತಾಡ ಹುಯೂತೊ ಭಕ್ತಿಕೊಂತೆ ಇನಾಬಿ ಅಜು಼ ಪಾಪಿನ ರಕ್ಷಣೆ ಲ್ಯಾವಾನು ಕಿಮ್? ಕರಿ ವಚನ್‌ಮ ಲೀಖೈರ‍್ಹುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:15

ಪ್ರಭು ಹರೇಕ್‌ಜ಼ಣಾನ ನ್ಯಾವ್‌ಫೇಡವನಾಬಿ, ಇವ್ಣಾಮ ಬಿಣ್‍ಭಕ್ತಿವಾಳು ವಿರೋದ್‌ಕರ‍್ಯೂತೆ ಖ್ಹಾರುಸ್ ಖರಾಬ್‍ಕಾಮ್ನ ಅಜು಼ ಪಾಪಿಖ್ಹಾರು ಇನ ವಿರೋದ್‌ಹುಯಿನ್ ಬೋಲ್ಯುತೆ ವಾತೆನಿ ಬಾರೇಮ ಖ್ಹಾರಸ್ನ ದೋಷಿಕರಾನ ಒಳ್ಯೊಆವಸ್‌ಕರಿ ಪ್ರವಾದನೆ ಕರ‍್ಯೊ,

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.

ಪ್ರಕಾಶಿತ್ 22:15

ಕತೋಬಿ ಕುತ್‌ರ‍್ಯಾವ್‌ನಿತರ ರ‍್ಹವಾಳುಬಿ, ಜಾ಼ದು ಕರವಾಳುಬಿ, ವ್ಯಬಿಚಾರ್ ಕರವಾಳುಬಿ, ಖೂನಿಖ್ಹಾರುಬಿ, ಮೂರತ್ನ ಖ್ಹಲಾಮ್ ಕರಾವಳುಬಿ, ಝೂ಼ಟಾನ ಪ್ಯಾರ್‌ಕರೀನ್ ಚಾ಼ಲವಾಳು ಅಜು಼ ಬೋಲವಾಳು ಯೊ ಖ್ಹಯೇರ‍್ನ ಭಾರ್‌ ರ‍್ಹಿಶೆಕರಿ ಬೋಲ್ಯೊ.